Connect with us

ចុងសប្ដាហ៍​នៃ​ក្ដី​ស្រលាញ់​បាន​មកដល់​ហើយ!

មគ្គទេស​ចុង​សប្ដាហ៍

ចុងសប្ដាហ៍​នៃ​ក្ដី​ស្រលាញ់​បាន​មកដល់​ហើយ!

ចុងសប្ដាហ៍​នៃ​ក្ដី​ស្រលាញ់​បាន​មកដល់​ហើយ!

មាន​គូរ​ឬ​ក៏អត់គូរ Valentine គឺ​សម្រាប់​គ្រប់​គ្នា ចុងសប្ដាហ៍​នេះ​ជា​ពិសេស​ថ្ងៃសុក្រ​គឺ​ពិត​ជា​សម្បូរ​កម្មវិធី​សប្បាយៗជា​ច្រើន

ថ្ងៃសុក្រ

 

ថ្ងៃនេះ​គឺ​ជា​ថ្ងៃបុណ្យ​នៃ​ក្ដី​ស្រលាញ់ អ្នក​ខ្លះ​ក៏ប្រារព្វកម្មវិធី​នេះ​ជាមួយ​សង្សារ ឬ​គូរស្វាមី​ភរិយា​ ឬ​ក៏អាច​ចំណាយ​ពេល​ជាមួយ​សមាជិក​គ្រួសារ​បាន​ដូច​គ្នា។ ប៉ុន្តែ​បើ​អ្នក​មិន​ចូល​ចិត្ត​ ហើយ​ចង់​ចំណាយ​ពេល​ផ្ទាល់​ខ្លួន ឬ​ក៏ជាមួយ​មិត្តភក្តិ​នៅ​ដូច​នៅថ្ងៃ​ធម្មតា​ក៏បាន។​

 

គូស​បញ្ជាក់​ដែរ​ថា​នៅ​ប្រទេស​កម្ពុជា ធ្លាប់​មាន​ប្រវត្តិ​នៃ​ការ​បៀត​បៀន​ផ្លូវ​ភេទជា​ច្រើន​ករណី​​សម្រាប់​ថ្ងៃ​នេះ​ជា​ពិសេស។ ដូច្នេះ​ត្រូវ​ចងចាំ​ថា ថ្ងៃ​នេះគឺ​ជា​ថ្ងៃ​ដែល​​ត្រូវ​អបអរ​ក្ដី​ស្រលាញ់​ពិត មិន​មែន​កើតឡើង​ដោយ​បង្ខិត​​បង្ខំ។ ក្ដី​ស្រលាញ់​គឺ​នៅ​គ្រប់​ទីកន្លែង សម្រាប់​មនុស្ស​គ្រប់​គ្នា​មិន​ថាជា​ មិត្តភក្តិ​ មិត្ត​រួម​ការងារ គ្រួសារ​ ជាដើម អីចឹង​គួរ​តែ​យក​ថ្ងៃ​នេះ​មក​បង្ហាញ​ពី​ក្ដី​ស្រលាញ់​មួយ​ដែល​ពិសេស រវាងគ្នា​នឹង​គ្នា។

 

ជម្រើស​យើង

 

ក្នុង​ជា​ផ្នែក​មួយ​នៃ​បេសកម្ម​ពិភពលោក​ដើម្បី​បញ្ឈប់​អំពើហិង្សា​លើ​ស្ដ្រី កម្មវិធី Phnom Penh Fem Fest បាន​ឈ្លៀត​យក​ឱកាស​នេះ​ដើម្បី​អបអរ​ស្ដ្រី​កម្ពុជា សម្រាប់​ការ​ជប់​លៀងចាប់​ផ្ដើម​ដំណើរ​ការ​ឆ្នាំ ២០២០។ ជាមួយ​នឹង​ការសម្ដែង​ពី​ The Sound Initiative ផ្ដោត​សំខាន់​ទៅ​លើ​តារា​ចម្រៀង​ស្ដ្រី ដែល​ផលិត​បទ​ចម្រៀង​ដោយ​ខ្លួន​ឯង នឹង​បាន​សម្ដែង​នៅ​ទីតាំង​ជា​ច្រើន​កន្លែង​ទូទាំង​ប្រទេស។ ការ​គូរ​គំនូរ​ដោយ​ផ្ទាល់​នៅ​នឹង​កន្លែង​ ដោយអ្នក​សិល្បៈ​គំនូរ​នារី​មាន​ថ្វី​ដៃ ចាន់ ឌីណា និង​តន្ដ្រី​ចាក់​ឲ្យ​រាំ​កម្សាន្ត​ដោយ DJ Sao Sopheak។ កម្មវិធី​នេះ​ទទួល​បាន​ការ​ឧបត្ថម្ភ​ជា​ពិសេស​ពី Bodia Spa, Baitong Hotel, Four Pillars Gin ដោយផ្ដល់​នូវ​រង្វាន់​ពិសេស​ផ្សេង​ៗ អាច​ឲ្យ​អ្នក​ចូល​រួម​មាន​ឱកាសចាប់រង្វាន់។ ចូលរួម​ដោយ​ឥតគិត​ថ្លៃ ចាប់ពី​ម៉ោង ៦ល្ងាចដល់​១១យប់ នៅ Lantern Rooftop Bar ផ្លូវ​លេខ ២៨២។

 

ទោះ​បី​ជា​មាន​គូរ​ឬ​ក៏អត់​គូ មិន​ជា​បញ្ហា បបួល​មិត្ត​ភក្តិ​ទៅ​កាន់​កម្មវិធី​ជប់​លៀង​ថ្ងៃ​ក្ដី​ស្រលាញ់ Dog Meet Dog នៅ Futures Factory។ អ្នក​អាច​ចំណាយ​ពេល​សប្បាយ​ជា​មួយ​មិត្តភក្តិ​ក៏ដូច​ជា ជួប​ជាមួយ​សុនក​ជា​ច្រើន​ក្បាល ដែល​ម្ចាស់​ពួក​វា​នឹង​នាំ​មក។ ស្រា​ក្រឡុក​ក៏មាន​ អ្វី​ដែល​ពិសេស​នោះ​គឺ​អ្នក​ដែល​នាំ​សុនក​មក​អាច​ទទួល​បានថ្នាំ​បង្ការ​ឆ្កែឆ្កួត​ដោយ​ឥតគិត​ថ្លៃ​ពី Animal Mama ផង​ដែរ សម្រាប់​សុនក​គួរ​ឲ្យ​ស្រលាញ់​របស់​ពួ​ក​គេ។ ​ចាប់ពី​ម៉ោង​ ៥​ដល់ ៩យប់​នៅ Futures Factory ផ្លូវ​លេខ ១៣។

 

តន្ដ្រី

 

សម្រាប់​តន្ដ្រី​សម្រាប់​រាត្រី​នេះ​គឺ​សំបូ​របែបគ្រប់ប្រភេទ​តែ​ម្ដង។

 

តារា​ចម្រៀង Mariana Hensley និង​អ្នក​លេង​ព្យ៉ាណូ James Atkinson នឹង​នាំ​មក​នូវ​តន្ដ្រី​ហ្សាស​ មក​កាន់​ Farm to Table ដើម្បី​សម្ដែង​តន្ដ្រី​បែប​ Acoustic ពិសេស​សម្រាប់​អ្នក​ដែល​ចូលចិត្តតន្ដ្រិ​បែប​ក្លាស៊ីក ដើម្បី​ចំណាយ​ពេល​រ៉ូមេនទិក​ពិសេស​ផង​ដែរ។ ចាប់ពី​ម៉ោង ៦កន្លះ​ល្ងាច​ត​ទៅ​នៅ Farm to Table ផ្លូវ​លេខ ៣៦០។​

 

ក្រុម​ចម្រៀង​ដល់​ទៅ​បី​នឹង​សម្ដែង​នៅ Cloud រាត្រី​នេះ​សម្រាប់​កម្មវិធី My Indierock Valentine ការ​សម្ដែង​នេះ​នឹង​មាន​ចូលរួម​ពី Sangva Day, Simoun និង sPykic Elecktric។ ចូល​រួម​ដោយ​សេរី ហើយ​បៀរ​មាន​តម្លៃ​តែ​១ដុល្លារ​តែ​ប៉ុណ្ណោះ។ ចាប់ពី​ម៉ោង ៧យប់​ត​ទៅ​នៅ Cloud ផ្លូវលេខ​៩។ 

 

 

សេរីកម្មវិធី​តន្ដ្រី Phnom Penh Classical Concerts នឹង​មក​ដល់​រាត្រី​នេះ​ ដោយ​មាន​ការ​សម្ដែង​ពី​អ្នក​ជំនាញ​ខាង​​វីយូឡុង​សញ្ជាតិ​អាល្លឺម៉ង់ Markus Gundermann លេង​បទ “Love Dream” ពី Franz Liszt’s និង “Salut d’Amour” ពី Edward Elgar ព្រម​ទាំង​បទ​ភ្លេង​ជា​ច្រើន​ទៀត​ផង​ដែរ។ ដើម្បី​អបអរ​ថ្ងៃកំណើត​គម្រប់ ២៥០ឆ្នាំ​របស់ Beethoven ការ​សម្ដែង​ចុង​ក្រោយ​នឹង​លើ​ក​នូវ​បទ​របស់​លោក​មក​សម្ដែង​គឺ “Spring Sonata”។ ខន​សឺតនេះ​មាន​តម្លៃ​ ១០ដុល្លារ​ដើម្បី​ចូលរួម​និង​ ៣ដុល្លារ​សម្រាប់​សិស្ស។ ចាប់ពី​ម៉ោង ៧យប់​តទៅ​នៅសណ្ឋាគារ Raffels ផ្លូវ​លេខ ៩២។  

 

ក្រុម​ចម្រៀង​ប្ដី​និង​ប្រពន្ធ Geography of the Moon នឹង​នាំ​យក​នូវ​ស្ទីល​តន្ដ្រី​បែប Dreamscape និង Post-psychedelic folk មក​កាន់ Alchemy សម្រាប់​កំដរ​ការ​ញ៉ាំ​អាហារ​ពេល​ល្ងាច​ក្នុង​ថ្ងៃ Valentine។ ចាប់ពីម៉ោង ៧កន្លះ​ត​ទៅនៅ Alchemy GastroPub ផ្លូវ​លេខ ១២៣។ 

 

នៅឯ Duplex Grand Café ឯណោះ​វិញ​នឹង​មាន​កម្មវិធី​ជប់​លៀង Naughty or Nice party សម្រាប់​គ្រប់​គ្នា​ក្នុង​ថ្ងៃ​បុណ្យ​នៃ​ក្ដី​ស្រលាញ់​នេះ។ ទៅ​ជា​ Single ឬ​ក៏មាន​គូរ​ អ្នក​ក៏អាចចូលរួម​កម្សាន្ត​សប្បាយ​នឹង​ការ​សម្ដែង​ពី​តារា​ចម្រៀង Reth Suzana ក្រុម​រាំ Heat of Siem Reap និង DJ Nary ផង​ដែរ។ សំបុត្រ​ចូលរួម​គឺ​មាន​តម្លៃ​ ១០ដុល្លារ ដោយ​អ្នក​នឹង​ទទួល​បាន​ស្រា​ពីរ​ដប​ ឧបត្ថម្ភដោយ​ស្រា Hoegaarden។ ចាប់ពី​ម៉ោង ៧ដល់១១កន្លះ​យប់​ នៅ Duplex Grande Café ម្ដុំ​ផែស៊ីសុវត្តិ។

 

សេរី​ខន​សឺ​ត​នៅ​បាសាក់​ឡេន​ហៅ​ថា  Uncomfortably White Brothers Band នឹង​នាំ​យក​មក​នូវ​តន្ដ្រី​ពិសេស​ស្ទីល​តារាចម្រៀង Barry White និង Marvin Gaye។ ចាប់​ពី​ម៉ោង ៩យប់​ដល់​ពាក់​កណ្ដាល​អាធ្រាត្រ​នៅ Bassac Lane។  

 

កំប្លែង

 

ថ្ងៃ Valentine ធ្វើ​ឲ្យ​អ្នក​សេដ? មក​ស្ដាប់​រឿង​កំប្លែង​វិញ​ សម្រាប់​កម្មវិធី Anti-Valentine’s Day នៅ Box Office។ កម្មវិធី​នេះ​អ្ន​ក​អាច​ចូលរួម​​ដោយ​ឥត​គិត​ថ្លៃ ចាប់​ពី​ម៉ោង ៧កន្លះ​ដល់ ៩កន្លះ​យប់​នៅ Box Office ផ្លូវ​លេខ ២៤៤។ 

 

ប្លែក​វិញ​ម្ដង​នៅ​ឯ Mad Monkey នឹង​មាន​កម្មវិធី speed dating night សម្រាប់​អ្នក​ដែល​អត់​គូរ​ហើយ​ចង់​សាក​ ជួប​ជាមួយ​មនុស្ស​ថ្មី​ម្នាក់​ ហើយ​ Date លេង​លេង​ ថា​មិន​ត្រូវ​អាច​ពេញ​ចិត្ត​គ្នា​ក៏ថាបាន។ ចាប់ពី​ម៉ោង​ ៨ដល់ ៩យប់​នៅ Mad Monkey ផ្លូវ​លេខ ៣០២។   

 

មាន​អ្វី​ទៀត?

 

The Garden នឹង​មាន​កម្មវិធី​ពិសេស​ម្រាប់ថ្ងៃ​នេះ​ដោយ​ហៅ​ឈ្មោះ​ថា  ​Valentine’s Day/Galentine’s Day/Ilovememyselfandmine’s Day ដោយ​មាន​ដាក់​លក់​គ្រឿង​ក្រណាត់​ធ្វើ​ដោយ​ដៃ​ក្នុង​ស្រុក​ពី Culotté.es នឹង​មាន​ដាក់​លក់​ស្រា​ក្រហម Blowfish Wines ទិញ​មួយ​កែវ​ថែម​មួយ​កែវ​ផង​ដែរ។ ចាប់ពី​ម៉ោង ៦​ដល់ ៩យប់​នៅ The Garden at Bassac ផ្លូវ​លេខ ៣០៨។

 

Rokku នឹង​មាន​កម្មវិធី  Couples Quiz Night សួរសំនួរ​ទៅកាន់​ ដៃ​គូររ​បស់​អ្នក​ ព្រោះ​វា​ប្រាកដ​ជា​ធ្វើ​ឲ្យអ្នក​រីករាយ ដោយ​នេះ​ជា​កម្មវិធី​ប្លែក​មួយ​យក​តាម​ស្ទីល​របស់ កម្មវិធី​ទូរទស្សន៍​អាមេរិក ​The Newlywed’s Game ដោយ​បាន​ដាក់​បញ្ចាំង​អស់​រយៈ​ពេល​ដល់​ទៅជិត ៥០​ឆ្នាំ​ឯណោះ។ កម្មវិធី​នេះ​អាច​ចូលរួម​ដោយសេរី ក្នុង​នោះ​ក៏មាន​ភេសជ្ជៈ​ដាក់​ឲ្យ​ញ៉ាំ​ដោយ​ឥតគិត​ថ្លៃ​ស​ម្រាប់​នារី​មុន​ម៉ោង ៩យប់​ផង​ដែរ។ ជាមួយ​នឹង​តន្ដី្រកំដរ​កម្មវិធី​នេះ​ចាប់​ផ្ដើម​ពី​ម៉ោង ៨យប់​ដល់​ពាក់​កណ្ដាល​អាធ្រាត្រ​នៅ Rokku ម្ដុំ​វត្ត​បុទុម។  

 

Blue Chilli is celebrating Valentine’s Day អ្នក​ណា​មិន​ស្គាល់ Blue Chili? បារ​ល្បី​ខ្លាំង​នៅ​ភ្នំពេញ?​ ជាមួយ​នឹង​ការ​សម្ដែង​ Drag Shows ជា​ធម្មតា​ រាត្រី​នេះ​នឹង​កាន់​តែ​ពិសេស​ ដោយ​នឹង​មាន​ការ​ចាក់​ភ្លេង​កំដរ​រាំ​កម្សាន្ត​ពី DJ Ya Ya និង​អ្នក​ជំនាញខាង​រាំបង្គោល​ដែក​ពី​បារាំង​ទៀត​ផង។ ចាប់ពី​ម៉ោង ១០យប់​ដល់​ម៉ោង ៤ទៀបភ្លឺ​ នៅ Blue Chilli ផ្លូវ​លេខ ១៧៨។​ 

 

រាំ​កម្សាន្ត

 

DJs ដល់​ទៅ​​បួន​រូប​នឹង​នាំ​មក​នូវ​តន្ដ្រី​បែប Hip Hop លក្ខណៈ Old School, R&B, Trash Pop និង​ Urban Classics សម្រាប់​កម្មវិធី Golden Days 90s/2000s party នៅ Pontoon Pulse។ អីចឹង​ត្រៀម​សម្លៀក​បំពាក់​ទស្សវត្ស​ទី ៩០ និង ០០ សម្រាប់កម្មវិធី​ពិសេស​នេះ​ចាប់ពី​ម៉ោង ១១យប់​ដល់ ៥​ ទៀបភ្លឺ​នៅ Pontoon Pulse ផ្លូវ​លេខ ១៧២។

 

Party Patio នឹង​មានតន្ដ្រី​បែប Drum and Bass ពី​ DJ Sequence ដែល​នឹង​ចាក់​ភ្លេង​នៅ​បារ​នេះ​លើក​ដំបូង បើក​ឆាក​សម្រាប់​យប់​នេះគឺ​ចាក់​ភ្លេង​ដោយ​​ Marie ពិសេស​សម្រាប់​តន្ដ្រី​បែប Tech House និង Techno។ ចូលរួមដោយ​សេរី ចាប់ពី​ម៉ោង ៩យប់​ដល់ ១អាធ្រាត្រ​នៅ Party Patio ផ្លូវ​លេខ ៣០៨។

 

ពិសេស​សម្រាប់​ថ្ងៃ Valentine នៅ​ឯ Club Love ឯណោះ​វិញ​នឹង​មាន​កម្មវិធី traffic light party ដែល​អាច​ចូលរួម​ទាំង​អស់​គ្នា មិន​ថាជា​អត់គូរឬ​ក៏មាន​គូរ​។ ពណ៌​ក្រហម​បង្ហាញ​ថា​អ្នកមាន​គូរ​រួច​ហើយ ពណ៌លឿង​មាន​ន័យ​ថា​ប្រហែល​ជា​អាច​ ហើយ​ពណ៌​បៃតង​មាន​ន័យ​ថា​អ្នក Avaiable។ ប៉ុន្តែ​ត្រូវ​ចង​ចាំ​ថា ទោះ​បី​ជា​គេ​មាន​ពណ៌​បៃ​តង​ក៏ដោយ​ ត្រូវ​តែ​ច្បាស់​ថា​បាន​ Consent ជាមុន​សិន​។ DJs Indigo និង Blazien នឹង​ចាក់​តន្ដ្រី​យប់​នេះ​ ចាប់ពី​ម៉ោង ​៩យប់​ដល់ ៤ទៀប​ភ្លឺ​នៅ Club Love ផ្លូវ​លេខ ២៧៨។

 

ភាពយន្ត

 

នៅ​ The Flicks នឹង​មាន​ដាក់​បញ្ចាំង​ភាពយន្ត​មួយ​ ដែល​បង្ហាញ​ថា​អ្នក​មិន​គួរ​មើល​អ្នក​ដទៃ​តែ​តាម​រយៈ​សំបក​ក្រៅ​នោះ​ទេ។ នៅ​ក្នុង​រឿង Corpus Christi ក្មេង​ប្រុស​ម្នាក់ ដែល​បាន​រស់​នៅ​តែ​ក្នុង​បន្ទប់ Detention រហូត​ព្រោះ​តែ​អកប្បកិរិយា​មិន​ល្អ​របស់​គេ ប៉ុន្តែ​បាន​ក្លាយ​ជា​គ្រូសាសនា​នៅ​ក្នុង​ទីក្រុង​ដ៏តូច​ដែល​គេ​កំពុង​រស់​នៅ ប្រកប​ទៅ​ដោយ​រឿង​រ៉ាវ​មិន​ល្អជា​ច្រើន។ តើ​បុរស​ម្នាក់​នោះ​នឹ​ងអាច​ជួយ​ក្រុង​របស់​ខ្លួន​បាន​ឬ​ទេ? ចាប់ពី​ម៉ោង ៩យប់​នៅ The Flicks ផ្លូវ​លេខ ៩៥។​

 

ថ្ងៃ​សៅរ៍

 

ជម្រើស​យើង

 

Raising the Voices of Grassroots Women Leaders គឺ​ជា​កម្មវិធី​មួយនិយាយ​អំពី​ការ​បក​ស្រាយ​សាច់​រឿង​ តុ​ពិភាក្សា និង​ជួប​សំណេះ​សំណាលផ្សេងៗ។ Vlogger ពី A Dose of Cath គឺ Catherine Harry នឹង​ដឹក​នាំ​តុ​ពិភាក្សា​នេះ ជាមួយ​នឹង​ក្រុម​អ្នក​ដឹកនាំ​ស្ដ្រី​កម្ពុជា​ ដែល​ធ្លាប់​បាន​ជម្នះ​នូវ​ឧបសគ្គ​ផ្សេងៗ ជា​ច្រើន​មិន​ថា​ជា​យេន​ឌ័រ ការ​សិក្សា​ ការ​ថែ​រក្សាខ្លួន​ឯង និង​ជា​ពិសេស​គឺ​ភាព​ជា​អ្នក​ដឹក​នាំ​ផ្ទាល់​តែ​ម្ដង។ រៀប​ចំ​កម្មវិធី​នេះ​ដោយ Weaving Women’s Leadership for Change អ្នក​អាច​ចូលរួម​កម្មវិធី​នេះ​ដោយ​ឥត​គិត​ថ្លៃ។ ចាប់ពី​ម៉ោង ៤ដល់ ៨កន្លះ​នៅ The Factory ផ្លូវ​ជាតិ​លេខ ២។     

 

មាន​អ្វី​ទៀត?

 

 

ស្ថាន​ទូត​សាំងហ្គាពួរ​នឹង​រៀប​ចំ​កម្មវិធីខួប​គម្រប់ ៥៥​ឆ្នាំ​នៃ ទំនាក់ទំនង​ការទូត​ជាមួយ​ប្រទេស​កម្ពុជា​ដោយ​រៀប​ចំ​កម្មវិធី Street Art Fest នាំ​យក​នូវ​អ្នក​សិល្បៈ​ជា​ច្រើន​រូប​មក​ចូលរួម​។ នៅ​ថ្ងៃ​សម្ពោធ​អ្នក​សិល្បៈ​ពីរ​រូប​គឺ FONKi និង Yip Yew Chong នឹង​បង្ហាញ​ពី​ស្នាដៃ​គូរ​គំនូរ​ផ្ទាល់​នៅ​នឹង​កន្លែង​ ព្រម​ទាំង​ដាក់​លក់​បន្ទាប់​ពី​គូរ​រួច​ហើយ​ផង​ដែ​​​​រ។ ប្រាក់​ដែល​ទទួល​បាន​ពី​ការ​លក់​គំនូរ​នេះ នឹង​បរិច្ចាគ​ទៅ​កាន់ Cambodia Children’s Fun និង Cambodia Living Arts។ កម្មវិធី​នេះ​ក៏មាន​នូវ​តន្ដ្រី​ អាហារ​និង ភេសជ្ជៈ​ផង​ដែរ។ ចាប់ពី​ម៉ោង ៥ដល់ ៩យប់​នៅ WB Arena ផ្លូវជាតិ​លេខ ២។​

 

កម្មវិធី​បើក​បណ្ណា​ល័យ​ថ្មី​ផ្ដោត​ទៅ​លើ​គំនិត​ច្នៃប្រឌិត នឹង​មាន​ការ​កម្មវិធី​បើក​សម្ពោធ​ថ្ងៃ​នេះ។ តាម​រយៈ​កម្មវិធី​នេះ​អ្នក​នឹងអាច​ស៊ើប​ដឹង​ថា តើ​ប្រភេទ​សៀវ​ភៅបែប​ណា​ខ្លះ​ដែល​មាន​នៅ​ទីនេះ។ កម្មវិធី​នៅ​ថ្ងៃ​នេះ​​អាច​ចូលរួម​ដោយ​ឥត​គិត​ថ្លៃ​ ព្រមទាំង​មាន​អាហារនិង​ភេសជ្ជៈ​ផង​ដែរ។ ចាប់ពី​ម៉ោង ១០ព្រឹក​ដល់​ថ្ងៃ​ត្រង់​នៅ The Factory ផ្លូវ​ជាតិ​លេខ ២។​ ​​  

 

នៅ​ហាង​លក់​គ្រឿង​អលង្ការ​ Penh Lenh នឹង​មាន​កម្មវិធី Penh Lenh Galentine’s Day-themed workshop ដែល​អ្នក​ចូលរួមអាច​រៀន​ពី​របៀប​ធ្វើ​គ្រឿង​អលង្ការដោយ​ដៃ ព្រម​ទាំងមាន​ស្រា Champagne អាហារ​សម្រន់​ដាក់​ឲ្យ​ញ៉ាំ​ពេលនោះ​ដែរ។ តម្លៃ​ចូលរួម​ ៤០ដុល្លារ​ ហើយ​កន្លែង​មាន​កំណត់។ ចាប់ពី​ម៉ោង ៥ដល់ ៧យប់​នៅ Penh Lenh ផ្លូវ​លេខ ៤៥៦។​

 

បង្រៀន​កូន​ៗរបស់​អ្នក​ពី​របៀប​ដាំ​កូន​រុក្ខជាតិ​នៅ Eleven One Kitchen សម្រាប់​កម្មវិធី gardening workshop។ ក្មេង​ៗនឹង​រៀន​ពី​ប្រភេទ​នៃ​គ្រាប់និង​ប្រភេទរុក្ខជាតិ​ដែល​គេ​អាច​ដាំ​ដុះ។ ពួក​គេ​នឹង​អាច​នាំ​យក​ទៅ​វិញ​នូវ​ថូរ​ផ្ការ​និង​គ្រាប់​រុក្ខជាតិ​តាម​ជម្រើស​របស់​គេ​ផង​ដែរ។ តម្លៃ​ចូលរួម​គឺ ១៩ដុល្លារ​ដោយ​ផ្ដល់​ជូន​នូវ​សម្ភារៈ​ដែល​ត្រូវ​ការ​ ព្រម​ទាំង​ទឹក​ក្រូច​ឬ​ការ៉េម​ផង​ដែរ។ ចាប់ពី​ម៉ោង ១ដល់ ៣រសៀល​នៅ Eleven One Kitchen បឹងកេងកង​ ផ្លូវ​លេខ ៣៣៤។

 

Meta House កំពុង​ស្វែង​រក​ជើង​ឯកអ្នក​លេង Smash ​នៅ​កម្ពុជា​។ ពួក​គេ​នឹង​ប្រកួត​ប្រជែង​គ្នា​ក្នុង​កម្មវិធី SmashBodia tournament លើ​ក​ដំបូង​ ដោយ​អ្នក​ឈ្នះ​នឹង​ទទួល​បាន​រង្វាន់​ដល់​ទៅ ១៥០ដុល្លារ។ លក្ខខណ្ឌ​ផ្សេងៗ​បាន​ដាក់​បង្ហាញ​រួច​ជា​ស្រេច​នៅ​លើ Event’s Page ហើយ​អ្នក​ត្រូវ​តែ​យក​ Controllers មក​ដោយ​ខ្លួនឯង។ ចាប់ពី​ថ្ងៃ​ត្រង់​ដល់​ម៉ោង ៦​ល្ងាច​នៅ Meta House ផ្លូវ​លេខ ១៧៨។ ​

 

Seekers នឹង​មាន​កម្មវិធី​ពិសេស​សម្រាប់អ្នក​ដែល​អត់គូរ​សម្រាប់​ថ្ងៃ​នៃ​ក្ដី​ស្រលាញ់​ឆ្នាំ​នេះ​ ដោយ​អនុញ្ញាតិ​ឲ្យ​ពួក​គេ​ញ៉ាំ​ស្រា​មួយ​ថែម​មួយ​សម្រាប់ Cocktails ពិសេស​និង​តន្ដ្រី​ពី DJ Shaman អីចឹង​​ Single ក៏ Single ទៅ​សុំ​សប្បាយ​មួយ​ល្ងាច​សិន។ ចាប់ពី​ម៉ោង ៨កន្លះ​យប់​ដល់ ពាក់​កណ្ដាល​អាធ្រាត្រ​នៅ The K’s ផ្លូវ​លេខ ២០៨។​

 

Samai Rum នឹង​មក​កាន់ Sundown Social Club សម្រាប់​កម្មវិធីពិសេស “tiki cocktail takeover”។ ចាប់​ផ្ដើម​ពី​ម៉ោង ៤រសៀល​ដល់​ពាក់​កណ្ដាល​អាធ្រាត្រ​ដោយ​ក្នុ​ង​នោះ​ចាប់​ពី​ម៉ោង ៥​ដល់​ម៉ោង ៧គឺ​ជា Happy Hour នៅ Sundown Social Club ផ្លូវ​លេខ ៤៤០។ 

 

តន្ដ្រី

 

Intégrité បារ​និង​ខារ៉ាអូខេ​ ម្ដុំ​ទួល​ទំពូង​នឹង​មាន​កម្មវិធី Afro-Kizoba party ថ្ងៃ​សៅរ៍​នេះ​ ដោយ​មាន​លក្ខណៈ​ប្លែកនិង​ពិសេស។ Kizomba គឺ​ជា​ប្រភេទ​ចង្វាក់​រាំពី​ Angola ដែល​ច្រៀង​ក្នុង​ភាសា Portuguese។ កម្មវិធីជប់លៀង​​នេះក៏មាន​តន្ដ្រី​ផ្សេងៗពី​ប្រទេស​មក​ពី ទ្វីប​អាហ្វ្រិក​ផង​ដែរ។ ចាប់ពី​ម៉ោង ៩យប់ដល់​ពាក់​កណ្ដាល​អាធ្រាត្រ​នៅ Intégrité ផ្លូវ​លេខ ៤៥០។ 

 

នៅ​ម្ដុំ​បាសាក់ឡេន​វិញ Cloud នឹង​មាន​កម្មវិធី​តន្ដ្រី​ខ្មែរ Khmer folk music night ដោយ​ក្រុម​ចម្រៀង​ Aram Khmer នាំ​យក​នូវ​សំនៀង​ហ្គីតា បាស និង​ស្គរ​ លាយ​ជាមួយ​តន្ដ្រី​ដោយ​ប្រើ​ឧបករណ៍ភ្លេង​ខ្មែរ​ រនាត​ឯក និង ទ្រអូ៊​រ លាយ​ឡំ​ជាមួ​យសំនៀង​ច្រៀង​ជា​ភាសា​ខ្មែរ។ ចាប់ពី​ម៉ោង ៧ដល់ ១១យប់​នៅ Cloud ផ្លូវ​លេខ ៩។​

 

Kirsty Day និង David Bell នឹង​នាំ​យក​នូវ​ភាព​សប្បាយរីករាយ​មក​កាន់ The Box Office ដើម្បី​រៀប​ចំ​កម្មវិធី​ច្រៀង​និង​រាំ​កម្សាន្ត​ពេញ​មួយ​ល្ងាច​នៅ​ទី​នោះ។ ចាប់ពីម៉ោង ៦កន្លះ​ដល់​ម៉ោង ១១កន្លះ​នៅ The Box Office ផ្លូវ​លេខ ២៤៤។ 

 

តារា​ចម្រៀង​ Soul Mirasol Aguila នឹង​សម្ដែង​យប់​នេះ​នៅ Alchemy ជាមួយ​នឹង​ដៃ​ហ្គីតា​លោក Arone Silverman និង​អ្នក​លេខ​ស្គរ Kenn។ មិន​ត្រឹម​តែ​សម្ដែង​តន្ដ្រី​បែប Soul ពួក​គេ​ក៏បន្ថែម​នូវ​តន្ដ្រី​ចង្វាក់ Hip Hop, R&B និង contemporary hits ផង​ដែរ។ ចាប់ពី​ម៉ោង ៧កន្លះ​ដល់ ១០កន្លះ​នៅ Alchemy GastroPub ផ្លូវ​លេខ ១២៣។

 

LF Social Club បាន​សម្រាក​បន្តិច​ដោយ​ធ្វើ​ការ​កែលម្អរ​ ពេល​នេះ​បាន​ត្រលប់​មក​វិញ​ដោយ​បើក​ឆាក​ជាមួយ​នឹង​ការ​ជប់លៀង​បើក​ថ្មី​ រួម​ជាមួយ​នឹង​ការ​សម្ដែង​ពី​ក្រុម​ចម្រៀង​ Latin The Havana Kings។ ចាប់ពី​ម៉ោង ៨ដល់១១យប់​នៅ LF Social Club ផ្លូវ​លេខ ៣០៨។

 

រាំកម្សាន្ត

 

HypeLab Club Love takeover នឹង​មាន​ DJ ល្បីៗជា​ច្រើន​ដូច​ជា Kenny Chase, Premo Sounds, Brandon Perez និង​ Daniel Omens ធានា​ថា​នឹង​ធ្វើ​ឲ្យ​អ្នក​ចូលរួម​រាំកម្សាន្ត​យ៉ាង​ពេញ​ចិត្ត​។ ចាប់ពី​ម៉ោង ៩យប់​ដល់ ៤ទៀបភ្លឺ​នៅ Club Love ផ្លូវ​លេខ ២៧៨។ 

 

Martin Tobias DJ មក​ពីក្រុង​ London ដែល​ធ្លាប់​សម្ដែង​នៅ Ministry of Sound Club នឹង​មក​កាន់ Party Patio រាត្រី​នេះ ដោយ​ចាក់​តន្ដ្រី​បែប​ Funky, tribal groove techno និង Deep tech house។ ចូលរួម​សម្ដែង​ជាមួយ​លោក​គឺ DJ Théo កម្មវិធី​ល្ងាច​នេះ​ឧបត្ថម្ភដោយ​ស្រាបៀរ​កម្ពុជា​ ដោយ​ទិញ​ស្រា​បី​កែវ​និង​ទទួល​បាន​អាវយឺត​មួយ​ មួយ​ថូ​បាន​អាវ​ពីរ​ និង​មួយ​ Tower បាន​អាវ​បី។ ចាប់ពី​ម៉ោង ៩យប់​ដល់ ១ទៀបភ្លឺ​នៅ Party Patio ផ្លូវ​លេខ ៣០៨។

 

សម្រាប់​អ្នក​ចូល​ចិត្ត​តន្ដ្រី​បែប Acid (រួមជាមួយ House, Techno, Electro) Rhythm Control នឹង​ធ្វើ​ឲ្យ​អ្នក​រាំកម្សាន្ត​យ៉ាង​ពេញ​ចិត្ត ជាមួយ​នឹង​ DJs Alan Ritchie, Rob Bianche, Lefty Stryker នាំ​យក​តន្ដ្រី​បែប Underground Electro មក​កាន់ Pontoon Pulse ចាប់ពី​ម៉ោង ១១យប់​ដល់ ៥​ទៀប​ភ្លឺ​នៅ​ Pontoon Pulse ផ្លូវលេខ ១៧២។ 

 

 

ភាពយន្ត

 

រឿង​ ភ្នំភ្លើង​មច្ចុរាជ នឹង​ចាប់​ដាក់​បញ្ចាំង​ថ្ងៃ​សៅរ៍​នេះ​នៅ Major Cineplex និយាយ​អំពី​ភ្នំភ្លើង​ដ៏ធំ​មួយ​នៅ​ កូរ៉េ​ ខាង​ជើង​។ អីចឹង​ដើម្បី​ជំលៀស​គ្រោះ​ថ្នាក់​ពី​ភ្នំភ្លើង​នេះ តើ​ពួក​គេ​នឹង​ត្រូវ​ប្រឈម​មុខ​ជាមួយវា​បែប​ណា? ចាប់ពី​ម៉ោង ៩និង​២០នាទី​យប់​នៅ Major Cineplex Sen Sok។

 

ថ្ងៃអាទិត្យ

 

ភាពយន្ត

 

Fantasy Island ជាភាពយន្ត​បែប​រន្ធត់​នឹង​ដាក់​បញ្ចាំង​ចុង​សប្ដាហ៍​នេះ ដែល​ដក​ស្រង់​ចេញ​ពី​រឿង​ភាគ​ល្បី​ពី​អាមេរិក ដែល​និយាយ​អំពី​កោះ​អាថ៌កំបាំងមួយ​របស់​លោក Rourke ដែល​អាច​ឲ្យ​មនុស្ស​ទៅ​ដល់​ទី​នោះ​ អាច​ទទួល​បាន​នូវ​អ្វី​ដែល​គេ​ចង់បាន។ ប៉ុន្តែ​អ្វី​ដែល​ពួកគេ​គិត​នោះ​គឺ​ខុស​ស្រឡះ ព្រោះ​ពួក​គេ​មិន​បាន​គិត​ដល់ថា តើ​នឹង​ត្រូវ​ប្រឈម​មុខ​នឹង​គ្រោះ​ថ្នាក់​អ្វី​ខ្លះ? ចាប់​ដាក់​បញ្ចាំង​ជា​ច្រើន​ម៉ោង នៅ​តាម​បណ្ដា​រោងកុន​នៅ​ភ្នំពេញ។​​​

 

មាន​អ្វី​ទៀត?

 

Farm to Table នឹង​មាន​កម្មវិធី​ពិសេស​មួយ​ហៅ​ថា all-day trip to the salt farms of Kampot ដោយអ្នក​ចូល​រួម​នឹង​ធ្វើ​ដំណើរ​ទៅ​កាន់ស្រែ​អំបិល​ខេត្ត​កំពត​ រួម​ជាមួយ​នឹង​អាហារ​ថ្ងៃត្រង់​ ភេសជ្ជៈ​និង​ថ្លៃ​ធ្វើ​ដំណើរ​ផ្សេងៗ។ កន្លែង​អង្គុយ​មាន​កំណត់​ ដោយ​សំបុត្រ​ចូលរួម​មាន​តម្លៃ​ ៤៥ដុល្លារ។ ចាប់ពី​ម៉ោង ៧ព្រឹក​ដល់ ៦ល្ងាច​នៅ Farm to Table ផ្លូវ​លេខ ៣៦០។ ​

 

 

Continue Reading
You may also like...
Click to comment

Leave a Reply

More in មគ្គទេស​ចុង​សប្ដាហ៍

You Might Like…

អត្ថបទ​សំខាន់​​ និង​ កិច្ចស​ម្ភាសន៍​ផ្សេងៗ

មកជួប​ជើងឯក​កីឡា​ឡើង​ជញ្ជាំង​ថ្មី​សន្លាង​របស់កម្ពុជា

By ខែ​កក្កដា 9, 2019

Our Writers

Facebook

Take Me To…

To Top