Connect with us

ពួកយើងបាន​ត្រៀម​នូវ​អ្វីពិសេស​សម្រាប់អ្នកចុងសប្ដាហ៍នេះ

ជំរើស​យើង

ពួកយើងបាន​ត្រៀម​នូវ​អ្វីពិសេស​សម្រាប់អ្នកចុងសប្ដាហ៍នេះ

កុំបារម្ភ​ អ្នក​នឹង​មិនអផ្សុកនោះទេ បន្ទាប់ពីសម្រាកពីការងារ

រូបថត​ Feature ពី Delaney Dawson លើ Unsplash

ប្រែសម្រួលដោយ ធារ៉ូ

Read in English >

 

ថ្ងៃសុក្រ

 

មាន​អ្វីលើឆាក​សម្ដែង?

 

ថ្ងៃសុក្រ​នេះ Riel Brewing នឹង​រៀបចំកម្មវិធី​និយាយរឿង​កំប្លែង​ម្ដង​ទៀត​ ធានា​ថាដឹង​តែ​សើចគឹល​ទៀត​ហើយ។ ខណៈពេល​ដែល​អ្នក​អាចចូលទស្សនា​អ្នក​​និយាយ​រឿង​កំប្លែង​នៅទី​នោះ​ដោយ​ឥតគិត​ថ្លៃ អ្នក​ក៏អា​ច​ញ៉ាំ​ស្រាបៀរ​បិត​ផ្ទាល់នៅទី​នោះ​ផងដែរ។ អីចឹង​បើ​សិន​ជា​ចូល​ចិត្ត​ស្ដាប់រឿង​កំប្លែង​និង​ចង់​បន្ធូរ​អារម្មណ៍ចុង​សប្ដាហ៍​កុំភ្លេច​ទៅ​កាន់ Riel Brewing នៅ​ផ្លូវ​លេខ ៤៦៤​ទួលទំពូង ចាប់ពី​ម៉ោង ៧កន្លះល្ងាច។ 

 

តារា​ប្រចាំ​ក្រុង Miss Sarawan ដែល​ជំនាញ​ខាង​សំដែង​ចម្រៀង​បែប​ខ្មែរ Rock’n’roll ទស្សវត្ស​ទី ៦០។ សូរសៀង​របស់​ Sarawan បានធ្វើអ្នក​នៅ​ភ្នំពេញ​ជា​ច្រើន​រូប​បាន​ស្គាល់នាង និង​តែង​តែ​រីករាយ​រាំ​កម្សាន្ត​គ្រប់ពេល​នាង​សម្ដែង។ រាត្រី​ថ្ងៃសុក្រ​នេះ Sarawan នឹង​នាំ​យក​នូវ​ទស្សនីយ៍ភាពរីករាយ​នេះ មក​បាសាក់ឡេន ខណៈ​ដែល​អ្នក​ចូលរួមអាចទិញ​នូវ​ CD របស់​នាង​ផ្ទាល់​មាន​ចំណង​ជើង​ថា “សប្បាយចងចាំ” ដែល​បាន​ថត​នៅ ស្ទូឌីយ៉ូ ​60 Road Studios នៅ​ឯខេត្ត​សៀមរាប។

 

មាន​អ្វី​នៅ​យប់​ជ្រៅ?

 

Cubik ប្រចាំ​ខែ​បាន​ត្រលប់​មក​វិញ​នៅ Reggae Rooftop សម្រាប់ពេល​នេះ DJ James What គឺ​ជា​ DJ ល្បីដែល​នឹងចូលខ្លួន​មក​ចាក់​ចម្រៀង​ខណៈ​លោក​បាន​ហោះ​ហើរមក​តាំង​ពី​ចក្រភពអង់គ្លេស។ ចូលរួម​ជាមួយ​លោក​គឺ DJs Sequence, Sushi និង B-Fox ហើយ​ពួក​គេ​នឹង​ចាក់​តន្ដ្រី​បែប House, Deep House, Techno, Drum and Bass អីចឹង​ត្រៀម​ស្បែក​ជើង​រាំ​ឲ្យ​ហើយ​ ព្រោះ​រាត្រី​នេះ​អ្នក​មិន​ត្រូវ​ខកខាន​នោះឡើយ។ ចាប់​ពី​ម៉ោង​១០យប់អ្នកអាច​ចូលរួម​ដោយ​សេរី ប៉ុន្តែ​ចាប់​ពី​ម៉ោង​១១ អ្នក​ត្រូវ​ចំណាយ​៥ដុល្លារ នៅ One Love Reggae Rooftop Bar ផ្លូវ​លេខ ១៧២។​ ​​

 

ឆ្លងមួយ​ផ្លូវ​ គឺ Pontoon ឯណោះ​វិញ KlapYaHandz នឹង​នាំ​យក​នូវ​បទ​ចម្រៀង​តែងនិពន្ធ​ថ្មី​របស់​ខ្លួន​មក​សម្ដែង​ពេញ​មួយ​យប់។ បើ​ចង់​ចូលរួម​ទស្សនា​ក្រុម​តារាចម្រៀងបែបហ៊ីបហប និង​ជា​លក្ខណៈឯករាជ្យ​ដែល​ផ្លាស់ប្ដូរ​វិថី​តន្ដ្រី​ជា​ច្រើន​នៅ​កម្ពុជា​ កុំភ្លេច​មក​កាន់ ​Pontoon ដោយ​សំបុត្រ​ចូលរួម​មាន​តម្លៃ​ ៦ដុល្លារ ចាប់​ពី​ម៉ោង ៩យប់ដល់ ៤ទៀបភ្លឺ ផ្លូវ​១៧២។

បើចូល​ចិត្ត​ហ៊ីបហប​ខ្មែរ​បែប​ថ្មី ត្រូវ​ប៉ាន់​តែ​ម្ដង VannDa នឹង​សម្ដែង​យប់​នេះ​ ជាមួយ​នឹង​តន្ដ្រីបែប​ខ្មែរ​ប៉ុប និង​ហ៊ីបហប​រួម​បញ្ចូល​គ្នា នៅ ​ Sound Club។ ក្នុង​រាត្រី​នេះ​ដែរ អ្នក​នឹង​អាច​រាំកម្សាន្ត​ជាមួយ​តន្ដ្រី​និង​ប្រូម៉ូសិន​ពិសេស​នូវភេសជ្ជៈ​ប្រចាំ​ក្លឹប​ផងដែរ។ ចាប់​ពី​ម៉ោង​៨ល្ងាច​ដល់​៤ទៀបភ្លឺ​នៅ Sound Club ផ្លូវ National Assembly Street។

 

មាន​អ្វី​ទៀត?

 

DIB Club នៅ​កោះ​ពេជ្រ​នឹ​ង​ប្រារព្ធ​កម្មវិធី​ជប់​លៀង​ “Shuck Yeah!” មិន​ត្រឹម​តែ​មាន​ឈ្មោះ​ឡូយ​ប៉ុណ្ណោះ​ទេ កម្មវិធី​នេះ​នឹង​មាន​ដាក់​លក់​ Oysters ស្រស់ពី Ostra ជាមួយ​នឹង​ Wine អម​ជាមួយ​អាង​ហែល​ទឹក​ព្រម​ទាំង​មាន​ DJ ចាក់​តន្ដ្រី​កំដរ​ផងដែរ។ ចាប់ពី​ម៉ោង ៦ដល់​១១យប់ នៅ DIB Club កោះពេជ្រ។

 

ធ្លាប់​សាក Mekong Dry Gin នៅ Seekers អត់? ផលិត​នៅ​ភ្នំពេញ​ ដោយ​ប្រើ​ប្រាស់​នូវ​ធនធានដើម​ក្នុងស្រក Seeker Gin មាន​រសជាតិ​ឆ្ងាញ់​ប្លែក​បើ​ប្រៀប​ធៀប​នឹង​ Gin ប្រភេទផ្សេង​ទៀត។ ជាមួយ​នឹង​ថ្ងៃសុក្រ​ដំបូង​ប្រចាំ​ខែ ទីតាំង​ចែកចាយ​ Gin នេះ​នឹង​រៀប​ចំ​កម្មវិធី​ជួប​ជុំ​ ជាមួយ​នឹង​អ្នក​ផលិត​ព្រម​ទាំង​ដាក់​លក់​នូវ​ Cocktail ពី​ជីន​ជា​ច្រើន​ប្រភេទ​ផងដែរ។ ចាប់​ពី​ម៉ោង ៥ដល់ ១១យប់​នៅ Seekers Spirits ផ្លូ​វ​លេខ ៤៥៤។  ​

 

អ្នក​ថត​រូប​សញ្ជាតិ​កាណាដា Chris Stewart នឹង​បើក​នូវ​ពិពរណ៌​រូប​សិល្បៈនៅ Cloud ដែល​មាន​ឈ្មោះ​ថា “Senses” ដែល​​នឹង​បង្ហាញ​ពី​អ្វី​ដែល​សិល្បៈ​អាច​ធ្វើ​បាន​​ ខណៈ​ពេល​នេះ​គឺញាណ​ទាំង​អស់​តែ​ម្ដង។ អ្នក​អាច​អាន​​ពី​ប្រវត្តិ​របស់​លោក​នៅ​ក្នុង​ទំព័រព្រឹត្តិការណ៍នៅ​លើ Facebook ពិត​ជា​គួរ​ឲ្យ​ចាប់​អារម្មណ៍​។ ចាប់​ពី​ម៉ោង ៧ដល់ ១១យប់​ នៅ Cloud ផ្លូវ​លេខ ៩។ ​​

 

មាន​អ្វី​ដាក់​បញ្ចាំង?

 

ម្ដងទៀត​ហើយ​ ដែល​ Disney បាននាំ​យក​មក​នូវ​ភាពយន្តគំនូរជីវចលក្លាស៊ីក​របស់​ខ្លួន​គឺ ​ Aladdin មក​ថត​ជា​លក្ខណៈ​ Live Action។ ប៉ុន្តែ​អ្វី​ដែល​ពិសេស​បំផុត​នោះ​គឺ ភាពយន្ត​នេះ​បាន​ដឹក​នាំ​ដោយ​ Guy Ritchie អីចឹង​បើសិន​ជា​អ្នក​មិន​ទាន់​បាន​ទៅ​ទស្សនា​ភាពយន្ត​នេះ​នៅ​រោងកុន អីចឹង​អាច​ទៅ​ The Flicks ទីតាំង​នៅ​ផ្លូវ​លេខ ៩៥ ចាប់​ពី​ម៉ោង ៦កន្លះ​ល្ងាច​។ 

 

 

ថ្ងៃ​សៅរ៍

 

មាន​អ្វី​នៅ​លើ​ឆាកសម្ដែង?

 

ក្រុម​តន្ដ្រី​បែប Ska គឺ Checkered Past នឹង​នាំ​យក​នូវ​តន្ដ្រីបែប  punk, reggae និង brass មក​កាន់ Cloud។ អ្វី​ដែល​ពិសេស​ចំពោះការ​សម្ដែង​នេះ​គឺ តន្ដ្រី​នេះបាន​ដាក់​បញ្ចូល​ឧបករណ៍​តន្ដ្រី​ដល់​ទៅ ៧ ប្រភេទ​ផ្សេងៗគ្នា រួមមាន Guitar, Bass, Drum, Trumpet, Trombone, Keyboard, Vocalist, សម្ដែង​ជា​លក្ខណៈ​តន្ដ្រី​របស់​ Ska ព្រមទាំង​បទ​ចម្រៀង​តែង​និពន្ធ​ដោយ​ខ្លួនឯង​ផងដែរ។ ម្ចាស់​បារ​ Cloud ផ្ទាល់​តែម្ដង​លោក  Pierre-Yves និយាយ​ថាតន្ដ្រី​នេះ​ គឺ​ធានា 200%ថាអ្នក​ពិត​ជាអាច​រាំបាន។ ចាប់ពី​ម៉ោង​ ៨ល្ងាច​នៅ Cloud ផ្លូវ​លេខ ៩។ ​​ 

 

ភាពយន្តដែល​ទទួល​បាន​ការគាំទ្រជាខ្លាំងគឺ Bohemian Rhapsody បាន​នាំ​យកមក​វិញ​នូវ​បទពិសោធន៍​ក៏ដូច​ជា​រឿង​រ៉ាវ​របស់​ក្រុម​ចម្រៀង​ដែល​ល្បី​ខ្លាំង​ នៅ​ទស្សវត្ស​ទី៧០ គឺ​ក្រុមចម្រៀងរ៉ុក Queen ជាពិសេស​គឺ​អ្នក​ច្រៀង​ប្រចាំក្រុម​លោក Freddie Mercury។ ក្រុមច​ម្រៀង​នេះ​បាន​បញ្ចេញ​បទ​ល្បីៗជាច្រើន​រាប់ទស្សវត្ស​ដូច​ជា “We Are the Champions”, “Somebody to Love”, “Fat Bottomed Girls”, “Don’t Stop Me Now” ជាដើម។ ដូច្នេះ​ដើម្បី​អបអរ​ក៏ដូច​ជា​រំឮក​ពី​ក្រុម​នេះ Hard Rock Cafe នឹង​រៀប​ចំ​កម្មវិធី​សម្ដែងតន្ដ្រី​សម្រាប់​ក្រុមចម្រៀង Queen ដែល​អ្នក​អាច​ចូលរួម​បាន​ដោយ​សេរី។ ចាប់​ពី​ម៉ោង ៨យប់​នៅ Hard Rock Cafe ផ្លូវ​លេខ ១០២។​ 

 

ទីតាំង​សម្រាប់​សម្ដែង​តន្ដ្រី​មួយ​នៅ​ម្ដុំ​ទួលទំពូង​គឺ ​Alchemy នឹង​រៀប​ចំ​កម្មវិធី​ជប់លៀង​ខួប​គម្រប់ ៣ឆ្នាំ​ដោយ​អាហារពិសេស​ ព្រម​ទាំង​ភេសជ្ជៈផ្សេងៗ ព្រមទាំង​តន្ដ្រី​កំដរ​ដល់​ទៅ​៣ម៉ោង​ពី​ក្រុម​ 99 Boyz ទៀតផង។ តារា​ចម្រៀងប្រចាំ​ក្រុម 99 Boyz បាន​ប្រាប់ What’s On ថា​អ្នក​គួរ​តែ​រំភើបជាមួយ​នឹង​តន្ដ្រី​សម្រាប់​រាត្រី​នេះ ព្រោះ​នឹង​មាន​​​ស្រាបៀរដាក់​លក់​តម្លៃ​មិន​ថ្លៃ ព្រមទាំង​ឥតគិតថ្លៃ​ខ្លះ​ៗផងដែរ។ អីចឹង​កុំភ្លេច​ជួប​គ្នា​នៅ​ទី​នោះ​ព្រោះពួក​យើង​នឹង​ចូលរួម​ដូច​គ្នា។ ចាប់​ពីម៉ោង ៨ល្ងាច​នៅ Alchemy ផ្លូវ​លេខ ១២៣។ 

 

HyepLab ជាក្រុម​តន្ដ្រី​ដែល​ប្រមូល​ផ្ដុំ​នូវ DJ ល្បីៗនិង​អ្នក​ជំនាញ​ខាង​តន្ដ្រីបទភ្លេង​ប្រចាំនៅ​កម្ពុជា​ ដែល​មានឈ្មោះ​បោះ​សំឡេង​នៅ អាស៊ីអាគ្នេហ៍​ និង​ មាន​កម្មវិធី​មួយ​នៅ  ​HangOut ម្ដុំទួលទំពូង​។ កម្មវិធីលើក​នេះ​នឹង​ប្រមូល​ផ្ដុំ​នូវ​ DJ ល្បីជាច្រើន​រូប​ដូច​ជា Premo Sounds, Kenny Chase, Daniel Omens, Brandon Perez, Marie Tach និង Nick Indigo​។ ជាមួយ​នឹង​ Dj ពិសេស​ៗ ព្រម​ទាំង​ Drink តម្លៃសមរម្យ​ តោះ​ទៅរាំ​ទាំង​អស់​គ្នា។ ចាប់ពីម៉ោង ៩ល្ងាច​ដល់ ៣ទៀបភ្លឺ នៅ HangOut ផ្លូវលេខ 476។ 

 

មាន​អ្វី​ទៀត?

 

សិល្បៈ! ការ​បង្កើតថ្មី! ការ​រចនា! ថ្ងៃ​នេះ​ជា​ថ្ងៃ​ដែល​អ្នក​អាច​រៀន​ពី​ការ​បង្ហាញ​នូវ​លក្ខណៈ​ពិសេស​នៃ​ការ​បង្កើត​ថ្មី​រៀង​ខ្លួន ប៉ុន្តែ​ក្នុង​សភាព​ជា​របៀប​ថ្មី​មួយ។ សម្រាប់​មនុស្ស​ពេញ​វ័យ មាន​ការ​សិក្សា​រ៣បែប​ដែល​អ្នក​នឹង​អាច​រៀន​គឺ ​modern calligraphy, printmaking និង​ 3D architecture modeling out of bamboo នៅ Eleven One Kitchen ផ្លូវ ៣៣៤ បឹង​កេងកង។ 

 

ទីតាំង​លក់សៀវភៅ​និង​សម្ភារៈសិក្សា Ginger & Grace នឹង​រៀប​ចំ​កម្មវិធី​សិក្សា​វគ្គ​ខ្លី​រយៈ​ពេល ២ម៉ោង​កន្លះ ដែល​បង្ហាញ​ពី​ការ​ប្រើ​ប្រាស់​ប៊ិច​ឲ្យ​កាន់​តែមានលក្ខណៈ​ពិសេសប្លែក ដែល​អ្នក​មិន​ធ្លាប់​ដឹង​ពី​មុន​មក។ នៅ​ទី​នោះ​ក៏មាន​ដាក់លក់​នូវ​អាហារសម្រន់​ផ្សេងៗ ផងដែរដូច​ជា Brownie, Cookie, Cake, និង Cinnamon Rolls ជាដើម។ ចាប់​ពី​ម៉ោង ១០ដល់ ១២កន្លះ​នៅ Ginger & Grace ផ្លូវ​លេខ ១៣៥។​

 

នៅ​រសៀល​ថ្ងៃ​ត្រង់​នេះ Royal University of Fine Arts​ នឹង​រៀប​ចំ​កម្មវិធី Workshop មួយ​ជាមួយ​សាស្ត្រាចារ្យ Chan Vitharin។ បើ​ក​ឲ្យ​ចូលរួម​ពី​សំណាក់​សាធារណជន Workshop នេះជា​ផ្នែក​មួយ​នៃកម្មវិធី​របស់ SaSa Art “ឥទ្ធិពល​” ពី ស្រុន រីដា។ ចាប់​ពីម៉ោង ២ ដល់ ៥រសៀល​នៅ Char RUFA Printmaking Studio ផ្លូវ​លេខ ៣២០។​

 

នៅ Eleven One Kitchen បឹងកេងកង​នឹង​មាន​ Workshop មួយបង្រៀន​អ្នក​ឲ្យ​យល់​ដឹង​កាន់​តែច្បាស់​ពីឫស្សី សម្រាប់​យក​ទៅ​ប្រើ​ប្រាស់​សម្រាប់​គោលបំណងផ្សេងៗ។ អ្នកអាច​ដឹង​អំពីតិចនិកនៃ​ការ​ពុះឫស្សី និង​តិចនិក​សំខាន់ៗផ្សេងៗទៀត​ផងដែរ។ ទីតាំង​នៅ​តាម​បណ្ដោយ​ផ្លូវ​លេខ ៣៣៤ ចាប់ពី​ម៉ោង ២ដល់៦ល្ងាច។

 

សម្រាប់កុមារឫ​ក៏អ្នក​ពេញ​វ័យ នឹង​មាន​កម្មវិធីមួយ​ឈ្មោះ​ថា mandala drawing workshop បង្រៀន​របៀប​ផាត់ពណ៌ឲ្យ​ត្រូវតាម​បច្ចេកទេស។ បើយោង​ទៅតាម​អ្នក​រៀប​ចំ Workshop នេះ Mandalas គឺ​ជា​រាង​នៃ​ធរណីមាត្រ​ម្យ៉ាង​ ដែល​បាន​រូបរាង​ដូចជាសញ្ញា​តំណាង​ឲ្យសាសនា ព្រះពុទ្ធ​ ឬ ហិនឌូ។ ថ្នាក់​នេះ​បើក​ឲ្យ​ចូល​រួម​ពី​ក្មេង​ដែល​មាន​អាយុ​ចាប់​ពី​ ៧ឆ្នាំ ឡើង​ទៅ​។ ចាប់​ពី​ម៉ោង ៩ដល់ ១១ ព្រឹក​នៅ Eleven One Kitchen ទួលទំពូង ផ្លូវ ១២៣។​

 

មាន​អ្វី​សម្រាប់​បញ្ជី​ភេសជ្ជៈ?

 

Happy Hour នឹង​ធ្វើឡើង​នៅ Embargo បារ​ ដែល​ជា​បារ​ដែល​ផលិត​ស្រាបៀរបិត​ដោយ​ខ្លួន​ឯង។ តម្លៃ​តែ​១ដុល្លារ​តែ​មួយ​កែវ អីចឹង​ល្អ​បំផុត​សម្រាប់​អ្នក​ដែល​ចូល​ចិត្ត​បៀរ។ ចាប់​ពី​ម៉ោង ៥ដល់៨យប់​ នៅ Embargo ផ្លូវ​លេខ ៥១។

 

មាន​អ្វី​ដាក់​បញ្ចាំង?

 

នៅ​ស្រុកខ្មែរ​យើង​ប៉ុន្មាន​ខែ​កន្លង​មក​នេះ មាន​បញ្ហា​ជា​ច្រើន​ពាក់ព័ន្ធ​នឹងអគ្គិសនី តែ​តាមពិត​មិន​មែន​តែ​នៅ​ប្រទេស​យើង​នោះ​ទេ បញ្ហា​នេះ​បាន​កើត​ឡើង​តាំង​ពី​កំណើត​នៃ​អគ្គសនី​មក​ម្ល៉េះ។ ភាពយន្ត The Current War នឹង​រៀបរាប់​បង្ហាញ​អ្នក​ពី​អ្វី​ដែល​បាន​កើត​ឡើង​ រវាង​កំពូល​អ្នក​វិទ្យាសាស្រ្ត​២រូបគឺ Thomas Edison និង Tesla។ ចាប់​ពី​ម៉ោង ៩កន្លះ​យប់​នៅ Aeon Mall Cinema ផ្លូវ​សុធារស។

 

 

ថ្ងៃ​អាទិត្យ

 

មាន​អ្វី​ទៀត?

 

Kbach Arts នឹង​រៀប​ចំកម្មវិធី​ពិសេសមួយ​ម្ដងទៀត​នៅ​ថ្ងៃ អាទិត្យ​នេះ​ជាមួយ​នឹង​កម្មវិធី Selap Art Parties។ អ្នក​រៀប​ចំកម្មវិធី​នេះ Shauna O’Mahony បាន​រៀប​រាប់​ថា កម្មវិធី​នេះ​នឹង​មាន​ការ​ចូលរួមសម្ដែង​ពីសំណាក់​តារា​កិត្តិយស​ជា​ច្រើន ព្រមទាំង​មាន​ការ​ដាក់​បង្ហាញ​គំនូរ​ផ្សេង ការ​គូរគំនូរ​ផ្ទាល់​ដៃ​នៅ​ទីតាំង​តែម្ដង។ អីចឹង​កុំ​ខកខាន​ឲ្យ​សោះ។ ចាប់ពីម៉ោង ១២ដល់៤ល្ងាច​ នៅ The Factory ផ្លូវ​ជាតិ​លេខ ២។​​​ 

 

មាន​អ្វី​ដាក់បញ្ចាំង?

 

បើសិនជា​អ្ន​កមិន​ទាន់​បាន​មើល​ភាពយន្ត​បែប Superheroes ដែល​រក​ចំណូល​បាន​ច្រើន​ជាងគេ​ ក្នុង​​ប្រវត្តិសាស្ត្រ​កុំភ្លេច​ទៅ​កាន់ The Flick ដើម្បី​ទស្សនា​រឿង ​ Avengers: Endgame។ ចង់​ដឹង​ថា​ក្រុម​ Avengers នឹង​យកឈ្នះ Thanos ឬ​យ៉ាង​ណា​ ទាល់​តែ​មើល​បាន​ដឹង។ ចាប់​ពី​ម៉ោង​៨កន្លះ​យប់​នៅ The Flicks ផ្លូវ​លេខ ៩៥។​

 

Continue Reading
You may also like...
Click to comment

Leave a Reply

More in ជំរើស​យើង

You Might Like…

អត្ថបទ​សំខាន់​​ និង​ កិច្ចស​ម្ភាសន៍​ផ្សេងៗ

ជួបជាមួយជើងខ្លាំងដែលអ្នកមិនធ្លាប់លឺពីមុនមក គឺអ្នកស្រី សយស្រស់

By ខែ​មិថុនា 15, 2020

Our Writers

Facebook

Take Me To…

To Top