ការណែនាំ និង Reviews ផ្សេងៗ

មគ្គទេសក៍ណែនាំសម្រាប់អ្វីដែលអ្នកគួរតែធ្វើនៅភ្នំពេញចុងសប្ដាហ៍នេះ!

ដូច Ke$ha បាននិយាយ (Make this the one you won’t remember… be the one they won’t forget)

Lindsey Kennedy

Published on ខែសីហា 18, 2017

2 Comments

Click here to read this in English>>

សង្ឃឹមថាអ្នកទាំងអស់គ្នាប្រាកដជាគេងឆ្អែតហើយសម្រាប់ដើមសប្ដាហ៍ ព្រោះអ្នកនឹងមិនបានសម្រាកទេចុងសប្ដាហ៍នេះ! ចាប់តាំងពីភាពយន្តល្បីៗដកស្រង់ចេញពីមហោស្រព Cannes ឫតន្ត្រីសម្ដែងផ្ទាល់ ឫដើរលេងក្លឹបរាត្រី តាំងពីព្រលប់ដល់ភ្លឺ (ឫក៏បន្តដល់ព្រឹកទៀតក៏បាន) អ្នកនឹងមិនចង់ឲ្យពេលវេលានោះបាត់បង់សូម្បីតែ១នាទី។ មិនត្រឹមតែប៉ុណ្ណោះ យើងសង្ឃឹមថាអ្នកចេះរាំកាច់ចង្កេះព្រោះបទភ្លេងចង្វាក់ Latin នឹងគ្របដណ្ដប់ទូទាំងទីក្រុង តាំងពី Bassac Lane ដល់ទួលទំពូង។

ដូច Ke$ha បាននិយាយ (Make this the one you won’t remember… be the one they won’t forget)

គឺសប្បាយដល់ថ្នាក់អត់ចាំថាមានរឿងអ្វីកើតឡើង តែប្រាកដថាអ្នកដទៃនឹងចងចាំអ្នក!!! 😉

ថ្ងៃសុក្រ

អាហារ និងភេសជ្ជៈ

អស់កម្លាំងពីការងារខ្លាំងអីចឹង ទៅសម្រាកលំហែជាមួយនឹងស្រាក្រឡុកដ៏ឆ្ងាញ់ៗពី Elbow Room’s End-of-Day Menu ដែលមានតម្លៃពិសេសតែ៤ដុល្លារប៉ុណ្ណោះ ចាប់ពីម៉ោង៦ដល់៩ល្ងាច។ Elbow Room មានទីតាំងនៅ Bassac Lane ផ្លូវ ៣០៨ សង្កាត់ទន្លេបាសាក់។ បើសិនជាមិនដឹងជ្រើសរើសអ្វីសម្រាប់ជម្រើសស្រាក្រឡុក កុំភ្លេច “Golden Glove” ជាឈ្មោះស្រាក្រឡុកដែលកំពុងតែល្បីខ្លាំង។

ឫបើសិនជាអ្នកចូលចិត្តស្រា Gin កុំភ្លេចទៅ FCC នៅតាមមាត់ទន្លេសម្រាប់កម្មវិធី Gin O’Clock on the Terrace ដែលអ្នកអាចសាកភ្លក់ស្រា Gins ដ៏ល្បីៗជាច្រើនប្រភេទទូទាំងពិភពលោក អមដោយតន្ត្រីចង្វាក់ Folk នៅទីតាំងរានហាលដែលនឹងធ្វើឲ្យអ្នកលំហែអារម្មណ៍។ សម្រាប់ស្រាទី៤គ្រប់ប្រភេទគឺឥតគិតថ្លៃ។

ខណៈនោះដែរបើនៅភោជនីយដ្ឋាន Doors វិញ ល្ងាចថ្ងៃសុក្រនេះអ្នកនឹងអាចរីករាយជាមួយ Tapas ដ៏ឆ្ងាញ់ៗឥតកំណត់ និង Free-flowing wine ដែលធ្វើឲ្យអ្នកបំភ្លេចមិនបាន ជាមួយនឹងតន្ត្រីកំដរអារម្មណ៍ពី DJ Nora។ កម្មវិធីនេះចាប់ផ្ដើមពីម៉ោង៧ដល់១០ល្ងាចនៅភោជនីយដ្ឋាន Doors ទីតាំងនៅកែងផ្លូវ ៤៧ និង ផ្លូវ ៨៤។ (១០ដុល្លារសម្រាប់ Tapas មិនកំណត់; ២៥ដុល្លារសម្រាប់ស្រាក្រហមនិងស្រាបៀឥតកំណត់)។

ភាពយន្ត

សម្រាប់ការណាត់ជួបមើលកុនសម្រាប់ចុងសប្ដាហ៍នេះគឺកុំភ្លេចរឿង “Hitman’s Bodyguard” ជារឿងបែបកំប្លែងរបស់តារាសម្ដែងល្បីឈ្មោះ Samuel L Jackson សម្ដែងជាសាក្សីម្នាក់ (Hitman) ដែលនឹងបកអាក្រាតអ្នកដឹកនាំផ្ដាច់ការមួយរូប ជាមួយនឹងតារាសម្ដែង Ryan Reynold ជាអ្នកត្រូវបានគេជួលដើម្បីឲ្យសាក្សីម្នាក់នោះមានសុវត្ថិភាព។ រឿងនេះនឹងដាក់បញ្ចាំងជាភាសាអង់គ្លេសជាមួយនឹង Subtitle ជាភាសាខ្មែរនៅរោងកុន Legend Citymall, Tuol Kork & Meanchey ចាប់ពីម៉ោង៩:៣៥នាទីយប់។

ប៉ុន្តែប្រសិនជារឿងរបៀបបាញ់ប្រហារ វាយតប់មិនមែនជារឿងដែលអ្នកចូលចិត្ត នៅ META House អ្នកអាចមកទស្សនារឿងជាលក្ខណៈឯកសារដែលនិយាយពី ប្រវត្តិតន្ត្រីទេសចរណ៍របស់ក្រុមចម្រៀង Classic ដ៏ល្បីគឺ The Beatles ដែលមានចំណងជើងថា “Eight Days a Week”។ រឿងនេះនឹងដាក់បញ្ចាំងចាប់ពីម៉ោង ៧ដល់៩ល្ងាចនៅ META House តាមវិថី Sothearos សង្កាត់ទន្លេបាសាក់។

ឫប្រសិនជាអ្នកចេញដើរលេងនៅក្បែរសណ្ឋាគារ សុខា អ្នកអាចសម្រាកនិងអង្គុយមើលរឿងលើសាឡុងយ៉ាងត្រជាក់ចិត្តដើម្បីមើលរឿង “A Street Cat Named Bob” នៅ Outpost Cambodia Pop Up ដោយឥតគិតថ្លៃ។ រឿងនេះនឹងដាក់បញ្ចាំងចាប់ពីម៉ោង ៧ដល់៩ល្ងាចនៅ Outpost ដែលមានទីតាំងផ្ទះលេខ១៩១ ផ្លូវទន្លេសាប ភូមិ១ សង្កាត់ជ្រោយចង្វា។

ការប្រកួតលេងហ្គេម

ចង់លេងល្បែង Monopoly ឲ្យសប្បាយជាមួយនិងស្រាបៀកំដរឫអត់? ឫចង់លេង Mario Kart? ប្រសិនជាអ្នកគិតថា ទៅដើរលេងយប់សប្បាយគឺត្រូវតែលេងល្បែងបែបនេះ អ្នកនឹងរកបានកន្លែងដ៏ល្អមួយគឺនៅ Could’s Games Night ដែលអ្នកអាចលេងល្បែងបន្ទះក្ដារ (Monopoly) ជាមួយនិង ហ្គេមSuperNintendo ចាស់ៗ ដែលអ្នកចូលចិត្ត។ មិនត្រឹមតែប៉ុណ្ណោះអ្នកថែមទាំងអាចកម្មង់ Pizza ពីហាង លក់ Pizza “Italian House” ទៀតផង។ កម្មវិធីនេះចាប់ផ្ដើមពីម៉ោង ៨ដល់១១យប់នៅ Cloud តាមបណ្ដោយផ្លូវលេខ៩។

ការប្រគំតន្ត្រី

ការរាំចង្វាក់ Latin គឺជាជម្រើសប្លែកសម្រាប់សប្ដាហ៍នេះ នៅទន្លេបាសាក់ Street Party។ អ្នកចម្រៀងសញ្ជាតិ គុយបា មួយគូ ពេលនេះកំពុងតែនៅទីក្រុងដើម្បីទស្សនាក៏ដូចជាត្រៀមខ្លួនដើម្បីសម្ដែងជាមួយនឹងសំឡេងដ៏ពីរោះរបស់ពួកគេ។ អីចឹងកុំភ្លេចចូលរួម ហើយធានាថាអ្នកនឹងមិនអាចនៅស្ងៀមដោយមិនកាច់ចង្កេះនោះទេ។ កម្មវិធីនេះនឹងចាប់ផ្ដើមនៅយប់ថ្ងៃសុក្រនេះពីម៉ោង ៨:៣០ល្ងាចដល់ពាក់កណ្ដាលអាធ្រាត្រ នៅ Bassac Lane តាមបណ្ដោយផ្លូវ ៣០៨ សង្កាត់ទន្លេបាសាក់។

ចំពោះកន្លែងផ្សេងទៀត, លោក Mike Dynamo និង Saksa Chewan នៃក្រុម Hypnotic Fist Technique នឹងបង្ហាញខ្លួនដំបូងសម្រាប់ក្រុម 99-Boys។ ពួកគេនឹងសម្ដែងចម្រៀងលក្ខណៈ Acoustic Covers សម្រាប់បណ្ដាបទចម្រៀងនៅសម័យទសវត្សទី៩០ ចាប់ផ្ដើមពីម៉ោង ៦:៣០ដល់៨:៣០នៅ Farm To Table តាមបណ្ដោយផ្លូវ ៣៦០។ ក្រុមចម្រៀងចង្វាក់រ៉កក្នុងស្រុងរបស់ Tin គឺក្រុម Belle Chaus និងសម្ដែងនៅ Good Times Bar ចាប់ពីម៉ោង ៩ដល់១១ល្ងាច ទីតាំងតាមបណ្ដោយផ្លូវ ១៩។ Double-A និង Mirasol និងសម្ដែងតន្ត្រីលក្ខណៈ Motown នៅ Alchemy ចាប់ពីម៉ោង ៨:៣០ដល់១១ល្ងាច តាមបណ្ដោយផ្លូវ ១២៣ ក្បែរ Russian Market។

រាំចង្វាក់ Latin

ប្រសិនជាអ្នកមិនសូវចូលចិត្តរាំលើវិថី អ្នកអាចស្វែងរកតន្ដ្រីបែបអេស្ប៉ាញនេះពេញមួយយប់នៅ Bar.Sito ក្នុងកម្មវិធី Latin Night ជាមួយការបង្រៀនរាំចង្វាក់ Salsa ដោយឥតគិតថ្លៃអមដោយតន្ដ្រីដែលធ្វើឲ្យអ្នកពេញចិត្តនឹងការហាត់រាំតាំងពីព្រលប់ដល់ទៀបភ្លឺ។ កម្មវិធីនេះចាប់ផ្ដើមពីម៉ោង ៨ល្ងាចដល់ម៉ោង២ទៀបភ្លឺនៅ Bar.Sito តាមបណ្ដោយផ្លូវ ២៤០½ ។

ក្លឹបរាត្រី

មានតែតន្ត្រីពិតប្រាកដប៉ុណ្ណោះសម្រាប់ META House យប់នេះ មកសាកស្ដាប់សំឡេងតន្ត្រីពី Records ពិតៗនៅកម្មវិធី Vinylmania ហើយ DJ Shaggy នឹងកូតឌីសសម្រាប់បទភ្លេងចង្វាក់ Drum & Bass ឲ្យលោកអ្នកលំហែអារម្មណ៍។ កម្មវិធីនេះចាប់ផ្ដើមពីម៉ោង ៩ល្ងាចដល់២ទៀបភ្លឺ នៅ META House តាមបណ្ដោយផ្លូវសុធារស។

ក្នុងពេលនោះដែរនៅ Juicy Bar នឹងនាំអ្នកត្រលប់ទៅរកភាពធម្មតាៗវិញដោយបទភ្លេង House, Techno និង Funk ពីតារាល្បីៗដូចជា Tim Coates, Nora Haidee, St Vincent, Stevie J, Lefty and Achaya ចាប់ពីម៉ោង ៩ល្ងាចដល់៦ព្រឹក ទីតាំងតាមបណ្ដោយផ្លូវ ១៧២។ ហើយគ្រាន់តែឆ្លងផ្លូវតែបន្តិចអ្នកនឹងទៅដល់ MadHouse ដែល Mad Fridays នឹងបង្ហាញពីតន្ត្រីចង្វាក់ Underground Techno និង House ពីបណ្ដា DJ សញ្ជាតិអាល្លឺម៉ង់និងបារាំង DJ Disk Joshi និង DJ HEKA ចាប់ផ្ដើមពីម៉ោង ១០ល្ងាចដល់ម៉ោង ៧ព្រឹក តាមបណ្ដោយផ្លូវ ១៧២។

ថ្ងៃសៅរ៍

សិល្បៈ

បន្តមកដល់សប្ដាហ៍នេះនៅ META House គឺកម្មវិធី “Waiting for Ice to Melt” ជាកម្មវិធីតាំងពិព័រណ៍គំនូរមួយដែល បង្ហាញពីការពិតនូវភាពលំបាករបស់វិចិត្រករនោះចំពោះការជម្នះការប្រើប្រាស់គ្រឿងញៀន “Meth” និងការត្រលប់មករស់នៅជីវិតធម្មតាវិញ។ អីចឹង! កុំខកខានឲ្យសោះ!

អ្នកនឹងមានឱកាសដ៏ល្អមួយ ដើម្បីទៅស្ដាប់អ្នកសិល្បៈ Minstrel Kuik និយាយពីកិច្ចការរបស់នាង ដែលរាប់បញ្ចូលនឹងការតាំងពិព័រណ៍ “Grddled Ghost” កំពុងដាក់បង្ហាញនៅ Sa Sa Gallery។ ស្នាដៃរបស់ Kuik ត្រូវបាននាងហៅថា “political game of images” ជាបណ្ដុំសិល្បៈរូបភាពនិយាយពីរឿងរ៉ាវទាក់ទងនយោបាយ និងគំនិតសង្គមក្នុងលក្ខណៈមួយដែលគួរឲ្យចាប់ចិត្តចាប់អារម្មណ៍។ កម្មវិធីនេះនឹងរំពឹងថាមានមនុស្សចូលរួមច្រើន ដូច្នេះអ្នកគួរតែទៅឲ្យបានលឿនបើសិនជាអាច។ ចាប់ផ្ដើមពីម៉ោង ៦ដល់៧ល្ងាចនៅ Sa Sa Bassac តាមបណ្ដោយវិថីសុធារស ចន្លោះផ្លូវ ១៧៨និង១៥៤ ។ កម្មវិធីនេះនឹងនិយាយជាភាសាអង់គ្លេសប៉ុន្តែមានការបកប្រែជាភាសាខ្មែរ។

ចាប់អារម្មណ៍ពីកម្មវិធីសិល្បៈទាំងនោះមែនទេ? នៅ Enso Cafe’s Paint & Sip Night អ្នកនឹងអាចភ្លក់ស្រាក្រហមឆ្ងាញ់ៗ និងអាចរៀនពីវិធីសាស្ត្រគូរគំនូរថ្មីជាច្រើន។ សំបុត្រចូលរួមសម្រាប់កម្មវិធីនេះគឺ ២៨ ដុល្លារហើយអ្នកអាចកក់កន្លែងបានប្រសិនជាចាំបាច់។ ព័ត៌មានបន្ថែមនៅទីនេះ (Include link) កម្មវិធីនេះចាប់ផ្ដើមពីម៉ោង ៧ដល់៩ល្ងាចនៅ Enso Cafe តាមបណ្ដោយផ្លូវ ២៤០។

ភាពយន្ត

ភាពយន្ត “Exile” ដែលជាស្នាដៃរបស់អ្នកបង្កើត Bophana Centre លោកប៉ាន់ រិទ្ធី ដែលទទួលបានការកោតសរសើរជាច្រើននៅមហោស្រពភាពយន្ត Cannes ប្រទេសបារាំងនោះ ពេលនេះបានត្រលប់មកភ្នំពេញសម្រាប់ការបញ្ចាំងដ៏ពិសេសមួយ។ រឿងនេះនិយាយអំពី បុរសវ័យក្មេងសញ្ជាតិខ្មែរម្នាក់ បញ្ជាក់ពីការបំផ្លិចបំផ្លាញស្រុកកំណើតរបស់គាត់ ជាភាពយន្តមួយបង្ហាញពី ភាពឯកការ ភាពបាត់បង់ និងភាពអយុត្តិធម៌។ សម្រាប់កន្លែងនេះផងដែរ ត្រូវគេរំពឹងថានឹងមានមនុស្សចូលរួមយ៉ាងច្រើនកុះករ។ កម្មវិធីនេះចាប់ផ្ដើមពីម៉ោង ៥ល្ងាចនៅ Bophana Centre តាមផ្លូវលេខ ២០០។

សម្រាប់ថ្ងៃនេះដូចគ្នា Indigo និង the Flicks និងមានប្រារព្ធកម្មវិធីមួយពេលរសៀល ដែលជាកម្មវិធីមួយបង្ហាញពី “A Dangerous Method” និយាយអំពីការផលិតថ្មីរបស់លោក Freud និង Jung ពីវិធីសាស្ត្រវិភាគ ភាពមិនប្រក្រតីផ្នែកសតិអារម្មណ៍ (psychoanalytic method) និង បញ្ហាជុំវិញទំនាក់ទំនងរបស់ពួកគេ។ ជាមួយនិងការនិយាយណែនាំពីអ្នកជំនាញ ចិត្តវិទូពី Indigo លោក Erik van Kemenade។ ជារបកគំហើញមួយសម្រាប់អ្នកចាប់អារម្មណ៍ពីរបៀបការប្រើប្រាស់ចិត្តសាស្ត្រ… និងការអនុវត្តន៍ប្រើប្រាស់ផ្នែកចិត្តវិទ្យាក្នុងសម័យកាលនេះ។ កម្មវិធីនេះនឹងចាប់ផ្ដើមនៅម៉ោង ៤ដល់៦:៣០ល្ងាច នៅ Flicks 1 តាមបណ្ដោយផ្លូវ ៩៥។

បន្ទាប់មកទៀត META House នឹងបញ្ចាំងរឿងល្អៗចំនួនពីរសម្រាប់យប់នេះ។ រឿងទី១គឺជារឿងភាពយន្តឯកសារដែលចំណងជើងថា “Children of Krousar Thmey” ដែលស្វែងយល់ពីស្ថានភាពរបស់ក្រុមជំរំជនភៀសខ្លួនដ៏ធំបំផុតរបស់កម្ពុជា នៅក្បែរព្រំដែនប្រទេសថៃ។ ភាពយន្តនេះដែរ ប្រហែលជាផ្ដោតសំខាន់ទៅលើក្ដីសង្ឃឹមជាជាងទុកសោក។ ចាប់ផ្ដើមពីម៉ោង ៧ដល់៨ល្ងាច នៅ META House តាមបណ្ដោយផ្លូវសុធារស។

ភាពយន្តទី២នេះមានចំណងជើងថា “Spa Night” ជារឿងបង្ហាញពីបុរសស្រលាញ់ភេទដូចគ្នាសញ្ជាតិ កូរ៉េនិងអាម៉េរិកាំងម្នាក់ ព្យាយាមបិតបាំងពីបញ្ហានេះទៅគ្រួសារខ្លួន ខណៈពេលដែលកំពុងធ្វើការនៅ កន្លែងស្ប៉ាបុរសនិងខារ៉ាអូខេនៅ Koreatown ទីតាំងនៅទីក្រុង Los Angeles។

អាហារ និង ភេសជ្ជៈ

បើសិនជាចង់សាកការលំហែអារម្មណ៍លក្ខណៈឡូយឆាយ អាចទៅចូលរួមកម្មវិធី Music Meets High tea នៅ InterContinental Hotel ដែលអ្នកលេងវីយោឡុង Mathias Boegner នឹងសម្ដែងឈុតឆាកតន្ត្រីដ៏ល្អ១ជាមួយ Bach និង Eugène Ysaÿe។ តម្លៃចូលរួមកម្មវិធីនេះគឺ ១៥ដុល្លារម្នាក់ ចាប់ផ្ដើមពីម៉ោង ៣ដល់ម៉ោង៦ល្ងាច នៅសណ្ឋាគារ InterContinental តាមបណ្ដោយវិថី ម៉ៅ សេទុង។

ចំពោះកន្លែងមួយទៀត សណ្ឋាគារ Raffles នឹងប្រារព្ធពិធី Rum Fiesta យប់នេះ ដូច្នេះប្រសិនជាអ្នកមានរឿងអ្វីដើម្បីអបអរ ចង់ចំណាយពេលដ៏ល្អមួយជាមួយមិត្តភ័ក្ដិឫគូស្នេហ៍ អ្នកអាចនាំគ្នាមកចូលរួមនៅហាងកាហ្វេដ៏ល្បីរបស់សណ្ឋាគារគឺ Cafe Monivong ដើម្បីសាកភ្លក់រសជាតិស្រាក្រឡុកដ៏ឆ្ងាញ់ ពីបារទាំងបួនគឺ Samai Distillery (ប្រើ Samai Rum), La Familia (ប្រើ Plantation Rum), Elbow Room (ប្រើ Diplomatico Rum) និង Elephant Bar(ប្រើ Havana Club Rum)។ ស្រាក្រឡុកទាំងអស់មានតម្លៃ ៦ដុល្លារហើយអ្នកក៏អាចញ៉ាំ Tapas នៅទីនោះផងដែរ។ កម្មវិធីនេះចាប់ផ្ដើមពីម៉ោង ៥:៣០ល្ងាច ដល់ ៩:៣០ល្ងាចនៅ Raffles Hotel រុក្ខវិថី ៩២ ខណ្ឌដូនពេញ ជិតវត្តភ្នំ។

ចូលចិត្ត Rum ប៉ុន្តែមិនចង់ចូលរួមកម្មវិធីធំៗ? អ្វីដែលអ្នកត្រូវការគឺ Cloud’s Pirate Night! ដែលមានការសហការជាមួយ Samai Distillery, Cloud និងនាំអ្នកឲ្យសាកភ្លក់នូវភេសជ្ជៈ Rum ផ្សេងៗ ព្រមទាំងល្បែងស្វែងរកកំណប់ទៀតផង។ អីចឹងចាំអង្កាល់!!! កម្មវិធីនេះនឹងចាប់ផ្ដើមពីម៉ោង៨យប់ដល់ពាក់កណ្ដាលអាធ្រាត្រ នៅ Cloud តាមបណ្ដោយផ្លូវលេខ៩។

រាំកម្សាន្ត

បង្ហាញពីសមត្ថភាពរាំរបស់អ្នកទាំងអស់នារីៗ (ឫប្រុសៗបើក្លាហាន) ក្នុងកម្មវិធី Shimmy Ladies Dance Class។ Sundee Viñas នឹងបង្រៀនអ្នកឲ្យចេះរាំគ្រលែងចង្កេះដូចជាអ្នកជំនាញ។ កម្មវិធីនេះនឹងចាប់ផ្ដើមពីម៉ោង ៣ដល់៤រសៀលនៅ Urban Space & Playground តាមផ្លូវ ២៨៧ ខណ្ឌទួលគោក។

បន្ទាប់ពីបានរាំប៉ុណ្ណឹងហើយ ហើយនៅតែរាំមិនឆ្អែត! អ្នកក៏អាចទៅ Doors សម្រាប់កម្មវិធី Salsa Dance Party ហើយត្រៀមខ្លួនដើម្បីរាំឲ្យដាច់ជើង។ កម្មវិធីនេះនឹងចាប់ផ្ដើមពីម៉ោង ៩ល្ងាចដល់ពាក់កណ្ដាលអាធ្រាត្រ នៅកែងផ្លូវ៤៧ និង ផ្លូវ៨៤។

ការប្រគំតន្ត្រី

ធ្វើដំណើរទៅកាន់កម្មវិធី The Box Office’s Live at 5 session អ្នកនឹងជួប Jamie Tan ដ៏គួរឲ្យស្រលាញ់ ជានារីរូបរាងតូចច្រឡឹងតែពូកែធ្វើឲ្យបរិយាកាសរំភើបរីករាយមិនធម្មតា។ កម្មវិធីនេះនឹងចាប់ផ្ដើមពីម៉ោង ៥ដល់៨ល្ងាចនៅ The Box Office តាមបណ្ដោយផ្លូវ ២៤៤។

បន្ទាប់មកទៀត Wrigley & Pearl នឹងនាំអ្នកឲ្យស្គាល់នូវចម្រៀង Americana លក្ខណៈចាស់ៗ (Old School) និង Rock’n’Roll នៅ Botanico Beer & Wine Garden ចាប់ពីម៉ោង ៧ដល់៩:៣០ល្ងាច តាមបណ្ដោយផ្លូវ២៩។ Blues Rockers Chi Town នឹងសម្ដែងនៅ Sharky Bar ចាប់ពីម៉ោង ៩ល្ងាចដល់ពាក់កណ្ដាលអាធ្រាត្រ នៅ Sharky Bar តាមបណ្ដោយផ្លូវ ១៣០ ហើយ Scott Bywater នឹងសម្ដែងបទចម្រៀងនិពន្ធខ្លួនឯងខ្លះៗនៅ DJ Guesthouse and Lounge ចាប់ពីម៉ោង ៧:៣០ដល់៨:៣០ល្ងាចតាមបណ្ដោយផ្លូវលេខ២៩។

នៅឯ Jazz Club វិញលោក Marco Vezzoso ដែលជាអ្នកជំនាញលេង Jazz Trumpet ដែលទទួលស្គាល់ទូទាំងពិភពលោកនិងមកចាប់ផ្ដើមសម្ដែងដំបូង សម្រាប់សប្ដាហ៍ជាច្រើនទៀតដែលលោកនឹងត្រូវសម្ដែង។ ធ្វើដំណើរមកពី ទីក្រុង Milan លោក Vezzoso មានបទភ្លេងផ្ទាល់ខ្លួនដល់ទៅ ២០បទឯ ណោះនិងមានអាល់ប៊ុមផ្ទាល់ខ្លួនទៀតផង ដែលចែកចាយដោយក្រុមហ៊ុន EGEA។ សម្រាប់ការសម្ដែងទាំងអស់នេះ លោកនឹងមានជំនួយពី Alessandro Collina សម្រាប់ការលេងព្យ៉ាណូ លោក Toma Willem សម្រាប់ការវាយស្គរ និង Seb Adnot សម្រាប់ Contrebasse។ កម្មវិធីនេះចាប់ផ្ដើមពីម៉ោង ៩ដល់១១ល្ងាច នៅ The Jazz Club ទីតាំងតាមបណ្ដោយផ្លូវ ២៨២។ សំបុត្រចូលរួមមានតម្លៃ១០ដុល្លារសម្រាប់ល្ងាចថ្ងៃសុក្រនិងសៅរ៍ និង៥ដុល្លារសម្រាប់ថ្ងៃអាទិត្យ/ច័ន្ទ/អង្គារ ដែលនឹងបញ្ចូលភេសជ្ជៈមួយកែវ។

នៅឯ Russian Market វិញ the Son Caribe guys និងសហការជាមួយ Phil Javelle សម្រាប់កម្មវិធី Cuba Suave បង្ហាញពីតន្ត្រីលក្ខណៈសិចស៊ីបែបគុយបាទៅកាន់ទស្សនិកជននៅ Alchemy។ កម្មវិធីនេះចាប់ផ្ដើមពីម៉ោង ៨:៣០ដល់១១យប់នៅ Alchemy GastroPub តាមបណ្ដោយផ្លូវលេខ ១២៣ ក្បែរ Russian Market។

ឫក៏អ្នកអាចបង្វែរអារម្មណ៍ទៅកាន់ Bophea Pub & Studio ដែលតារាចម្រៀងល្បី G Devith នឹងផ្ដល់ការសម្ដែងដ៏ពិសេស ជាផ្នែកមួយនៃការសម្ពោធភេសជ្ជៈ Energy Drink ថ្មីរបស់ G-Park Series។

ក្លឹបរាត្រី

សម្រាប់តន្ត្រីពេលព្រលប់ កន្លែងដែលគួរតែទៅបំផុតគឺ Dj Guesthouse & Lounge សម្រាប់កម្មវិធី DJ Remix ដែលចាក់ភ្លេងអមជាមួយនឹងជម្រើសភេសជ្ជៈល្អៗនៅម៉ោង Happy Hour ដែលនាំឲ្យអ្នកកាន់តែសប្បាយសម្រាប់យប់បន្តទៅទៀត។

បន្ទាប់ពីកន្លែងនោះមក គួរតែប្រយ័ត្នខ្លួន Blue Chilli ព្រោះនឹងមានការសម្ដែង Drag មួយកន្លែងទៀតនៅក្នុងក្រុង! បារសម្រាប់អ្នកស្រលាញ់ភេទដូចគ្នាថ្មីមួយគឺ Q Bar នឹងចាប់ផ្ដើមដំណើរការថ្ងៃនេះ ជាមួយនឹងជម្រើសភេសជ្ជៈជាច្រើនមុខ រួមបញ្ចូលនឹងការសម្ដែង ដ៏អស្ចារ្យរបស់ Drag នៅម៉ោង ១០:៣០យប់។ កម្មវិធីនេះនឹងចាប់ផ្ដើមពីម៉ោង ៦ល្ងាចដល់ម៉ោង២ទៀបភ្លឺ មានទីតាំងនៅតាមបណ្ដោយផ្លូវ ១៧៤។

មិនចាញ់កន្លែងទាំងនោះប៉ុន្មានទេ Max Mason និង DJ Bliss- 136 នឹងត្រលប់មកវិញ សម្រាប់ការសម្ដែងជាក្រុមនៅ Duplex ហើយសម្រាប់ពេលនេះពួកគេនឹងបានចូលរួមដោយ DJ Disc Joshi។ រាំលេងនឹងចង្វាក់ House និង Techno ជាមួយនឹងការលាយឡំចង្វាក់ Latin ខ្លះៗ ក្នុងកម្មវិធី 3-Way Session ចាប់ពីម៉ោង១០ដល់២ទៀបភ្លឺនៅ Duplex ផ្លូវលេខ២៧៨។

សម្រាប់អ្នកដែលចូលចិត្តការដើរលេងយប់លក្ខណៈ Underground កុំភ្លេចឆៀងចូលទៅ META House សម្រាប់កម្មវិធី “Sound of Berlin” ដែល DJ Martin Warlich នឹងលើកយកចង្វាក់ភ្លេងដែលលោកធ្លាប់បានសម្ដែងនៅកន្លែងល្បីៗ ដូចជា Barbarella Clyb, Arena, Kater Kiosk, MiKZ, Franz Club, Kit Kat Club, Lining Bar និង Millinski។

បន្ទាប់មកទៀត អ្នកនៅតែអាចបន្តការជប់លៀង រហូតដល់ថ្ងៃរះនៅ MadHouse ដែល DJ Heka នឹងត្រលប់មកវិញសម្រាប់ពេលយប់ដ៏ពិសេសមួយ ចាប់ផ្ដើមពីម៉ោង ១០យប់ដល់៧ព្រឹកដែលមានទីតាំងតាមផ្លូវ ១៧៤។

ថ្ងៃអាទិត្យ

កីឡា

មកចូលរួមការរត់ប្រណាំងមារ៉ាតុងខ្នាតតូចឈ្មោះថា “Run for Children” ដើម្បីរៃអង្គាសថវិកាសម្រាប់សាលារៀននៅតំបន់ដាច់ស្រយាល។ បរិច្ចាគ ១៥ ដុល្លារដើម្បីចូលរួមការរត់ចម្ងាយ ៣ គ.ម, ២០ ដុល្លារសម្រាប់ការរត់ចម្ងាយ ៦ គ.ម និង ៣០ ដុល្លារសម្រាប់ការរត់ចម្ងាយ ១០ គ.ម។ ការរត់ប្រណាំងធ្វើឡើងនៅពហុកីឡដ្ឋានជាតិអូឡាំពិក ពីម៉ោង ៦–៩ ព្រឹក លើមហាវិថីសាលដឺហ្គោល។

អាហារ និង ភេសជ្ជៈ

បន្ទាប់ពីលំហាត់ប្រាណរួច អ្នកអាចសម្រាកលំហែពេលថ្ងៃត្រង់ជាមួយនឹងអាហារដែលមានឱជារសឈ្ងុយឆ្ងាញ់, ភេសជ្ជៈ និងស្ដាប់តន្ត្រីនៅក្បែរតុអាហារ។ អ្វីដែលពិសេសការផ្ដល់ជូនទាំងនេះគឺឥតគិតថ្លៃ។

ឥតគិតថ្លៃដោយសារក្រុមធ្វើម្ហូប Farm to Table ដែលដឹកនាំដោយចុងភៅ Amy Baard គឺកំពុងសាកល្បងនូវមុខម្ហូបថ្មីរបស់ខ្លួន ដូចនេះអ្នកអាចភ្លក់អាហារឆ្ងាញ់ៗជាច្រើន។ អ្នកក៏អាចសាកល្បងស្រា Sangria បិតដោយក្រុម Farm to Table, ស្រាបៀ Brewlander និង G&T Garnish Station នៅក្នុងតម្លៃម៉ោងពិសេសចាប់ពីម៉ោង ៤ ដល់ ៧ ល្ងាច។ ការទទួលអាហារចាប់ផ្ដើមពីម៉ោង ១ ដល់ម៉ោង ៥ ល្ងាច នៅ Farm to Table ផ្លូវលេខ ៣៦០។

សិល្បៈ

ប្រសិនបើអ្នកមិនទាន់បានទស្សនាការតាំងពិពណ៌ក្រឡាប់ចាក់ (Upside Down) ដ៏អស្ចារ្យរបស់ Oeur Sokuntevy ទេ កុំភ្លេចមកទស្សនានៅចុងសប្ដាហ៍នេះ។ ការតាំងពិពណ៌នេះនឹងបញ្ចប់នៅចុងខែ ដូចនេះកុំខកខានឲ្យសោះ។ (ទីតាំងនៅ Java Arts មហាវិថីព្រះសីហនុ)

មិនតែប៉ុណ្ណោះអ្នកក៏មានឱកាសរៀនពីលោកគ្រូ Minstrel Kuik ដែលជំនាញខាងធ្វើសៀវភៅទៀតផង។ ដើម្បីចូលរួមអ្នកត្រូវធ្វើការកក់ទុកជាមុន។ (ពេលវេលាម៉ោង ១០៖៣០ នាទីព្រឹក ដល់ ៤ ល្ងាច នៅ Sa Sa Bassac មហាវិថីសុធារស។ ណែនាំឲ្យធ្វើការបរិច្ចាគ ៥ ដុល្លារ)

ភាពយន្ត និង ការថតរូប

មានភាពយន្តឯកសារដ៏គួរឲ្យចាប់អារម្មណ៍ជាច្រើនដែលចាក់បញ្ចាំងនៅ Meta House នាយប់នេះ។

ដំបូងគឺភាពយន្តដែលមានចំណងជើងថា“Yangon Calling” ដែលជាភាពយន្តបែបកំប្លែង, ពោរពេញដោយភាពភ្ញាក់ផ្អើល បង្ហាញពីការវាយបកគ្នារវាងសិល្បករ និង សង្គម និង បញ្ហានយោបាយផងដែរ។ (ម៉ោង ៧ ដល់ ៨ យប់ នៅ META House មហាវិថីសុធារស)

បន្ទាប់ពីនោះទស្សនាភាពយន្ត “Don’t Think I’ve Forgotten” ដែលរៀបរាប់ពីរឿងរ៉ាវថាមានអ្វីខ្លះបានកើតឡើងលើសម័យកាលចម្រៀងមាសរបស់កម្ពុជា នៅពេលដែលខ្មែរក្រហមឡើងកាន់កាប់ប្រទេស។ (ម៉ោង ៨ ដល់ ១០ យប់ នៅ META House មហាវិថីសុធារស)

ធ្លាប់ចង់រៀនផលិតភាពយន្តដោយខ្លួនឯងដែរទេ? ពេលនេះជាឧកាសរបស់អ្នកហើយ! Darkroom Phnom Penh កំពុងតែបើកការបង្រៀនផលិតភាពយន្តនេះឯង។ ប្រសិនបើអ្នកដឹងថាខ្លួនកំពុងធ្វើអ្វី អ្នកអាចសម្រុកទៅមុខ ប៉ុន្តែសម្រាប់អ្នកទើបចាប់ផ្ដើម ពូកគេនឹងណែនាំអ្នកតាមដំណាក់កាល។ ទីតាំងនៅ Darkroom Phnom Penh ផ្លូវលេខ ៣០០ ជាមួយតម្លៃ ១០ ដុល្លារ។

ប្រសិនបើអ្នកអាក់ខានមិនបានទស្សនាវគ្គថ្មីនៃរឿង Game of Throne កុំអស់សង្ឃឹម ៖ Box Office កំពុងតែចាក់បញ្ចាំងភាគនីមួយៗនៃវគ្គ ៧ នៃភាពយន្តនេះនាថ្ងៃនេះ ដើម្បីអាចឲ្យអ្នកតាមទាន់ភាគបញ្ចប់ដែលចាក់បញ្ចាំងនៅថ្ងៃចន្ទ។ (ម៉ោង ២ ដល់ ៧ យប់ ផ្លូវលេខ ២៤៤)។ ព័ត៌មានបន្ថែមពីការទស្សនាភាគបញ្ចប់នៃខ្សែភាពយន្តនេះ អាចឆែកមើលតាមការណែនាំរបស់ពួកយើងនៅទីនេះ។

ការប្រគំតន្ត្រី

មានអារម្មណ៍ថាអស់កម្លាំងពីខ្លួនបន្ទាប់ពីចូលរួមកម្មវិធីទាំងអស់នោះមែនទេ? អត់មានអ្វីគួរឲ្យភ្ញាក់ផ្អើលទេ! ទៅញ៉ាំ Burrito ហើយសម្រាកនៅកម្មវិធី Sundowners 4th Anniversary ដែលរៀបចំដោយ Taco Kokopelli អមទៅដោយការសម្ដែងតន្ត្រីកំដរអារម្មណ៍ ចាប់ពីម៉ោង ៥ដល់៨យប់ ទីតាំងនៅតាមបណ្ដោយផ្លូវលេខ ១៩z។

ឫប្រសិនជាចង់បញ្ចប់ថ្ងៃសម្រាកថ្ងៃអាទិត្យរបស់លោកអ្នកឲ្យកាន់តែល្អ អ្នកអាចទៅសារមន្ទីរ ដែលអ្នកសម្ដែងតន្ដ្រីវីយោឡុង virtuoso Mathias Bogener នឹងសម្ដែងខនសឺតដ៏គួរឲ្យចាប់ចិត្តមួយរបស់ bach and Ysaye។ កម្មវិធីនេះនឹងចាប់ផ្ដើមពីម៉ោង ៨ដល់១១យប់ នៅតាមបណ្ដោយផ្លូវលេខ១៣។

ទាំងនេះគឺជាការណែនាំទាំងអស់ពីពួកយើងសម្រាប់សប្ដាហ៍នេះ! សំណាងល្អទាំងអស់គ្នា! ហើយនឹងជួបគ្នាម្ដងទៀតនៅសប្ដាហ៍ក្រោយ។ អូ! និយាយអីចឹងកុំភ្លេចចុះឈ្មោះសម្រាប់ Newsletter របស់ពួកយើងដើម្បីទទួលបាន Friday Roundup ផ្ងើរចូលប្រអប់សាររបស់លោកអ្នកងាយៗតែម្ដង! ជារៀងរាល់សប្ដាហ៍!