Connect with us

មាន​អ្វីខ្លះកើតឡើងចុងសប្ដាហ៍នេះ?

ជំរើស​យើង

មាន​អ្វីខ្លះកើតឡើងចុងសប្ដាហ៍នេះ?

មាន​អ្វីខ្លះកើតឡើងចុងសប្ដាហ៍នេះ?

យើងបាន​ប្រមូលផ្ដុំសកម្មភាពផ្សេងៗដែលអ្នកអាច​នឹង​ចូលចិត្តចូលរួមដើម្បីកាត់ស្ដ្រេស

ថ្ងៃសុក្រ

 

មានអ្វី ដាក់បញ្ចាំង?

ភាពយន្ត​មនុស្សពីងពាង​ថ្មី គឺ “Spider-Man: Far From Home” ទើប​ដាក់បញ្ចាំង​ថ្ងៃនេះ។ ចង់ដឹង​​អត់​ថា​នឹង​មាន​អ្វីកើតឡើង​ទៅ​លើតួអង្គ​ Peter Parker បន្ទាប់ពីព្រឹត្តិការណ៍កើត​ឡើង​ក្នុង​រឿង ”Avengers: Endgame” ព្រម​ទាំងអនាគត​សម្រាប់បណ្ដារឿង​ជំនាន់ទី៤ របស់ Marvel?

 

មានអ្វី​ នៅ​ឆាកសម្ដែង?

នៅបាសាក់ឡេនថ្ងៃសុក្រនេះ ​នឹង​មាន​ការប្រគំតន្ដ្រី​ចាប់ពី​ម៉ោង​៩យប់​ទៅ ជាមួយ​នឹង​ការ​សម្ដែង​តន្ដ្រីបែប Funk n’ Soul ពី Pocket Change។ អ្នកអាច​ជាវ​នូវ​ភេស្ជជៈផ្សេងៗ​តាមបារផ្សេងៗ​នៅទីនោះ ដោយទស្សនា​តន្ដ្រី​និង​រាំរែកតាម​ចិត្ត​ទៅកាន់បទភ្លេង​ទស្សវត្សទី ៦០ និង ៧០។

ឬ​បើសិន​ជា​អ្នក​ចង់​សាក​ស្ដាប់តន្ដ្រី​ចង្វាក់ Soul បែប​ រេហ្គេ អ្នក​អាច​ទៅ​កាន់ Cloud ព្រោះ​ DJ Gorimaa នឹង​បង្វិល​ឌីស​ចាក់​ភ្លេង​ឲ្យ​អ្នក​រាំ​ ចាប់​ពី​ម៉ោង​៨​យប់​ ដល់​ពាក់កណ្ដាល​អាធ្រាត្រ។ ប៉ុន្តែ​ប្រសិន​ជាចង់​ទៅ​ទស្សនា​កា​រ​សម្ដែង​ផ្ទាល់​ ពី​តន្ដ្រី​ចង្វាក់ Soul អ្នក​អាច​ទៅ​កាន់ The Bodleian បារ​ដោយ​មាន​តារា​ចម្រៀងសញ្ជាតិឥណ្ឌូនេស៊ី​២រូប​ Intan Andriana និង Metta Legita កំដរអារម្មណ៍អ្នក​ជាមួយ​នឹង​ព្យ៉ាណូហ្សា​ស​ព្រម​ទាំង​ការ​ច្រៀង​បែប R&B ចាប់​ពី​ម៉ោង​ ៨ ដល់ ១១​យប់។

 

មាន​អ្វី​ទៀត?

Mini Banana នឹង​មាន​កម្មវិធី​ Mini Food Fest ដែល​អ្នក​អាច​ញ៉ាំ​អាហារ​ដល់​ទៅ ១២​មុខ​ឯណោះ​ ក្នុង​តម្លៃ​តែ​៥​ដុល្លារ ធានា​ថា​នឹង​ញ៉ាំ​ដល់បែប​ពោះ។ អាហារ​ទាំង​នោះ​នឹង​រៀប​ចំ​ចាប់​ពី​ម៉ោង​៦​ល្ងាច ប៉ុន្ដែ​​ Happy Hour សម្រាប់ភេសជ្ជៈគឺ​ចាប់​ផ្ដើម​តាំង​ពី​ម៉ោង​៤​រសៀល អីចឹង​មក​ដល់​លឿនបន្តិចក៏មិនអីដែរ។

នឹកកាល​រៀន​សកល​មែន (អត់អីទេ ពួក​យើង​ក៏នឹកដូច​គ្នា)។ អីចឹង​កុំភ្លេច​ទៅ​កាន់​ Embargo បារ ហើយ​ទៅ​មើលគេ​ឬ​ក៏ចូលរួម​លេង ល្បែង​ផឹកស្រាបៀ Beer Pong។ តម្លៃ​ចូលរួម​គឺ​មិនគិត​ថ្លៃ​ទេ ហើយ​អ្នក​ឈ្នះ​នឹង​ទទួល​បាន​រង្វាន់​ប្រាក់​១០ដុល្លារ ដើម្បី​ទិញ​អ្វី​ក៏បាន​នៅ​បារ ហើយ​អ្នក​មិន​ឈ្នះ​ក៏ទទួលបាន​បៀ​ម្នាក់មួយកែវ​ដែរ។ នៅទីនោះ​ផង​ដែរ​ក៏​មានលក់​ស្រាបែប Celestial Blonde កំប៉ុងតម្លៃ​តែ​២ដុល្លារ។

 

ថ្ងៃសៅរ៍

មាន​អ្វី លើឆាកសម្ដែង?

នៅ​ Futures Factory នឹង​រៀប​ចំ​កម្មវិធី​ប្រគំ​តន្ដ្រីខ្មែរ​រ៉ុកទស្សវត្សទី ៦០​ និង ៧០ ចាប់​ពី​ម៉ោង​៥ល្ងាច​ដល់​ ៩យប់ DJ Sunny នឹង​ចាក់​ចម្រៀង​ខ្មែរ​ចង្វាក់​រ៉ុកខិន​រ៉ូល​ឲ្យ​អ្នក​រា

រាំកម្សានយ៉ាងគគ្រឹកគគ្រែង។ បើសិន​ជា​អ្នក​ចូលរួមដោយ​ស្លៀកពាក់​តាម​ខ្មែរ​ សម័យកាល​នោះ​អ្នក​នឹង​ទទួល​បាន​ស្រាក្រឡុក​មួយកែវដោយឥតគិតថ្លៃ។ 

 

មាន​អ្វីទៀត?

ប្រសិន​ជា​អ្នក​ចង់ទៅ​ក្រៅ​ក្រុង​បន្តិច​ ដើម្បី​លំហែរអារម្មណ៍តាម​ផ្លូវ​ កុំភ្លេច​ទៅ​ Aeon 2 ដើម្បី​ចូលរួម​កម្មវិធី​ខួប​គម្រប់មួយ​ឆ្នាំ​របស់​ហាង​លក់​សម្លៀកបំពាក់ Armani Exchange។ កម្មវិធីនេះ​នឹង​មាន​ការ​ចូលរួម​សម្ដែង​ដោយ​តារា​ខ្មែរ​ល្បីៗប្រចាំ Klapyahandz ដូច​ជា វុទ្ធា និង វិន វិទូព្រម​ទាំងចូលរួមដោយ Kenny Chase និង DJ Chee ជា​អ្នក​ចាក់​តន្ដ្រី​រាំ​កម្សាន្ត។​ ក្នុង​នោះ​ដែរ​ក៏​មាន​ការ​សម្ដែង​គូររូបផ្ទាល់​ដោយ Seavpor Phour អម​ទៅ​ដោយ​រង្វាន់ ភេសជ្ជៈនិង​អាហារ ចាប់​ផ្ដើម​ពី​ម៉ោង​៥​ដល់​៩ល្ងាច។

ប្រសិន​ជា​មិន​ចង់​ទៅ​ឆ្ងាយ​ទេ អ្នក​ក៏អាច​ Chill នៅ Cloud ក៏បាន​ដោយ​ចូលរួម​ Workshop មួយ​ដែល​បង្រៀន​អ្នក​ឲ្យ​ចេះ​ធ្វើតុក្កតា​កម្រើកមាត់​បាន​ចាប់ពី​ម៉ោង​៣​ដល់​៦ល្ងាច។ ការ​ចូលរួម​នេះ​នឹង​តម្រូវ​ឲ្យ​បង់​ប្រាក់​នៅយប់​ថ្ងៃសុក្រ​ ដោយ​តម្លៃ​មិន​ជា​ថ្លៃ​ប៉ុន្មាន​ទេ ពិសេស​ក៏​មាន​អាហារ​ត្រៀម​សម្រាប់​អ្នក​ចូលរួម​ផង​ដែរ។

អត់​ដឹង​គួរ​តែទៅ​ណា​ជាមួយ​ Date នៅ​ថ្ងៃ​សៅរ៍មែន​អត់? ក្រុម​ហ៊ុន​ស្រាក្រឡុក Tomaka Cocktail នឹង​ប្រារព្ធកម្មវិធី​មួយ​នៅ Atlas ចាប់ផ្ដើម​ពី​ម៉ោង​ ៨យប់​ ជាមួយ​នឹង​តន្ដ្រី​ពី Sound Advice។ ឬ​ក៏អាច​ទៅ Cloud ព្រោះបន្ទាប់ពី Workshop ធ្វើ​តុក្កតានោះ​បញ្ចប់ Cloud នឹង​មាន​ការការ​រាំ​កម្សាន្តចង្វាក់ Salsa ចាប់​ពី​ម៉ោង​៨​ដល់​១១យប់ ដោយ​មាន​ការចូលរួម​សម្ដែង​ដោយ Carlos Camacho ពី​ប្រទេស Bolivia និង Marleny មក​ពី​ប្រទេស គុយបា។

 

មាន​អ្វី នៅ​យប់​ជ្រៅ?

សម្រាប់​អ្នក​ចូល​ចិត្ត​រាំ​តន្ដ្រី​បែប​ទស្សវត្ស​ទី ៩០​ មក​ជួប​ជាមួយ​ DJ Moodymanc នៅ Pontoon Pulse ចាប់ពី​ម៉ោង​១១យប់​ដល់ទៀបភ្លឺ។ ជាមួយ​នឹង​តន្ដ្រី​សំបូរបែប​ ស្ទីល​ចាស់ៗ ដូច​ជា ឌីស្កូ Deep House ជា​ដើម​ ធានា​ថា​អ្នក​នឹង​សប្បាយ​រាំ​ជា​មិនខាន។ 

 

ថ្ងៃអាទិត្យ

មាន​អ្វី សម្រាប់​មុខ​ម្ហូប?

នៅ Chinese House នឹង​មាន​កម្មវិធី​ អាហារព្រឹក/ថ្ងៃត្រង់ (Brunch) បែប​មិចស៊ិក​ សម្បូរ​ដោយ​អាហារ​យ៉ាង​សម្បូរបែប គ្រាន់​តែ​នឹក​ឃើញ​ក៏​ស្រក់​ទឹក​មាត់​បាត់​ទៅ​ហើយ ប្រសិន​ជា​​អ្នក​ចូល​ចិត្ត​អាហារ​បែប មិចស៊ិក​ខ្លាំង​នោះ​មិន​បាច់​ទៅ​ណា​ឆ្ងាយ​ទេ។

 

មាន​អ្វី​ ទៀត?

នៅ Lot 369 ម្ដុំ​បឹងកេងកង ម៉ាកសម្លៀកបំពាក់ Dorsu ដែល​មាន​ទី​តាំង​នៅ​ខេត្តកំពត នឹងមកដាក់​លក់​ឈុត​សម្លៀកបំពាក់ Collection ថ្មី។​ ស្ថាបនិក​ម៉ាក​នេះ Hanna Guy បាន​និយាយ​ថា មូលហេតុ​ដែល​នាង​បាន​ជ្រើសរើស Lot 369 ដោយ​សារ​តែ​អ្នក​ទិញ​ចូល​ចិត្ត​ខោអាវ​និង​កាហ្វេ។ ដូច្នេះ​ការ​ធ្វើ​កម្មវិធី​នៅ​ទីតាំង​លក់កាហ្វេ​បែប​នេះ គឺ​ពិត​ជា​គួរ​ឲ្យ​ចាប់​អារម្មណ៍ ក៏ដូច​ជា​បង្ហាញ​ទស្សនិកជន​ពី​អ្វី​ដែល​យើង​មាន​គម្រោង​ទៅ​ថ្ងៃអនាគត។

ជា​ចុងក្រោយ បើសិន​ជា​អ្នក​ចង់បង្កើតអ្វីដោយខ្លួន​ឯង Nowhere Art Studio នឹ​ងមាន​កម្មវិធី​ធ្វើក្អម​ដោយ​ដៃ ណែនាំ​ដោយ សម្បត្តិ អ្នក​គ្រប់គ្រង Kampong Chhnang Pottery។ អ្នកចូល​រួម​អាច​ធ្វើ​កែវឬក្អមដីឥដ្ធ ដោយ​នឹង​ត្រូវ​ដុត​កម្ដៅ​នៅ​កន្លែង​ណាមួយ ដើម្បី​យក​មក​ឲ្យ​វិញ​នៅ​ថ្ងៃ​ដែល​ដុតកម្ដៅរួចរាល់។ អ្នកក៏អាច​រៀនសូត្រពីវិធីសាស្រ្តផ្សេងៗ ក្នុង​ការ​ធ្វើ​ក្អមឆ្នាំងក៏ដូចជា​បច្ចេកទេសក្នុងការរចនាផងដែរ៕

 

Continue Reading
You may also like...
Click to comment

Leave a Reply

More in ជំរើស​យើង

You Might Like…

អត្ថបទ​សំខាន់​​ និង​ កិច្ចស​ម្ភាសន៍​ផ្សេងៗ

មកជួប​ជើងឯក​កីឡា​ឡើង​ជញ្ជាំង​ថ្មី​សន្លាង​របស់កម្ពុជា

By ខែ​កក្កដា 9, 2019

Our Writers

Facebook

Take Me To…

To Top