Connect with us

តេនតេន តោះចុងសប្ដាហ៍នេះធ្វើអ្វីខ្លះ​គ្នា​យើង​

ជំរើស​យើង

តេនតេន តោះចុងសប្ដាហ៍នេះធ្វើអ្វីខ្លះ​គ្នា​យើង​

តេនតេន តោះចុងសប្ដាហ៍នេះធ្វើអ្វីខ្លះ​គ្នា​យើង​

សប្ដាហ៍ថ្មី កម្មវិធី​ថ្មីៗ សម្រាប់​សប្ដាហ៍នេះគឺ​សម្បូរ​បែប​តែ​ម្ដង។ ចាប់​ពីថ្ងៃសុក្រ​ដល់​ថ្ងៃ​អាទិត្យ​ អាច​រើស​បាន​តាម​ចិត្ត​ ថាគួរ​តែ​ទៅ​ណា។​

ថ្ងៃសុក្រ 

 

ជម្រើសយើង

 

ក្រុម​ចម្រៀង​ ហ៊ីបហប Hypnotic Fist Technique មិន​ដែល​ធ្វើ​ឲ្យ​អ្នកចូលរួម​ទស្សនា​ខក​បំណង​នោះ​ឡើយ សម្រាប់​ថ្ងៃសុក្រ​ចុង​សប្ដាហ៍​នេះ​ ពួក​គេ​នឹង​ត្រលប់​មក​ LF Social Club ដើម្បី​សម្ដែង​តន្ដ្រី​ដ៏ពិសេស​អ្នក​មិន​គួរ​រំលង។ ចាប់​ពី​ម៉ោង ៩យប់​ដល់​ ១ ទៀបភ្លឺ​នៅ LF Social Club ផ្លូវបាសា​ក់​ ៣០៨ បឹងកេងកង១។ 

កំប្លែង 

 

ចូល​ចិត្ត​ទស្សនា​រឿង​កំប្លែង​បែប​ Stand Up?  ​តារា​កំប្លែង​ស្ងួត Ben Quilan នឹង​សម្ដែង​រាត្រី​នេះ​នៅ​ Riel Brewing Company ម្ដុំ​ទួលទំពូង​។ មក​តាំង​ពី​ហុងកុង​ Ben ធ្លាប់​ឈ្នះ​រង្វាន់​ជា​ច្រើន​ដោយ​សារ​តែ​ទេពកោសល្យ​របស់​លោក​ ក្នុង​ការ​និយាយ​រឿង​កំប្លែង​កំដរ​អារម្មណ៍ទស្សនិកជន។ ធំដឹង​ក្ដី​ដោយ​មាន​ម្ដាយជា​ជន​ជាតិ​ចិន​​​​ និង​ឪពុក​ជា​ជន​ជាតិ​អូស្ដ្រាលី​អីចឹង​លោក​ប្រាកដ​ជា​មាន​រឿង​រ៉ាវគួរ​ឲ្យ​ចាប់​អារម្មណ៍​ច្រើន​សម្រាប់​អ្នក​ទាំង​អស់​គ្នា។ នេះ​ជា​ឈុត​ឆាក​ខ្លះ​ៗនៃការ​សម្ដែង​របស់​លោក។

 

​​​ចាប់​ពី​ម៉ោង ​៧កន្លះ​ដល់ ១០កន្លះ​នៅ​ Riel Brewing ផ្លូវលេខ ៤៦៤ ទួលទំពូង។ 

 

ភាពយន្ត

 

ថត​លក្ខណៈ​ជា​ភាពយន្ត​ឯកសារ​ដក​ស្រង់​ពី​រឿង​ពិត​ ភាពយន្ត​បារាំង Les Invisibles នឹង​និយាយ​អំពី​រឿង​រ៉ាវពាក់​ព័ន្ធ​នឹង​ក្រុមស្រ្ដី​ដែល​កំពុង​តែ​ធ្វើ​ការ​ ឬ​រស់​នៅ​ពឹង​ពាក់នឹង​​ជម្រក​សម្រាប់​អ្នក​គ្មាន​ផ្ទះ​សម្បែង​មួយ​នៅ​ទីក្រុង​ប៉ារីស​។ វិទ្យាស្ថាន​ភាសា​បារាំង​ នឹង​បញ្ចាំង​ភាពយន្ត​នេះ​នៅ​រាត្រី​ថ្ងៃ​សុក្រ​ជា​ភាសាបារាំង​ និង​មាន​ Subtitles ជា​ភាសា​អង់គ្លេស។​

ចាប់​ពី​ម៉ោង ៧ល្ងាច​ត​ទៅនៅ វិទ្យាស្ថាន​ភាសា​បារាំង​នៅ​ផ្លូវ​លេខ ១៨៤ សំបុត្រ​ចូលរួម​តម្លៃ​២ដុល្លារ។ 

 

កន្លែងញ៉ាំស្រា 

 

ចាប់​តាំង​ពី​ស្រា​រ៉ាំ​លាយជាមួយ​ម្នាស់​និង​ដូង​ រហូត​ដល់​ស្រា​វដកា​លាយ​ជាមួយ​ក្រូ​ច​និងខ្ញី ក្រុមហ៊ុន Tomoka Cocktail Company បាន​មមាញឹក​យ៉ាង​ខ្លាំង​ក្នុង​ការ​លាយ​បញ្ចូល​ក៏ដូច​ជា​បង្កើត​រស​ជាតិ​ថ្មី​​ដើម្បី​ឲ្យ​មាន​លក្ខណៈ​ពិសេស​និង​រស​ជាតិ​បែប​ខ្មែរ​។ យប់​នេះ​ពួក​គេ​​នឹង​បង្ហាញ​នូវ​ប្រ​ភេទ​ស្រា​​ពិសេស​ៗ ទាំង​អស់​នេះ​សម្រាប់​អ្នក​ទាំង​អស់​គ្នា​ដែល​ចង់​ភ្លក់ ក៏ដូច​ជា​មាន​តន្ដ្រី​កំដរ​ផង​ដែរ។ ចាប់​ពី​ម៉ោង ៦ល្ងាច​ដល់​យប់​ជ្រៅ នៅ Tomoka Cocktail Company ទីតាំង​នៅ​តាម​ផ្លូវ​លេខ ៧៥។

 

តន្ដ្រី​សម្ដែង​ផ្ទាល់ 

 

សម្រាប់​រាត្រី​អ្នក​អាច​ជ្រើសរើស​ទីតាំង​ជា​ច្រើ​ន​នៅ​ក្នុង​ក្រុង​ ដើម្បី​ចូលរួម​កម្សាន្ត។ សម្រាប់​តន្ដ្រី​បែប “post-psychedelic” ចង្វាក់​បែប folk និង​រ៉ុក​ពី​ក្រុម​ Geography of the Moon ចាប់​ពី​ម៉ោង ៨យប់​នៅ Alchemy ផ្លូវលេខ ១២៣។ សម្រាប់​តន្ដ្រី​បែប ហ្សាស​ ពី​ក្រុម​ 1 Girl & 6 Strings ​​ចាប់​ពី​ម៉ោង​​ ៧ល្ងាច​ត​ទៅ​នៅ  Botanico ផ្លូវ​លេខ ២៩។ សម្រាប់​តន្ដ្រី​បែប​ក្លាស៊ីក ​“Chicago Blues” ពី​តារា​ចម្រៀង Jeffro Starks ចាប់​ពី​ម៉ោង ៦កន្លះ​ត​ទៅនៅ Farm to Table ផ្លូវ​លេខ ៣៦០។​ តន្ដ្រី​បែប Acoustic ពី​​ Robin Narciso ចាប់​ពី​ម៉ោង ៨ នៅ Cloud ផ្លូវ​លេខ ៩ និង​តន្ដ្រី​បែប​រ៉ុក​បែប​ខ្មែរ​ពី ក្រុម Simoun នឹង​សម្ដែង​ចាប់​ពី​ម៉ោង ១០ត​ទៅ​នៅ Oscar’s On the Corner កែង​ផ្លូវ​លេខ ១៣និង​ ១០៤។

 

DJ និង​ក្លឹប​រាត្រី 

 

សម្រាប់​ការ​សម្ដែង​រាត្រី​នេះ​នៅ Epic 2 ពិត​ជា​ធំដោយ​តារា​ចម្រៀង​ល្បី​ប្រចាំ​ប្រទេស​កម្ពុជា លោក ព្រាប​ សុវត្ថិ​ និង​ចូល​ខ្លួន​សម្ដែងលើ​ឆាក​ ជាមួយ​នឹង​ DJ ដ៏មាន​ថ្វីដៃ​មក​តាំង​ពី​ប្រទេស​កូរ៉េ​គឺ DJ នារី Min Park។ អ្នក​អាចទំនាក់ទំនង​តាម​លេខ​ទូរសព្ទ 010 600 609 ​សម្រាប់​កក់​ទុក​ជាមុន​ ​​ព្រោះ​អាច​នឹង​មាន​អ្នក​ចូលរួមច្រើន។

ចាប់​ពី​ម៉ោង ៩យប់​ដល់ ៣ ទៀប​ភ្លឺ​​នៅ Epic 2, Eden Garden។ ​

 

META House នឹង​មាន​កម្មវិធី​ពិសេស​មួយ​យប់​នេះ ដើម្បី​ប្រារព្ធ​ថ្ងៃ​កំណើត​លោក Nico ដែល​ជា​ដៃគូម្ចាស់​ទីតាំង​នេះ។ សម្រាប់​តន្ដ្រី​យប់​នេះ DJS B-Fox, Lefty, Dr Wah Wah និង  Prof Kinski នឹង​ប្ដូរ​វេនគ្នា​ចាក់​ចម្រៀង​រាំកម្សាន្ត​ជាមួយ​នឹង​បៀរ​តម្លៃ​តែ ១ដុល្លារ​តែ​ប៉ុណ្ណោះ​ពេញ​មួយ​យប់។ ចូលរួម​ដោយ​សេរី​ ទីតាំង​នៅ​ META House តាមបណ្ដោយផ្លូវ​លេខ ១៧៨។

 

សម្រាប់​ការ​សម្ដែង​រាត្រី​នេះនៅ Party Patio នឹង​មាន​ការ​ចូលរួម​ពី DJs ជំនាញ​ខាង​ចង្វាក់ Techno គឺ Shadows of Space និង Moudy រួម​បញ្ចូល​នឹង​ការ​ដាក់​បង្ហាញ​វីដេអូ​ Visoul ពី CymaticA។ ចាប់ពី​ម៉ោង ៩យប់​ដល់ ១ ទៀប​ភ្លឺ​នៅ Party Patio ផ្លូវ​លេខ ៣០៨។​ 

 

ចូល​ចិត្តស្រាបិត​បែប Craft Beer អត់? ចូល​ចិត្ត​តន្ដ្រី​បែប Deep House អត់?​ ចូល​ចិត្ត​ចំណាយ​ពេល​នៅ​មាត់​ទន្លេ ដោយ​ញ៉ាំ​ស្រាបៀរ​ឆ្ងាញ់ខណៈ​ពេល​កំពុង​រាំ​អត់? បើ​ចូលចិត្ត​ទាំង​អស់​នេះ អ្នកប្រាកដ​ជាចូល​ចិត្ត​កម្មវិធី Crafty Beats by Catlocarpio។ ចាប់​ពី​ម៉ោង ៧ យប់​ដល់ ១២កន្លះ​អាធ្រាត្រ​​នៅ 5 Drunk Men ផែស៊ីសុវត្ថិ។​​ 

 

 

ថ្ងៃសៅរ៍ 

ជម្រើស​យើង 

 

DJs ការ​សម្ដែង​ពី Drag Queens អាហារ​ដាក់លក់​ជា​ច្រើន​មុខ ស្រា​ក្រឡុក និង​ការ​លាបពណ៌​លើ​ដង​ខ្លួន​ពី​សំណាក់​ជាង​គំនូរ ក៏ដូច​ជា​ការ​សម្ដែង​តន្ដ្រី សាក់ស្សូហ្វូន​ជា​ដើម​ នៅ Factory គឺ​មាន​គ្រប់​ទាំង​អស់។ អាច​ទាំង​ស្រុង​ពី​កម្មវិធី​នេះ និង​ការ​ទិញ​សំបុត្រ តាម​រយៈ​តំណរ​នេះ។ 

 

 ចាប់​ពី​ម៉ោង ៥កន្លះ​ដល់​ ពាក់​កណ្ដាល​អាធ្រាត្រ​នៅ Factory ផ្លូវ​ជាតិ​លេខ ២។ តម្លៃ​សំបុត្រ​គឺ ១០ដុល្លារប៉ុន្តែ ៨ដុល្លារ​បើ​ទិញ​ទុក​មុន ដោយ​មាន​ភេសជ្ជៈ​មួយ​កែវ​ដោយ​ឥតគិត​ថ្លៃ។

ទិញ​ឥវ៉ាន់ 

 

សម្រាប់​អ្នក​ចង់ចំណាយ​ពេល​ថ្ងៃ​សៅរ៍​ដើម្បី​ទិញ​របស់របរ​ផ្សេងៗ ថ្ងៃនេះគឺ​ពិត​ជា​ល្អ​តែ​ម្ដង​ Urban Space នៅ Toul Kork នឹង​មាន​កម្មវិធី Flea Market បែប​គ្រួសារ​​ចាប់​ពី​ម៉ោង ៩ព្រឹក​ដល់​ ៣រសៀល នៅ Urban Space Playground ផ្លូវ​លេខ ២៨៧។ កម្មវិធី​ប្ដូរ​សម្លៀក​បំពាក់​ពី Fashion Revolution ចាប់​ពី​ម៉ោង ២ដល់​៥រសៀល​នៅ Could ផ្លូវ​លេខ ៩ និង​កម្មវិធីជប់​លៀង​គ្រីស្តម៉ាស​ប្រចាំ​ឆ្នាំ​នៅ Raintree ដែល​អ្នក​អាច​ទិញ​ទំនិញ​ពិសេស​ ជា​ច្រើន​ផលិតក្នុង​ស្រុក​ ចាប់​ពី​ម៉ោង ៩ព្រឹក​ដល់​ ៦ល្ងាច​នៅ Raintree Cambodia ផ្លូវ​លេខ ១១០។ ​ 

 

ញ៉ាំ​អាហារ 

 

ប្រសិនជា​អ្នក​ធ្លាប់​រស់​នៅ​សហរដ្ឋ​អាមេរិក​ ឬ​មានមិត្ត​ភក្តិ​សញ្ជាតិ​អាមេរិក​ ហើយ​ពួកគេ​ចូល​ចិត្ត ដំឡូង​កិន (Mashed Potato) ខ្លាំង​នោះ​ កុំ​ភ្លេច​មក​ចូល​រួម​កម្មវិធី Thanksgiving Pot Luck នៅ Botanico។ នៅ​ទី​នោះ​មាន​ផ្ដល់​ឲ្យ​នូវ​មាត់ដុត​តួគី​មួយ​ក្បាល ប៉ុន្តែ​អ្នក​ចូលរួម​ត្រូវ​យក​អាហារ​ខ្លះៗមកជាមួយ ដើម្បី​ចែក​រំលែក។ ចាប់​ពី​ម៉ោង ៤ដល់ ៧រសៀល​នៅ Botanico ផ្លូវ​លេខ ២៩។

 

ឬ​ប្រសិន​ជា​អ្នក​ចង់បាន​អ្វី​ដែល​ប្លែក​បន្តិច​ ហើយ​មិន​ងាយ​នឹង​ស្វែង​រក​នៅ​ទីក្រុង​ភ្នំពេញ​ អីចឹង​មិន​សាក​ទៅ​ចូលរួម​កម្មវិធី​ញ៉ាំ​អាហារ​បែប Moroccan បុហ្វេ​នៅ​ម្ដុំ​ទួលទំពូង​ម្ដង​ទៅ​មើល៍។  ចុង​ភៅ Karim សន្យា​ថា​អ្នក​នឹង​ទទួល​បាន​បទពិសោធន៍​ថ្មី​មួយ​នៃ​អាហារ​ដែល​មិន​ធ្លាប់​មាន​ពី​មុន​មក។ ក្នុង​តម្លៃ​តែ ១០ ដុល្លារ​អ្នក​អាច​ញ៉ាំ​អាហារ​បាន​តាម​ចិត្ត ជាមួយ​នឹង​ស្រា​ Heineken មួយ​ដបឬ​ទឹក​ក្រូច​មួយ​កែវ។

ភាពយន្ត 

 

នៅមជ្ឈមណ្ឌល​បុប្ផាណារាត្រី​នេះ​ នឹង​មាន​ដាក់​បញ្ចាំង​ភាពយន្ត​កំរ​មួយ​ដែល​បញ្ចេញ​កាល​ពី​ឆ្នាំ ១៩៩៤ ដែល​មាន​ចំណង​ជើង​ថា Heavenly Maidens Dance Again ដែល​និយាយ​អំពី​ក្រុម​របាំ​បាឡេ​ បែប​ខ្មែរ​ដែល​វិះ​នឹង​ត្រូវ​បាត់​បង់​ក្នុង​សម័យកាល​ខ្មែរ​ក្រហម។ គូស​បញ្ជាក់​ថា​ភាពយន្ត​នេះ​នឹង​បញ្ចាំង​ជា​ភាសាខ្មែរ​ដោយ​មិន​មាន Subtitles។ អាច​ចូល​មើល​ទិញ​សំបុត្រ​នៅ​ទី​នេះ ចាប់​ពី​ម៉ោង ៥ ល្ងាច​នៅ  ​មជ្ឈមណ្ឌល​បុប្ផាណា ផ្លូវ​លេខ ២០០។ 

 

និយាយ​អីចឹង​មាន​បាន​ទៅ​មើល​រឿង ស្នេហា​ក្មេង​ៗ នៅ? ប្រសិនជា​អត់​ទាន់​បាន​ទៅ​មើលទេ គួរ​តែ​ទៅ​ឲ្យ​ហើយ​មុន​នឹង​រឿង​នេះ​ត្រូវ​​បាន​គេ​ឈប់​ដាក់​បញ្ចាំង។ ប្រសិន​ជា​មិន​ទាន់​ច្បាស់​ពី​សាច់​រឿង​ទេ ស្នេហា​ក្មេង​ៗ និយាយ​អំពី​យុវជន​រៀន​នៅ​ថ្នាក់​វិទ្យាល័យ​មួយ​ក្រុម​ដែល​កំពុង​តែ​ដក​បទពិសោធន៍​ លើ​រឿង​រ៉ា​​វស្នេហា​ ដោយ​ផ្ដោត​សំខាន់​ទៅ​លើ​តួអង្គ​បី​រូប​សំខាន់ៗគឺ វេហា កេសរ​ និង​ រិទ្ធ។ ចាប់​ពី​ម៉ោង​ ៤កន្លះ​ល្ងាច​ត​ទៅ​នៅ Major Cineplex។​​ ​ 

 

ហ្វេសិន 

 

La Chhouk នឹង​ផ្ដល់​ឲ្យ​លោកអ្នក​នូវ​ទស្សនីយ៍ភាពថ្មី​ជាមួយ​នឹង​កម្មវិធី​ថ្មី​មួយ​ដែល​មាន​ឈ្មោះ​ថា Yeatraa Recycled Fashion Show ចូលរួម​សម្ដែង​ជា​ច្រើន​ពី​សំណាក់ Drag Queen ល្បី​ៗប្រចាំទី​ក្រុង​ផង​ដែរ​។ ចាប់​ពី​ម៉ោង ៤ដល់ ៩កន្លះ​យប់​នៅ Factory ផ្លូវ​ជាតិ​លេខ ២។ ​ 

ការ​សម្ដែង​តន្ដ្រី

 

សម្រាប់​អ្នក​ដែលចូល​ចិត្ត​តន្ដ្រី​បែប ក្លាស៊ីក​ប្រពៃណី​បែប​អ៊ឺរ៉ុប កុំភ្លេច​ទៅ​ចូល​រួម​កម្មវិធី Musica Felice ​សំបុត្រ​ចូលរួមមាន​​តម្លៃ ១០ដុល្លារ ប៉ុន្តែ​ចំណូល​ទាំង​អស់​នឹង​បរិច្ចាក​ទៅ​កាន់   Happy Chandara Vocational Training Centre និង​សាលា​តន្ដ្រី Phum Pleng Music School។ ចាប់​ពី​ម៉ោង ៥ដល់៧ល្ងាច​នៅ សណ្ឋាគារ Sofitel Phokeethra ផ្លូវ​សុធារុស។

 

ជម្រើស​ផ្សេងៗទៀត​អ្នក​អាច​ទៅ​ចូលរួម​ទស្សនា​ការ​សម្ដែង​របស់​អ្នក​និពន្ធ​និង​ចម្រៀង​ Scott Bywater ជាមួយ​នឹង​អាហារ​បុហ្វេ BBQ តម្លៃ​៨ដុល្លារ ចាប់​ពី​ម៉ោង ៤ដល់៨យប់​នៅ Villa Grange ផ្លូវ​លេខ ២៤៤។ ការ​សម្ដែង​តន្ដ្រី​បែប Latin Acoustic ដោយ Poca de Feo និង Marleny ចាប់​ពី​ម៉ោង​ ៨យប់​​នៅ Cloud ផ្លូវ​លេខ ៩។ Lisa Conception នឹង​សម្ដែង​នៅ The K’s ចាប់​ពីម៉ោង ៩យប់​ត​ទៅ ទីតាំង​​នៅខាង​លើ VITO Club ផ្លូវ​លេខ ២០៨។ ចំពោះ​តន្ដ្រី​បែប Funk, Disco និង Pop ពី Pocket Change ចាប់​ពី​ម៉ោង ៨យប់​ត​ទៅ​នៅ Alchemy ផ្លូវ​លេខ ១២៣។     ​ ​

 

ក្លឹ​ប​រាត្រី

 

DJ Sopheak នឹង​នាំ​អ្នក​ទៅ​កាន់​រាត្រីតន្ដ្រី​មួយ​បែប​ទស្សវត្ស​ទី ៦០ និង ៧០ ជាមួយ​នឹង​តន្ដ្រី​បែប ក្លាស៊ីក​ល្បីៗជា​ច្រើន​ពី​សម័យកា​ល​មាស​នៃ​តន្ដ្រី​ខ្មែរ​។ ចាប់ពី​​ម៉ោង ៧កន្លះ​ត​ទៅ នៅ Long After Dark ផ្លូវ​លេខ ៤៥០។ ​

 

រាត្រី​នេះ​ដែរ នៅ Club Love នឹង​មាន​តន្ដ្រី​ករអន្តរជាតិ​ DJ Jay Doyle សម្រាប់​ការ​សម្ដែង​លើក​ដំបូង​នៅ​កម្ពុជា។ សំបុត្រ​ចូលរួម​តម្លៃ​៥ដុល្លារ អាច​ប្ដូរ​ជា​ភេសជ្ជៈ​មួយ​កែវ។ ចាប់​ពី​ម៉ោង ៩យប់​ដល់ ៤ ទៀបភ្លឺ​នៅ Club Love ផ្លូវ​ ២៧៨។​

 

Hard Rock Café ប្រចាំ​ទីក្រុង​ភ្នំពេញ​នឹង​មាន​អាយុ​ពីរ​ឆ្នាំ​ចុង​សប្ដាហ៍​នេះ​ ដូច្នេះ​បើ​សិន​ជា​អ្នក​ចូល​ចិត្ត​កម្មវិធី​ជប់​លៀង​បែប EDM និង Sexy Pajamas ដឹង​តែ​ត្រូវ​តែ​ម្ដង។ ចាប់​ពី​ម៉ោង ៩កន្លះ​យប់​ដល់ ២ ទៀបភ្លឺ​នៅ Hard Rock Café, Exchange Square កែងផ្លូវ​លេខ ១០២ និង ៥១។ ​ ​

 

ធ្វើ​ដំណើរ​ទៅកាន់​ពាក់​បណ្ដាល​ទស្សវត្ស​ទី ៩០ ជាមួយ​នឹង​ការ​ជប់​លៀង​ Pool Party ជាមួយ​នឹង​តន្ដ្រី​បែប Rave។ សំបុត្រចូលរួ​ម​គឺ​ឥតគិត​ថ្លៃ​ សម្រាប់​ស្រា​គឺ​មិន​មាន​តម្លៃ​ថ្លៃ  ព្រម​ទាំង​មាន​កម្មវិធី​បន្ទាប់​នឹង​ប្រកាស​យប់​នេះ​ទៀត​នោះ​ អីចឹង​ចាំ​អង្កាល់? ចាប់​ពី​ម៉ោង ៩យប់​ដល់ ៣ ទៀបភ្លឺ​នៅ Eighty8 ផ្លូវ​លេខ ៨៨។ ​

​ 

មាន​អ្វី​ទៀត?

 

សម្រាប់​អ្នក​ដែល​មាន​បំណង​ចង់​បរិច្ចាក​ឈាម ដើម្បី​ជួយ​សង្គ្រោះ​ជីវិត។ មជ្ឈមណ្ឌល​ផ្ដល់ឈាម​ជាតិ​នឹង​មាន​ស្ដង់​សម្រាប់ការផ្ដល់ឈាម​ព្រឹក​ថ្ងៃ​នេះ​។ ពត៌មាន​បន្ថែម​អាច​ទាក់ទង​ទៅ​កាន់​អ្នក​ផ្ដល់​ប្រឹក្សា​ Gina តាម​រយៈ​លេខ​ទូរសព្ទ ​​​011795684។ ចាប់​ពី​ម៉ោង​ ៩ព្រឹក​នៅ មជ្ឈមណ្ឌល​ផ្ដល់ឈាម​ជាតិ​ ផ្លូវ​ ២៧១។

 

ប្រសិន​ជា​អ្នក​មាន​គំនិត​ពិសេស​ពាក់​ព័ន្ធ​នឹង​សហគ្រិន ឥឡូវ​នេះ​ជា​ឱកាស​ដ៏ល្អ​ប្រសិន​ជា​អ្នក​ចង់​វិនិយោគ​គំរោង​ផ្សេងៗ។ គំនិត​ដែលពិសេ​ស​ជាង​គេ​សម្រាប់​ថ្ងៃ​នេះ​នឹង​ទទួល​បាន​ទឹក​ប្រាក់​ដើម្បី​អនុវត្តន៍។ ចាប់​ពី​ម៉ោង ២ដល់ ៥ រសៀល​នៅ   MEG Café, Bridge Lifestyle Mall វិថី ​National Assembly Street។  

 

 

ថ្ងៃ​អាទិត្យ 

 

សិល្បៈ និង​ការ​ថតរូប

 

នៅមជ្ឈមណ្ឌល​បុប្ផាណា​ នឹង​មាន​ការ​ដាក់​បង្ហាញ​ពិពរណ៌រូប​ថត​ចំណង​ជើងថា Endless Patience ដោយ Dignity Cambodia។ គម្រោងពិពរណ៌​នេះ​ផ្ដោត​សំខាន់​ទៅ​លើ​ការ​កាត់​បន្ថយ​នូវ​អំពើ​ហិង្សា​ទៅ​កាន់ស្រ្ដី​។ ចាប់​ពី​ម៉ោង ​៥កន្លះ​ល្ងាច​ដល់ ៨យប់​នៅ មជ្ឈមណ្ឌល​បុប្ផាណា ផ្លូវ​លេខ ២០០។

 

ជម្រើសយើង

 

តារា​ចម្រៀង​ល្បីៗជាច្រើន​ប្រចាំ​ប្រទេស​នឹង​មាន​កម្មវីធី​រៃអង្គាស​សម្រាប់​ប្រមូល​ថវិការ ថ្ងៃ​ទិវាអេដស៍ពិភពលោក ឆ្នាំ ២០១៩។ តារា​ចម្រៀង​ សុខ សីឡាលីន​ នឹង​ក្លាយ​ជាតារា​ចម្រៀង​នាំ​មុខ​កម្មវិធីខនសឺត​នេះ​​នៅ​កោះ​ពេជ្រ​។ អ្វី​ដែល​ពិសេស​នោះ​ ចាប់​ពី​ម៉ោង ១ដល់​៦ល្ងាច​អ្នក​ក៏អាច​មក​ធ្វើ​តេស្ត​រក​មេរោគអេដស៍ និង​ផ្ដល់​ជូន​ស្រោម​អាណាម័យដោយឥតគិត​ថ្លៃ​ផង​ដែរ។ ​ ចាប់​ពី​ម៉ោង ៦ល្ងាច​ដល់ ៩យប់​នៅ កោះ​ពេជ្រ។

 

ទិញ​ឥវ៉ាន់

 

នៅ  Futures Factory ចុងសប្ដាហ៍​នេះ​នឹង​មានការ​ដាក់​លក់​ឥវ៉ាន់​ជា​ច្រើន​ប្រភេទ ក្នុង​កម្មវិធី​ដែល​មាន​ឈ្មោះ​ថា ផ្សារ​រដូវ​ត្រជាក់​។ ក្នុង​នោះ​នឹង​មាន​ដាក់​លក់​អាហារ ទំនិញ​ក្នុង​ស្រុក​ជា​ច្រើន ព្រមទាំង​ការ​សម្ដែងនិង​សកម្មភាពកម្សាន្ត​ផ្សេង​ៗ ពេញ​មួយរសៀល​ផង​ដែរ។ ចាប់​ពី​ម៉ោង ១០ព្រឹក​ដល់ ៨យប់​នៅ Futures Factory ផ្លូវ​លេខ ១៣។​ 

 

ការ​សម្ដែង​តន្ដ្រី

 

ការ​សម្ដែង​បែប​ Acoustic ពី  Geography of The Moon នឹង​ផ្ដល់​ជូន​លោក​អ្នក​នូវ​អារម្មណ៍​ថ្មី​ប្លែក​ សម្រាប់​ថ្ងៃសម្រាក​ចុង​ក្រោយ។ ការ​សម្ដែង​នេះ​ចាប់​ផ្ដើម​ពី​ម៉ោង ៤ល្ងាច​ត​ទៅ​នៅ The Vine ផ្លូវ​ ១៧២។

 

ភាពយន្ត

 

The Irishman នឹង​ដាក់​បញ្ចាំង​ម៉ោង ៨យប់​នេះ​នៅ The Flicks ដែលជាភាពយន្តកំពុង​តែ​ទទួល​បាន​ការ​ពេញ​និយម​ជា​ខ្លាំង​ ទូទាំង​ពិភពលោក​ ដែល​ជា​ស្នាដៃ​របស់​អ្នក​ដឹក​នាំ​រឿង​ល្បី Martin Scorcesse ចូល​រួម​សម្ដែង​ពី​តារា​ជើង​ចាស់ Robert De Niro និង Joe Pesci។ ទស្សនា​ Trailer ខាង​ក្រោម​នេះ

 

មាន​អ្វី​ទៀត?

 

សន្និសិទពី​អាហារូបករណ៍

 

នៅ CKCC នឹង​មាន​កម្មវិធី​មួយ​ថ្ងៃ​សម្រាប់​យុវជន​កម្ពុជា​ដែល​មាន​បំណង​ចង់​ដឹង​ព័ត៌មាន​ជា​ច្រើន​ពាក់​ព័ន្ធ​នឹង​អាហារ​រូប​ករណ៍​ទៅក្រៅ​ប្រទេស ក៏ដូច​ជា​​ព័ត៌មានផ្សេងៗទៀតជា​ច្រើន។ ចាប់​ពី​ម៉ោង ៨ព្រឹក​ដល់ ៥ល្ងាច​នៅ CKCC សកលវិទ្យាល័យភូមិន្ទ​ភ្នំពេញ។

 

Continue Reading
You may also like...
Click to comment

Leave a Reply

More in ជំរើស​យើង

You Might Like…

អត្ថបទ​សំខាន់​​ និង​ កិច្ចស​ម្ភាសន៍​ផ្សេងៗ

មកជួប​ជើងឯក​កីឡា​ឡើង​ជញ្ជាំង​ថ្មី​សន្លាង​របស់កម្ពុជា

By ខែ​កក្កដា 9, 2019

Our Writers

Facebook

Take Me To…

To Top