នុះ នុះ! ថ្ងៃសម្រាកចុងសប្ដាហ៍មកដល់ទៀតហើយ
យើងបានរៀបចំដាក់បញ្ចូលកន្លែងកម្សាន្តពិសេសសម្រាប់ត្រៀមចុងសប្ដាហ៍នេះ
ប្រែសម្រួលដោយ ធារ៉ូ
ថ្ងៃសុក្រ
មានអ្វីដាក់បញ្ចាំង?
ស្ថានទូតប្រទេសហ្វីលីពីននឹងចាប់ដាក់បញ្ចាំងភាពយន្ត I’m Drunk, I Love You ដែលជាភាពយន្តដែលបញ្ចេញឆ្នាំ ២០១៧ ទទួលបានការទទួលស្គាល់ថាជាភាពយន្តដ៏ល្អមួយ។ ភាពយន្តនេះមិនមានជាលក្ខណៈស្នេហានោះទេ ដោយឡែកគឺនិយាយអំពីមិត្តជិតស្និទ្ធថ្នាក់សកលវិទ្យាល័យ២រូប បានធ្វើដំណើរកម្សាន្តជាមួយគ្នា មុនពេលបញ្ចប់ឆ្នាំសិក្សា។ នៅពេលនោះហើយ ដែលពួកគេបានយល់ពីអារម្មណ៍ពិតរវាងគ្នានិងគ្នា។ ចាប់ដាក់បញ្ចាំងចាប់ពីម៉ោង ៦ល្ងាចនៅ ស្ថាតទូនហ្វីលីពីន ផ្លូវ១៨២កែងនរោត្ដម។
ក្នុងផ្នែកមួយនៃការបញ្ចាំងភាពយន្តពេញមួយអាទិត្យ សម្រាប់យុទ្ធានាការសំឡេងនារីទូទាំងភិពពលោក Meta House នឹងចាប់ដាក់បញ្ចាំងភាពយន្តឯកសារផ្សេងៗ ជាហូរហែ។ រាត្រីនេះគឺជាការដាក់បញ្ចាំងសេ៊រីភាពយន្តឯកសារជាមួយនឹងសំនួរចម្លើយ បន្ទាប់មកនឹងចាក់បញ្ចាំងភាពយន្តខ្នាតធំសរុប។
Side by Side គឺជាលទ្ធផលមួយនៃគម្រោងរបស់ Meta House ហៅថា “The Khmer Rouge and Cambodia’s Indigenous Peoples” គាំទ្រដោយសាលាក្ដីខ្មែរក្រហម សហគមន៍អឺរ៉ុបនិង UNOPS ដែលបានធ្វើ Workshop សម្ភាសន៍អ្នកមានជីវិតរស់ពីសម័យកាលនេះដល់ទៅ ៣៥រូប។ ភាពយន្តឯកសាររបស់ Ly Polen នេះគូស្នេហ៍វ័យចំណាស់មួយគូរនឹងបកស្រាយពីការចងចាំពួកគេ នូវសម័យកាលនោះ ដោយចាប់បង្ខំឲ្យរៀបការដោយសាមីខ្លួនមិនទាំងយល់ព្រម។ ការបញ្ចាំងនេះក៏មានសំនួរចម្លើយនៅជាចុងក្រោយផងដែរ។
បន្ទាប់មកនៅម៉ោង ៨កន្លះយប់ មជ្ឈមណ្ឌលវប្បធម៌អាល្លឺម៉ង់និងដាក់បញ្ចាំងភាពយន្ត Vessel។ នេះជាភាពយន្តឯកសារដែលនិយាយអំពីការងាររបស់អ្នករូបវិទ្យាសញ្ជាតិហូឡង់ ដុកទ័រ Rebecca Gomperts ដែលជាអ្នកបង្កើតអង្គការមួយ ផ្ដល់នូវឱសថត្រូវការសម្រាប់អ្នកចង់រំលូតកូន នៅទីតាំងមួយជាអន្តរជាតិសម្រាប់នារីមកពីគ្រប់ទីកន្លែងទូទាំងពិភពលោកដែលការសម្រាលកូនគឺមិនស្របច្បាប់។ ចាប់ពីម៉ោង ៧យប់នៅ Meta House ផ្លូវលេខ ១៧៨។
មានអ្វីនៅលើឆាកសម្ដែង?
ក្រុមចម្រៀង The Goldilockz Zone នឹងត្រលប់មកវិញនាំមកនូវការសម្ដែងនៅ Bassac Lane ដែលពោរពេញទៅដោយជម្រើសផ្សេងៗនៃគ្រឿងស្រវឹងមិនថាជាស្រាបៀរឬ Cocktails។ ក្នុងចម្រៀងបែប Indie នេះនឹងសម្ដែងបទចម្រៀងតែងនិពន្ធដោយខ្លួនឯងក៏ដូចជាបង្ហាញនូវបទចម្រៀងថ្មីរបស់ពួកគេ ចំណងជើងថា “Hardline of Love” ទើបតែនឹងបញ្ចេញសប្ដាហ៍នេះ។ ចាប់ពីម៉ោង ៩ទៅនៅ Bassac Lane។
មានអ្វីនៅយប់ជ្រៅ?
សម្រាប់រាត្រីនេះ បើសិនជាចង់ដើរលេងតាមក្លឹបធានាថា ដឹងតែមិនខ្វះទេ គ្រាន់តែសម្រេចចិត្តគិតថាគួរតែទៅកន្លែងណាល្អ។
នៅតាមផ្លូវ ២៧៨ Club Love នឹងមាន DJ មកតាំងពីប្រទេសបារាំងគឺលោក Sonny Amerie។ DJ ប្រចាំទីក្រុងប៉ារីសរូបនេះ នឹងមកចាក់តន្ដ្រីបែប Soul, Hip-Hop, R&B,House និង Future សម្រាប់ការសម្ដែងដំបូងនៅប្រទេសកម្ពុជា។ តម្លៃសំបុត្រចូលរួមតែ ៥ដុល្លារ អ្នកនឹងទទួលបាននូវជម្រើសភេសជ្ជៈដែលអ្នកចង់បាន។ ចាប់ពីម៉ោង ៩យប់ដល់ ៤ទៀបភ្លឺនៅ Club Love ផ្លូវលេខ ២៧៨។
DJ សញ្ជាតិឥណ្ឌូនេស៊ី Wyntella នឹងចាក់ភ្លេងបែប Techno Pop នៅ Epic ២ រាត្រីនេះ។ ស្រាបៀរ Budweiser ឧបត្ថម្ភកម្មវិធីនេះ ជាមួយនឹងប្រូម៉ូសិនហៅថា “Meet More Buddies”។ នេះជាឱកាសល្អមួយសម្រាប់ ចូលក្លឹបរាំលេងសប្បាយជាមួយនឹងតន្ដ្រីពីរោះកន្ដ្រាក់អារម្មណ៍។ ចាប់ពីម៉ោង ៩យប់ដល់ ៣ទៀបភ្លឺនៅ Epic ២ Eden Garden។
សម្រាប់តន្ដ្រីបែប House, Techno, Psytrance ទៅកាន់ Cloud សម្រាប់កម្មវិធី Positive Vibe រដូវភ្លៀងជាលើកចុងក្រោយ ដោយនឹងមាន DJ Moudy ជាអ្នកចាក់ភ្លេង។ តម្លៃចូលរួមតែ ៥ដុល្លារតែប៉ុណ្ណោះ ដោយអាចប្ដូរយកស្រាបៀរបានមួយ។ ចាប់ពីម៉ោង ១០ដល់ ៤ទៀបភ្លឺនៅ Cloud ផ្លូវលេខ ៩។
ប៉ុន្តែប្រសិនជាអ្នកចង់រាំតាមចង្វាក់ House ដោយមានលាយបញ្ចូល Techno ទៅកាន់ HangOut សម្រាប់កម្មវិធី “Sushi Takeover”។ សំបុត្រសម្រាប់ចូលរួមគឺមានតម្លៃ ៥ដុល្លារដូចគ្នា ដោយអាចប្ដូរបានជាស្រាបៀរឬ Shot។ ក្នុងនោះក៏មានដាក់ឲ្យញ៉ាំនូវ mini burgers និងសាច់មាន់ចង្កាក់រហូតដល់ពាក់កណ្ដាលអាធ្រាត្រផងដែរ។ ចាប់ពីម៉ោង ១០យប់ដល់ ២ទៀបភ្លឺនៅ HangOut ផ្លូវលេខ ៤៧៦។
មានអ្វីទៀត?
អ្នកសិល្បៈគំនូរ Chea Sereyroth ចង់បង្ហាញនូវស្នាដៃមួយនិយាយរៀបរាប់ ពីកសិករស្រែចម្ការនៅទីដាច់ស្រយាលប្រទេសកម្ពុជា ដែលមានឈ្មោះថា “from time immortal”។ ផ្ទាំងគំនូរនោះបានធ្វើឡើងដោយប្រើប្រាស់ ស្រូវ ដី ភក់ អាចម៍រណា ជាដើម គំនូរទាំង ៨ ផ្ទាំងនេះនឹងធ្វើឲ្យអ្នកសរសើរមិនដាច់ពីមាត់។ ការដាក់តាំងពិពរណ៍ “Ricefield Mirages” នៅ Sa Sa Arts Project នឹងចាប់ដាក់បង្ហាញរាត្រីនេះ។ ចាប់ពីម៉ោង ៦ល្ងាចដល់ ៨យប់នៅ Sa Sa Arts Project ផ្លូវលេខ ៣៥០។
សម្រាប់រាត្រីនេះដែរ និស្សិតមកពីសកលវិទ្យាល័យអាមេរិក នឹងមានកម្មវិធីក្លែងក្លាយមួយថា “Alienstock” បបួលមនុស្សទៅរាតត្បាតតំបន់ ៥១ នៅរដ្ឋនេវាដា សហរដ្ឋអាមេរិក ដែលត្រូវគេសង្ស័យថាមានផ្ទុកមនុស្សក្រៅភពនៅទីនោះ។ នេះគឺយកត្រាប់តាមព្រឹត្តិការណ៍លេងសើចមួយល្បីទូទាំងពិភពលោក ឥឡូវនេះក្លាយជាកម្មវិធីតន្ដ្រីមួយ។ Mad Monkey នឹងនាំមកនូវគំនិតជប់លៀងផ្សេងៗពី Alien អីចឹងសាកទៅចូលរួមមើល៍ បើចង់ដឹង។ ចាប់ពីម៉ោង ៨ដល់ពាក់កណ្ដាលអាធ្រាត្រនៅ Mad Monkey ផ្លូវលេខ ៣០២។
ថ្ងៃសៅរ៍
មានអ្វីទៀត?
YK Art House នឹងមានកម្មវិធី បែបសកម្មភាពពេលព្រឹកដោយ ភ្ញាក់ឡើងនិងចាប់ផ្ដើមថ្ងៃថ្មីដោយ រៀនពីរបៀបចងខ្សែរុក្ខជាតិដាំតាមផ្ទះដែលគេហៅថា វិធីសាស្រ្ត Macrame។ ដោយខ្សែព្យួរធ្វើឡើងពីអាវយឺតយកមកប្រើឡើងវិញ ព្រមទាំងមានពណ៌ចំរុះ នេះជាកម្មវិធីដែលគួរឲ្យចាប់អារម្មណ៍មួយ។ តម្លៃចូលរួមគឺ ១០ដុល្លារជាមួយនឹងភេសជ្ជៈមួយ។ ចាប់ពីម៉ោង ១០ព្រឹកដល់ ថ្ងៃត្រង់នៅ YK Art House ផ្លូវលេខ ៨៣០។
ស្ដាប់មើលទៅពិតជាទំនងតែម្ដង Cloud នឹងរៀបចំកម្មវិធី Festival មួយនៅសួនច្បារខាងក្រៅពេញមួយថ្ងៃ។ ជាមួយនឹងផ្សារចល័តនៅជាន់ទី១ បារប៊ីខ្យូជាមួយនឹងជម្រើសបន្លែឬសាច់ និងមាននៅផ្នែកខាងក្រោយបារ ព្រមទាំងមានទាំងការសម្ដែងតន្ដ្រីពី 1 Girl 6 Strings ធានាថាដឹងតែប្លែក។ ចំពោះអ្នកដែលចង់លក់របស់របរផ្សេងៗ ថ្លៃឈ្នួលតូបគឺគ្រាន់តែ ៥ដុល្លារតែប៉ុណ្ណោះ។ ចាប់ពីម៉ោង ២រសៀលដល់ ១១យប់នៅ Cloud ផ្លូវលេខ ៩។
ប្រសិនជាអ្នកមានអារម្មណ៍បែបត្រូពិក ប៉ុន្តែបែបនៅប៉ែកម្ខាងទៀតនៃពិភពលោកពីទីនេះ ទៅកាន់ Villa Grange សម្រាប់កម្មវិធី ជប់លៀងនៅក្បែរអាងហែលទឹក ដែលនឹងមាន DJ ចាក់តន្ដ្រីបែប Carribean-tinted ព្រមទាំង Ambietn Deep House ធានាថាដឹងតែប្លែក។ ដោយមានបម្រើអាហារនិងស្រាក្រឡុកនៅទីនោះផងដែរ អីចឹងតោះទៅលេងជាមួយគ្នា។ ចាប់ពីម៉ោង ៣កន្លះរសៀលដល់ ១០យប់នៅ Villa Grange ផ្លូវលេខ ២៤៤។
ពិធី Festival Arts4peace នឹងប្រារព្ធធ្វើឡើងនៅថ្ងៃនេះ ក្នុងឱកាសដែលអង្គការសហប្រជាជាតិប្រកាសជាអន្តរជាតិនៃទិវាសន្តិភាពនៅ Cambodia-Japan Cooperation Center។ កម្មវិធីនេះនឹងផ្ដោតសំខាន់ទៅលើសិល្បៈខ្មែរ ព្រមទាំងបង្ហាញពីតម្លៃ របស់បណ្ដាអ្នកដែលមានសមត្ថភាពជាច្រើន ដែលបានខិតខំប្រឹងប្រែងក្នុងរយៈពេលជាង ៤០ឆ្នាំកន្លងទៅនេះ។ ជាមួយនឹងការសម្ដែងពី ក្រុមចម្រៀងខ្មែរ Khmer Magic Music Bus ធានាថាដឹងតែសប្បាយ។ ចាប់ពីម៉ោង ៦ដល់៧កន្លះ ល្ងាចនៅ CJCC វិថីសហព័ន្ធរុស្សី។
មានអ្វីលើឆាកសម្ដែង?
ក្នុងថ្ងៃពិសេសសម្រាប់ថ្ងៃសិទ្ធិមនុស្សនេះដែរ តន្ដ្រីករក្នុងស្រុកដល់ទៅ៥រូបនឹងផ្លាស់វេនគ្នា ដើម្បីសម្ដែងបង្ហាញពីក្ដីស្រលាញ់ តាមរយៈតន្ដ្រីហ្សាស។ ការប្រគំតន្ដ្រី Peace, Love & Music នៅ Kwest Restaurant ចូលរួមសម្ដែងដោយ អ្នកលេងព្យ៉ាណូ Mathias Aspelin, អ្នកលេងសាក់ហ្សូហ្វូននិងខ្លុយ Gerard Evans អ្នកចម្រៀង Mirasol Aguila បាសដោយ Andrey Meshcheryakov និង ស្គរដោយ Richard Boisson។ តម្លៃសំបុត្រចូលរួមគឺមិនគិតថ្លៃនោះទេ។ ចាប់ពីម៉ោង ៧ដល់១០យប់នៅ Kwest Restaurant ផ្លូវលេខ ១៥៤។
មានអ្វីនៅយប់ជ្រៅ?
នៅ One Love Reggae Rooftop ឯណោះវិញកម្មវិធីជប់លៀងប្រចាំខែ បានត្រលប់មកវិញដោយត្រូវបានគេហៅឈ្មោះថា Vent។ ជាមួយតន្ដ្រីបែប Afro House, Deep House និង Tech House នាំមកជូនដោយ the Sauce រាត្រីនេះនឹងធ្វើឲ្យអ្នករាំដល់ម៉ោង៣ទៀបភ្លឺ ជាមួយនឹង DJ Sushi និង Kenny Chase ចាក់ភ្លេងកំដរ។ តម្លៃចូលរួមគឺ ៥ដុល្លារប៉ុន្តែមុនម៉ោង១១ គឺមិនគិតថ្លៃនោះទេ។ ចាប់ពីម៉ោង ៩ដល់ ៣ទៀបភ្លឺនៅ One Love Reggae Rooftop ផ្លូវ ១៧២។
មានអ្វីដាក់បញ្ចាំង?
ភាពយន្ត Hungry Tide ពិភាក្សាអំពីចំនុចសំខាន់មួយ ដែលមិនសូវត្រូវគេលើកឡើងក្នុងការពិភាគ្សាផ្សេងៗ ពាក់ព័ន្ធនឹង Climate Change។ ជាក់សម្ដែងភាពយន្តឯកសារនេះនឹងលើកឧទាហរណ៍ពី កោះតូចមួយឈ្មោះថា Kiribati ដែលកំពុងប្រឈមមុខនឹងការឡើងកម្រិតទឹកសមុទ្រ អាចឲ្យមនុស្សរស់នៅទីនោះប្រមាណជា ១០៥,០០០ ប្រឈមនឹងការស្លាប់។ ចាប់ពីម៉ោង ៨យប់តទៅ នៅ Meta House ផ្លូវលេខ ១៧៨។
ថ្ងៃអាទិត្យ
មានអ្វីទៀត?
ឱកាសល្អមួយទៀតប្រសិនជាអ្នកចង់ក្លាយជាសមាជិកសម្រាប់ ក្រុមសម្ដែងល្ខោន Phnom Penh Players។ សម្រាប់ថ្ងៃអាទិត្យនេះ ការជ្រើសរើសតួសម្ដែងសម្រាប់ Pantomime នឹងធ្វើឡើងដើម្បីធ្វើឡើងជារៀងរាល់ឆ្នាំ។ ដោយឡែកសម្រាប់ឆ្នាំនេះ Pantomime នឹងលើកយកនូវរឿងរ៉ាវរបស់ Cinderella មកសម្ដែង។ ចាប់ពីម៉ោង ៤ដល់ ៦ល្ងាចនៅ The Box Office ផ្លូវលេខ ២៤៤។
ការព្យាបាលតាមសំឡេងនិងថាមពល គឺជាមធ្យោបាយបុរាណមួយដែលផ្ដល់ឲ្យនូវរំញ័រ ជួយឲ្យអ្នកអាចធ្វើសមាធិបាននិងព្រមទាំងបញ្ចេញថាមពលពីក្នុងខ្លួនរបស់អ្នក។ នៅក្នុង Session សម្រាប់ Enso Healing Space នេះដែរ អ្នកបង្វាត់ Hani Mansour នឹងតម្រូវឲ្យអ្នកចូលរួមនៅឲ្យស្ងៀម ឬក៏ត្រូវច្រៀងនិងធ្វើសកម្មភាពផ្សេងៗ។ ចាប់ពីម៉ោង ៥កន្លះល្ងាចនៅ Enso Healing Space ផ្លូវលេខ ២៤០។
The Vine នឹងរៀបចំកម្មវិធីញ៉ាំអាហារថ្ងៃត្រង់ ដើម្បីសាកល្បងភ្លក់រសជាតិនូវស្រាក្រហមថ្មីបីប្រភេទរបស់ពួកគេ។ ជាមួយនឹងសាច់គោ Wagyu តម្លៃសម្រាប់ចូលរួមគឺ ២០ដុល្លារសរុបទាំងអស់។ អីចឹងបើចង់សាក ត្រូវតែកក់កន្លែងជាមុន។ ចាប់ពីម៉ោង ៤ដល់ ៧រសៀលនៅ The Vine ផ្លូវ ១៧២។
មានអ្វីដាក់បញ្ចាំង?
Meta House បញ្ចប់ថ្ងៃចុងសប្ដាហ៍ជាមួយនឹងការដាក់បញ្ចាំងភាពយន្តឯកសារដល់ទៅ ៧ និយាយរៀបរាប់ពីបណ្ដាស្ដ្រីរស់នៅប្រទេសកាន់សាសនាអ៊ីស្លាម។
ការចាប់ដាក់បញ្ចាំងនេះចាប់ផ្ដើមពីម៉ោង ២រសៀលជាមួយនឹងភាពយន្តម៉ាឡេស៊ី Aku Siapa ជាសេ៊រីនៃការសម្ភាសន៍ជាមួយនារីសញ្ជាតិមូស្លីម អំពី Hijab ថាពួកគេគួរតែពាក់វាឬយ៉ាងណា។ ដល់ម៉ោង ៣រសៀលនឹងដាក់បញ្ចាំងរឿង India’s Daugther ពីការរំលោភបូក ចំពោះនិស្សិតនារីផ្នែកវេជ្ជសាស្ត្រនៅទីក្រុង New Delhi ហើយក្រោយមកក៏បានស្លាប់បាត់បង់ជីវិត។ ជនដៃដល់ទាំងនោះ ត្រូវបានគេយកទៅសួរចម្លើយ ព្រមទាំងដាក់ទោសទៅលើបទឃាតកម្ម និងមានការផលិតជាឯកសារផ្សេងៗផងដែរ។
ភាពយន្ត Prostitution Behind the Veil ពីប្រទេសអ៊ីរ៉ង់និយាយអំពីជីវិតម្ដាយ ដែលប្រើប្រាស់ថ្នាំញៀនហេរ៉ូអ៊ីន និងខិតខំប្រឹងប្រែងរកលុយ តាមរយៈការលក់ខ្លួនជាបនពេស្យ៉ា។ Solar Mamas ពីប្រទេស ហ្សូដង់ ចាប់ផ្ដើមពីម៉ោង ៥និង១៥នាទីល្ងាច និយាយអំពីនារីដែលមិនបានទទួលការសិក្សាគ្រប់គ្រាន់ ដែលបានទៅសិក្សាហើយក្លាយជាវិស្វករផ្នែកថាមពលពន្លឺព្រះអាទិត្យ។ Nefertiti’s Daughters ពីប្រទេស អេហ្សីព នឹងផ្ដោតសំខាន់ទៅលើការវិវឌ្ឍន៍នៃសិល្បៈគំនូរ Street Art ជុំវិញវិបត្តផ្សេងៗនៅអេហ្សីព។
ភាពយន្តឯកសារខ្នាតខ្លី Saving Face មកពីប្រទេសប៉ាគីស្ថាន ដែលទទួលបានពានរង្វាន់អូស្ការ និយាយអំពីបញ្ហាដ៏សំខាន់មួយគឺ អំពើហិង្សាទៅលើស្រ្ដីនៅអាស៊ីប៉ែកខាងត្បូង។ ជាចុងក្រោយសេ៊រីនៃភាពយន្តនេះគឺ He Named Me Malala មកពីប្រទេសអាហ្គានីស្ថាន និយាយពីនារីក្លាហានមួយរូបគឺ Malala Malala Yousafzai ខិតខំប្រឹងប្រែងរកសិទ្ធឲ្យនារីនៅទីនោះ ដើម្បីទទួលបានការសិក្សា។ បន្ទាប់ពីត្រូវគេបាញ់ត្រូវត្រង់ក្បាលខណៈធ្វើដំណើរទៅសាលា នាងជានារីវ័យក្មេងបំផុតដែលទទួលពានរង្វាន់ណូបែល ត្រឹមអាយុ១៧ឆ្នាំ។ ចាប់ពីម៉ោង ២ដល់ ៩កន្លះយប់នៅ Meta House ផ្លូវលេខ ១៧៨។