Connect with us

គួរ​តែ​ធ្វើ​អ្វី​ចុង​សប្ដាហ៍​នេះ?

មគ្គទេស​ចុង​សប្ដាហ៍

គួរ​តែ​ធ្វើ​អ្វី​ចុង​សប្ដាហ៍​នេះ?

គួរ​តែ​ធ្វើ​អ្វី​ចុង​សប្ដាហ៍​នេះ?

សិក្ខាសិលា​ផ្សេងៗ បូករួម​ទាំង​ការ​ដាក់​បញ្ចាំង​ភាពយន្តជា​ច្រើន ព្រមទាំង​តដ្ដ្រី​រាំ​កម្សាន្ត​ច្រើនកន្លែង ចុងសប្ដាហ៍នេះ​នៅ​ភ្នំពេញ​នឹងមិន​អផ្សុកទេ

ថ្ងៃសុក្រ

 

ភាពយន្ត

 

ផលិតករ​ភាពយន្ត​វ័យក្មេង​៦រូប​ នឹង​បង្ហាញ​ពី​ស្នាដៃ​របស់​ខ្លួននៅ​មជ្ឈមណ្ឌល​បុប្ផាណា ​តាម​រយៈ​កម្មវិធី​មួយ​ដែល​ផ្ដួច​ផ្ដើម​ផលិត​ដោយ​ អ្នក​ដឹក​នាំ​ធ្លាប់​ឈ្នះពាន​រង្វាន់​លោក រិទ្ធី​ ប៉ាន់។ កម្មវិធី​ភាពយន្ត​មួយ​ដុល្លារ​ នឹង​មាន​ដាក់​បង្ហាញ​នូវ​រឿង​រ៉ាវ​ ពាក់ព័ន្ធ​នឹង​វប្បធម៌កម្ពុជា រាប់​បញ្ចូល​ទាំង​​ប្រវត្ត​សាស្ដ្រ​ ការ​ផ្លាស់​ប្ដូរ​របប​សង្គម​ បញ្ហា​បរិស្ថាន និង​ សិល្បៈ​វប្បធម៌​ផ្សេងៗជា​ដើម។​ ភាពយន្ត​ដាក់​បញ្ចាំង​ជា​ភាសា​ខ្មែរ។ ចាប់​ពី​ម៉ោង ៦កន្លះ​ល្ងាច​ដល់​ម៉ោង ៨កន្លះ​យប់​នៅ ​មជ្ឈមណ្ឌល​បុប្ផាណាផ្លូវ​លេខ ២០០។

​ ​

Motherless Brooklyn ជាភាពយន្ត​ផលិត​ឡើង​ដក​ស្រង់​ចេញ​ពី​សៀវ​ភៅ​ដែល​មាន​ចំណង​ជើង​ដូច​គ្នា និយាយ​អំពី​រឿង​រ៉ាវបែប​ស៊ើប​អង្គេត​ចម្លែក​មួយ​ ផ្ដោត​ទៅ​លើ​តួ​ឯក​ដែល​មាន​ជំងឺ Tourette’s Syndrome។ រឿង​​នេះនិយាយ​អំពី​ អ្នក​រស់​នៅ​ម្ដុំ​ Brooklyn និង New York ស្វែង​រក​ឃាត​ករ​សម្លាប់​មិត្ត​ភក្តិ​របស់​ខ្លួន។ ចាប់​ពីម៉ោង ៨កន្លះ​ល្ងាច​នៅ The Flicks ផ្លូវ​លេខ ៩៥។

 

ឱកាស​ពិសេស

 

Cloud បាន​រៀប​ចំ​កម្មវិធី​ពិសេស​ដើម្បី​អបអរ​ខួប​គម្រប់​បួន​ឆ្នាំ​របស់​ខ្លួន ដោយ​មាន​កម្មវិធី​សិល្បៈ​ជា​ច្រើន​ត្រៀម​សម្រាប់​យប់​ថ្ងៃសុក្រ​នេះ។ ក្នុង​នោះ​ក្រុម​ចម្រៀង​បែប Indie, Simoun នឹង​សម្ដែង​ បន្ទាប់​មក​ចូលរួម​សម្ដែង​ដោយ​​ Checkered Past ដែល​បាន​ស្ទីល​ចម្រៀង​បែប​ Punk និង​ Reggae, Ska ដែល​នឹង​ធ្វើ​ឲ្យ​អ្នក​ចូលរួម​ រាំ​កម្សាន្ត​គ្រប់ៗគ្នា។ ខណៈ​នោះដែរ​អ្នក​ជំនាញ​ខាង​សិល្បៈគំនូរ​ Yalev និង Sascha នឹង​បង្ហាញ​ការ​គូរគំនូរ​របស់​ពួក​គេ​នៅ​ទី​នោះ​ផង​ដែរ។ ភេសជ្ជៈ​ត្រៀម​ពិសេស​ មាន​ដូច​ជា​បៀរ​​បញ្ចុះតម្លៃ​ និង​ Cocktails ពិសេស​ៗដូច​ជា ​​South American Liquor Cocalero។ ចាប់ពី​ម៉ោង ៧ល្ងាច​ដល់ ២​ទៀបភ្លឺ​នៅ Could ផ្លូវ​លេខ ៩។   

 

បើក​ដំណើរ​ការបាន​មួយឆ្នាំ​​ថែម​ទៀត Farm to Table រៀប​ចំ​កម្មវិធី​ជប់លៀង​ខួប​គម្រប់​ ៥ឆ្នាំ ជាមួយ​នឹ​ង​ការ​ប្រគំ​តន្ដ្រី​បែប Acoustic សម្ដែង​ដោយ​ Rhiannon Johnson។ ភោជនីយដ្ឋាន​នេះ​នឹង​មាន​ដាក់​ឲ្យ​ញ៉ាំ​នូវ​អាហារ​សម្រន់ និង​ភេសជ្ជៈកំដរ​​ដោយ​តន្ដ្រី​។ អ្វី​ដែល​ពិសេស​នោះ​ គឺ​អ្នក​ដែល​មក​ដល់ ៥០​ដំបូង​នឹង​ទទួល​បាន​ភេសជ្ជពិសេស​មួយ​កែវ​ដោយ​ឥតគិត​ថ្លៃ។ ចាប់​ពី​ម៉ោង ៦កន្លះ​ដល់ ៩កន្លះ​យប់​នៅ Farm to Table ផ្លូវ​លេខ ៣៦០។​​   

 

Re/Store ជា​កន្លែង​លក់​ផលិត​ផល​ពិសេស​សម្រាប់​អ្នក​រចនា នឹង​មាន​កម្មវិធី​លក់​ទំនិញ​ពេល​ល្ងាច​ ដោយ​មាន​ការ​ចូលរួម​ពី Alice Varini Jewelry, Bee Vintage & Craft, Maison Apsara និង MUUDANA។ ពួក​គេ​នឹង​មាន​រៀប​ចំ​ការ​ដាក់​បង្ហាញ​និង​ពន្យល់​ពី​ផលិត​ផល​ខ្លួន​ ព្រមទាំង​មាន​ភេសជ្ជៈ​ដាក់​ជូន​ឲ្យ​ញ៉ាំកំដរ​មាត់​ផង​ដែរ។ ចាប់​ពី​ម៉ោង ៥ដល់ ៩ល្ងាច​នៅ Good Krama ផ្លូវ​លេខ ២៤៤។​ 

 

តន្ដ្រី

 

We Are Disco ជា​កម្មវិធី​មួយ​ បង្ហាញ​ពី​លក្ខណៈ​ពិសេស​របស់​តន្ដ្រីករ​ប្រចាំ​ក្រុង​ ដោ​យ​មាន​ការ​ចូល​រួម​ពី Phil Javelle, Euan Grey និង Antti Siitonen សុទ្ធ​តែ​ជា​សិល្បៈ​ឆ្នើម​ព្រម​ទាំង​មាន​ការ​ចូលរួម​ពី អ្នក​ចម្រៀង​ Sophie Messina ផង​ដែរ។ អ្នកចម្រៀង​ជា​ច្រើន​រូប​នេះ​ នឹង​នាំ​មក​នូវ​តន្ដ្រី​បែប Disco សម្ដែង​ផ្ទាល់​ ទៅ​កាន់ Bouchon Wine Bar។ ចាប់​ពី​ម៉ោង ៧កន្លះ​ល្ងាច​ដល់ ១០កន្លះ​យប់​នៅ Bouchon Wine Bar ផ្លូវ​លេខ ១៧៤។

 

 

Alchemy នឹ​ងមាន​កម្មវិធី​សម្ដែង​តន្ដ្រី​ពីក្រុម​តន្ដ្រី​ Gypsy Jazz ក្នុង​កម្មវិធី Hot Club de Phnom Penh, ហើយ​ពួក​គេ​ក៏មាន​ការ​ចូលរួម​សម្ដែង​ពី Lyly Nhoun សម្រាប់​ឧបករណ៍​តន្ដ្រី​ Accordion ផង​ដែរ។ សម្រាប់​បែប​បទ​នៃ​បទ​ភ្លេង​វិញ​គឺ​ ជា​ការ​លាយ​បញ្ចូល​នៃ​វីយូឡុង​ ហ្គីតា​និង សំនៀង​ច្រៀង​យ៉ាង​ពីរោះ។ ចាប់​ពី​ម៉ោង ៧កន្លះ​ដល់ ១០កន្លះ​យប់​នៅ Alchemy GastroPub ផ្លូវ​លេខ ១២៣។  

 

តារា​ចម្រៀង Mirasol Aguila នឹង​ម​​កាន់ L.A.B ម្ដងទៀត​ដើម្បី​នាំ​យក​នូវ​តន្ដ្រី​បែប Jazz, Neo Soul ដែល​នឹង​មាន​អ្នក​ជំនាញ​ដៃ​ហ្គីតា Arone Silverman ចូលរួម​ ធ្វើ​ឲ្យ​ការ​សម្ដែង​បែប R&B classics ឬ Old School នេះ​កាន់​តែ​ពិសេស​មួយ​កម្រិត​ទៀត។ កម្មវិធី Soul Nouveau នឹង​ធ្វើ​ឡើង​នៅ L.A.B ចាប់ពីម៉ោង ៨ដល់ ១១យប់​នៅ ទីតាំង​នៅ​តាម​បណ្ដោយ​ផ្លូវលេខ ២៨៨។

 

ក្រុមច​ម្រៀង​ថៃ 7 Days Crazy នឹង​សម្ដែង​នៅ Epic Club យប់​នេះ ដោយ​ធ្វើ​ឲ្យ​កម្មវិធី​ជប់​លៀង​រាំ​កម្សាន្ត​កាន់​តែ​សប្បាយ​រីករាយ ខណៈ​ស្រាបៀរ​ Hennessy ជា​អ្នក​ឧបត្ថម្ភកម្មវិធី​នាំ​មក​នូវ​ ប្រូម៉ូសិន​ពិសេស​ពិសេស​ផង​ដែរ។ ចាប់ពី​ម៉ោង ៩យប់​ដល់ ៣​ទៀប​ភ្លឺ​នៅ​ Epic ២ Eden Garden។​ 

 

មាន​អ្វី​ទៀត?

 

កម្ម​វិធី​ជប់​លៀង​រាំ​កម្សាន្ត​ដែល​នឹក​ស្មាន​មិន​ដល់​មួយ​ នឹង​ធ្វើឡើង​នៅ Wings & Beer ម្ដុំ​ទួលទំពូង​ ដោយ​មាន​លក្ខណៈ​ជា​ ​House Party!​ ចូលរួម​ដោយ​ DJs បី​រូប​គឺ DJs Lyka, Mixmaster K10 និង Cool Sam ចាប់​ពី​ម៉ោង ៧យប់​តទៅ។ សម្រាប់​កម្មវិធី​នេះ​ក៏មាន​ការ​ដាក់​បៀរ​ឲ្យ​ញ៉ាំ ព្រម​ទាំង​កម្មវិធី​ពិសេស​ច្រៀន​ទៀត។​ ចាប់ពី​ម៉ោង ៧ដល់ ១១កន្លះ​យប់​នៅ Wings & Beer ផ្លូវ​លេខ ១២៣។ ​   

 

នៅ Garden at Bassac នឹង​មាន​កម្មវិធី  quiz night ពិសេស​សម្រាប់​អ្នក​ដែល​ចូល​ចិត្ត ​trivia ប៉ុន្តែ​​មិន​ដែល​មាន​ពេ​ល​អាចចេញ​ក្រៅ​ក្នុង​អំឡុង​ថ្ងៃ​ដើម​សប្ដាហ៍។ កម្មវិធី​នេះ​ចាប់​ផ្ដើម​ពី​ម៉ោង ៨​ទៅនៅ The Garden at Bassac ដោយ​អ្នក​ឈ្នះ​នឹង​ទទួល​បាន​ស្រា​បៀរ​ជា​ច្រៀន ឬ​ស្រា​ក្រហម​​បារាំង​ពិសេសមួយ​ដប។ ចាប់ពី​ម៉ោង ៨ដល់ ១១យប់​នៅ The Garden at Bassac ផ្លូវ​លេខ ៣០៨។​​

 

អ្នក​កំប្លែង​ពីរ​រូប​សញ្ជាតិកាណាដា នឹងមក​កាន់​ទីក្រុង​​ភ្នំពេញ​ដើម្បី​យក​រឿង​រ៉ាវ​អស់​សំណើច​របស់​ពួក​គេ​ មក​កាន់​កម្មវិធី Cancom 2020។ Eric Alexander សព្វ​ថ្ងៃ​រស់​នៅ​ទីក្រុង​ សៀង​ហៃ ធ្លាប់​ឈ្នះ​ពាន​រង្វាន់​ Bangkok International Comedy នៅ​ឆ្នាំ ២០១៩។  Andrew Packer រស់​នៅ​ទីក្រុង Vancouver ហើយ​ក៏ជាអ្នក​បង្កើត​ Jokes N Tokes និង Joker Broker Podcast។ កក់​កន្លែង​ទុក​មុន អ្នក​នឹង​ទទួល​បាន​ ការ​បញ្ចុះ​តម្លៃ​ ២០% សម្រាប់​សំបុត្រ​តម្លៃ ១០ដុល្លារ។ ចាប់ពី​ម៉ោង ៧កន្លះ​ដល់ ១០កន្លះ​នៅ The Box Office ផ្លូវ​លេខ ២៤៤។​​​ 

 

រាំ​កម្សាន្ត

 

The Eighty8 បាន​ក្លាយ​ជា​ទីតាំង​ថ្មី​មួយ​សម្រាប់ការ​រាំ​កម្សាន្ត​ ដោយ​ DJs Kaza, INEE និង Ryan Reid ដឹក​ដៃ​គ្នា​ផ្លាស់​ប្ដូរ​វេន​ចាក់​តន្ដ្រី​សម្រាប់​រាំ​កម្សាន្ត​ក្នុង​កម្មវិធី Raveology សម្រាប់​បទ​ភ្លេង​បែប Techno និង House។ ចូលរួម​ដោយ​សេរីចាប់​ពីម៉ោង ១០យប់​ត​ទៅ​ នៅ The Eighty8 ផ្លូវ​លេខ ៨៨។  

 

ការ​រាំ​កម្សាន្ត Metatronic ប្រចាំ​សប្ដាហ៍​ត្រលប់​មក​វិញ​នៅ Meta House ដោយ​នឹង​មាន​​ការ​ចាក់​តន្ដ្រី​ពី​ DJ ពិសេស​ប្រចាំ​ក្រុង​គឺ DJ Saint Vincent មក​ពី​​ប្រទេស​បារាំង។ ​លោក​នឹង​មាន​ការ​ចូលរួម​ពី​សំនាក់​ DJs បីរូប​ទៀត​ផង​ដែរ សម្រាប់​ការ​ចាក់​តន្ដ្រី​បែប Deep House និង Techno។ ចូលរួម​ដោយ​សេរី​ ចាប់​ពីម៉ោង ៩ដល់​២ទៀបភ្លឺ​នៅ Meta House ផ្លូវ​ ១៧៨។

 

NeuDrop Collective នាំ​ជូន​មក​នូវ  Marie Thach and DALAH នៅ Party Patio ដោយ​នាំ​នូវ​តន្ដ្រី​បែប Tech House និង Techno ចូលរួម​ដោយ​ឥតគិត​ថ្លៃ។ ចាប់ពីម៉ោង ៩យប់​ដល់ ១ ទៀបភ្លឺ​នៅ Party Patio ផ្លូវ​លេខ ៣០៨។ 

 

ថ្ងៃ​សៅរ៍

 

ភាពយន្ត

 

មជ្ឈមណ្ឌល​បុប្ផាណា នឹ​ងដាក់​បញ្ចាំង​រឿង​របស់​លោក រិទ្ធី​ប៉ាន់ ចំណង​ជើង​ថា Paper Cannot Wrap Up Embers ដែល​បាន​បញ្ចេញ​កាល​ពី​ឆ្នាំ ២០០៦។ នេះ​គឺ​ជា​ភាពយន្ត​ឯកសារ បង្ហាញពី​ជីវិត​នារី​ៗ​ដែល​ជួប​គ្រោះ​មហន្ត​រាយ ដោយ​សារ​តែ​ត្រូវប្រឈម​មុខ​នឹង​ការ​ជួញ​ដូរ​ផ្លូវ​ភេទ។ អ្វី​ដែល​ពិសេស​នោះ​គឺ​ភាពយន្ត​នេះ បាន​ដាក់​បញ្ចូល​នូវ​ឈ្មោះ​និង​មុខ​មាត់​នារី​ខ្មែរ​ដល់​ទៅ ជាងបីម៉ឺន​រូប​ឯណោះ។ ការ​ដាក់​បញ្ចាំង​គឺ​មិន​គិត​ថ្លៃ​ ជាភាសាខ្មែរ​និង​មាន​ Subtitles ជា​ភាសា​អង់គ្លេស។  ចាប់ពី​ម៉ោង ៥ដល់ ៦កន្លះ​នៅ ​​​មជ្ឈមណ្ឌល​បុប្ផាណា ផ្លូ​វលេខ ២០០។

 

មាន​អ្វី​ទៀត?

 

អ្នក​ជំនាញ​ខាងសាក់​ដោយ​ប្រើ​ដៃ Authentic Pokes នឹង​មាន​កម្មវិធី flash tattoos sale​ ពេញ​មួយ​ថ្ងៃ​សម្រាប់​ថ្ងៃ​នេះ ដោយ​មានជម្រើស​សាក់​ជា​ច្រើន​ដាក់​ឲ្យ​អ្នក​ជ្រើស​រើស​ រចនា​ដោយ​សមាជិក​ថ្មី El-Purdo។ បើ​ចង់​ដឹង​កាន់តែ​ច្បាស់​មក​ដល់​ទីតាំង​ដោយ​ផ្ទាល់​ ឬ​ក៏អ៊ីម៉េល​ពួក​គេ​ដើម្បី​កក់​កន្លែង​ទុក​ជាមុន។ ចាប់ពីម៉ោង​ ១០ព្រឹក​ដល់ ៨កន្លះ​យប់​នៅ Authentic Pokes។ ​​

 

បន្ទប់​ល្បែង​នៅ The Factory នឹង​មាន​កម្មវិធី ​ board game meetup ពិសេស​ម្រាប់អ្នក​ដែល​ចូល​ចិត្ត​លេង​ល្បែង​បែប Board Games ប៉ុន្តែ​មិន​ដែលមាន​សមាជិក​គ្រប់​គ្រាន់​ ដើម្បី​ចូលរួម​លេង។ តោះ​អីចឹង​ទៅ​ចូល​រួម​ទាំង​អស់គ្នា ចាប់​ពី​ម៉ោង ២ដល់ ៥ល្ងាច​នៅ The Factory ផ្លូវ​ជាតិ​លេខ ២។

 

Politikoffee នឹង​មាន​កម្មវិធី​ជួប​សំនេះ​សំណាល​ក្នុង​ប្រធាន​បទ “Understanding Cambodia’s Cultural Policy” ជាមួយ​នឹង​វាគ្មិន So Phina ជា​ប្រធាន​ផ្នែក ចំនេះ​ដឹង បណ្ដាញ​ និង​ Policy Program នៅ Policy Program។ ការបរិយាយនេះនឹង​ជា​ភាសា​ខ្មែរ​ ដោយ​ពាក់ព័ន្ធ​នឹង​សិល្បៈ វប្បធម៌ និង​ការ​អប់រំ ដោយ​ផ្តោត​សំខាន់​ទៅ​កា​រ​ពាក់ព័ន្ធ​នៃ​ចំណុច​សំខាន់ទាំង​នេះ នឹង​ការ​ធ្វើ​ឲ្យមាន​លក្ខណៈ​ល្អ​ប្រសើរ​ផង​ដែរ។ ចាប់ពី​ម៉ោង ២កន្លះ​ដល់ ៤និង៤០ នាទី​នៅ Konrad Adenauer Stiftung ផ្លូវ​លេខ ៤៦២។​ ​​

 

Upcycling គឺ​ជា​ដំណើរ​ការ​មួយ ដែល​បង្ហាញពី​ការ​ប្រើ​ប្រាស់ឡើង​វិញ​ reuse, reduce និង recycle។ កម្មវិធី​នេះ​ក៏ជាឱកាស​ពិសេស​មួយ​សម្រាប់បង្ហាញ​ពី​ការ​ច្នៃ​ប្រឌិត​ផង​ដែរ។ Farm to Table នឹង​រៀប​ចំ​កម្មវិធី Workshop នេះ​​សម្រាប់​ក្មេង​​អាយុ​ពី ៣ ទៅ ៦ឆ្នាំ ដើម្បី​ចូលរួម​លេង​ល្បែង​កម្សាន្ត​និង​​កែច្នៃ​។ តម្លៃ​ចូលរួ​ម​គឺ ១០ដុល្លារ​សម្រាប់​​ថ្នាក់​នេះ ដោយ​មាន​បន្ថែម​ការ៉េម​មួយ​កែវ​ដោយ​ឥត​គិត​ថ្លៃ​ផង​ដែរ។ ចាប់​ពី​ម៉ោង ៣ដល់ ៥ល្ងាច​នៅ Farm to Table ផ្លូវលេខ ៣៦០។

 

Ege Bar នឹង​មាន​កម្មវិធី Shop and Drink garage sale ពេញ​មួយ​ថ្ងៃ​ ជាមួយ​នឹង​ការ​ដាក់​លក់​វត្ថុ​ផ្សេង​ៗ ដូច​ជា​ខោរអាវ​ជជុះ ស្បែក​ជើង​ និង​គ្រឿង​លំអរ​ផ្សេង​ទៀត ព្រម​តាំង​ខោរអាវ​ក្មេងៗ និង​​ប្រដាប់​ដារ​ក្មេង​លេង​ និង​ឧប​ករណ៍​ប្រើ​សប្រាស់​ក្នុង​ផ្ទះ​ជា​ដើម។ ចាប់​ពី​ម៉ោង ១១ព្រឹក​ដល់ ១ទៀបភ្លឺ​នៅ Ege Bar ផ្លូវ​លេខ ៤៦០។ ​

 

តន្ដ្រី

 

តន្ដ្រី​រ៉ុក​បែប​ហ្គារ៉ាស Garage Party នឹង​ធ្វើ​ឡើង​ល្ងាច​នេះ​នៅ Garage ដោយ​សមាជិក​៥​រូប​នៃ Sinville Roadshow នឹង​មកស​ម្ដែង​លើ​ឆាក​ ដោយ​មាន​ការ​ចូលរួម​ពី Clay George។ ដោយ​នេះ​ជា​ Burger Bar អីចឹង​អ្នក​អាច​មក​មើល​ការ​សម្ដែង​បណ្ដើរ​ញ៉ាំ​បណ្ដើរ។ ចាប់​ពី​ម៉ោង ៧ដល់​ ១០យប់​នៅ Garage ផ្លូ​វលេខ ១១០។ ​

 

Sophie Messina, Phil Javelle និង​ Antti Siitonen ចូលរួម​គ្នា​ម្ដង​ទៀត​ក្នុង​ការ​សម្ដែង​ល្ងាច​នេះ​សម្រាប់កម្មវិធី ​​Weekend Deluxe នៅ L.A.B ដែល​ជា​វីស្គីបារ​និង​កន្លែង​សម្ដែង​តន្ដ្រី​នៅ ម្ដុំ​បឹងកេងកង។ ចាប់ពី​ម៉ោង ៨ដល់១១យប់​នៅ  L.A.B ផ្លូវលេខ ២៨៨។ 

 

Pocket Change, ជា​ក្រុម​ចម្រៀង​សមាជិក​ ៥រូប តែង​តែ​នាំ​យក​នូវ​តន្ដ្រី​បែប Soul និង Funk Disco ពេលនេះ​ពួក​គេ​នឹង​ត្រលប់​មក​កាន់ Alchemy ដើម្បីធ្វើ​ឲ្យ​រាត្រី​ថ្ងៃ​សៅរ៍​កាន់តែ​ពិសេស​។ ចាប់ពី​ម៉ោង ៧កន្លះ​ដល់ ១០កន្លះ​នៅ Alchemy ផ្លូវ​លេខ ១២៣។

 

សណ្ឋាគារ Amanjaya Hotel Suite រួម​ជាមួយ​ភោជនីយដ្ឋាន Kwest នឹ​ង​មាន​កម្មវិធី​រាំ​កម្សាន្ត​បែប​តន្ដ្រី​ក្លាស៊ីក​រដូវ​កាល​ឆ្នាំ​ 2020 Recuerdos de la Alhambra ដោយ​អ្នក​លេង​ហ្គីតា Huy Thanh Nguyen។ ការ​សម្ដែង​ Solo របស់​លោក​នឹង​រាប់​បញ្ចូល​ពី​ស្នាដៃ​របស់ Granados, Tarrega, Albeniz និង Rodriguez។ សំបុត្រ​ចូលរួម​មាន​តម្លៃ ១៥ដុល្លារ​ដោយ​មាន​ បុហ្វេ​នំ Tapas និង​ ភេសជ្ជៈ​មួយ​កែវ​ដោយ​ឥតគិត​ថ្លៃ។ ចាប់​ពី​ម៉ោង ៧ដល់ ១០យប់នៅ សណ្ឋាគារ Amanjaya Pancam ផ្លូវលេខ ១៥៤។

 

Plan B ក្រុម​ រ៉ុក​និង​ Soul បង្កើត​កាល​ពី​ពាក់​កណ្ដាល​ទសវត្ស​ទី  ៨០ នៅ Adelaide ប្រទេស​អូស្ដ្រាលី​ គឺ​នៅ​តែ​បន្ត​មក​ដល់​ពេល​នេះ ហើយ​ឥឡូវ​ពួ​កគេ​​បា​ន​ចាប់​ផ្ដើម​តន្ដ្រី​ទេសចរណ៍​ឆ្នាំ ២០២០ ”សុំ​ឈប់ទីនេះ” នៅ Hard Rock Cafe។ ស្គាល់​ពួក​គាត់អត់? អាច​មក​ចូលរួម​បាន​ ដោយ​ឥតគិត​ថ្លៃ​ចូលរួម​ទេ។ ចាប់ពី​ម៉ោង​ ៨យប់​ដល់​ពាក់​កណ្ដាល​អាធ្រាត្រ​នៅ Hard Rock Cafe ផ្លូវ​លេខ ១០២។

 

រាំកម្សាន្ត

 

DJ Nakadia ប្រចាំ​ទីក្រុង​ប៊ែកឡាំង​ បាន​ចាប់​ផ្ដើម​ Tour នៅ​អាស៊ីអាគ្នេហ៍​ ដោយ​បាន​​មក​កាន់​ទីក្រុង​ភ្នំពេញ​ជា​ផ្នែក​មួយ​នៃ​កម្មវិធីជប់លៀង​រាំ​កម្សាន្ត ​Cubik។​ មាន​ដើម​កំណើត​ពី​ប្រទេស​​ថៃ នាង​ជំនាញ​តន្ដ្រី​ខាង Techno និង Deep House។ ចូលរួម​រាត្រី​នេះ គឺ Tim Coates, INEE និង DJ Sequence ដែល​រួម​បញ្ចូលទាំង​ការ​សម្ដែង Drag Queen ផង​ដែរ។ ចូលរួម​ដោយ​ឥតគិត​ថ្លៃ​មុន​ម៉ោង ១០កន្លះ​និង ៨ដុល្លារ​បន្ទាប់ពី​នោះ។ ចាប់ពី​ម៉ោង ៨យប់​ដល់ ៥ទៀប​ភ្លឺ​នៅ Heart of Darkness ផ្លូវលេខ ៥១។  ​

 

នៅ​ក្បែរ​នោះ​ដែរ One Love Reggae Rooftop ផ្លូវ​ ១៧៨ នឹង​មាន​កម្មវិធី​ជប់លៀង​រាំកម្សាន្ត​ដោយ​មាន Lineup ដល់ទៅ ៥​ DJs ឯណោះ​គឺ Neil Pierce មក​ពី UK, Serginho មក​ពី Portugal, Sound Advice មក​ពី UK, Jack Malipan មក​ពី Portugal និង Cookss មក​ពី​ប្រទេស​បារាំង។ ពួក​គេ​នឹង​ចាក់តន្រ្តី​បែប Disco និង Deep House ក្នុង​កម្មវិធី Shindig and No Problem Disco សំបុត្រចូលរួម​តម្លៃ ៥ដុល្លារ​ថែម​ជូន Cocalero Bomb ដោយ​ឥតគិត​ថ្លៃ​មួយ។ ចាប់ពី​ម៉ោង ១០យប់ដល់ ៤ ទៀប​ភ្លឺ​នៅ One Love Reggae Rooftop ផ្លូវ​លេខ ១៧៨។  

 

នៅ​ម្ដុំ​បាសាក់ឡេន​ឯណោះ​វិញ នឹង​មាន​កម្មវិធី Party Patio’s free party ចូលរួម​ដោយ​ DJ Paul Jove មក​ពី Bolivia ចាក់ភ្លេង​បែប Deep House ខណៈ DJ Reltho ពី​បារាំង​នឹង​ចាក់​តន្ដ្រី​បែប Micro House។ ចាប់​ពី​ម៉ោង ៩យប់​ដល់ ១​ ទៀប​ភ្លឺ នៅ Party Patio ផ្លូវលេខ ៣០៨។

 

ថ្ងៃ​អាទិត្យ

 

ភាពយន្ត

 

Meta House នឹង​ដាក់​បញ្ចាំង​រឿង Shoplifters ជា​ផ្នែក​មួយ​នៃ Cinema Series នៃ​អ្នក​ផលិតភាពយន្ត​ជប៉ុន។ គ្រួសារ Shibata បី​ជំនាន់​បាន​រស់​ជាមួយ​គ្នា​ដោយ​ក្រីក្រ​នៅ​ក្នុង​ផ្ទះ​មួយ។ ភាពយន្ត​នេះ​បង្ហា​ញ​ពី​ការ​តស៊ូ​ និង​ការ​បែង​ចែក​ឋានៈ​នៅ​ប្រទេស​ជប៉ុន។ គូសបញ្ជាក់​ដែរ​ភាពយន្ត​នេះ​បាន​ឈ្នះ​ពាន​រង្វាន់ ​Palme d’Or នៅ Cannes Film Festival ផង​ដែរ។ ចាប់ពី​ម៉ោង ៧ដល់ ៩យប់​នៅ Meta House ផ្លូវ​លេខ ១៧៨។

 

មាន​អ្វី​ទៀត?

 

ចំពោះ​ហេតុ​ការ​ភ្លើង​ឆេះ​នៅ​បាក់ទូក​ថ្មី​ៗនេះ បាន​ធ្វើ​ឲ្យ​ប៉ះពាល់​ដល់​ទៅ ១៥០គ្រួសារ​ឯណោះ​។ ដោយ​សារ​តែ​ភាគ​ច្រើន​នៃអ្នក​រងគ្រោះ​សុទ្ធ​សឹង​តែ​​ជន​ក្រី​ក្រ​ដូច្នេះ​ហើយ​ក្នុង​កម្មវិធី សុប្បរសធម៌ Bak Touk Fire អ្នក​អាច​ចូលរួម​ដើម្បីជួយ​ពួក​គេ​ ដោយ​កម្មវិធី​នេះ​នឹង​ធ្វើ​ឡើង​នៅ Kinin ផ្លូវលេខ​១២៣ ចាប់ពី​ម៉ោង ១១ព្រឹក​ដល់ ៦ល្ងាច។ 

 

Dai Khmer Refill Station នៅ​ម្ដុំ​ទួល​ទំពូលនឹង​មាន​កម្មវិធី  soap-making workshop ដើម្បី​ផលិត​សាប៊ូ​ដោយ​ប្រើ​ដៃ​ផ្ទាល់​។ សម្រាប់​តម្លៃ​នៃ​ការ​ចូលរួម​គឺ ៣៥ដុល្លារ​ សម្រាប់​ថ្នាក់​រយៈ​ពេល ២ម៉ោង​និង​ឧបករណ៍​ដែល​ត្រូវ​ការ។ ចាប់ពី​ម៉ោង ១ដល់​៣​រសៀល​នៅ Dai Khmer Refill Station ផ្លូវ​លេខ ៤៦៤។

 

Surya Rooftop Yoga Studio នឹង​មាន​កម្មវិធី ថ្នាក់​យ៉ូហ្កា​ពិសេស​មួយ​ហៅ​ថា gentle yoga class followed by a sound bath ពិសេស​សម្រាប់​អ្នក​បើ​សិនជា​ចង់​លំហែអារម្មណ៍​ធ្វើ​ឲ្យ​មាន​ការ​ស្រស់​ស្រាយ បន្ទាប់​ពី​រវល់​ពេញ​មួយ​សប្ដាហ៍៊។ ចាប់​ពី​ម៉ោង ៥​ដល់ ៦កន្លះ​ល្ងាច​នៅ Surya Rooftop។ ​ 

 

Samai Square នឹង​មាន​កម្មវិធី​ជប់លៀង soft opening យប់​នេះ​ ដោយ​នឹង​​មាន​ការ​សម្ដែង​ពី ​17 Crush Band និង DJ Zsofia ដោយ​បញ្ចុះ​តម្លៃ ៣០%​ សម្រាប់​ភេសជ្ជៈ​គ្រប់ប្រភេទ។ ចាប់ពី​ម៉ោង ៦ល្ងាច​នៅ Samai Square ផ្លូវ​លេខ ៣៣៧។

 

សម្រាប់​ចុង​សប្ដាហ៍​នេះ​គឺ​ត្រូវ​នឹង​ថ្ងៃ​នៃ​ការ​ប្រកួត​កីឡា​បាល់ឱប Super Bowl 54។ ដោយ​ត្រូវ​នឹង​ម៉ោង ៦កន្លះ​ព្រឹក​នៅ​ថ្ងៃ​អាទិត្យ​អ្នក​អាច​ទៅ​ចូលរួម​ទស្សនា​នៅ .Boston Pizza & Bar ផ្លូវ​លេខ ២៧៨ ឬ​ទៅ​កាន់ Lone Star Saloon មាន​ទីតាំង​នៅ​តាម​បណ្ដោយ​ផ្ឡូវលេខ ២៣ តម្លៃ​ចូលរួម​គឺ ១០ដុល្លារ។

 

Continue Reading
You may also like...
Click to comment

Leave a Reply

More in មគ្គទេស​ចុង​សប្ដាហ៍

You Might Like…

អត្ថបទ​សំខាន់​​ និង​ កិច្ចស​ម្ភាសន៍​ផ្សេងៗ

ជួបជាមួយជើងខ្លាំងដែលអ្នកមិនធ្លាប់លឺពីមុនមក គឺអ្នកស្រី សយស្រស់

By ខែ​មិថុនា 15, 2020

Our Writers

Facebook

Take Me To…

To Top