Connect with us

កម្មវិធី​ពិសេសៗសម្រាប់​ចុង​សប្ដាហ៍​នេះ​

មគ្គទេស​ចុង​សប្ដាហ៍

កម្មវិធី​ពិសេសៗសម្រាប់​ចុង​សប្ដាហ៍​នេះ​

កម្មវិធី​ពិសេសៗសម្រាប់​ចុង​សប្ដាហ៍​នេះ​

សិល្បៈ​, ជប់លៀង, តន្ដ្រី, សិល្បៈ​, ជប់លៀង, តន្ដ្រី ជា​ច្រើន​សម្រាប់​ថ្ងៃ​សម្រាក​ចុង​សប្ដាហ៍​នេះ អីចឹង​ដឹង​តែ​សប្បាយ​ទៀត​ហើយ​​

ថ្ងៃសុក្រ

 

មាន​អ្វី​ដាក់​បញ្ចាំង?

 

តារា​សម្ដែង​ជើង​ចាស់ Nicolas Cage បាន​ត្រលប់​មកវិញ​ជាមួយ​នឹង​ភាពយន្ត​ថ្មី​មួយ​រឿង បន្ទាប់​ពី​បាត់​ខ្លួន​មួយ​រយៈ​ខ្លី? ពេល​នេះ​លោក​បាន​បង្ហាញ​ខ្លួន​នៅ​ក្នុង​រឿង  Primal ដោយ​ចំណង​ជើង​គឺ​ដូច​ជាទំនង​ ប៉ុន្តែ​សម្រាប់​អ្នក​វិភាគ​រឿង​វិញ​ ដូ​ច​ជា​មិន​សូវ​ជា​ពេញ​ចិត្ត​ប៉ុន្មាន​នោះ​ទេ។ បើ​ចង់​ដឹង​ថា​ភាព​យន្ត​នេះ Nicolas ដើរ​តួ​ជា​តួអង្គ​បែប​ណា​ កុំភ្លេចចូល​រួម​ទស្សនា​។ ចាប់​ពី​ម៉ោង​ ៦កន្លះ​ល្ងាច​នៅ​ Major Cineplex វិថី សុធារស។

 

ទស្សនា​វីដេអូ​ Trailer ខាង​ក្រោម៖

 

 

វិទ្យាស្ថាន​ភាសា​បារាំង​ នឹង​ចាប់​ដាក់​បញ្ចាំង​រឿង  Corniche Kennedy ដែល​បង្ហាញ​ពី​សេចក្ដី​ស្នេហា​និង​មនោសញ្ជេតនា សម្រាប់​ជន​ដែល​មាន​វ័យ​ស្រករ​ទើប​តែ​ដឹង​ក្ដី។ និយាយ​ជា​ភាសា​បារាំង​ ប៉ុន្តែ​មាន​អក្សរអង់គ្លេស​ជា Subtitles។ ចាប់​ពី​ម៉ោង ៧យប់​នៅ វីទ្យាស្ថាន​ភាសា​បារាំង ផ្លូវ​លេខ ១៨៤។​

 

មាន​អ្វី​នៅ​លើ​ឆាក​សម្ដែង?

 

ក្រុម​ល្ខោន​សប្បុរសធម៌​ Phnom Penh Players បាន​ត្រលប់​មក​វិញ​សម្រាប់​រឿង Panto ដែល​មាន​លក្ខណៈ​ពិសេស​សម្រាប់​បុណ្យ​ណូអែល។ ឆ្នាំ​នេះ​ពួក​គេ​បាន​លើក​យក​សាច់​រឿង​ Cinderella មក​ដាក់​បង្ហាញ​ ដោយពោរពេញ​ទៅ​ដោយ​ ភាពរំភើប​ កំប្លែង​ ដោយ​និយា​យ​ជា​ភាសា​អង់គ្លេស​។ ល្ខោន​នេះ​គឺ​ពិសេស​សម្រាប់​ក្មេង​តូច​ៗ ដោយ​ពោរពេញ​ទៅ​ដោយ​ការ​តុបតែង​តុក្កតា​ផ្សេងៗ។ ចាប់​ពី​ម៉ោង ៧ល្ងាច​ត​ទៅ​សម្រាប់​ថ្ងៃ សុក្រ សៅរ៍​ និង​អាទិត្យ​នៅ រោង​ល្ខោន​ Dept. of Performing Arts Theatre ផ្លូវ​លេខ ៣៨៤។  

 

ប្រសិន​ជា​អ្នក​ចង់​ចូលរួម​ស្ដាប់​នូវ​​តន្ដ្រី​សម្ដែង​ផ្ទាល់​ អ្នក​អាច​ទៅ​កាន់​ម្ដុំ​បឹងកេងកង​១ និង​បាសាក់ឡេន គឺ​ធានាថា​ដឹង​តែ​មិន​ខ្វះ​តែ​ម្ដង។

 

Farm to Table នឹង​មានការ​សម្ដែង​ពីក្រុមច​ម្រៀង ហ្សាស​ពីររូប​ហៅ​ថា Riannon Johnson Duo ដោយ​ Riannon នឹង​លើក​យក​ចម្រៀង​ចង្វាក់​នេះ​មក​សម្ដែង​ខណៈ​ដែ​លលោក Arone Silverman ជា​អ្នក​លេង​ភ្លេង​សម្រាប់​ការ​សម្ដែង​នេះ។ ចាប់​ពី​ម៉ោង ៦កន្លះ​ដល់ ៩កន្លះ​នៅ Farm to Table ផ្លូវ​លេខ ៣៦០។ នៅ ​ Bodleian នឹង​មាន​កម្មវិធី Friday Fizz ដោយ​មាន​ការ​ចូលរួម​សម្ដែង​ពី​ក្រុមច​ម្រៀង​ The Box Chord ដោយ​ពួក​គេ​នឹង​សម្ដែង​បទ​ចម្រៀង​ជា​លក្ខណៈ​​​ Cover ជា​ច្រើន​បទ​ ចាប់​ពី​ម៉ោង ៨ដល់​ ១១យប់​នៅ​ Bodleian  ផ្លូវ​ ២៨៨។ ​​Bassac Lane​ នឹង​ស្វាគមន៍​ការ​ត្រលប់​មក​វិញ​ចំពោះ​ការ​សម្ដែង​ពី Havana King ដែល​ទស្សនិកជន​នៅ​ទី​នោះ​ពេញ​ចិត្តជា​ខ្លាំង ​រាល់​ការ​សម្ដែង​របស់​ពួក​គេ​។ ការ​សម្ដែង​នេះ​នឹង​ចាប់​ផ្ដើម​ពី​ម៉ោង ៩​យប់​ដល់​ពាក់​កណ្ដាល​អាធ្រាត្រ​នៅ Bassac Lane ផ្លូវ​លេខ ៣០៨។ ​នៅ​ក្បែរ​នោះ​ដែរ Party Patio នឹង​មាន​កម្មវិធី​ចាក់តន្ដ្រី​បែប អេឡិចត្រូនិក​ពី DJ Inee និង Kaza​​ សម្រាប់​តន្ដ្រី​តិចណូ​ហៅ​ថា “Mentor & Pupil”។ ចាប់​ពី​ម៉ោង ៩យប់​ដល់​ ១យប់​នៅ Party Patio ផ្លូវ​លេខ ៣០៨។ LF Garden ឯណោះ​វិញ​ ទីតាំង​នៅ​ Bassa Lane ដដែល​នឹង​មាន​ការ​សម្ដែង​ពី ​ Clara និង Charlie ច្រៀង​បទ​មនោសញ្ជេតនា​ជាមួយ​ឧបករណ៍​ភ្លេង​ហ្គីតា Acoustic និង Cello ចាប់​ពីម៉ោង ៨ ដល់ ១១ យប់​នៅ LF Garden ផ្លូវ​លេខ ៣០៨។ ចុង​ផ្លូវ​ឯណោះ​វិញ​នៅ Cloud នឹង​មាន​កា​រសម្ដែង​ពី​ក្រុម​ចម្រៀង​រ៉ុក​ដល់ ​ទៅ ៧ ក្រុម​ឯណោះ​។ ក្រុម​ខ្លះ​សម្ដែង​តែ ២ ឬ​ ៣ បទ ប៉ុន្តែ​ក្រុមខ្លះ​ក៏នឹង​សម្ដែង​ច្រើន​បទ​ផង​ដែរ។ ចាប់ពី​ម៉ោង ៧ល្ងាច​ដល់ ១យប់នៅ Cloud ផ្លូវ​លេខ ៩។

​  

មាន​អ្វី​ទៀត?

 

ថ្នាក់​ពី​ Sa Sa Art Projects សម្រាប់​ឆ្នាំ​ ២០១៩ នឹង​មាន​ការ​ដាក់​តាំង​ពិពរណ៌​ស្នា​ដៃ​រាត្រី​នេះ​ សម្រាប់​ដាក់តាំង​សមិទ្ធផល​ក្នុង​រយៈ​ពេល​ ៥ខែ​កន្លង​មក​នេះ​។ អ្នក​សិល្បៈ​ដល់​ទៅ ១១រូប​ នឹង​ដាក់​តាំង​រូប​ថត​ដែល​ពួក​គេ​ ថត​ឡើង​បង្ហាញ​ក្នុងប្រធានបទ​ផ្សេង​ៗគ្នា​​ ដែល​គិត​ថា​សំខាន់​សម្រាប់​ពួក​គេ​ក្នុង​នោះ​មាន​ដូច​ជា គ្រួសារ​ បរិស្ថាន​ និង​បទ​ពិសោធន៍ផ្ទាល់​ខ្លួន​ជា​ដើម។ ចាប់​ពី​ម៉ោង ៦ដល់​ ៨​ នៅ Sa Sa Art Project ផ្លូវ​លេខ ៣៥០។

 

Le Moon Terrace Bar នៅ​ម្ដុំ​មាត់​ទន្លេ​នឹង​មាន​កម្មវិធីជប់លៀង “Destination Parties” ជាកម្មវិធី​ប្លែក​មួយ​ដែល​លើក​នេះ​ គេ​នឹង​ផ្ដោត​សំខាន់​ទៅ​លើ​ការ​ជប់​លៀង​បែប​ម៉ិចសិក “La noche Mexicana”។ អីចឹង​បើ​សិន​ជា​ចង់​ញ៉ាំ Taco ស្រា Tequila, Cocktails អីចឹងគឺ​ត្រូវ​តែ​ម្ដង។ ចាប់​ពី​ម៉ោង ៥ដល់ ១១កន្លះ​យប់​នៅ Le Moon Terrace Bar ផែស៊ីសុវត្ថិ។ 

 

មាន​អ្វី​នៅ​យប់​ជ្រៅ?

 

កម្មវិធី​ជប់​លៀង​បែប Underground គឺ​ Cubik នឹង​ត្រលប់​មក​វិញ​សម្រាប់​ខែធ្នូលើក​នេះ​នឹង​ធ្វើ​ឡើង​នៅ Heart of Darkness ដោយ​មាន​ DJ ចំនួន​ ៤រូប​ប្ដូរ​វេន​គ្នា​ចាក់​ភ្លេង​កំដរ​ចង្វាក់​ Techno, House និង drum & bass ពី Moudy, Dalah, Nora Haidee និង DJ Sequence។ ពីដោរ​ នឹង​ជា​អ្នក​ចាត់​ចែង​ក្នុង​ការ​គូរ​មុខ សំបុត្រ​ចូលរួម​គឺ​ដោយ​ឥតគិតថ្លៃមុន​ម៉ោង ១១យប់ ហើយ​មាន​តម្លៃ ៦ដុល្លារ​បន្ទាប់​ពី​នោះ។ ចាប់​ពី​ម៉ោង ១០យប់​ដល់ ៤ទៀបភ្លឺ​នៅ Heart of Darkness ផ្លូវ​លេខ ៥១។  

 

DJ Mei សញ្ជាតិចិន​មាន​ឈ្មោះ​ហៅ​ក្រៅ​ថា Temple Rat នឹង​មក​ចាក់​ភ្លេង​នៅ Meta House ល្ងាច​នេះ​​ដោយ​នាំ​យក​ស្ទីល​តន្ដ្រី​បូករួម​ជាមួយ​នឹង​ឧបករណ៍ភ្លេង​តន្ដ្រី​ប្រពៃណី​ចិន ហៅ​ថា Erhu។ ជាមួយ​នឹង​ DJ ប្រចាំ​ DJ L~N ចាក់​ភ្លេង​បែបទស្សវត្ស​ទី ៩០ និង​អាស៊ីត​។ ល្ងាច​នេះ​អ្នក​មិន​គួរ​រំលង។ នៅ Meta House ផ្លូវ ១៧៨ ចាប់​ពី​ម៉ោង ៨យប់​ដល់​ម៉ោង ២ ទៀប​ភ្លឺ។   

 

 

ថ្ងៃ​សៅរ៍

 

មាន​អ្វី​លើ​ឆាក​សម្ដែង?

 

Funk the Bar ជាកម្មវិធី​ពិសេស​មួយ​សម្រាប់​ ប្រមូល​ផ្ដុំ​អ្នក​សិល្បៈ អ្នក​រៀប​ចំកម្មវិធី​និង​ DJ ជា​ច្រើន​ទូទាំង​ពិភពលោក។ សម្រាប់​រាត្រី​ថ្ងៃ​សៅរ៍​នេះ​នៅ ​ The Hangout ម្ដុំទួលទំពូង​​នឹងមាន​ការ​ចូលរួម​សម្ដែង​ពី DJs Shagzy, Niko Yu និង Bree ខណៈ​ឯ​ DJ ជា​ច្រើន​ទៀត​នឹង​ប្រារព្ធ​កម្មវិធី​នេះ​ដូច​គ្នា​នៅ​ទីតាំង​ជា​ច្រើន​ទូទាំង​ពិភពលោក។ ចាប់​ពី​ម៉ោង ៧ល្ងាច​ដល់ ២យប់​នៅ The Hangout ផ្លូវ​ ៤៧៦។    ​ 

 

ក្រុមច​ម្រៀង​បុរស​សង្ហា​រ​ Goldilocks Zone និង Psykic Elektric នឹង​ត្រលប់​មក​សម្ដែង​រាត្រី​នេះ​នៅ Alchemy សម្ដែង​ទាំង​ពីរ​ក្រុម​ក្នុង​ពេល​តែ​មួយ។ សម្រាប់​ក្រុម Goldilocks Zone តន្ដ្រី​ពួក​គេ​មាន​លក្ខណៈ​ស្រដៀង​នឹង​ “Hot Pink Chili Peppers” ខណៈ​ឯ Psykic Elektric មាន​លក្ខណៈ​ដូច​ជា​ តន្ដ្រី​មក​ពី​ទស្សវត្ស​ទី ៨០​, funk និង New Wave។ ចាប់​ពី​ម៉ោង​ ៨ដល់ ១១យប់​នៅ Alchemy Gastropub ផ្លូវ​លេខ ១២៣។ 

 

ប្រសិនជា​ខក​ខាន​មិន​បាន​ចូលរួម​កម្មវិធី​កាល​ពី​យប់​មិញ​ ដែល​ DJ មកពី​ទីក្រុង​ Chengdu នឹង​សម្ដែង​ម្ដង​ទៀត​នៅ Azure ម្ដុំ​ទួលទំពូង​វិញ​ម្ដង ជាមួយ​នឹង​ DJ L~N។ ចាប់ពីម៉ោង ៥​ល្ងាច​ដល់​ពាក់កណ្ដាល​អាធ្រាត្រ​នៅ Azure ផ្លូវ​លេខ ១២៣។  

 

កម្មវិធី​ជប់លៀង​លើក​ទី​ ៦​នៃ Psynovation នឹង​ត្រលប់​មក​វិញ​រាត្រី​នេះ​នៅ  Party Patio ជាមួយ​នឹង​ការ​ចាក់​ភ្លេង​ពី DJs Dalah និង Toke។ ចាប់​ពី​ម៉ោង ៩យប់​ដល់ ១ទៀប​ភ្លឺ​​នៅ Party Patio ផ្លូវ​លេខ ៣០៨។ 

 

មាន​អ្វី​ដាក់​បញ្ចាំង?

 

តើ​អ្នក​គួរ​តែ​ធ្វើ​បែបណា​ បើ​សិនជា​ជា​អ្នក​មាន​អាយុ​ត្រឹម​តែ​៦ឆ្នាំ​ហើយ​ត្រូវ​គេ​ដាក់​នៅ​ក្នុង​គុក​ ដែល​មិន​ត្រូវ​គេ​ដឹង​ថា​គុក​នេះ​គឺ​ពិត​ជា​មាន​ពិត​មែន​ឬអត់? Camp 32 ដាក់​បញ្ចាំង​នៅ មជ្ឈមណ្ឌល​បុប្ផាណា​ និយាយ​អំពី​ក្មេង​ម្នាក់​ ដែល​ឥឡូវ​នេះ​ធំពេញ​វ័យហើ​យ​ត្រលប់​ទៅ​កាន់​ទីកំណើត​វិញ ដើម្បី​ស្វែង​យល់​ពី​អតីតកាល​របស់​ខ្លួន។ ចាប់​ពី​ម៉ោង ៥​ដល់ ៦កន្លះ​ល្ងាច​នៅ ​មជ្ឈមណ្ឌល​បុប្ផាណា ផ្លូវ​លេខ ២០០។

 

នៅ CKCC នឹង​មាន​កម្មវិធី​ “Mekong Film and Outreach Festival” សម្រាប់​ដាក់​បង្ហាញ​ពី​អ្វី​គ្រប់​យ៉ាង​សំខាន់​នៃ​ទន្លេ​មេគង្គ​ ដោយ​មាន​ទាំង​ការ​លេង​ល្បែង​កម្សាន្ត​ សុន្ទរកថា​និង​ការ​សម្ដែង​ផ្សេងៗ។ ចាប់​ពី​ម៉ោង ៨ព្រឹក​ដល់​ ៥​ល្ងាច​នៅ CKCC ផ្លូវ​លេខ ៥៩៨។

 

មាន​អ្វី​ទៀត?

 

ដើម្បី​ជា​កិត្តិយស​នៃ​ថ្ងៃ​បុណ្យ​សិទ្ធិ​មនុស្ស​នៅ​ថ្ងៃ​អង្គារ​នេះ កម្មវិធី​ពីរ​ធំៗនឹង​ដាក់​ឲ្យ​ចូលរួម​ជា​សាធារណៈ។ SWSB ក្រុម​តូច​នឹង​សម្ដែង​នៅ Olympic Stadium បូករួម​នឹងតារា​ផ្សេង​ៗទៀត​ ដោយ​មាន​ការ​សម្ដែង​និង​ចែក​អាវយឺត​ផង​ដែរ។ ចាប់​ពីម៉ោង ២ដល់​៩យប់​នៅ ស្ដាត​អូឡាំង​ពិក។  Futures Factory នឹង​ផ្ដល់​កិត្តិយស​ដល់ សហគមន៍ LGBTIQ រៀប​ចំ​កម្មវិធី​មួយ​ហៅ​ថា ជម្រក​ដ៏កក់​ក្ដៅ​ ដោយ​មាន​ការ​ចូលរួម​សម្ដែង​ជា​ច្រើន​ពី Queer Artists ដូច​ជា Sinora Roath, Sambo, Heang ការ​សម្ដែង​ពី Drag Queens និង​ច្រើន​ទៀត។ ចាប់​ពី​ម៉ោង ៣ដល់ ៧យប់​នៅ Futures Factory ផ្លូវ​លេខ ១៣។  

 

នៅ 5 Drunk Men នឹង​មាន​កម្មវិធី​ Jungle on My Mind ដាក់​បង្ហាញ​ពី រូបថត​និង​គំនូរ​ក្នុង​លក្ខណៈ​ជា សុប្បរសធម៌​ ផ្ដល់​ទៅ​កាន់​សហគមន៍​អ្នក​អភិរក្ស​សត្វ​ព្រៃ​នៅ Koh Kong។ អ្នក​ជំនាញ​ថតរូប Miguel Jeronimo នឹង​ដាក់​បង្ហាញ​នូវ​ពិពរណ៌​រូបថត ក្នុង​យុទ្ធនាការ​ប្រឆាំង​នឹង​អ្នក​ជួញ​ដូរ​សត្វ​ព្រៃ​ នៅភូមិ​ជីផាត់។ ចាប់​ពី​ម៉ោង ៦​ដល់ ១១កន្លះ​អាធ្រាត្រ​នៅ 5 Drunk Men ផែស៊ីសុវត្ថិ។  ​​

 

Himawari Hotel Apartments នឹង​មាន​កម្មវិធី​ជប់លៀង​គ្រីស្តមាស​ ថ្ងៃ​នេះ​និង​ថ្ងៃស្អែក ដោយ​បើក​ឲ្យ​ចូលរួម​ពី​សំនាក់​សាធារណជន ដើម្បី​បង្ហាញ​ពី​អាហារ​អាស៊ី​និង​ផលិតផលទំនិញ ពីអង្គការ​ក្រៅ​រដ្ឋាភិបាល​ក្នុង​ស្រុក។ ក្នុង​នោះ​ក៏មាន​ការ​ច្រៀង​ចម្រៀង​ Carol ពិសេស​ម្រាប់​រដូវ​គ្រីស្តម៉ាស និង​ការ​ថតរូប​ជាមួយ​លោក​តា​ណូអែល​ជា​ដ់ើម។ ចាប់​ពី​ម៉ោង ១១ព្រឹក​ដល់ ៧យប់​នៅ ថ្ងៃ​សៅរ៍​និងអាទិត្យ​នៅ ​ ​Himawari Hotel Apartments ផែស៊ីសុវត្ថិ។ 

 

 

សម្រាប់​អ្នក​នៅ​ម្ដុំ​បាសាក់ឡេន ហើយ​អត់​ទាន់​គម្រោង​សម្រាប់​ដើរ​លេង​ទៅ​ណា អាច​មក​កាន់ Cloud ដើម្បី​ចូលរួម​កម្មវិធី​ច្រៀង​បទ គ្រីស្តម៉ាស​ ផ្សេង​ៗក៏ដូច​ជា​រាំកម្សាន្ត​ទៅ​កាន់​បទ​ចម្រៀង​ចាស់​ៗល្បី​ៗ សម្រាប់រដូវ​កាល​នេះ ចាប់​ពី​ម៉ោង ៨ដល់ ១១យប់​នៅ Cloud ផ្លូវ​លេខ ៩។

 

 

ថ្ងៃ​អាទិត្យ

 

មាន​អ្វី​ដាក់​បញ្ចាំង?

 

ខណៈ​ពេល​ដែល​រឿង​ភាគ​ល្បី​ខ្លាំង​ប្រចាំ​ចក្រភពអងគ្លេស Downton Abbey បាន​មក​ដល់​ទី​បញ្ចប់​បន្ទាប់​ពី​បញ្ចេញ​ដល់​ទៅ ៦​រដូវកាល​។ រឿង​ភាគ​នេះត្រូវ​បាន​គេ​ចូលរួម​ទស្សនា​ដល់​ទៅ ១០លាន​អ្នកឯណោះ​ទាំង​នៅ​សហរដ្ឋ​អាមេរិក​និង​ទូទាំង​ពិភពលោក។ ឥឡូវ​រឿង​ភាគនេះ​​បាន​បង្ហាញ​ខ្លួន​ជា​រឿង​បែប​ខ្លី​តែ​មួយភាគ​ក្ដោបក្ដាប់​សាច់រឿង​ទាំងស្រុង។ ចាប់​ពីម៉ោង ៣និង១៥នាទី​រសៀល​នៅ The Flicks ផ្លូវ​លេខ ៩៥។

 

មានអ្វីទៀត?

 

 

នៅ​ឯក្បាច់​ម្ដុំ The Factory ឯណោះ​វិញ​នឹង​មាន​កម្មវិធី KBach Arts at the Factory សម្រាប់​ប្រកាស​លទ្ធផល​នៃ​អ្នក​សិល្បៈ​គំនូរ​ដែល​នឹង​ទទួលជ័យជម្នះ​សម្រាប់​ការ​ប្រកួត​ប្រចាំ​ឆ្នាំ ២០១៩ នេះ។ ក្នុង​នោះ​នឹង​មាន​ការ​សម្ដែង​ផ្សេង​ៗ ដូច​ជា ក្បាច់រាំ Break Dance, ការ​និយាយ​កាព្យ​ឃ្លោង​ ជា​ដើម​។ ចាប់​ពី​ម៉ោង ១២ថ្ងៃ​ត្រង់​ ដល់ ១០យប់​នៅ The Factory ផ្លូវ​ជាតិ​លេខ ២។​​

 

មាន​អ្វី​លើ​ឆាក​សម្ដែង?

 

Dance Academy Cambodia នឹង​មាន​កម្មវិធី​សម្ដែង​ជប់​លៀង​ចុងឆ្នាំ ហៅ​ថា The Nutcracker ដោយ​មានការ​រាំ​របាំង​បាឡេ​ពី​ក្មេង​ៗ និង​មា​ន​ការ​សម្ដែង​ចម្រៀង​ពី​លោក Felix Sia ផង​ដែរ។ ចាប់​ពី​ម៉ោង ៣កន្លះ​ដល់ ៧យប់​នៅ មហោស្រព​ចេនឡា ផ្លូវ​ម៉ាសេទុង។

 

សម្រាប់​អ្នក​ចូល​ចិត្ត​ចម្រៀងបែប Choir រដូវ​កាល​គ្រីស្តម៉ាសទៅ​កាន់ ​​Botanico ដោយ​នឹង​មាន​ការ​សម្ដែង​ពី​សំណាក្រុម​ Choir ពីររូប​គឺ Antonio និង Justin ច្រៀង​ចម្រៀង​រដូវ​កាល​នេះ​ឲ្យ​អ្នក​ចូលរួម​ស្ដាប់​កម្សាន្ត។ ចាប់​ពី​ម៉ោង ៤ដល់ ៧ យប់​នៅ Botanico Wine & Beer Garden ផ្លូវ​លេខ ២៩។

 

Continue Reading
You may also like...
Click to comment

Leave a Reply

More in មគ្គទេស​ចុង​សប្ដាហ៍

You Might Like…

អត្ថបទ​សំខាន់​​ និង​ កិច្ចស​ម្ភាសន៍​ផ្សេងៗ

ជួបជាមួយជើងខ្លាំងដែលអ្នកមិនធ្លាប់លឺពីមុនមក គឺអ្នកស្រី សយស្រស់

By ខែ​មិថុនា 15, 2020

Our Writers

Facebook

Take Me To…

To Top