Connect with us

ទៅរាំលេងឯណា​ចុងសប្ដាហ៍នេះ?

មគ្គទេស​ចុង​សប្ដាហ៍

ទៅរាំលេងឯណា​ចុងសប្ដាហ៍នេះ?

ទៅរាំលេងឯណា​ចុងសប្ដាហ៍នេះ?

ចង់​រាំ​ក៏បាន ចង់​ធ្វើ​អ្វីផ្សេងក៏បាន រយៈ​ពេល​បី​ថ្ងៃ​នេះ​សម្បូរ​កម្មវិធី​សម្រាប់​ចូលរួម​តែ​ម្ដង

ថ្ងៃសុក្រ

 

ភាពយន្ត

 

ភាពយន្ត​ឯកសារ​ថ្មី​របស់​លោក Chris Moukarbel ដែល​និយាយ​អំពីអ្នក​សិល្បៈ​ម្នាក់​ឈ្មោះ Banksy ដោយយក​បណ្ដា​រូបភាព​ជា​ច្រើន​ពី​បណ្ដា​បណ្ដាញ​សង្គម Instagram, Facebook, YouTube និង Tweeter ជា​ដើម​ដាក់​បញ្ចូល​គ្នា​ គួរ​ឲ្យ​ចាប់​អារម្មណ៍។ អ្នក​សិល្បៈ​រូប​នេះ​ក៏បង្ហើប​ពី​រឿង​រ៉ាវ​ខ្លះ​ៗ ​ពាក់ព័ន្ធ​នឹង​ការ​ដាក់​លក់​និង​ទិញ​ Artwork តម្លៃ​​មិន​គួរ​ឲ្យ​ជឿ​ និងមិន​ប្រក្រតី។ ចាប់​ពី​ម៉ោង ៧ដល់ ៨កន្លះ​យប់​នៅ Meta House ផ្លូវ​លេខ ១៧៨។​​

 

 

មជ្ឈមណ្ឌល​បុប្ផាណា​នឹង​មាន​កម្មវិធី​ដាក់​បញ្ចាំង​ស៊េរីរឿង​លើក​ទី ២ ពី​បណ្ដាក្រុម​អ្នក​ផលិត​ភាពយន្ត​នៅ​ក្នុង​ស្រុក​​​ក្នុង​ប្រធាន​បទ បញ្ហាក្នុងសហគមន៍ជនជាតិដើមភាគតិច។ ចុះ​ទៅ​ថត​ដល់​ទីតាំង​ជនជាតិ​ភាគ​តិច​ជា​ច្រើន នៅ ខេត្ត​មណ្ឌល​គិរី រតនគិរី និង​បន្ទាយ​មាន​ជ័យជា​ដើម គម្រោង​ឯកសារ​នេះ​ផ្ដោត​សំខាន់​ទៅ​លើ បញ្ហា​ពាក់​ព័ន្ធ​នឹង​សហគមន៍​របស់​ពួ​ក​គេ អំពី​ហិង្សាទៅ​លើភេទ​ទន់​ខ្សោយ ការ​អប់រំ​ សុខ​ភាព​និង​បញ្ហា​សង្គម​ផ្សេងទៀត​។ អ្នក​ចូលរួម​ទស្សនាគឺ​នឹង​ស្នើរ​ឲ្យជួយ​រក​ដំណោះ​ស្រាយ​ បន្ទាប់​ពី​ភាពយន្ត​បាន​ដាក់​បញ្ចាំង។ តម្លៃ​ចូលរួមគឺ​ឥតគិត​ថ្លៃ ប៉ុន្តែ​កៅអី​មាន​ចំនួន​កំណត់។ ចាប់​ពី​ម៉ោង ៥កន្លះ​ដល់ ៩យប់​នៅ មជ្ឈមណ្ឌល​បុប្ផាណា​ ផ្លូវ​លេខ ២០០។​  

 

សិល្បៈ

 

Sa Sa Art Projects នឹង​មាន​កម្មវិធី​ជប់លៀង​បញ្ចប់​ការ​សិក្សា​ សម្រាប់​ថ្នាក់​ពិពរណ៌សិល្បៈសហសម័យ ដោយ​សម្ពោធ​ការ​ដាក់តាំង​ពិពរណ៌មួយ ចំណង​ជើង​ថា ដង្ហើម។ ការ​ដាក់​តាំង​នេះ​គឺ​នឹង​ចាប់ផ្ដើម​ពី​ថ្ងៃ​នេះ​ដល់ថ្ងៃទី​១ ខែ​កុម្ភៈ​ ដែល​បង្ហាញ​ពី​ស្នាដៃ​អ្នក​សិល្បៈខ្មែរ​ដល់​ទៅ ១១រូប។ ចាប់ពី​ម៉ោង ៦ដល់​ ៨យប់​នៅ Sa Sa Art Project ផ្លូវ​លេខ ៣៥០។​ 

 

អ្នក​ជំនាញ​ថត​រូប​លោក Miguel Jerónimo ដែល​បានដាក់​បង្ហាញ​ពិពរណ៌​​រូប​ថត​ចំណង​ជើងថា “អេតចាយ” សម្ពោធ​កាល​ពី​ថ្ងៃ​ពុធ។ ពិពរណ៌​រូប​ថត​នេះ​ បង្ហាញ​ពី​ឯកសារ​រូប​ថត​ពី​អ្នក​រើស​សម្រាម និង​ប្រព័ន្ធ​កែច្នៃ​ដែល​សឹង​តែ​គ្មាន នៅ Bophana Center។ ការ​ចូល​ទស្សនា​នេះ​គឺ​ដោយ​ឥតគិត​ថ្លៃ ហើយ​នឹង​ដាក់​បង្ហាញ​រហូត​ដល់​ថ្ងៃ​ទី ៨ ខែ​កុម្ភៈ​។ ចាប់​ពី​ម៉ោង ៨ព្រឹក​ដល់ ៦ល្ងាច​នៅ Bophana Center ផ្លូវ​លេខ ២០០។​ ​

 

តន្ដ្រី

 

អ្នក​ជំនាញ​លេង​ហ្គីតា​លោក Scott Bywater នឹង​ចូលរួម​សម្ដែង​ជាមួយ​អ្នក​ចម្រៀង Ariane Parkers និង​ដៃហ្គីតា​លោក Stan Paleco សម្រាប់​ការ​សម្ដែង​យប់​នេះ​​បែប​ Acoustic នៅ Farm to Table។ ចាប់​ពី​ម៉ោង ៦កន្លះ​ដល់ ៩កន្លះ​ទីតាំង​នៅ​តាម​បណ្ដោយ​ផ្លូវ​លេខ ៣៦០។   

 

Joe and the Jumping Jacks នឹង​នាំ​សេចក្ដី​រីករាយ​មក​កាន់ Bassac Lane ដោយ​សម្ដែង​ និង​រាំ​កម្សាន្ត​តាម​ចង្វាក់​ភ្លេង​ដ៏កន្ដ្រាក់របស់​ពួក​គេ។ ចាប់​ពី​ម៉ោង​ ៩យប់ដល់ពាក់​កណ្ដាល​អាធ្រាត្រ​នៅ Bassac Lane ផ្លូវ​លេខ ៣០៨។

 

ទៅ​កាន់ Cloud វិញ​ម្ដង​ដើម្បី​សប្បាយ​រី​ករាយ​នឹង​រាំ​ចង្វាក់ Salsa ពីតន្ដ្រីករ​ពី​ររូប​ Poca De Feo និង Marleny សម្ដែង​តន្ដ្រី​បែប Latin American Acoustic។ ចាប់​ពី​ម៉ោង ៨ ដល់ ១១យប់​នៅ Cloud ផ្លូវ​លេខ ៩។​​

 

Alchemy នឹង​រៀប​ចំ​កម្មវិធី​ប្រគំតន្ដ្រី​ពី Sinville Roadshow ដែល​ជា​ក្រុម​តន្ដ្រី​បែប Soul ធ្វើ​ដំណើរ​ទូទាំង​ពិភពលោក។ ទីតាំង​នេះ​នឹង​មាន​តន្ដ្រី​បូក​រួម​បន្ថែម​ជាមួយ​នឹង​ស្រាវីស្គី​បែប​ក្ដៅ​អ៊ុនៗ​ និង​ស្រាក្រហម​ផង​ដែរ។ ចាប់​ពីម៉ោង​ ៨ដល់១១យប់​នៅ Alchemy ទីតាំង​តា​ម​បណ្ដោយផ្លូវ​លេខ ១២៣។​

 

រាំ​កម្សាន្ត

 

នៅ​ Meta House នឹង​មាន​កម្មវិធី​រាំកម្សាន្ត​ ​Metatronic រាត្រី​នេះ ដែល​នឹង​មាន​ DJ មក​តាំង​ពី​ប្រទេស​អ៊ីតាលី​មក​ចូលរួម​ចាក់​ភ្លេង​កំដរ​ជាមួយ ​DJs Marcus iLL, Nick E. Meta និង Sao Sopheak ដើម្បី​ចាក់តន្ដ្រី​បែប​ Deep House និង Techno សម្រាប់រាំកម្សាន្ត។ ចាប់​ពី​ម៉ោង ៩យប់​ដល់ ២ ទៀប​ភ្លឺ​នៅ Meta House ផ្លូវ​ ១៧៨។

 

DJs Keimo និង DALAH ចូល​ខ្លួន​មក​ចាក់តន្ដ្រី​បែបអេឡិចត្រូនិក​ឲ្យ​អ្នក​រាំកម្សាន្ត​ សម្រាប់​កម្មវិធី​ជប់លៀង Gates of Babylon ពី NeuDrop។ សម្រាប់អ្នក​ចូល​ចិត្ត​ តន្ដ្រី​បែបទំនើប​ប្រភេទ​នេះ ធានា​ថា​ដឹង​តែសប្បាយ​តែ​ម្ដង។ ចាប់​ពី​ម៉ោង ៩យប់​ដល់ ១ ទៀបភ្លឺ​នៅ Party Patio ផ្លូវ​លេខ ៣០៨។  

 

កម្មវិធី​រាំ​កម្សាន្ត​ប្រចាំ​ខែ​របស់ Cubik បាន​ត្រលប់​មក​កាន់ Heart of Darkness រាត្រី​នេះ​ដោយ​មាន​ DJs ដល់​ទៅ​៤រូប​ និង​ព្រម​ទាំង​មាន​ការ​សម្ដែង​ Drag Show រួម​បញ្ចូល​ទាំង​ការ​គូរ​មុខ​ដោយ​ឥតគិត​ថ្លៃ​។ សម្រាប់​អ្នក​ចូល​ចិត្ត​រាំកម្សាន្ត​តន្ដ្រី​បែប House, Techno, Drum & Bass កុំ​ភ្លេច​មក​ចូល​រួម​ឲ្យ​បាន​មុន​ម៉ោង​១១ ព្រោះ​សំបុត្រ​នឹងមាន​តម្លៃ​ ៦ដុល្លារ​បន្ទាប់​ពី​នេះ។ ចាប់​ពី​ម៉ោង ១០ដល់ ៤ ទៀបភ្លឺ​នៅ Heart of Darkness ផ្លូវ​លេខ ៥១។​​​

 

Sovath Monivann កូន​ប្រុស​របស់​កំពូល​តារា​ចម្រៀង ព្រាប សុវត្ថិ​ នឹង​សម្ដែង​រាត្រី​នៅ Sound Club ជាមួយ​នឹង​ DJ Vi’en ជា​អ្នក​ចាក់ភ្លេង​កំដរ​រាំកម្សាន្ត។ ចាប់​ពី​ម៉ោង ៩យប់​ដល់ ៤ ទៀប​ភ្លឺ​នៅ Sound Club ម្ដុំ​កោះ​ពេជ្រ។

 

ថ្ងៃ​សៅរ៍

 

ភាពយន្ត

 

មជ្ឈមណ្ឌល​បុប្ផាណា​នឹង​ដាក់​បញ្ចាំង​ភាពយន្ត​ឯកសារ Reamker: Dance with the Gods បញ្ចេញ​កាល​ពី​ឆ្នាំ​ ១៩៩៣។ ភាពយន្ត​នេះ​និយាយ​អំពីការ​រាំ​របាំ​អប្សរា ចាប់​តាំង​ពី​គំនូរចម្លាក់​នៅ​ប្រាសាទ​អង្គរ​វត្ត​ មក​ដល់​សាលា​រចនា​នៅ​ទីក្រុង​ភ្នំពេញ​។ ភាពយន្ត​នេះ​និយាយ​ជាភាសា​ខ្មែរ និង​អាច​ចូលរួម​ទស្សនា​ដោយ​ឥតគិត​ថ្លៃ។ ចាប់​ពី​ម៉ោង ៥ដល់​ ៦​ល្ងាច​នៅ មជ្ឈមណ្ឌល​បុប្ផាណា ផ្លូវ​លេខ ២០០។

 

ភាពយន្តហូលីវូដ​ 1917 ដែល​ត្រូវ​អ្នក​វិភាគ​រឿងបាន​ដាក់​ចំណាត់​ថ្នាក់​ថា​ល្អ​ជា​ច្រើនរូប​ បាន​ចាប់​ដាក់​បញ្ចាំង​​ចុង​សប្ដាហ៍​នេះ និយាយ​អំពី​រឿង​រ៉ាវ​នៃ​ទាហាន​សញ្ជាតិ​អង់គ្លេស​ពីរ​រូប​នៅ​ក្នុង​សង្គ្រាម​លោក​លើក​ទី ១។ ពួក​គេ​ត្រូវ​បាន​គេ​បញ្ជូន​ទៅ​កាន់​ទឹក​ដី​សត្រូវ ដើម្បី​បញ្ជូន​សារ​មួយ​ដែល​អាច​ជួយ​សង្គ្រោះ​ជីវិត​ទាហានដល់ទៅ​ជាង​ពីរពាន់​នាក់។ ចាប់ដាក់​បញ្ចាំង​នៅ​តាម​បណ្ដារោង​កុន​នានា​ ទូទាំង​ក្រុង​ភ្នំពេញ។ ​  

 

សិល្បៈ

 

នៅ  Make It នឹង​មាន​កម្មវិធី​មួយ​សម្រាប់​អ្នក​ដែលចូល​ចិត្ត​សរសេរ​ Jornal ប៉ុន្តែ​​មិន​ទាន់ដឹង​ច្បាស់​ពី​តិចនិក​ថា គួរ​តែ​សរសេរ​ធ្វើ​យ៉ាង​ម៉េច​ទើប​បាន​លទ្ធផលល្អ​ និង​មាន​ប្រសិទ្ធិភាព។ ក្នុង​តម្លៃ​ចូលរួម ១៥ ដុល្លារ​អ្នក​អាច​ចូលរួម​សិក្សា​ពី​ប្រធាន​បទ​នេះ ដោយ​មាន​ទាំង​ប្រដាប់​ប្រដារ​ត្រូវ​ការ​ដាក់​ឲ្យ​រួច​ជា​ស្រេច។ ចាប់​ពី​ម៉ោង ១០កន្លះ​ព្រឹកដល់​ថ្ងៃ​ត្រង់​ នៅ Make It ផ្លូវ​លេខ ៤៧០។ ​

 

តន្ដ្រី

 

អ្នក​ចម្រៀង​ Folk សញ្ជាតិ​អង់គ្លេស​ Billy Page បាន​ធ្វើ​ដំណើរ​តន្ដ្រី​ទេស​ចរណ៍​ទូទាំងអាស៊ី​ ព្រម​ទាំង​ការ​ប្រគំ​តន្ដ្រី​មួយ​នៅ ​Alchemy រាត្រី​នេះ​ផង​ដែរ។ សមាជិក​ក្រុម​ទាំង​បី​រូប​ នឹង​សម្ដែង​តន្ដ្រី​បែប Thoughtful ចិត្ត​ គំនិត​ លក្ខណៈ​ស្រដៀង​និង​ចម្រៀង​ពី​រឿង​ល្ខោន។ ចាប់​ពី​ម៉ោង ៨ដល់ ១១ យប់​នៅ Alchemy ផ្លូវ​លេខ ១២៣។ 

 

Cloud នឹង​មាន​ការ​សម្ដែង Solo ពី​តារា​រ៉ុក​ប្រចាំ​ភ្នំពេញ​គឺ Vanntin Hoeurn ដែល​នឹង​សម្ដែង​តន្ដ្រី​បែប Dirty Blues/ Punk folk ដោយ​អាច​ចូលរួម​ដោយ​ឥតគិត​ថ្លៃ។ ចាប់​ពី​ម៉ោង ៨ដល់​១១យប់​នៅ Cloud ផ្លូវ​លេខ ៩។​ 

 

អ្នក​ចម្រៀង​និង​លេង​ហ្គីតា Lisa Conception នឹង​សម្ដែង​រាត្រី​នេះ​នៅ​ The K’s សម្រាប់​តន្ដ្រី​បែប​​ Acoustic Pop Ballads យ៉ាង​រ៉ូមេនទីក។ ចាប់​ពី​ម៉ោង ៩យប់​ដល់​ពាក់​កណ្ដាល​អាធ្រាត​នៅ The K’s ផ្លូវ​លេខ ២០៨។

 

កំប្លែង

 

The Brew Cruise ជា​កម្មវិធី​មួយ​រៀប​ចំ​ដោយ​សមាគមអ្នក​កំប្លែង​នៅភ្នំពេញ Comedy Central ដោយ​លើក​នេះ​នឹង​ប្រារព្ធ​កម្មវិធី​នៅ​លើ​ទូក​វិញ​ម្ដង។ ក្នុង​តម្លៃ​តែ​ ១៥ដុល្លារ​អ្នក​អាច​ ជិះទូក​លេង​កម្សាន្ត​និងទស្សនា​ការ​និយាយ​រឿង​កំប្លែងស្ងួត​ យ៉ាង​សប្បាយ​រីករាយ។ គូស​បញ្ជាក់​ដែរ​ថា​តម្លៃ​ផ្ទាល់​នៅ​នឹង​កន្លែង​គឺ ២០ដុល្លារ​ ដូច្នេះ​គួរ​តែ​ទិញ​សំបុត្រ​ទុក​ជាមុន​ទើប​ល្អ។ ចាប់​ពី​ម៉ោង ៤កន្លះ​ដល់ ៨យប់​នៅ​ មាត់​ទន្លេ​ខាង​ក្រោយ​សណ្ឋាគារ​កាំបូឌីយ៉ាណា។ ​

 

រាំកម្សាន្ត

 

មក​តាំង​ពី​ទីក្រុង​ហូជីមិញ​ DJ Zino នឹង​មក​ចាក់​ភ្លេង​នៅ Club Love រាត្រី​នេះ​ជាមួយ​នឹង​ការ​សម្ដែង​បែប Bassline និង​ House Tunes សម្រាប់​កម្មវិធី​ឧបត្ថម្ភដោយ​ស្រាបៀរ Jim-Beam។ តម្លៃ​ចូលរួម​គឺ​ឥតគិត​ថ្លៃ​បន្ទាប់​ពី​ម៉ោង ១១ បន្ទាប់​មក​គឺ ៥ដុល្លារ​នៅ​ច្រកចូល​ដោយ​អាច​ប្ដូរ​យក​ភេសជ្ជៈ​អ្វី​ក៏បាន។ ចាប់​ពីម៉ោង ៩យប់ដល់ ៤ ទៀបភ្លឺ​នៅ Club Love ផ្លូវ​លេខ ២៧៨។ 

 

DJs ពីរ​រូប​នឹង​ចាក់​តន្ដ្រី​បែប Deep House និង Techno នៅ Party Patio គឺ​ iLLicita និង Marcus iLL។ អ្នក​អាច​ចូលរួម​ដោយ​សេរី​នៅ ​Party Patio ផ្លូវ​លេខ ៣០៨។

 

DJs ពី NeuDrop Collective គឺ​ Shadows of Space, Marie Tach និង DALAH នឹង​មក​កាន់ Pontoon Pulse រាត្រី​នេះ ពិសេស​បំផុត​សម្រាប់​អ្នក​ដែល​ចូល​ចិត្ត​តន្ដ្រី​បែប Underground Electro។ ចាប់​ពី​ម៉ោង ១១យប់​ដល់ ៥​ទៀប​ភ្លឺ​នៅ Pontoon Push ផ្លូវ​លេខ ១៧២។   

 

បន្ថែម

 

 

កន្លែងញ៉ាំ Burger ថ្មី W&B បើ​កថ្ងៃ​នេះ​ ដោយ​មាន​ដាក់​បម្រើ​ Muschroom Burgers ឲ្យ​ញ៉ាំ​ដោយ​ឥត​គិត​ថ្លៃ​ សម្រាប់​អ្នក​មក​ដល់​ ១០០នាក់​ដំបូង​ហើយ​ថត​រូប Selfies នៅ​ទី​នោះ។ ចាប់​ពី​ម៉ោង ៩ព្រឹក​ដល់ ៩យប់​នៅ Chip Mong Bak Touk Center ជាន់ទី២។

 

ថ្ងៃអាទិត្យ

 

ភាពយន្ត

 

 

Meta House នឹង​ដាក់​បញ្ចាំង​រឿង Nine Circles of Hell ដែល​ជា​រឿង​មួយ​មាន​លក្ខណៈ Classic បញ្ចេញ​តាំង​ពី​ឆ្នាំ ១៩៨៨មក​ម្ល៉េះ។ ភាពយន្ត​នេះ​គឺ​ភាពយន្ត​ខ្មែរ​ដំបូង​ដែល​បាន​ឱកាស​បាន​ចូលរួម មហោស្រព​ភាពយន្ត​ Cannes នៅ​ប្រទេស​បារាំង ដែល​និយាយ​អំពីរឿង​រ៉ាវ​ស្នេហា​រវាង​ជន​ជាតិ​បរទេស​មួយ​រូប​ និងជន​ជាតិ​ខ្មែរខណៈពេល​កម្ពុជា​ឆ្លង​កាត់​របប​ប្រល័យពូជសាសន៍។ តម្លៃ​សំបុត្រ​ចូលរួមគឺ​ឥតគិត​ថ្លៃ​ ចាប់​ពី​ម៉ោង ៧ដល់​ ៩យប់​នៅ Meta House ផ្លូវ​លេខ ១៧៨។ 

 

សិល្បៈ

 

Nowhere Art Studio​ នឹង​នាំ​យក​មក​វិញ​នូវ​ គម្រោង​សុភមង្គល ដែល​ផ្ដោត​សំខាន់​ទៅ​លើ​ការ​បង្ហាញ​ទឹក​ចិត្ត​ល្អ។ សម្រាប់ Workshop នេះ​នឹង​បង្ហាញ​អ្នក​ចំពោះ​អ្វី​ ដែល​ត្រូវ​ការ​ក្នុង​ការ​បង្ហាញ​អារម្មណ៍​ស្រលាញ់​ចំពោះ​គ្នា​ទៅ​វិញ​ទៅមក ព្រម​ទាំង​ស្វែង​រក​សេចក្ដី​រីករាយ​ក្នុង​ជីវិត​រស់​នៅ​ប្រចាំ​ថ្ងៃ។ តម្លៃ​សំបុត្រ​ចូលរួម​គឺ ២០ដុល្លារ​ ដែល​រាប់​បញ្ចូល​ទាំង​សម្ភារៈ​ចាំបាច់​ផ្សេងៗ និង​អាហារ​សម្រន់​ខ្លះៗ។ ចាប់​ពី​ម៉ោង ៩ព្រឹក​ដល់​ថ្ងៃត្រង់​ នៅ Nowhere Art Studio ផ្លូវ​នរោត្ដម។

 

តន្ដ្រី

 

Geography of the Moon ដែល​ជា​ការ​សម្ដែង​រួម​បញ្ចូល​ពីអ្នក​លេង​ហ្គីតា Andrea Rubbio និង Virginia Bones ជា​អ្នក​លេង​ Keyboard ព្រមទាំង​ចូលរួម​សម្ដែង​ពី​អ្នក​លេង​ Cello ដែល​នឹង​ធ្វើ​ឲ្យ​បរិយាកាស​នៅ​ Meta House ប្រាកដ​ជា​រីក​រាយ​​និង​ប្លែក​អារម្មណ៍។ សំបុត្រ​ចូលរួម​មាន​តម្លៃ ៤ដុល្លារ​បើ​កក់​ទុក​មុន និង ៧ដុល្លារ​ក្នុង​ថ្ងៃ​សម្ដែង​ផ្ទាល់។ ចាប់​ពី​ម៉ោង ៤ដល់៥រសៀល​នៅ Meta House ផ្លូវ​ ១៧៨។   

 

បន្ថែម

 

បើ​សិន​ជា​ចង់​សាក​ទៅ​ធ្វើ​ការ​នៅ​ Factory ម្ដង​​ នៅ ​Workspace 1 នឹ​ង​អាច​ឲ្យ​អ្នក​សាក​ធ្វើ​ការ​ក្នុង​មួយ​សប្ដាហ៍​ដោយ​ឥតគិត​ថ្លៃ ចាប់​ពី​ថ្ងៃ​ច័ន្ទ​ដល់​ថ្ងៃសុក្រ។ 

 

 

Continue Reading
You may also like...
Click to comment

Leave a Reply

More in មគ្គទេស​ចុង​សប្ដាហ៍

You Might Like…

អត្ថបទ​សំខាន់​​ និង​ កិច្ចស​ម្ភាសន៍​ផ្សេងៗ

មកជួប​ជើងឯក​កីឡា​ឡើង​ជញ្ជាំង​ថ្មី​សន្លាង​របស់កម្ពុជា

By ខែ​កក្កដា 9, 2019

Our Writers

Facebook

Take Me To…

To Top