Connect with us

ថ្ងៃសម្រាក​ចុង​សប្ដាហ៍​មក​ដល់​ទៀត​ហើយ!!!

មគ្គទេស​ចុង​សប្ដាហ៍

ថ្ងៃសម្រាក​ចុង​សប្ដាហ៍​មក​ដល់​ទៀត​ហើយ!!!

ថ្ងៃសម្រាក​ចុង​សប្ដាហ៍​មក​ដល់​ទៀត​ហើយ!!!

ចុង​សប្ដាហ៍​នេះ អ្នក​អាច​ចូលរួម​កម្មវិធី​ពិសេសៗ​ជា​ច្រើន មិន​ថា​ជា​សិល្បៈ ភេសជ្ជៈ​ និង​ រាំកម្សាន្ត​ជា​ដើម​… តោះ​អីចឹង​អ៊ុត​មើល​បន្តិច​មើល៍​ថា​មាន​អ្វី​ពិសេស​ខ្លះ?!

ថ្ងៃសុក្រ

 

ភាពយន្ត

 

ប្រសិន​ជា​អ្នក​ធ្លាប់​ឮឈ្មោះ Greta Thunberg អ្នក​ប្រាកដ​ជា​ដឹង​ហើយ​ថា​ នាង​ជា​សកម្មជ​ន​បរិស្ថានល្បី​ឈ្មោះមួយ​រូប ដែល​តែង​តែ​ធ្វើ​សកម្មភាព​ផ្សេងៗ​ក្នុង​គោល​បំណង​បង្ហាញ​ពី​សារ ប្រឆាំង​នឹង​ការ​ប្រែប្រួល​អាកាសធាតុ​ពិភពលោក។ ជុំវិញ​សកម្មភាព​ទាំង​អស់​របស់​នាង គឺ​ប្រៀប​ដូច​ជា​សកម្មជន​មួយ​រូប ធ្វើ​កិច្ច​ការ​យ៉ាង​ច្រើន ប៉ុន្តែ​នាង​គឺ​គ្រាន់តែ​ជា​ក្មេង​ស្រី​មួយ​រូប​តែ​ប៉ុណ្ណោះ។ ចង់​ដឹង​ថា​តើ​កិច្ច​ការ​របស់​នាង​ទាំង​នេះ មាន​ឥទ្ធិពល​ប៉ះ​ពាល់​អ្វី​ខ្លះ​សម្រាប់​ជីវិត​ឯកជន​របស់​នាង។

ចាប់​ពី​ម៉ោង​៦​កន្លះ​ល្ងាច​នៅ The Flicks ផ្លូវ​លេខ ៩៥​ 

 

 

តន្ដ្រី

 

អ្នក​តន្ដ្រីករ​ Mezzo Soprano សញ្ជាតិ​ជប៉ុន Ai Iwasaki និង​អ្នក​លេង​ព្យ៉ាណូ​អ៊ីតាលី Gabriele Faja នឹង​ផ្ដល់​ឲ្យ​នូវ​ការ​សម្ដែង​មួយ​ ដក​ស្រង់​ចេញ​ពី​អ្នក​និពន្ធ​បទ​ភ្លេង​ល្បី​ឈ្មោះ Francis Poulenc, Ottorino Respighi, Claudio Monteverdi និង Wolfgang Amadeus Mozaet។ សំបុត្រ​ចូលរួម​មាន​តម្លៃ​១០​ដុល្លារ។

ចាប់​ពី​ម៉ោង​៦​កន្លះ​ល្ងាច​នៅ Meta House ផ្លូវ​លេខ ១៧៨

 

Farm to Table បាន​នាំ​មក​វិញ​នូវ​កម្មវិធី​ Friday night acoustic music series រៀង​រាល់​ថ្ងៃសុក្រ។ សម្រាប់​រាត្រី​នេះ ការ​សម្ដែង​ពីរ​ផ្សេង​គ្នា​និង​ប្ដូរ​វេន​គ្នា​កំដរ​អារម្មណ៍​អ្នក​ចូលរួមទស្សនា​ ដោយ​អ្នក​និពន្ធ​តន្ដ្រី​និង​ចម្រៀង​សញ្ជាតិ​ ស្កុតឡាំង​ Lewis McTie (ពី​ក្រុម​ចម្រៀង Little Thieves) និងតន្ដ្រី​ករ​ដៃគូរ Kirty and Dave។

ចាប់​ពី​ម៉ោង​៦​កន្លះ​ល្ងាច​នៅ Farm to Table ផ្លូវ​លេខ ៣៦០

 

Jazz and the City រាត្រី​នេះ​នឹង​មាន​ការ​សម្ដែង​ពី​ សិល្បៈ​ករ​តន្ដ្រី​ដែល​សុទ្ធ​តែ​មាន​ចម្រៀង​និពន្ធ​ដោយ​ខ្លួន​ឯង។ Metta Legita (ព្យ៉ាណូ​និង​ច្រៀង), Funky Sueyoshi (លេង​ស្គរ) និង Andrey Mescheryakov (លេង​បាស) នឹង​សម្ដែង​ជាមួយ​គ្នា​ពី​ចម្រៀង​ដែល​និពន្ធ​ដោយ​ Metta ក៏ដូច​ជា​តន្ដ្រី​ផ្សេងៗ​ទៀត​និពន្ធ​ដោយ​តារា​ចម្រៀង​ហ្សាស​ក្នុង​រយៈ​ពេល​ប៉ុន្មាន​ឆ្នាំ​កន្លង​មក​នេះ។

ចាប់​ពី​ម៉ោង​៧​កន្លះ​ល្ងាច​នៅ Green Pepper ផ្លូវ​លេខ ៣៧០

 

ប្រសិន​ជា​អ្នក​មិន​ធ្លាប់​ឮ Ieva ច្រៀង​ទេ អ្នក​គួរ​តែ​ទៅ​ចូលរួម​ទស្សនា​ការ​សម្ដែង​របស់​នាង​រាត្រី​នេះ។ សម្លេង​របស់​នាង​គឺ​ពិត​ជា​ពីរោះ​ប្លែក ហើយ​ការ​សម្ដែង​នេះ​ចូលរួម​ដោយ​តន្ដ្រីករ​សង្ហាមួយ​រូប​ទៀត​គឺ Robin ជា​អ្នក​លេង​ហ្គីតា។ Ieva & Rob​ នឹង​បន្ត​ការ​សម្ដែង​ដោយ K’n’E ជា​ក្រុម​តន្ដ្រី​ខ្មែរ​សម្ដែង​តន្ដ្រី​រ៉ុក​ខិន​រ៉ូល។

ចាប់​ពី​ម៉ោង​៩​ល្ងាច​នៅ Oscars on the Corner ផ្លូវ​លេខ ១៣

 

សិល្បៈ

 

សិល្បៈ​ករ​ដង​វិថី The Sokheng អ្នក​សិល្បៈ​សម្ដែង Rachaell Johnson នឹង​បង្ហាញ​ពី​ទេព​កោសល្យ​របស់​ពួក​គេ​ ផ្ទាល់​ទៅ​កាន់​អ្នក​ចូលរួម​កម្មវិធី​មួយ​នៅ​ទីធ្លារ​ដំបូល​របស់ Good Times អម​ទៅ​ដោយ​តន្ដ្រី។

Burhani, Subspiiker និង DJs បួន​រូប​ទៀត​នឹង​ផ្លាស់​វេន​គ្នា ចាក់​តន្ដ្រី​កំដរ​កម្មវិធី​ពិសេស​មួយ​នេះ។

ចាប់​ពី​ម៉ោង​៦​ល្ងាច​ដល់​២​ទៀប​ភ្លឺ​នៅ Good Times ផ្លូវ​លេខ ១៧២

 

Sra’Art ស្វាគមន៍​អ្នក​មក​កាន់​កម្មវិធី​ពិសេស​មួយ​ សម្រាប់​អ្នក​ចូល​ចិត្ត​ស្រាក្រហម​និង​គូរគំនូរ។ កម្មវិធី​ Sip and Paint បើក​ឲ្យ​អ្នក​ចូលរួម​គូរ​គំនូរ​និង​ញ៉ាំ​ស្រាក្រហម​តាម​ចិត្ត​​ ក្នង​តម្លៃ​តែ​២៥​ដុល្លារ អ្នក​ក៏​ត្រូវ​បាន​ផ្ដល់​ឲ្យ​នូវ​ប្រដាប់​ប្រដារ​ចាំ​បាច់​សម្រាប់​គូរ​គំនូរ​ផង​ដែរ​។ អ្នក​ជំនាញ​ខាង​គំនូរ Kierstyn នឹង​នៅ​ទី​នោះ​ដើម្បី​ផ្ដល់​ជា​ជំនួយ​ដល់​អ្នក​ចូលរួម​ផង​ដែរ។

ចាប់​ពី​ម៉ោង​៦​ដល់​៨​ល្ងាច​នៅ Sra’Art ផ្លូវ​សុធារស 

 

ល្ខោន

 

The Nether ត្រលប់​មក​វិញ​ចុង​សប្ដាហ៍​នេះ​​នៅ  The Box Office ក្នុង​លក្ខណៈ​ជា​ Blackbox Theatre។ សំបុត្រ​ចូលរួម​គឺ​លក់​អស់​បាត់ទៅ​ហើយ ប៉ុន្តែ​បើ​សិ​ន​ជា​អ្នក​ចង់​ទស្សនា​ខ្លាំង​ អាច​មក​ដល់​ទីតាំង​មុន​ម៉ោង​បន្តិច​ក្រែង​ល​អាច​ចូលរួ​ម​បាន តាម​រយៈ​សំបុត្រ​លក់​នៅ​ទីតាំង​ក្នុង​តម្លៃ​៧​ដុល្លារ។

ចាប់​ពី​ម៉ោង​៧កន្លះ​នៅ The Box Office ផ្លូវ​លេខ ២៤៤​

 

មាន​អ្វី​ទៀត?

 

Cloud បាន​បើក​ចង្ក្រាន​ខ្លួន​ ដោយ​ប្រារព្ធកម្មវិធី បុហ្វេអាហារ​ពេល​ល្ងាច​។ ក្នុង​តម្លៃ​តែ​៦​ដុល្លារ​អ្នក​អាច​ញ៉ាំ​អាហារ​បានតាម​ចិត្ត ប៉ុន្តែ​ក្នុង​តម្លៃ​១០​ដុល្លារ​ អ្នក​អាច​ញ៉ាំ​អាហារ​បាន​ព្រម​ទាំង​ភេសជ្ជៈ​ឥត​កំណត់​ផ​ងដែរ។

ចាប់​ពី​ម៉ោង​៦​ដល់​៩​ល្ងាច​នៅ Cloud ផ្លូវ​លេខ ៩

 

Tomoka Cocktail Company នឹង​មាន​កម្មវិធី​ជប់​លៀង​បែប House Party ដោយ​ជ្រើ​ស​រើស​យក​ភេសជ្ជៈ​ដែល​ធ្លាប់​តែ​ល្បី​ ក្នុង​ទសវត្ស​ឆ្នាំ ១៩៧០ ប៉ុន្តែ​ក៏​ធ្វើ​ឡើង​ច្នៃ​តាម​របៀប​ថ្មី​ផង​ដែរ។​

ចាប់​ពី​ម៉ោង​៦​ល្ងាច​នៅ Tomoka Cocktail Company ផ្លូវ​លេខ ៧៥

 

ថ្ងៃសៅរ៍

 

ភាពយន្ត

 

ភាពយន្ត​ឯកសារ​​ទើប​តែ​បញ្ចេញ​ថ្មី The Story of Plastic បង្ហាញ​ពី​ផង​ប៉ះ​ពាល់​គួរ​ឲ្យ​ភ្ញាក់​ផ្អើល​មួយ​ ពី​ការ​ប្រើ​ប្រាស់​ផ្លាស្ទិក។ The Flicks នឹង​យក​រឿង​​បញ្ចេញ​ឆ្នាំ ២០១៩​ នេះ​មក​ដាក់​បញ្ចាំង​ដោយ​បញ្ចូល​សម្លេង​ជា​ភាសា​ខ្មែរ​។ ការ​ដាក់​បញ្ចាំង​នេះ​រៀប​ចំ​ដោយ​ Only One Planet Cambodia។

ចាប់​ពី​ម៉ោ​ង​២​កន្លះ​ល្ងាច​នៅ The Flicks ផ្លូវ​លេខ ៩៥

 

 

អ្នក​ទាំង​អស់​គ្នា​ប្រាកដ​ជា​ធ្លាប់​ដឹង​ហើយ​ថាលោក J.R.R. Tolkien គឺ​ជា​អ្នក​និពន្ធ​ល្បី​ឈ្មោះ​មួយ​រូប ដែល​មាន​ស្នាដៃ​និពន្ធ​រឿង​ Lord of the Rings ដល់​ទៅ​បី​វគ្គ។ ក្នុង​រឿង​ Tolkien នឹង​និយាយ​រៀប​រាប់​ពី​ជីវិត​របស់​អ្នក​និពន្ធ​ មុន​ពេល​សង្គ្រាម​លោក​លើក​ទី​១​ ជុំវិញ​គ្រួ​សារ​ មិត្ត​ភក្តិ​​ជា​ដើម​។

ចាប់​ពី​ម៉ោង​៨​ល្ងាច​នៅ Meta House ផ្លូវ​លេខ ១៧៨

 

តន្ដ្រី

 

Marianna and Joe នឹង​សម្ដែង​ចម្រៀង​ពី​សម័យ​មុន​សង្គ្រាម​ស៊ីវិល​នៅអាមេរិក​ លក្ខណៈ​ជា​អាមេរិក​ក្លាស៊ីក។ ការ​សម្ដែង​បែប Acoustic នេះ​នឹង​ធ្វើ​ឡើង​នៅ​ក្រោម​ភ្លើង​ពណ៌សួន​ច្បារ​បារ Botanico។

ចាប់​ពី​ម៉ោង​៧​ល្ងាច​នៅ Botanico Wine and Beer Garden ផ្លូវ​លេខ ២៩

 

Soft Music for Hard Times” ធានា​ថា​នឹង​ធ្វើ​ឲ្យ​ថ្ងៃសម្រាក​ចុង​សប្ដាហ៍​របស់​អ្នក ដំណើរ​ការ​យ៉ាង​រលូន​។​​ ជាមួយ​នឹង​តន្ដ្រី​ពី​អ្នក​លេង សេឡូ Clara ព្រម​ទាំង​អ្នក​លេង Bassoonist ពី Michele ពួក​គេ​នឹង​លេង​តន្ដ្រី​បែប ក្លាស៊ីក​ (Mozart និង Haydn) នៅ​ភោជនីយដ្ឋាន Green Pepper កំដរ​អ្នក​ចូលរួម​ខណៈ​ពេល​ញ៉ាំអាហារ​និង​ភេសជ្ជៈ​ផ្សេងៗ។ 

ចាប់​ពី​ម៉ោង​៧​កន្លះ​ល្ងាច​នៅ Green Pepper ផ្លូវ​លេខ ៣៧០

 

Ai Sha និង David មក​ពី​ក្រុម​ចម្រៀង​ខ្មែរ រន្តំ​ នឹង​សម្ដែង​ជាមួយ​គ្នា​រាត្រី​នេះ​​នៅ​សួន​ច្បារ​ខាង​ក្រោយ​ Cloud។  DNA នឹង​នាំ​យក​តន្ដ្រី​បែប​ Acoustic​ សម្រាប់​ចម្រៀង​ Covers ខ្មែរ​និង​អង់គ្លេស​។

ចាប់​ពី​ម៉ោង​៨​ល្ងាច​នៅ Cloud ផ្លូវ​លេខ ៩

 

ក្រុម​ចម្រៀង​ចង្វាក់​ Soul The Blue Souls នឹង​សម្ដែង​លើ​ឆាក​ Oscars on the Corner រាត្រី​នេះ​មុន​នឹង​ការ​សម្ដែង​ពីក្រុម K’n’E។

ចាប់​ពី​ម៉ោង​៩​ល្ងាច​នៅ Oscars on the Corner ផ្លូវ​លេខ ១៣

 

រាំកម្សាន្ត

 

DJ Mariah I Don’t F#@king Carey នាំ​យក​តន្ដ្រី​ពី Backstreet Boys និង Spice Girls មក​កាន់​កម្មវិធី Guilty Pleasure Party លើក​ទី​បី​។ កម្មវិធី​រាំ​កម្សាន្ត​នេះ​នឹង​លើក​យក​តន្ដ្រី​ពី​ទសវត្ស​ទី​៨០​និង​៩០​ មក​ជូន​អ្នក​ចូលរួម​រាំ​កម្សាន្ត។

ចាប់​ពីម៉ោង​៧​កន្លះ​ល្ងាច​នៅ Alchemy GastroPub ផ្លូវ​លេខ ១២៣​

 

មាន​អ្វី​ទៀត?

 

សម្រាប់​អ្នក​ចូល​ចិត្ត​ខ្លាំ​ឃ្មុំ​ នេះ​គឺ​ជា​ឱកាស​ល្អ The Sun and Moon bear rescue ស្វែង​រក​ អ្នក​ស្ម័ក្សចិត្ត​សម្រាប់​ចុង​សប្ដាហ៍​នេះ ដើម្បី​បម្រើ​ការ​នៅ​កន្លែង​សង្គ្រោះ​ខ្លាឃ្មុំ។ ដោយ​សារ​តែ​ឆ្នាំ​នេះ​ជួប​ប្រទះ​នឹង​គ្រោះ​ទុរភិក្ស​ពាក់​ព័ន្ធ​ជម្ងឺ​ឆ្លង​កូរ៉ូណា ហេតុ​ដូច្នេះ​ហើយ​ទើប​ពួក​គេ​ មិន​បាន​ទទួល​អ្នក​ស្ម័ក្ស​ចិត្ត​ផ្សេងៗ​ដូច​រាល់​ដង។

ចាប់​ពី​ម៉ោង​៧​ព្រឹក​ដល់​៥​ល្ងាច​នៅ ភ្នំតាម៉ៅ

 

ថ្ងៃអាទិត្យ

 

ភាពយន្ត

 

“Internet addiction” ត្រូវ​បាន​ប្រើ​ប្រាស់​ជា​ ការ​ការ​ពារ​ស្រប​ច្បាប់​ពាក់​ព័ន្ធ​នឹង​ជម្ងឺ​ផ្លូវ​ចិត្ត​ ជា​លើក​ទី​១​​កាល​ពី​ឆ្នាំ ២០១០​​ នៅ​ទីក្រុង​សេអ៊ូល​ ប្រទេស​កូរ៉េ។​ គូស្នេហ៍​វ័យ​ក្មេង​មួយ​គូ បាន​ចំណាយ​ពេល​ច្រើន​ពេក​នៅ​លើ​អ៊ីនធឺណិត​ តាម​រយៈ​កម្មវិធី​ហ្គេម​អនឡាញ​មួយ​ ក្នុង​គោល​បំណង​ចិញ្ចឹម​កូន​នៅ​ក្នុង​អ៊ីនធឺណិត​ ខណៈ​ពេល​ដែល​កូន​ពិត​ប្រាកដ​របស់​ពួក​គេ​បាន​បាត់​បង់ជីវិត។ Love Child និយាយ​អំពី​រឿង​រ៉ាវ​នេះ ក៏ដូច​ជា​រឿង​រ៉ាវ​មនុស្ស​ខ្លះ​ទៀត​ដែល​ព្យាយាម​គេចវេស​ពី​ការ​ពិត។

ចាប់​ពី​ម៉ោង​៧​ល្ងាច​នៅ Meta House ផ្លូវ​លេខ ១៧៨ 

 

មានអ្វីទៀត?

 

ចូល​ចិត្ត​ Bloody Mary? ចូលរួម​កម្មវិធី Bloody Mary with Seekers Spirits បើ​សិនជា​អ្នក​ចូល​ចិត្ត​ ភេសជ្ជៈ​ឆ្ងាញ់​ និង​អាហារ​សម្រន់​ពិសេសៗ។ មិន​ត្រឹម​តែ​ប៉ុណ្ណោះ​អ្នក​ក៏​អាច​ចំណាយ​ពេល​ថ្ងៃអាទិត្យ ជាមួយ​នឹង​អាង​ហែល​ទឹក​ពិសេស​នៅ Penh House អម​ដោយ​តន្ដ្រី​កំដរ។

ចាប់ពីម៉ោង​១១​ព្រឹក​ដល់​២​កន្លះ​រសៀល​នៅ Penh House ផ្លូវ​លេខ ២៤០

 

Dorsu គឺ​ជាក្រុម​ហ៊ុន​ហ្វេសិន​បែប Ethical មួយ​នៅ​កម្ពុជាផលិត​ក្រណាត​ទន់​ និង​ថែរក្សា​បរិស្ថាន។ សម្រាប់​កម្មវិធី​ថ្ងៃ​អាទិត្យ​នេះ​ ពួក​គេ​នឹង​មាន​ដាក់​តាំង​លក់​ផលិត​ផល​ ក៏​ដូ​ច​ជា​អម​ដោយ​តន្ដ្រី​ពី DJ Swizzle Stix និង​ភេសជ្ជៈ Pimm’s Cocktail Jug ក្នុង​តម្លៃ​១០​ដុល្លារ​ពេញ​មួយ​ថ្ងៃ។

ចាប់​ពី​ម៉ោង​២​រសៀល​នៅ Sundown Social Club ផ្លវ​លេខ ៤៤០

Continue Reading
You may also like...
Click to comment

Leave a Reply

More in មគ្គទេស​ចុង​សប្ដាហ៍

You Might Like…

អត្ថបទ​សំខាន់​​ និង​ កិច្ចស​ម្ភាសន៍​ផ្សេងៗ

ជួបជាមួយជើងខ្លាំងដែលអ្នកមិនធ្លាប់លឺពីមុនមក គឺអ្នកស្រី សយស្រស់

By ខែ​មិថុនា 15, 2020

Our Writers

Facebook

Take Me To…

To Top