Connect with us

មាន​អ្វី​ពិសេស​ៗ​ខ្លះ​សម្រាប់ចុង​សប្ដាហ៍​នេះ?

មគ្គទេស​ចុង​សប្ដាហ៍

មាន​អ្វី​ពិសេស​ៗ​ខ្លះ​សម្រាប់ចុង​សប្ដាហ៍​នេះ?

មាន​អ្វី​ពិសេស​ៗ​ខ្លះ​សម្រាប់ចុង​សប្ដាហ៍​នេះ?

បន្ទាប់​ពី​ត្រូវ​ចាំបាច់​រស់​នៅ​ដោយ​ដាច់​ដោយឡែក ក្នុង​រយៈ​ពេល​ប៉ុន្មាន​ខែ​កន្លង​ទៅ​នេះ ឥឡូវ​យើង​អាច​ជួប​ជុំ​មិត្ត​ភក្តិ​បាន​ខ្លះ​ៗ​ហើយ ប៉ុន្តែ​ត្រូវ​តែ​ប្រុង​ប្រយ័ត្ន​ជា​និច្ច និង​ការពារ​អនាម័យ​ខ្លួន​គ្រប់​ពេល

ថ្ងៃសុក្រ

ភាពយន្ត

Meta House នឹង​នាំ​មក​នូវ​ភាពយន្ត​ពីរ​រឿង​សម្រាប់​ដាក់​បញ្ចាំង​ថ្ងៃសុក្រ​ចុង​សប្ដាហ៍​នេះ​។ សម្រាប់​ភាពយន្ត​ទី​១ ដាក់​បញ្ចាំង​នៅ​ម៉ោង​៧​ល្ងាច​ ភាពយន្ត​ឯកសារ​ Angkor Wat Megacity និយាយ​រៀប​រាប់​ពី​ហេដ្ឋារចនាសម្ព័ន្ធ​បុរាណ​របស់​ប្រាសាទ​អង្គរ​វត្ត​ ដែល​ត្រូវ​បាន​គេ​លើក​យក​មក​សិក្សា​និង​វិភាគ​ដោយ​ប្រើ​ប្រាស់នូវ​ ប្រព័ន្ធ​បច្ចេក​វិទ្យា​ផែន​ទី​យ៉ាង​ពិសេស​។

ប្រ​សិន​ជា​អ្នក​ធ្លាប់​ឆ្ងល់​ថា​​តើ​រឿង​ The Muppet Show នឹង​មាន​លក្ខណៈ​បែប​ណា ប្រសិន​ជា​គេ​ផ្ដោត​សំខាន់​ទៅ​បញ្ហារ​ដែល​កើត​មាន​ពិត​ប្រាកដ​លើ​ពិភពលោក ដូច​ជា ការ​ប្រើ​ប្រាស់​សារធាតុញៀន​ មនោសញ្ជេតនា​ស្នេហាត្រីកោណ​ ឬ​សូម្បី​តែ​ឃាតកម្ម? ចាប់​ពី​ម៉ោង​១០​យប់​ ភាពយន្ត​បែប Muppets ចំណង​ជើង​ថា Meet the Feebles ដែល​ពោរពេញ​ទៅ​ដោយ​រឿង​រ៉ាវ​អាក្រក់​ផ្សេងៗ​កើត​ឡើង​ នឹង​ចាប់​ដាក់​បញ្ចាំង ហើយ អ្វី​ដែល​ពិសេស​នោះ​គឺ ភាពយន្ត​នេះ​ផលិត​ដោយ​អ្នក​ធ្លាប់​ពាក់ព័ន្ធ​ក្នុង​ដំណើរ​ការ​ផលិត​ភាពយន្ត​ Lord of the Rings ដ៏​ល្បី​ល្បាញ​ផង​ដែរ។ 

ចាប់​ពី​ម៉ោង ៧យប់​និង​១០​យប់​ នៅ Meta House ផ្លូវ​លេខ ១៧៨

 

ឆាក​តន្ដ្រី​

Jam for a Cause នឹង​ធ្វើ​ឡើង​នៅ Moon Knight Pub រាត្រី​នេះដោយ​ដាក់​ឲ្យចូល​រួម​ទស្សនា​ដោយ​ឥត​គិត​ថ្លៃ​ ជាមួយ​នឹង​ប្រអប់​សម្រាប់​ដាក់​ថវិការរៃ​អង្គាស​ ដើម្បី​ជា​មូលនីធិសម្រាប់​សង្គ្រោះ​កុមារ​កម្ពុជា។ អ្នក​រៀប​ចំ​កម្មវិធី​នេះ​បាន​រៀប​រាប់​ថា​ ពួក​គេ​ខ្វាយ​ខ្វល់​ជា​ពិសេស​ទៅ​កាន់​ កុមារ​កម្ពុជា​ដែល​គ្មាន​ទីតាំង​ស្នាក់​នៅ​​ ជា​ហេតុ​ធ្វើ​ឲ្យ​ពួក​គេ​អាច​ប្រឈម​មុខ​នឹង​បញ្ហា​ជា​ច្រើន ក្នុង​ស្ថានការណ៍​​ដែល​ពិភពលោក​កំពុង​ប្រឈម​មុខ​ជំងឺ​រាតត្បាត​ Covid -19។ ភេសជ្ជៈ​ដាក់​ឲ្យ​ពិសារ​នឹង​ឧបត្ថម្ភ​ដោយ​ Carlsberg ហើយ​ក្រុម​ចម្រៀង​ Whiskey & Biscuits នឹង​បង្ហាញ​ខ្លួន​លើ​ឆាក​សម្ដែង​។ កក់់កន្លែង​ទុក​ជា​មុន ខណៈ​ដែល​កម្មវិធី​នេះ​ធ្វើ​ឡើង​ដោយ​ រក្សា​នូវ​គម្លាត​សង្គម​ អាច​ឲ្យ​ចូល​រួម​តែ ៣០​នាក់​តែ​ប៉ុណ្ណោះ។  

ចាប់​ពី​ម៉ោង ៨​យប់​ ថ្ងៃ​សុក្រ​និង​សៅរ៍ នៅ Moon Knight Eatery & Pub ផ្លូវ​លេខ ១៤៦

 

សម្រាប់​ Lineups នៃ​ការ​សម្ដែង​តន្ដ្រី​រាត្រី​នេះ​ពិត​ជា​ពិសេស​ ដោយ​ក្នុង​នោះ​ពោរពេញ​ទៅ​ដោយ​តន្ដ្រី​ករ​ពោរពេញ​ទៅ​ដោយ​ទេពកោសល្យ​ ហើ​យ​សម្ដែង​ដោយ​ចាប់​ដៃ​គូរ​គ្នា​។

 

Marianna and Joe បាន​ចាប់​ដៃ​គ្នា​ហើយ​ហៅ​ឈ្មោះ​ក្រុម​ខ្លួន​ថា Heartworn Highway នឹង​សម្ដែង​តន្ដ្រី​បែប Americana ពី​ពាក់​កណ្ដាល​ទសវត្ស​ឆ្នាំ ១៨០០​។​ អីចឹង​សម្រាប់​តន្ដ្រី​ប្រភេទ​នេះ​ អ្នក​នឹង​សប្បាយ​រីករាយ​នឹង​សម្លេង​ហ្គីតា​ និង​សំនៀង​ច្រៀង​ស្ទីល​បែប ខូវប៊យ​ ធ្វើ​ឲ្យ​អ្នក​នឹក​ឃើញ​អតីត​ កាល​ពី​នៅ​ក្មេង​ដែល​អ្នក​មិន​ធ្លាប់​មាន​ពី​មុន​មក។  

ចាប់​ពី​ម៉ោង ៧យប់​នៅ Farm to Table ផ្លូវ​លេខ ៣៦០

 

Antonio and Janeth ក៏​នឹង​នាំ​មក​ជូន​នូវ​ការ​សម្ដែង​ពី ហ្គីតា​ និង​សំនៀង​ចម្រៀង​ពី តន្ដ្រី​ប៉ុប​សម័យ​ថ្មី។  

ចាប់​ពី​ម៉ោង ៧យប់​​នៅ Alchemy ផ្លូវ​លេខ ១២៣

 

រីករាយ​នឹង​អារម្មណ៍​នៃ​ Havana ខណៈ​ដែល​អ្នក​​អាច​ Cha Cha Cha ជាមួយ​នឹងក្រុម​​តន្ដ្រី​​បែប​ ឡាតាំង​ Agüita de Coco… ហើយ​ក៏​មាន​ដាក់​លក់​ ស៊ីហ្គារ​ពី​ប្រទេស​គុយបា​ទៀត​ផង។ 

ចាប់​ពី​ម៉ោង​៩យប់​​ នៅ Est. Lounge ផ្លូវ​លេខ ២១៤

 

ស្រីកា និង​ រដ្ឋា​ឬ​ហៅថា K’n’E នឹង​នាំ​លោក​អ្នក​ទៅ​កាន់​ទីក្រុង​ភ្នំពេញ​ក្នុង​អំឡុង​ទស្សវត្ស​ទី​៦០ ខណៈ​ដែល​ រស សេរីសុទ្ធា, ប៉ែន​ រ៉ន និង​ ស៊ិន ស៊ី​សាមុត​ កំពុង​សម្ដែង​តន្ដ្រី​បែប ខ្មែររ៉ុក​ល្បីៗ​។

ចាប់​ពី​ម៉ោង១០​យប់ សុក្រ​ និង​ អាទិត្យ​នៅ Oscar’s on the Corner កែង​ផ្លូវ​លេខ ១៣​និង​១០៤

ភេសជ្ជៈ

 

Seekers Spirits បានរៀប​ចំ​កម្មវិធី​មួយ​សម្រាប់​ល្ងាច​ថ្ងៃសុក្រ​នេះ ដោយ​មាន​ការ​ប្រែប្រួល​ខ្លះៗ​ នៃ​ការ​រៀប​ចំ​កន្លែង​អង្គុយ​ និង​ភេសជ្ជៈ​ថ្មី​ៗ​ផង​ដែរ។ ដោយ​សារ​តែ​ត្រូវ​ប្រកាន់​ភ្ជាប់​នូវ​គម្លាត​សង្គម​ អ្នក​អាច​ចូលអង្គុយ​កន្លែង​ធំៗ​នៅ​ម៉ោង​ពីរ​ផ្សេង​គ្នា​អាច​ជ្រើស​រើស​បាន។ អ្វី​ដែល​ពិសេស​នោះ​គឺ​អ្នកអាច​យក​អាហារ​ពេល​ល្ងាច​មក​ញ៉ាំ​នៅ​ទីនេះ​បាន។ 

ចាប់​ពី​ម៉ោង ៥​ដល់ ៧កន្លះ​និង ៧​និង​៤៥​នាទី​ដល់​ម៉ោង ១០យប់ ថ្ងៃ​សុក្រ​និង​សៅរ៍ នៅ Seekers Spirits ផ្លូវ​លេខ ៤៥៤។

រាំកម្សាន្ត

 

ខាន​រាំ​លេង​យូរ​មែន Club Love is back ដោយ​មាន​កម្មវិធី​ពិសេស​សម្រាប់​ការ​បើក​ឡើង​វិញ​រាត្រី​នេះ​។ កក់​កន្លែង​ទុ​ក​ឲ្យ​ហើយ​ ព្រោះ​កន្លែង​អង្គុយ​មាន​កំណត់​ ដែល​អាចឲ្យ​មាន​ទី​ធ្លា​គ្រប់​គ្រាន់​សម្រាប់​រាំក​ម្សាន្ត។ ភេសជ្ជៈ​លក់​ក្នុង​តម្លៃ​ពាក់​កណ្ដាល​ចាប់​ពី​ម៉ោង ៩​ដល់​១០​យប់។

 

ចាប់​ពី​ម៉ោង ៩យប់​នៅ Club Love ផ្លូវ​លេខ ២៧៨

 

ថ្ងៃសៅរ៍

 

សិល្បៈ

អ្នក​សិល្បៈ​ដ៏​មាន​ទេពកោសល្យ​ Kok នឹង​មាន​ការ​ដាក់​តាំង​ពិពរណ៌​ទោល​រាត្រី​នេះ​នៅ Sra’Art ដែល​ជា​ផ្នែក​មួយ​ចំពោះ វដ្ដ​នៃ​ទំនាក់​ទំនង​របស់​មនុស្ស​។ លាយ​បញ្ចូល​គ្នា​នូវ សិល្បៈ​គំនូរ​ Pointilism និង​ Graphic នាំមក​នូវ​ពណ៌​និង​រូបភាព​គួរ​ឲ្យ​ចាប់​អារម្មណ៍​។

ចាប់​ពី​ម៉ោង ៦​ដល់​១០​កន្លះ​នៅ Sra’Art ផ្លូវ​សុធារស

 

ភាពយន្ត

 

សម្រាប់​រាត្រី​នេះ​នៅ Meta House នឹង​មាន​ដាក់​បញ្ចាំង​នូវ​ភាពយន្ត​ពីរ​រឿង​ដូច​គ្នា។ ចាប់​ផ្ដើម​ដំបូង​ពី​រឿង​បែប​ឯកសារ Baraka បក​ស្រាយ​ពី​ផលិតក​រ​ភាពយន្ត​នេះ​ផ្ទាល់​ថា ជា​មធ្យោបាយ​សម្រាប់​សមាធិ បង្ហាញ​ពី សាសនា​ ធម្មជាតិ​និង​លទ្ធ​ផល​នៃ​ការ​បំផ្លិច​បំផ្លាញ​នានា​ ពី​មនុស្ស​ទាំង​២៤​ប្រទេស​និង​​ទីប​ទាំង​៦។  

 

Little Shop of Horrors ជា​ភាពយន្ត​ទី​ពីរ​សម្រាប់​រាត្រី​នេះ។ ដោយ​មាន​លក្ខណៈ​ជា​ភាពយន្ត​បែប​រន្ធត់ ដែល​ទទួល​បាន​​ការ​ពេញ​និយម​គួរ​ឲ្យ​កត់​សម្គាល់​។ អ្នក​គ្រប់​គ្រង​ហាង​ម្នាក់​ត្រូវ​ការ​សាច់​មនុស្ស​ដើម្បី​ចិញ្ចឹម​រុក្ខជាតិ​ Venus Flytrap របស់​ខ្លួន​ដែល​ត្រូវ​ការ​ឈាម​និង​សាច់​មនុស្ស​​ជា​ប្រចាំ ហើយ​អ្វី​ដែល​គួរ​ឲ្យ​ចាប់​អារម្មណ៍​នោះ​គឺ ភាពយន្ត​នេះ​មាន​លក្ខណៈ​ជាតន្ដ្រី Muscial។ 

ចាប់​ពី​ម៉ោង ៧យប់​ដល់​ ១០​យប់​នៅ Meta House ផ្លូវ​លេខ ១៧៨

 

ឆាក​សម្ដែង

 

សម្រាប់​ការ​សម្ដែង​ដ៏​ធំ​មួយ​យប់​នេះ​គឺ​ the 99 Boyz Farewell Dudes នៅ Alchemy ចាប់​ពី​ម៉ោង ៨យប់​ត​ទៅ ដែល​អ្នក​អាច​ទៅ​ទស្សនា​ការ​សម្ដែង​លើក​ចុង​ក្រោយ​របស់​លោក Saska Chewan ជាសមាជិក​ប្រចាំ​មួយ​រូប​ប្រចាំ​ក្រុម​ មុន​ពេល​លោក​ត្រលប់​ទៅ​កាន់​ប្រទេស​ហ្វីលីពីន​វិញ។

ចាប់​ពី​ម៉ោង ៨យប់​តទៅ នៅ Alchemy ផ្លូវ​លេខ ១២៣

 

អ្នក​ចម្រៀង​បែប​ Street Corner Gypsy ហើយ​ក៏​ជា​អ្នក​ជំនាញ​ខាង​ហ្គីតា​ផង​ដែរ​នោះ គឺ​លោក Christophe Horvath បាន​ត្រលប់​មក​កាន់​ទីក្រុង​ភ្នំពេញ​វិញ ហើយ​នឹង​សម្ដែង​នៅ Botanico។ លោក​ចូល​ចិត្ត សម្ដែង​តន្ដ្រី​បែប Ballads, Hynbs និង​តន្ដ្រី​បែប Protest Songs ជា​ភាសា​អង់គ្លេស​ អេស្ប៉ាញ​និង​អ៊ីតាលី។ 

ចាប់​ពី​ម៉ោង ៧យប់​​តទៅ នៅ Botanico wine & Beer Garden ផ្លូវ​លេខ​២៩

 

ក្រុម​ចម្រៀង The Goldilocks Zone  បាន​ចំណាយ​ពេល​វេលា​ ឆ្លង​កាត់​ Covid ដោយ​និពន្ធ​បទ​ចម្រៀង​ថ្មីៗ​ជា​ច្រើន​ ព្រម​ទាំង​រៀប​ចំ​ខ្លួន​រួច​ជា​ស្រេច​ក្នុង​ការ​ត្រលប់​មក​ឆាក​សម្ដែង​វិញ​។ ទៅ​ធ្វើ​ជាសាក្សី​​នៃ​ការ​ត្រលប់​មក​វិញ​របស់​ពួក​គេ​ រាត្រី​នេះ​នៅ Oscar’s on the Corner ទាំង​អស់​គ្នា។

ចាប់​ពី​ម៉ោង ៨​យប់​នៅ Oscar’s on the Corner កែង​ផ្លូវ​លេខ ១៣​ និង ១០៤

 

រាំកម្សាន្ត

ឌីជេ សញ្ជាតិ​កាណាដា​ពីរ​រូប Circle of 2 នឹង​សម្ដែង​តន្ដ្រី​បែប Chill house រាត្រី​នេះ​នៅ Est. Lounge ហើយ​ជា​ពិសេស​អ្នក​ក៏​អាច​រីករាយ​ជាមួយ​នឹង​ ស្រាក្រឡុក​ និង​ស្រាលាយ​មួយ​ថែម​មួយ​ផង​ដែរ។ 

ចាប់​ពី​ម៉ោង ៩យប់​នៅ Est. Lounge ផ្លូវ​លេខ ២១៤

 

ភេសជ្ជៈ

Harvest Craft Beer នឹង​មាន​ការ​ផ្ដល់​ជូន​ ស្រាបៀរ​ពីរកែវ​តម្លៃ​ ៤ដុល្លារ​នៅ Lantern Rooftop Bar ព្រមទាំង​មាន​តន្ដ្រី​កំដរ​ពី Kiss Bang Bong ផង​ដែរ។ កក់​ទុក​កន្លែង​ជាមុន​ជា​ជម្រើស​ល្អ​ បើសិន​ជា​អ្នក​ចង់​ចូលរួម​កម្មវិធី​ទាំង​ពីរនេះ។

ចាប់​ពី​ម៉ោង ៥កន្លះ​ដល់ ១០​យប់​នៅ Lantern Rooftop Bar ផ្លូវ​លេខ ២៨២

 

នៅ​ឯ Rush Pub បារ​រាត្រី​នេះ​នឹង​មាន​កម្មវិធី​ពិសេស Tunisian buffet dinner for $8 ដោយ​ក្នុង​តម្លៃ​តែ ៨​ដុល្លារ​អ្នក​អាច​ញ៉ាំអាហារ​បែប មេឌីទែរីនេ​ និង​អាហ្វ្រិក​ខាង​ជើង ជាមួយ​ស្រាក្រហម​មួយ​កែវ។

ចាប់​ពី​ម៉ោង ៧​ដល់​៩​យប់​នៅ Rush Pub ផ្លូវលេខ ២៨២

 

Orchid Bar នៅ​សណ្ឋគារ​ Palace Gate Hotel នឹង​មាន​កម្មវិធី​បុហ្វេ​រយៈ​ពេល​៣​ម៉ោង hree-hour free flow ដែល​អ្នក​អាច​ញ៉ាំ​ស្រាក្រហម​ ស្រាបៀរ​ ព្រម​ទាំង​អាហារ​ផង​ដែរ​ក្នុង​តម្លៃ ២២​ដុល្លារ​ កំដរ​ដោយ​តន្ដ្រី​សម្ដែង​ផ្ទាល់។

ចាប់​ពី​ម៉ោង ៦​កន្លះ​ដល់ ១០​យប់​នៅ Orchid Bar ផ្លូវ​លេខ ២៤០

 

មាន​អ្វី​ទៀត?

 Red Fox នឹង​មាន​កម្មវិធី​ no-limit hold ‘em tourney សម្រាប់​យប់​នេះ (សម្រាប់​តែ​អ្នក​ចេះ​លេង Poker តែ​ប៉ុណ្ណោះ)។ អ្នកអាចចូល​រួម​ដោយ​ទិញ​ចាប់​ពី ២០​ដុល្លារចូល, ២០​ដុល្លារ​ម្ដង​ទៀត​ និង ថែម​២០ដុល្លារ​ទៀត​ អីចឹង​សំណាង​ល្អ! 

ចាប់​ពី​ម៉ោង ៧យប់​ នៅ Red Fox ផ្លូវ​លេខ ១៣៦

 

ថ្ងៃ​អាទិត្យ

 

ភាពយន្ត

នៅ​ឯ​ Meta House ដដែល​ នឹង​ដាក់​បញ្ចាំង​ភាពយន្ត​មួយ​ពី​ទស្សវត្ស​ទី ៨០​ និយាយ​អំពី​ប្រទេស​កុំមុយនីស Kazakhstan។ ប្រសិន​ជា​អ្នក​លាយ​បញ្ចូល​ដំណើរ​ផ្សងព្រេង​របស់ Mad Max ជាមួយ​នឹង​​ភាព​មិន​ល្អ​ចេញ​ពី Monty Python ហើយ​យក​ពួក​គេ​ទៅ​កាន់​ទីតាំង​មួយ​ឆ្ងាយ​ពី​ផែន​ដី​ អ្នក​នឹង​បាន​ភាពយន្តKin Dza Dza។   

ចាប់​ពី​ម៉ោង ៧​យប់​​តទៅ​នៅ Meta House ផ្លូវ​លេខ ១៧៨

 

ឆាក​សម្ដែង

 

បើសិន​ជា​ចង់​ចំណាយ​ពេល​ថ្ងៃ​អាទិត្យ​ដើម្បី​ញ៉ាំ​ស្រា​ ក៏​ដូច​ជា​ស្ដាប់​តន្ដ្រី​កំដរ​ដែរ​នោះ ទៅ​កាន់កម្មវិធី Sunday Sessions នៅ The Deck ម្ដុំ​ទួល​ទំពូង​ ដែល​នឹង​មាន​ឌីជេ​សញ្ជាតិ​កាណា​ដា​ពីររូប Circle of 2 ចូល​ខ្លួន​មក​ចាក់​តន្ដ្រី​កំដរ ដោយ​មាន​ស្រា​​ក្រហម​ Sangria តម្លៃ​តែ​២​ដុល្លារ។

ចាប់​ពី​ម៉ោង ៥​ដល់​៨​យប់​នៅ The Deck ផ្លូវ​លេខ ១២៣

ពួក​យើង​ពិត​ជា​រីករាយ​ដើម្បី​ជួប​អ្នក​ទាំង​អស់​គ្នា​ម្ដង​ទៀត 🙂

Continue Reading
You may also like...
Click to comment

Leave a Reply

More in មគ្គទេស​ចុង​សប្ដាហ៍

You Might Like…

អត្ថបទ​សំខាន់​​ និង​ កិច្ចស​ម្ភាសន៍​ផ្សេងៗ

ជួបជាមួយជើងខ្លាំងដែលអ្នកមិនធ្លាប់លឺពីមុនមក គឺអ្នកស្រី សយស្រស់

By ខែ​មិថុនា 15, 2020

Our Writers

Facebook

Take Me To…

To Top