Connect with us

ទៅណា​អីចេះ ចុង​សប្ដាហ៍​នេះ?

មគ្គទេស​ចុង​សប្ដាហ៍

ទៅណា​អីចេះ ចុង​សប្ដាហ៍​នេះ?

ទៅណា​អីចេះ ចុង​សប្ដាហ៍​នេះ?

ចុង​សប្ដាហ៍​នេះ ក៏នៅ​តែ​សម្បូរ​នូវ​កម្មវិធី​សប្បាយ​ៗប្លែក​ៗ អាច​ជ្រើសរើសចូលរួម មិន​ចេះ​ខ្វះ

ថ្ងៃសុក្រ

 

ភាពយន្ត

 

Sa Sa Art Project រៀប​ចំ​កម្មវិធីបញ្ចាំង​ភាពយន្ត​ឯកសារ​ពិសេស​មួយ ជាផ្នែក​នៃ​ការ​ដាក់តាំង​ពិពរណ៌ “Interface”។ សម្រាប់ភាពយន្ត Moro Moro and Cooking in Pressure នេះ​គឺ​បង្ហាញ​ពីភាព​តាន​តឹង​នៃ​វប្បធម៌​​រវាង​ Bangsa Moro of Mindanao ពី​ហ្វីលីពីន​ខាង​ត្បូង​ និង Morotai នៅ​ Maluku ខាង​ជើង។ ក្នុង​សាច់​រឿង​នេះ​អ្នក​នឹង​អាច​សង្កេត​ឃើញ​នូវ​ អាហារ​ និង​ នយោបាយ​ ពាក់ព័ន្ធ​នឹង​ ច្បាប់​នានា​នៃ​អាហារ​និង​ការ​ប្រកប​របរកសិកម្ម។ ចាប់​ពី​ម៉ោង ៦​ដល់ ៨យប់​នៅ Sa Sa Art Project ផ្លូវ​លេខ ៣៥០។     

 

នៅ Meta House ឯណោះ​វិញ​ក៏នឹង​មាន​កម្មវិធី​ដាក់​បញ្ចាំង​ភាពយន្ត​ឯកសារ និយាយ​អំពី​បញ្ហា​សំខាន់​មួយ​ពាក់​ព័ន្ធ​នឹង​សហគ្រាស។ នៅ​ក្នុង​ American Factory: Hi-Tech-China “invades” the USA នេះ​និយាយ​អំពី​មហាសេដ្ឋី​សញ្ជាតិ​ចិន​មួយ​រូប ដែល​សឹង​តែ​នឹង​បោះបង់​ចោល​រោង​ចក្រ​របស់​ខ្លួន​ទៅ​ហើយ បាន​ជួល​អ្នក​ជំនាញ​សញ្ជាតិ​អាមេរិក​ចំនួន​ពីររូប​ដើម្បី​ធ្វើ​ការ​ឲ្យ​ខ្លួន។ ក្នុងរឿង​នេះ​នឹង​បង្ហាញ​អ្នកឲ្យ​ឃើញ​ពី​ការ​ប៉ះ​ពាល់​នៃ​សហគ្រាស​បច្ចេកទេស​ទំនើប​ពី​ប្រទេសចិន​ និង​អ្នក​ធ្វើ​ការ​ទូទៅ​នៅ​សហរដ្ឋ​អាមេរិក។ ចាប់​បញ្ចាំងពី​ម៉ោង ៧ដល់ ១០យប់​នៅ Meta House ផ្លូវ​លេខ ១៧៨។ 

 

តន្ដ្រី

 

High Dept Music បាន​នាំ​យក​នូវ​ការ​ប្រគំតន្ដ្រី Divercity មកកាន់ Duplex Grand Café។ ការ​សម្ដែង​នេះ​នឹង​មានមក​ពី​សំណាក់​ក្រុម​តន្ដ្រី​និង​តារា​ចម្រៀង​ដល់​ទៅ ១០ ផ្សេង​គ្នា​ ពី​ប្រទេស​កម្ពុជា​និង​ពី​ទូទាំង​ពិភពលោក។ ចាប់​ផ្ដើម​តាំង​ពី​ល្ងាច​ម៉ោង​ ៤ ដល់​យប់​ជ្រៅ​ ធា​នា​ថា​អ្នក​នឹង​អាច​រាំ​លេង​កម្សាន្ត​សប្បាយ​ជាមួយ​នឹង​តន្ដ្រី​បែប Rock, Soul, Pop និង Funk។ ចាប់​ពី​ម៉ោង ៤ដល់ ១១យប់​នៅ Duplex Grand Café ផែស៊ីសុវត្ថិ។ ​

 

រាត្រី​នេះ​គឺ​ត្រូវ​នឹង​យប់​ថ្ងៃ​ទី ១៣ ដែល​ជា​ថ្ងៃ​ពិសេស​មួយ​សម្រាប់​ អ្នកនៅ​លោក​ខាង​លិច​ដែល​គិត​ថា​ ជា​ថ្ងៃ​ដែល​ពោរពេញ​ទៅ​ដោយ​រឿង​រ៉ាវ​ចម្លែក ព្រម​ទាំង​ពិសេស​សម្រាប់​ថត​ភាពយន្ត​បែប​រន្ធត់។​ ប៉ុន្តែ​ថ្ងៃ​នេះ​គឺ​ប្រាកដ​ជា​ល្អ​សម្រាប់​ការ​ប្រគំ​តន្ដ្រី​បែប Metal Attack ដែល​ក្រុម​ចម្រៀង​ Reign in Slumber និង ដូចឆ្កែ​ នឹង​មិន​ធ្វើ​ឲ្យ​អ្នក​ខក​បំណង​នោះ​ទេ ប្រសិន​ជា​ចូលចិត្ត​តន្ដ្រី​បែប​ស្គរដែក។ តម្លៃ​សំបុត្រ​ចូលរួម​គឺ ​៣ដុល្លារ​ ដែល​អ្នក​អាច​ទទួល​បាន​ស្រាបៀរ​ឥត​គិត​ថ្លៃ​មួយ​កែវ។ ចាប់​ពី​ម៉ោង ៨ដល់ ១១យប់​នៅ Cloud ផ្លូវ​លេខ ៩។

 

អ្នក​ជំនាញ​ខាង​លេង​ សាក់សូហ្វូន Gerard Evans និង​អ្នក​ចម្រៀង​ Soul Metta Legita នឹង​នាំ​យក​នូវ​តន្ដ្រី​បែប​មនោសញ្ជេតនា​មក​កាន់​ L.A.B យប់​នេះ។ សម្ដែង​ចម្រៀង​ដែល​ពួក​គេ​និពន្ធ​ដោយ​ខ្លួន​ឯង​ ព្រម​ទាំង​ការ​កែច្នៃ​បច្ចេកទេស​សម្ដែង​ពិសេស អីចឹង​ដឹង​តែ​មិន​ខក​បំណង​ទេ។ អ្វី​ដែល​ពិសេស​នោះ​អ្នក​អាច​ញ៉ាំ​ស្រាក្រឡុក​ពីរ​ថែម​មួយ​ទៀត​ផង។ ចាប់​ពី​ម៉ោង ៨ដល់ ១១យប់​នៅ L.A.B ផ្លូវ​លេខ ២៨៨។​​

 

The Bloody Marys រៀប​ចំ​កម្មវិធី​ពិសេស​ត្រៀម​ថ្ងៃ St. Patrick’s Day ដោយ​មាន​ការ​សម្ដែង​តន្ដ្រី​បែប Celtic Punk ដែល​អាច​ឲ្យ​អ្នក​ចូលរួម​ដោយសេរី។ បើ​សិន​ជា​ចូល​ចិត្ត​ Bloody Marys ហើយ​មាន​មិត្ត​ភក្តិ​សញ្ជាតិ​អៀកឡង់ កុំភ្លេច​បបួល​ពួក​គេ​ទៅ​លេង​ទី​នោះ។ ចាប់​ពី​ម៉ោង ៩យប់​ដល់​ពាក់​កណ្ដាល​អាធ្រាត្រ​នៅ Bassac Lane។​

សិល្បៈ

 

Sra’Art នឹង​មាន​កម្មវិធី wine pairing – with art នាំ​មក​នូវ​ការ​ដាក់​បង្ហាញ​ស្នាដៃ​របស់​អ្នក​សិល្បៈ​នារី​ ជា​ច្រើន​រូប​ព្រម​ទាំង​ដាក់​បម្រើ​នូវ​ស្រាក្រហម​និង​នំ Tapas។ តម្លៃ​ចូលរួមគឺ ២០ដុល្លារ​ ចាប់​ពី​ម៉ោង ៦កន្លះ​ដល់ ៩កន្លះ​យប់​នៅ Sra’Art វិថី សុធារស។ 

 

វេទមន្ត

 

អ្នក​ណា​មិន​ចូលចិត្ត​ការ​សម្ដែង​សៀក​វេទមន្ត? នៅ​ The K’s នឹង​មាន​ការ​សម្ដែង Card-trick extraordinaire Sarin Preap ដែល​អ្នក​នឹង​អាច​ឃើញ​ការ​សម្ដែង​ជាមួយ​សន្លឹក​បៀរ​ដ៏ពិសេស​របស់​លោក។ នៅ​ថ្ងៃ​សុក្រទី​១៣នេះ ចាប់​ពី​ម៉ោង ៦កន្លះ​ដល់ ១១យប់​ នៅ The K’s ផ្លូវ​លេខ ២០៨។ 

 

រាំកម្សាន្ត

 

សម្រាប់​ល្ងាច​ថ្ងៃ​សុក្រ​នេះ​នឹង​មាន​កម្មវិធី​ពិសេស​មួយ ជប់លៀង​បើក​ក្លឹប​ថ្មី​នៅ​ទីក្រុង​។ ដោយ​មាន​លក្ខណៈ​ជា​បារ ភោជនីយដ្ឋាន Lounge និង ក្លឹប​ដាក់​បញ្ចូល​គ្នា ហើយ​នៅ​ម្ដុំ​បាសាក់ឡេន​ទៀត​នោះ អីចឹង​ប្រាកដ​ជា​ពិសេស​មិនខាន។ សម្រាប់​កម្មវិធី​ពិសេស​យប់​នេះ​ នឹង​មាន​ DJs ចាក់​តន្ដ្រី​កំដរ​ អាហារ​និង​ ​“bartender shows”។ កម្មវិធី សម្ពោធ H Club នេះ​នឹងចាប់​ផ្ដើម​ពី​ម៉ោង ៦ល្ងាច​ត​ទៅ​នៅ H Club ផ្លូវ​លេខ ៣០៨។​ 

 

បារ Le Petanque មាន​កម្មវិធី​ចាក់​តន្ដ្រី​រាំកម្សាន្ត​​ថ្ងៃសុក្រពី​សំណាក់  DJ Toke។ មក​ពី​ទីក្រុង​ Lyon ប្រទេស​បារាំង​លោក​នឹង​ចាក់​តន្ដ្រី​បែប Indie, Disco និង​ House ចាប់ពី​ម៉ោង​ ៩យប់ដល់​ពាក់​កណ្ដាល​អាធ្រាត្រ​នៅ Petanque, Toul Tompoung Lane។ 

 

ថ្ងៃសុក្រ​នេះ​មាន​កម្មវិធី​ជប់​លៀងពិសេសមួ​យហៅ​ថា The Red House Project ដែល​នឹង​ធ្វើ​ឡើង​នៅ​ផ្ទះ​បែប​ខ្មែរ​មួយ ចូលរួម​ចាក់​តន្ដ្រី​ពី​សំណាក់ DJ ដល់​ទៅ ៥​រូប​។ ក្នុង​នោះ​ក៏មាន​បា​រ​ដាក់លក់ ព្រម​ទាំង​ការ​សម្ដែង​ភ្លើង​ផង​ដែរ។ តម្លៃ​ចូលរួម ៥​ដុល្លារ​ប្ដូរ​បាន​បៀរ​ឬ​សូដា​មួយ​ ចាប់​ពី​ម៉ោង ១០យប់​ដល់ ៧ទៀប​​​ភ្លឺ​នៅ The Red House ផ្លូវលេខ  8Bt។ ​

 

DJ ថ្មី​ប្រចាំ​ភ្នំពេញ​ Jonah Wood នឹង​សម្ដែង​យប់​នេះ​នៅ Party Patio ជា​លើក​ទី​១ ដោយ​នាំ​យក​មក​នូវ​តន្ដ្រី​បែប Disco House និង Techno។ កម្មវិធី​ចាក់​តន្ដ្រី​នេះ​ចាប់​ផ្ដើម​ពី​ម៉ោង ៩យប់ដល់ ១ទៀបភ្លឺ​នៅ Party Patio ផ្លូវ​លេខ ៣០៨។ 

 

ថ្ងៃ​សៅរ៍

 

ភាពយន្ត

 

សាច់​រឿង​បែប​មនុស្ស​យន្ត​ថ្មី​ស្រដៀង​នឹង​រឿង Robocop បាន​ដាក់​បញ្ចាំង​ថ្មីៗនេះ ដោយ​ដក​ស្រង់​ចេញ​ពីសៀ​វភៅ​ថ្លុក​ Bloodshot ចូលរួម​សម្ដែង​សុទ្ធ​តែ​ពីតារា​ល្បីៗដូច​ជា Vin Diesel និង Sam Huguen ជា​ដើម។ បើ​ចង់​ដឹង​ថា​ភាពយន្ត​បែប​មនុស្ស​យន្ត កាត់​ Superheroes នេះ​ថ្មី​និង​ប្លែក​យ៉ាង​ណា​ កុំភ្លេច​ទៅ​ទស្សនា​ទាំង​អស់​គ្នា ដែល​ចាប់​ដាក់​បញ្ចាំង​នៅ​ចុង​សប្ដាហ៍​នេះ​ហើយ​ នៅ​តាម​បណ្ដា​រោងកុន​ទំនើបៗ។​

 

សិល្បៈ

 

CULT គឺ​ជា​កម្មវិធី​ផ្សារ​ចល័ត​មួយ​ដែល​ដាក់​លក់​ផលិតផល​ហ្វេសិន​ក្នុង​ស្រុក​ និង​ប្រដាប់​ប្រដារ​ប្រើ​ប្រាស់​ប្រចាំ​ថ្ងៃ​ផ្សេ​ងៗទៀត នឹង​មាន​កម្មវិធី​ពិសេស​លើកទីមួយ​សម្រាប់​ឆ្នាំ ២០២០​។ ដោយ​ត្រូវ​នឹងអំឡុង​ពេល​សម្រាប់​ផ្ដល់​កិត្តិយស​ដល់​នារី​អន្តរជាតិ​ផង​ដែរ សម្រាប់​កម្មវិធី​ហៅ​ថា “Let’s Talk about WOMEN” នេះ​ជា​ឱកាស​សម្រាប់​ភ្ជាប់​ទំនាក់ទំនង​ជាមួ​យនឹង​សហគ្រិន​នារីក្នុង​ស្រុក​ល្បីៗ។ ​អីចឹង​អ្នក​អាច​ញ៉ាំ​អាហារ​ឆ្ងាញ់ៗ ទីញ​ឥវ៉ាន់​ផ្សេង​ៗជា​ពិសេស​កូន​តូច​ៗ​របស់​លោក​អ្នក​ក៏មាន​កន្លែង​លេង​ផង​ដែរ។ ហើយ​កុំភ្លេច​អ្នក​ក៏អាចចូលរួម Workshop ធ្វើ​​កាបូប​ដោយ​ដៃ។ ចាប់​ពី​ម៉ោង ១ថ្ងៃ​ត្រង់​ដល់ ៨យប់​នៅ Bambujaya Bilingual School ផ្លូវ​លេខ ៩។  ​  

 

សម្រាប់​អ្នក​អាច​និយា​យ​ភាសារ​បារាំង អាច​ចូលរួ​ម​កម្មវិធី Improve នឹង​ធ្វើ​ឡើង​នៅ ​​Duplex Grand Café ល្ងាច​ថ្ងៃ​សៅរ៍នេះ​ដែល​ពួក​គេ​មក​តាំង​ពី​ខេត្តសៀមរាប​។ កម្មវិធី C’est un Cabaret d’impro នឹង​ធ្វើឡើង​ជា​ភាសា​របារាំង ដោយ​សំបុត្រ​ចូលរួម​មាន​តម្លៃ ៥​ដុល្លារ​។ ចាប់​ពី​ម៉ោង ៧កន្លះ​ដល់ ៩កន្លះ​នៅ ​ Duplex Grand Café ផែស៊ីសុវត្ថិ។

 

តន្ដ្រី

 

ម្ចាស់​បារ​ Ege នឹង​មាន​កម្មវិធីខួបកំណើត​របស់​ខ្លួន​ ព្រម​ទាំង​មិត្តភក្តិ​ពីររូប​ទៀត​ នៅ​បារ​របស់​លោក​ម្ដុំ​ទួល​ទំពូង​។ ដើម្បី​ធ្វើ​ឲ្យ​កម្មវិធី​នេះ​កាន់​តែពិសេស ក្រុម​ចម្រៀង​បែប Indie ប្រចាំ​ភ្នំពេញ​ The Goldilocks Zone នឹង​ចាប់​សម្ដែង​ពី​ម៉ោង ៨ល្ងាច​ត​ទៅ ក្រោយ​មក​នឹង​មាន​ការ​សម្ដែង​ពី DJ មួយ​រូប​ ពិសេស​គឺ​មាន​ Happy Hour ដល់​ទៅ​ពីរ​ម៉ោង​ឯណោះ។ ចាប់​ពី​ម៉ោង ៥កន្លះ​ដល់ ២ទៀប​ភ្លឺ​នៅ​ Ege Bar ផ្លូវ​លេខ ៤៦០។​​

 

Cloud រៀប​ចំ​កម្មវិធី ​ Latin Music Night មួយ​ទៀត​ដែល​នឹង​មាន​ការ​សម្ដែង​ពី​អ្នក​ជំនាញ​លេង​ហ្គីតា​ Poco de Feo រួម​គ្នា​សម្ដែង​ជាមួយ​អ្នក​ចម្រៀង Marleny សម្រាប់​ការ​សម្ដែង​បែប Acoustic, Dancey។​ ចាប់​ពី​ម៉ោង ៨ដល់ ១១យប់​នៅ Cloud ផ្លូវ​លេខ ៩។ ​  

 

ក្រុម​ចម្រៀងបែប Electric and Experimental មក​ពី​ប៉ែក​អ៊ឺរ៉ុប Geography of the Moon នឹង​សម្ដែង​រាត្រី​នេះ​នៅ​បារ​និង​កន្លែង​ធ្វើ​សក់ The Vine។ ក្រុម​ចម្រៀង​នេះ​នាំ​យក​នូវ​តន្ដ្រី​បែប  psychedelic blues rock ប្លែក​ពិសេស​ ចាប់​សម្ដែង​ពី​ម៉ោង ៩យប់​ដល់​ពាក់​កណ្ដាល​អាធ្រាត្រ​ នៅ The Vine ផ្លូវ​លេខ ១៧២។​

 

រាំកម្សាន្ត

 

DJ ប្រចាំ​ភ្នំពេញ​រយៈ​ពេល​ប៉ុន្មាន​ឆ្នាំ​មុន​ DJ Moudy បាន​ត្រលប់​មក​វិញ​លើក​នេះ ដោយ​សហការ​ជាមួយ​ DJ ប្រចាំ​ខេត្តកំពត Keimo ដើម្បី​នាំ​មកនូវ​តន្ដ្រី​បែប Groovy, House ដោយ​អ្នក​អាច​ចូលរួម​ដោយ​សេរី​។ ចាប់​ពី​ម៉ោង ៩យប់​ដល់ ១ ទៀប​ភ្លឺ​នៅ​ Party Patio ផ្លូវ​លេខ ៣០៨។ 

 

DJ និង ផលិតករ​មក​ពី​ទីក្រុង​ឡុង DJ Markhese នឹង​ចាក់​តន្ដ្រី​នៅ Club Love យប់​នេះ​។ ចូលរួម​ដោយ​ DJs Blazian និង Bakes, DJ រូបនេះ​ដែល​ធ្លាប់​ជា​សមាជិក​របស់ Ministry of Sound Club នៅ​ទីក្រុង​ឡុង និង​ចាក់​តន្ដ្រី​បែប Future House ដូច្នេះ​បើ​ចង់​ដឹង​កាន់​តែ​ច្បាស់​ អាច​ចូលរួម​បាន ដោយ​សំបុត្រចូលរួម​មាន​តម្លៃ​ ៥​ដុល្លារ​អា​ច​ប្ដូរ​បាន​ស្រា​មួយ​កែវ។ ចាប់​ពី​ម៉ោង ៩យប់​ដល់ ៤​ទៀប​ភ្លឺ​នៅ Club Love ផ្លូវ​លេខ ២៧៨។​​  ​  

 

ភ្ញៀវ​ពិសេស​ DJ Sean Oh? នឹង​ចាក់​តន្ដ្រី​បែប House, Techno, Disco នៅ Pontoon Pulse ដោយ​មាន​ចូលរួម​សម្ដែង​ពី DJs Nora Haidee និង Tim Coates។ ចាប់ពី​ម៉ោង ១១យប់​ដល់ ៥ ទៀបភ្លឺ​នៅ Pontoon Pulse ផ្លូវ​លេខ ១៧២។  

 

ថ្ងៃ​អាទិត្យ

 

ភាពយន្ត

 

ទោះ​បី​ជា​លំបាក​យ៉ាង​ណា​ក៏ដោយ​ ក៏ Nadia Murad នារី​សញ្ជាតិ​ Yazidi ដែល​បាន​ឆ្លៀសខ្លួន​ចេញ​ពី​របប​ប្រល័យពូជសាសន៍​ និង​ទាសករ​ផ្លូវ​ភេទ​ ពី​ពួក​ ISIS។ ពេល​នេះ​បាន​ក្លាយ​ជា​សំឡេង​មួយ​ប្រាប់​ពិភពលោកឲ្យ​ដឹង​ពី​ឧក្រិដ្ឋកម្ម​ដែល​កើត​ឡើង​ជាមួយ​នាង​និងនារី​ជាង ៣ពាន់​រូប​ទៀត​​ ហើយ​ក៏មាន​នារីខ្លះ​ក៏កំពុង​តែ​ត្រូវ​គេ​ចាប់​ខ្លួន​នៅឡើយ​។ សម្រាប់​សាច់​រឿង​ឯកសារ​នេះ​មាន​ចំណង​ជើង​ថា On Her Shoulders ដាក់​បញ្ចាំង​ពី​ម៉ោង ៤រសៀល​នៅ The Flicks ផ្លូវ​លេខ ៩៥។ ​​​

 

រាំកម្សាន្ត

 

The Deck នឹង​មាន​កម្មវិធី​ពិសេស​នៅ​ថ្ងៃ​អាទិត្យ​លើកទី​ពីរ​ ដោយ​ពេល​នេះ DJ Octave នឹង​មក​ចាក់​តន្ដ្រី​កំដរ​។ ស្រា​ Sangrias ដាក់លក់​ក្នុង​តម្លៃ ២ដុល្លារ ចាប់​ពី​ម៉ោង ៥ដល់ ៨យប់​នៅ The Deck ផ្លូវ​លេខ ១៣៥។​​  

 

ចំណាយ​ពេល​ថ្ងៃអាទិត្យ​របស់​អ្នក​នៅ​កន្លែង​ក្រៅ​ក្រុង​បន្តិច​ ដោយ​ចូលរួម​កម្មវិធី The Balé’s Cool Vibes party ដោយ​មាន​ដាក់​លក់​ស្រាក្រឡុក​ឆ្ងាញ់ៗ និង​ DJ ចាក់​តន្ដ្រី​កំដរ​។ ចូលរួម​ដោយ​សេរី កម្មវិធី​ចាប់​ផ្ដើម​ពី​ម៉ោង ២ដល់ ៨យប់​នៅ The Balé ផ្លូវ​ជាតិ​លេខ 6A។​

Continue Reading
You may also like...
Click to comment

Leave a Reply

More in មគ្គទេស​ចុង​សប្ដាហ៍

You Might Like…

អត្ថបទ​សំខាន់​​ និង​ កិច្ចស​ម្ភាសន៍​ផ្សេងៗ

ជួបជាមួយជើងខ្លាំងដែលអ្នកមិនធ្លាប់លឺពីមុនមក គឺអ្នកស្រី សយស្រស់

By ខែ​មិថុនា 15, 2020

Our Writers

Facebook

Take Me To…

To Top