អត្ថបទសំខាន់ និង កិច្ចសម្ភាសន៍ផ្សេងៗ

ប្លែកអារម្មណ៍ជាមួយក្រុមចង្វាក់រ៉ុក ចិន-អង់គ្លេស Guiguisuisui នាំនូវទស្សនីយ៏ភាពថ្មីមិនធ្លាប់ឃើញ

What’s On Phnom Penh បានជួបសម្ភាសន៍ជាមួយលោក Dann Gaymer ជាសមាជិកមួយរូបពីក្រុមចម្រៀង ចិន-អង់គ្លេស Guiguisuisui អំពីភាពច្នៃប្រឌិតពីបែបបទតន្ដ្រីពួកគេ និងពីវិធីដែលអាចឲ្យក្រុមនេះធ្វើឲ្យអ្នកទស្សនាបំបាត់កង្វល់ដោយបណ្ដោយអារម្មណ៍ខ្លួនកន្ដ្រាក់តាម ចង្វាក់តន្ដ្រី។

Mark Tilly

Published on ខែមករា 31, 2019

Comment

Translated by Thearo Nuch

លាយបញ្ចូលគ្នានៃសំឡេងតន្ដ្រីបែបអេឡិចត្រូនិកនិងការសម្ដែងផ្ទាល់យ៉ាងរស់រវើក លោក Dann Gaymer មកពីចក្រភពអង់គ្លេសនិង Nan Guazi មកពីប្រទេសចិន បានធ្វើឲ្យទស្សនិកជនភ្ញាក់ផ្អើលតាំងពីទីក្រុងប៊ែកឡាំង ដល់ទីក្រុងសៀងហៃ ជាមួយការសម្ដែងយ៉ាងកក្រើករបស់ពួកគេ មិនធ្វើឲ្យអ្នកចូលរួមខកបំណង។

ឥឡូវក្រុមចម្រៀងសមាជិក២រូបនេះ បានមកដល់ប្រទេសកម្ពុជា ដើម្បីសម្ដែងផ្សព្វផ្សាយការបញ្ចេញអាល់ប៊ុមខ្នាតខ្លីថ្មី “Charon”។

យើងបានជួបជាមួយ Dann បន្ទាប់ពីក្រុមចម្រៀងនេះបានសម្ដែង២យប់នៅខេត្តកំពត ដើម្បីដឹងឲ្យកាន់តែច្បាស់ពីការប្រគំតន្ដ្រីនៅ Cloud រាត្រីថ្ងៃសុក្រនេះ។

ការសម្ដែងរបស់អ្នក មើលទៅដូចជាត្រូវការជ្រើសរើសទីតាំងឲ្យសាកសម ដើម្បីសម្ដែង អីចឹងតើអ្នកគិតយ៉ាងណាអំពីការសម្ដែងនៅ Cloud ល្ងាចថ្ងៃសុក្រនេះ?

ការជ្រើសរើសទីតាំងឲ្យសាកសមនឹងបរិបទនៃស្ទីលចម្រៀងនិងសិល្បៈពិតជាសំខាន់ ប៉ុន្តែវាក៏សំខាន់នៅក្នុងជីវិតរស់នៅផងដែរ។ លក្ខណៈផ្សេងៗពីទីតាំងនិងអ្នកចូលរួមព្រមទាំងអ្វីដែលពាក់ព័ន្ធទាំងអស់គឺពិតជាមានឥទ្ធិពល ចំពោះការសម្ដែងរបស់ពួកយើង ដូចជារូបគំនូរផ្សេងៗដែលដាក់បង្ហាញនៅលើកំណាត់ស ព្រមទាំងវិធីដែលពួកយើងច្រៀងនិងសម្ដែង គឺស្ដែងចេញឲ្យឃើញនូវអ្វីដែលជាលក្ខណៈខុសប្លែករបស់យើង។

ជាខ្លីឲ្យងាយយល់គឺ អ្នកចូលរួមទស្សនានឹងទទួលបាននូវបទពិសោធន៍មួយ ប្រៀបបាននឹងធ្វើដំណើរទៅកាន់ភពផ្សេងទៀត ណែនាំពួកគេឲ្យស្គាល់ ហើយក៏អាចបង្ហាញនូវអ្វីដែលថ្មីៗជាបន្តបន្ទាប់នៅពេលខាងមុខ ដោយនេះគឺជាការសម្ដែងដំបូងបំផុតនៅទីក្រុងភ្នំពេញរបស់យើង។

ដៃគួសម្ដែងរបស់លោក Nan Guazi ធ្លាប់និយាយពីវិធីដែលនាងខំជម្រុញអ្នកទស្សនា ឲ្យចូលរួមនាងក្នុងការធ្វើឲ្យបរិយាកាសនៃការសម្ដែងកាន់តែពិសេស។ ប្រាប់យើងបន្តិចមកអំពីរឿងនេះ។

ទស្សិកជនចិនអាចមានលក្ខណៈអៀនខ្មាស់ច្រើន ហើយនៅពេលពួកគេទៅទស្សនាការសម្ដែងអ្វីមួយគឺតែងតែគិតក្នុងចិត្តថា នឹងមានព្រំដែនអរូបីដ៏ខ្លាំងមួយ បែងចែករវាងអ្នកចូលទស្សនានិងអ្នកសម្ដែង។ ទោះបីជាមានអ្នកទស្សនាខ្លះចូលរួមពេញដៃពេញជើង ព្រោះដោយសារវាជាតន្ដ្រីបែប Heavy Metal និង Punk ប៉ុន្តែត្រូវគិតទុកក្នុងចិត្តទៅ ព្រោះមានតែជនជាតិចិនមួយចំនួនប៉ុណ្ណោះដែលចូលរួម។

វាក៏មានព្រំដែនមួយទៀតរវាងមនុស្សរាល់គ្នាក្នុងការរស់នៅរាល់ថ្ងៃ ដោយសារតែសម្ពាធព្រោះមនុស្សរស់នៅទីក្រុង ភាគច្រើនរវល់តែជាមួយទូរសព្ទរបស់គេមិនសូវបាននិយាយគ្នា។ ទោះបីជាមនុស្សទីនោះទាក់ទងគ្នានៅលើបណ្ដាញអ៊ីនធឺណិត ឬបណ្ដាញសង្គមក៏ដោយតាមការពិតនៅខាងក្រៅគឺពិតជាសោះកក្រោះខ្លាំងណាស់។

ដូច្នេះវាមើលទៅដូចជាចម្លែកដែលយើងខំប្រឹងប្រើសកម្មភាពទាំងនោះក្នុងការសម្ដែង ដើម្បីទាក់ទាញយកអ្នកចូលទស្សនានិងខិតខំបង្កើតការផ្សារភ្ជាប់រវាងពួកគេ។

Where do some of the inspirations of your artistic landscapes, soundscapes and characters stem from?

តើអ្វីជាកត្តាជំរុញ ឲ្យស្ទីលបែបបទនៃចម្រៀងរបស់ក្រុមអ្នកទៅជាបែបនេះ?

ខ្ញុំអាចនិយាយថាដូច្នេះ ចំពោះដំណើរផ្លូវនៃជីវិតគឺ ខ្ញុំបានសិក្សាមុខវិជ្ជា មនុស្សសាស្ត្រ វប្បធម៌ផ្សេងៗ ខ្ញុំបានចាប់អារម្មណ៍ទៅលើ សាសនា តាវ និង ព្រះពុទ្ធ ហើយខ្ញុំបានចំណាយពេលមួយទស្សវត្សដើម្បីធ្វើដំណើរជុំវិញអាស៊ី ពាក់កណ្ដាលទស្សវត្សទៀតគឺសម្ដែង ដូច្នេះខ្ញុំក៏បានសិក្សាពីកន្លែងផ្សេងៗជាច្រើន និងអ្នកសិល្បៈផ្សេងៗក្នុងដំណើរនោះផងដែរ។

វាមានដាក់បញ្ចូលនៃស្ទីលចម្រៀងបែបអ្នកជិះក្ដារបន្ទះដូចនៅចក្រភពអង់គ្លេស ហើយក៏មានស្ទីលបែប Punk ចម្លែកកប់ញ្ចូលនៅក្នុងនោះផងដែរ។ អ្វីដែលកប់ជ្រៅជាងនេះទៀតនោះគឺ ស្ទីលចម្រៀងចង្វាក់ blues ពីឪពុករបស់ខ្ញុំ ដែលនៅតែជាអ្នកចម្រៀងដ៏ពូកែមួយរូបសម្រាប់ខ្ញុំ។

សម្រាប់ Nan Gauzi វិញនាងបានធំដឹងក្ដៅនៅខេត្ត Guangxi ប្រទេសចិន ហ៊ុំព័ទ្ធទៅដោយភ្នំស្រស់ស្អាតយ៉ាងច្រើន ជ្រោះ និងទន្លេជាដើម។ នាងទទួលបានឥទ្ធិពលនៃតន្ដ្រីតាមបែបបុរាណចិន និងបែបផែនសិល្បៈ តាំងពីនៅវ័យក្មេង ហើយម្ដាយនាងក៏ជាតន្ដ្រីក៏ម្នាក់ដ៏ប៉ិនប្រសព្វផងដែឬ ដែលលេងឧបករណ៍ភ្លេង Pipa និង Guzheng។

តំបន់ពីប្រទេសចិននោះ សម្បូរទៅដោយជនជាតិភាគតិចជាមួយនឹងភាសា សិល្បៈ ព្រមទាំងតន្ដ្រីប្លែកៗពីគ្នា បន្តតាំងពីរាជវង្សហាន។ ដូច្នេះនៅក្នុងការច្រៀងរបស់នាង ការរៀបចំខ្លួន និងរៀបចំឆាក គឺភាគច្រើនយកតាមរចនាពីស្រុកកំណើតនាងតែម្ដង។W

តើរឿងរ៉ាវប្រភេទណា ដែលអ្នកចង់ប្រាប់ទស្សនិកជន?

ដំណើរវិលជុំនៃជីវិត ការស្លាប់ និងការចាប់ជាតិមកវិញគឺបន្តមិនចេះចប់ ដូច្នេះអ្នកមិនអាចមានពន្លឺដោយគ្មានភាពងងឹតបានឡើយ ហើយភាពងងឹតគឺមិនមែនក៏ជាអ្វីដែលអ្នកគួរឲ្យខ្មាស់អៀននោះទេ។ វាក៏នៅមានរឿងរ៉ាវផ្សេងៗទៀត នៅក្នុងនោះ ប៉ុន្តែវាមើលទៅដូចជាគួរឲ្យធុញសម្រាប់ផ្ដល់ឲ្យមនុស្សខាងសិល្បៈ ដូច្នេះយើងក៏ផ្ដល់ឱកាស ដល់អ្នកទស្សនាស្វែងយល់ពីដំណើរសាច់រឿងទាំងស្រុងតែម្ដង។

ប្រាប់យើងអំពីអាល់ប៊ុមខ្នាតខ្លី Charon បន្តិចមើល៍

អាល់ប៊ុមនេះលាយបញ្ចូលគ្នានៃស្ទីលតន្ដ្រីបែប Synths ចង្វាក់ trip hop និង Shoe gaze ហ្គីតាបូកបញ្ចូលជាមួយហ្នឹងឧបករណ៍ភ្លេងចិនខ្លះៗផងដែរដូចជា Pipa និង Guzheng ហើយក្នុងនោះក៏មានកាព្យឃ្លោង បូករួមជាមួយនឹងការនិយាយបែបល្ខោនអូប៉េរ៉ា លាយបញ្ចូលគ្នាទាំងអស់ ដើម្បីបង្កើតឲ្យមានទាំងតន្ដ្រីមកពីខាងលិចនិងខាងកើត បុរាណនិងសម័យ។

បទនីមួយៗក្នុងអាល់ប៊ុមនេះ អាចជាបទទោលឬដាក់បញ្ចូលគ្នា ដើម្បីបង្ហាញពីសាច់រឿងដែលមានអត្ថន័យឆ្លុះបញ្ចាំងទៅលើ រឿងព្រេងនិទានចិន ទាក់ទងជាមួយផ្កាលីលីពីងពាងក្រហម ដែលបានបង្ហាញនៅក្នុងអត្ថបទបុរាណថា ជាផ្កាដែលដុះចេញនៅស្ថាននរក និងនាំផ្លូវឲ្យព្រលឹងដែលស្លាប់ ទៅកាន់ផ្លូវដែលអាចចាប់កំណើតវិញបាន។ ចំណងជើងបានដកស្រង់ចេញពី សេនារបស់ម្ចាស់នរក Hades ដែលស្រដៀងជាមួយនឹង រឿងព្រេងនិទានរបស់ក្រិក ក្នុងការជួយឲ្យវិញ្ញាញដែលវង្វេងបាត់បង់ ស្វែងរកជីវិតថ្មី។

តាំងពីឆ្នាំ ២០១២ មកតើសិល្បៈរបស់អ្នកទាំងពីរបានប្រែប្រួលអ្វីខ្លះ? ហើយតើអ្នកប្រមើលមើលឃើញការប្រែប្រួលនេះរបៀបណាដែរ?

តាំងពីឆ្នាំ២០១២មក នៅពេលដែលក្រុមនេះគ្រាន់តែក្រុម Solo ចង្វាក់បែប Punk និង Blues ដែលឆ្លងកាត់ការដាក់បញ្ចូលគ្នាខ្លះ វាឆ្លងកាត់ការផ្លាស់ប្ដូរជាច្រើន។ កាលពីដើម វាមានថាមពលដើមមួយ ពីអ្វីដែលថ្មីប៉ុន្តែវាក៏ត្រូវផ្លាស់ប្ដូរជាបន្តបន្ទាប់ជាច្រើនបែបបទ ធ្វើឲ្យវាមិនដូចដើម១០០ភាគរយនោះទេ។

សិល្បៈរបស់យើងបានក្លាយជាតន្ដ្រីនិងរូបរាងបង្ហាញបញ្ចូលគ្នា ប៉ុន្តែរបៀបដែលយើងយកវាមកបង្ហាញតាមតន្ដ្រីទេសចរណ៍ គឺនៅតែមើលទៅដូចជាចង្វាក់ Punk សាមញ្ញធម្មតា ហើយក៏កាន់តែឡូយជាងមុន ដោយយើងបានបញ្ចូលនូវភាពខុសប្លែកជាច្រើន ដែលសូម្បីតែពួកយើ់ងផ្ទាល់ក៏មិនដឹងថា អ្វីនឹងកើតឡើងនៅយប់នីមួយៗ

សម្រាប់អនាគត យើងមិនដឹងទេថាអ្វីនឹងកើតឡើង ប៉ុន្តែពិតជារំភើពនឹងពិតជាចង់ដឹង។ ប៉ុន្តែទោះជាយ៉ាងណាក៏ដោយ យើងពិតជារំភើបសម្រាប់បច្ចុប្បន្ន ដោយអតីកាលបានកន្លងផុត ហើយអនាគតគឺស្រពេចស្រពិល ដូច្នេះអ្វីដែលយើងមានទាំងអស់គឺពេលឥឡូវនេះ!Guiguisuisui Charon Tour 2019 plays at 8pm on Friday 1^stFebruary at Cloud, St 9, Tonle Bassac, before heading to Metal Your Day Store in Siem Reap on Saturday.