Connect with us

យេ!!!​ ថ្ងៃ​ចុង​សប្ដាហ៍​បាន​មក​ដល់​ហើយ។ នេះ​គឺ​អ្វីៗ​ដែល​អ្នក​គួរធ្វើ​ដើម្បី​ចំណាយ​ពេល​វេលា​ល្អ​ទាំង​នេះ​ឲ្យ​កាន់​តែមាន​ន័យ។

ជំរើស​យើង

យេ!!!​ ថ្ងៃ​ចុង​សប្ដាហ៍​បាន​មក​ដល់​ហើយ។ នេះ​គឺ​អ្វីៗ​ដែល​អ្នក​គួរធ្វើ​ដើម្បី​ចំណាយ​ពេល​វេលា​ល្អ​ទាំង​នេះ​ឲ្យ​កាន់​តែមាន​ន័យ។

យេ!!!​ ថ្ងៃ​ចុង​សប្ដាហ៍​បាន​មក​ដល់​ហើយ។ នេះ​គឺ​អ្វីៗ​ដែល​អ្នក​គួរធ្វើ​ដើម្បី​ចំណាយ​ពេល​វេលា​ល្អ​ទាំង​នេះ​ឲ្យ​កាន់​តែមាន​ន័យ។

គន្លឹះពី​ទីកន្លែងល្អ សម្រាប់ដើរ​កម្សាន្ត​តាំងពីល្ងាចថ្ងៃសុក្រដល់ព្រឹកថ្ងៃអាទិត្យ

 

 

ថ្ងៃសុក្រ

 

មាន​អ្វី​ ដាក់​បញ្ចាំង?

អ្នក​ជំនាញ​ខាង​ផលិត​ភាពយន្ត​លោក លីម ហេង នឹង​ដាក់​បញ្ចាំងភាពយន្ត​លោកនៅ  Bophana Center ក៏ដូច​ជា​ចែក​រំលែក​ពី​បទ​ពិសោធន៍ផ្សេងៗក្នុង​អាជីព​ជា​ផលិតករ​មួយ​រូប ជាមួយ​បណ្ដា​អ្នក​ស្រលាញ់​វិស័យ​សិល្បៈភាពយន្ត។ លោក​បាន​ដាក់​បង្ហាញ​ភាពយន្ត​នៅ​តាម​កម្មវិធី​ពិពរណ៍ភាពយន្ត​ផ្សេងៗ​តាំង​ពី​ឆ្នាំ ២០១៣​ មក​ម្ល៉េះ ដូច្នេះ​លោក​មាន​ដំបូន្មាន​ និង​រឿង​រ៉ាវជា​ច្រើន​ដើម្បីបកស្រាយ​ជូន​អ្នក​ចូលរួម​ទស្សនា។ ចាប់​ពី​ម៉ោង ៦កន្លះ​ល្ងាច​នៅ មជ្ឈមណ្ឌល​បុផ្ផាណា ផ្លូវលេខ​ ២០០។ 

 

បើ​សិនជា​ចង់​ទៅ​មើល​ភាពយន្ត​បែប​លក្ខណៈ​កំប្លែង​ផ្សងព្រេង ជា​ពិសេស​មាន​ក្មេង​ៗ​ទៅ​មើល​ជាមួយ​ កុំភ្លេច​ភាពយន្ត​ Dora and the Lost City of Gold ដែល​នឹង​ចាប់​ដាក់​បញ្ចាំង​ចុង​សប្ដាហ៍​នេះ។ តាម​ពិត​ទៅ​បើ​យោង​ទៅ​តាម​អ្នក​វិភាគ​កុន​ ភាពយន្ត​នេះ​មិន​សូវជា​ត្រូវ​គេ​ទទួល​ស្គាល់​ថាល្អ​ប៉ុន្មាន​នោះ​ទេ ប៉ុន្តែ​វា​ពិត​ជា​សម​នឹងនាំ​ក្មេងៗ ទៅ​មើល​បើ​សិនជា​ពួក​គេ​ចូល​ចិត្ត​ភាពយន្ត​គំនូរជីវចល Dora the Explorer។ ចាប់​ដាក់​បញ្ចាំង​នៅ​ចុង​សប្ដាហ៍ នៅ​បណ្ដារោងកុន​ផ្សេងៗ​ទូទាំង​ភ្នំពេញ។​​

 

មាន​អ្វី​លើ​ឆាក​សម្ដែង?

 

បើ​សិន​ជា​អ្នក​ចង់​ផ្លាស់​ប្ដូរ​បរិយាកាស​នៅ​ភ្នំពេញ​ ឲ្យ​ត្រលប់​ទៅ​កាន់​ទស្សវត្ស​ទី​៧០ ជាមួយ​នឹង​តន្ដ្រី​បែប Sax’n’Soul កុំ​ភ្លេច​ទៅ​កាន់ Farm to Table រាត្រី​នេះ។ ក្រុម​ចម្រៀង Chico-Evans នឹង​សម្ដែង​តន្ដ្រី​បែប Acoustic ជាមួយ​នឹង​បទ​ចម្រៀង​ពី​តារា​ជំនាន់​ចាស់​ដូច​ជា AI Jareau, Christopher Cross, Marvin Gaye ជាដើម។ ការ​សម្ដែង​នេះ​ក៏មាន​រួម​បញ្ចូល​ដោយ​ Antonio Elchico ជា​ដៃ​ហ្គីតា​និង Gerard Evans ជា​អ្នក​លេង សាក់ហ្សូហ្វូន។  ចាប់​ពីម៉ោង​ ៦កន្លះ​ល្ងាច​នៅ Farm to Table ផ្លូវ​លេខ ៣៦០។  

សម្រាប់​តន្ដ្រី​មក​ពី​ទស្សវត្សដូច​គ្នា​ប៉ុន្តែ​ខុស​ចង្វាក់ Hard Rock Cafe នឹង​ប្រារព្ធ​កម្មវិធី​ចាក់​តន្ដ្រីក្រុម​ចម្រៀង​រ៉ុក​ល្បី​ល្បាញ Guns and Roses និង AC/DC។ Band@Work នឹង​នាំ​មក​យក​នូវ Hells Bells, Shoot to Thrill មក​កំដរ​អារម្មណ៍​លោក​អ្នក​ ក៏ដូច​ជា​រ៉ុក​ទីតាំង​នោះ ឲ្យ​ដូច​សម័យ​កាល​រ៉ុកខិនរ៉ូល។ ចាប់​ពី​ម៉ោង​ ៨យប់​នៅ Hard Rock Cafe ផ្លូវ​លេខ ១០២។

ក្នុង​ដំណើរ​សម្ដែង​ទូទាំង​ពិភពលោក តារា​កំប្លែង​បែប Stand Up លោក Mohammed Magdi នឹង​នាំយក​សម្ដែង​បែប​ធ្វើ​ឲ្យ​គេ​គិត “thought-provoking” (នេះបើតាម​ការ​រាយ​ការណ៍​របស់កាសែត​ល្បី​ឈ្មោះ​ The Washington Post) ព្រម​ទាំង​មាន​ការ​ចូលរួម​ដោយ​តារា​កិត្តិយស​ខ្លះទៀត កម្មវិធី​នៅ​  The Box Office​  យប់​នេះ​គឺ​ពិត​ជា​រំលង​មិនបាន។ អ្វី​ដែល​ពិសេស​នោះ​ បើសិនជា​អ្នក​ទិញ​សំបុត្រ​ទុក​មុន​ នោះ​អ្នក​នឹង​មិន​បារម្ភចំពោះ​ការ​គ្មាន​កន្លែង​អង្គុយ​ទស្សនា​ ព្រោះ​អាច​នឹង​មាន​ការ​ចូលរួម​ច្រើន​កុះករ។ ចាប់​ផ្ដើម​ពី​ម៉ោង​៧កន្លះ​​ នៅ Box Office ផ្លូវ​លេខ ២៤៤។​

 

មាន​អ្វី​នៅ​យប់​ជ្រៅ?

 

ក្នុង​ឱកាស​ជប់​លៀង​បើក​កន្លែង​រាំ​កម្សាន្ត​និង​ KTV ថ្មី​របស់ Mermaid កំពូល​តារា​ចម្រៀង​ ព្រាប សុវត្ថិ​ នឹង​មាន​វត្តមាននៅ​ទី​នោះ ព្រម​ទាំង​មាន​តារា​សម្ដែង​ សុខ សុមាវត្តី ជា​ Emcee ផ​ង​ដែរ។ ជាមួយ​នឹង​ការ​គាំទ្រ​កម្មវិធី​ដោយ​ Jack Daniels ដូច្នេះ​កម្មវិធី​ពិសេសៗ ប្រាកដ​ជាមាន។ ចាប់​ពី​ម៉ោង ៦ល្ងាច​ដល់​ម៉ោង​២ទៀប​ភ្លឺ នៅ Mermaid Bar ផ្លូវ​លេខ ១១៨។ ​

DJ Cathrin នឹង​ចាក់​ភ្លេង​នៅ Puzzles Gastropub យប់​នេះ។ ដោយ​មាន​ឈ្មោះ​លើការរាំលើ​ឆាក​សម្ដែង​ មិន​ចាញ់​ការ​ចាក់​ភ្លេង​នោះ​ធ្វើ​ឲ្យ​នាង​រហ័សនាម​ថា “hard-working girl but twerk harder!” បែប​បទ​នៃ​តន្ដ្រី​នឹង​មាន​ដូច​ជា EDM, hip hop, trap និង​ប្រាកដ​ណាស់​គឺ twerk តែ​ម្ដង។ ចាប់​ពី​ម៉ោង ៩យប់​នៅ Puzzles Gastropub។  

 

មាន​អ្វី​ទៀត?

អ្នក​សិល្បៈ​គំនូរ​លោក Troy Campbell នឹង​ដាក់​តាំង​ Collection គំនូរ​របស់​លោក​ដែល​មាន​ឈ្មោះ​ថា “No Need to be Coy” នៅ Cloud។ បណ្ដុំ​ Collection នៃ​គំនូរ​ទាំង​អស់​នេះ​គឺ​ត្រូវ​បាន​ធ្វើ​ឡើង​នៅ​ទីតាំង​ផ្ទះជួលដ៏ចង្អៀត​នៅ ទីក្រុង សេអ៊ូល​ ជាមួ​យ​នឹង​ឧបករណ៍​ផ្សេង​លោក​បាន​ទិញ​នៅ​ទីនោះ ក៏ដូច​ជា​ពី​ទីតាំង​ផ្សេងៗ​ទូទាំង​អាស៊ីអាគ្នេយ៍។ ចាប់​ពី​ម៉ោង​៧កន្លះ​ល្ងាច​ នៅ Cloud ផ្លូវលេខ៩។​

 

បើ​សិន​ជាចង់​ញ៉ាំ​អាហារ​បែប BBQ នឹង​ជួប​ជាមួយ​មនុស្ស​ប្លែកមុខ​ជា​ច្រើន​នាក់ ទៅ​ចូលរួម​ជប់លៀងខួបកំណើត Ege Bar នៅ​ទួលទំពូង ធានារ​ថា​ដឹង​តែ​សប្បាយ​រកផ្លូវ​មក​ផ្ទះ​វិញ​មិនឃើញ។ ចាប់​ពី​ម៉ោង ៧កន្លះ​ល្ងាច​ទៅ នៅ Ege Bar ផ្លូវ​លេខ ៤៦០។

 

ថ្ងៃ​សៅរ៍

 

មាន​អ្វី​ដាក់​បញ្ចាំង?

ចូលចិត្ត K-Pop? ចូល​ចិត្ត​ក្រុមចម្រៀង​ BTS? ភាពយន្ត​ឯកសារ​ Bring the Soul: The Movie របស់​ពួក​គេ​នឹង​ចាប់​ដាក់​បញ្ចាំង​នៅ​ថ្ងៃ​សៅរ៍​នេះ​តាម​បណ្ដា​រោង​ភាពយន្ត​ហើយ។ ដោយ​ដាក់​បញ្ចាំង​នៅ​ម៉ោង​ខុស​គ្នាៗ​ អីចឹង​បបួល​ពួក​ម៉ាក​អ្នក Stan តន្ដ្រី K-pop ទៅ​ទស្សនា​ទាំង​អស់​គ្នា។

 

មានអ្វី​ទៀត?

ចាប់​ផ្ដើម​ថ្ងៃ​សៅរ៍ ដោយ​ការ​សាកល្បង​គូស​គំនូរ​សិល្បៈ?​ នៅ Nowhere Art Studio នឹង​រៀប​ចំ​ Workshop មួយ​ឈ្មោះ​ថា “block printing on fabric”។ បើ​សិន​ជា​អ្នក​ចូល​ចិត្ត​ខាង​ការ​កែច្នៃ​គំនូរ​ផ្សេងៗ ប្រកប​ដោយ​គំនិត​ច្នៃ​ប្រឌិត​ទៅ​លើផ្ទាំង Fabric អាច​ទៅ​ចូល​រួម​សាកល្បងបាន។ ចាប់​ពី​ម៉ោង៩​ព្រឹក​ដល់​១រសៀល​ នៅ Nowhere Art Studio តាម​បណ្ដោយ​ផ្លូវ​នរោត្តម។ 

 

នៅ Workspace 1 at the Factory ឯណោះ​វិញ​នឹង​មាន​ការលេង​ល្បែង​ boardgames គួរ​ឲ្យ​ចាប់​អារម្មណ៍។​ បើ​តាម​អ្នក​រៀប​ចំ​កម្មវិធី​លោក Keomony Sen បាន​ឲ្យ​ដឹង​ថា “យើង​មាន boardgames ដល់​ទៅ ១៧ឯណោះ​នៅ​ក្នុង​បន្ទប់​លេង”។ អីចឹង​កុំភ្លេច​មក​លេង​ទាំង​អស់​គ្នា នៅ​ថ្ងៃ​សៅរ៍​ម៉ោង​២រសៀល​នេះ។ អាហារ​សម្រន់​ផ្សេងៗក៏​មាន​ផ្ដល់​ជូន​ផង​ដែរ​ គឺ​នំ​ឃុកឃី​និង​តែ។ ចាប់​ពី​ម៉ោង ២ដល់​៤​ រសៀល​នៅ The Factory ផ្លូវ​ជាតិ​លេខ​២។​​ 

 

ក្នុង​ថ្ងៃ​នោះ​ដែរ KBach Gallery ដែល​មាន​ទីតាំង​នៅ The Factory ដូច​គ្នា​ នឹងមាន​កា​រ​ជប់លៀង​បើក​បង្ហាញ​គំនូរ​សិល្បៈដ៏ធំ​មួយ។ រូប​ថត​ដល់​ទៅ ៥០​នឹង​ដាក់​បង្ហាញ​បង្ហាញ​ពី​អាគារ​ផ្សេងៗនៅ​កម្ពុជា តាំង​ពី​ទស្សវត្ស​ទី​៦០។ ទឹកប្រាក់​ផ្សេងៗ​ ដែល​រក​បាន​ពី​កម្មវិធី​នេះ​នឹង​យក​ទៅ​ឧបត្ថម្ភ​ធ្វើ​ជា​សៀវភៅ​ ស្ថាបត្យកម្ម២ក្បាល ធ្វើ​ឲ្យ​កាន់​តែ​មាន​ភាពងាយ​ស្រួល​ចំពោះ​អ្នក​ដែល​ចង់​ដឹង​ពី​ ប្រវត្តិសាស្រ្ត​ផ្សេងៗ​របស់​វិស័យស្ថាបត្យកម្ម​នៅ​កម្ពុជា។ មិន​ត្រឹម​តែប៉ុណ្ណោះ​ចំណូល​ផ្សេង​ទៀត​ នឹង​ផ្ដល់​ឲ្យ​អ្នក​សិល្បៈ​ជើងចាស់​ខ្មែរ លោក Peak Chapech ជំនាញ​ខាង​ល្ខោន​បាសាក់។ ក្នុង​នោះ​ក៏មាន​ការ​សម្ដែង​របស់​លោក​ រួម​ជាមួយ​នឹង​ការ​សម្ដែង​ផ្សេងៗ​ទៀត​ពី​សំណាក់​អ្នករបាំជា​យុវជន​ផង​ដែរ។ ចាប់​ពី​ម៉ោង ៥​ដល់៨យប់​ នៅ The Factory តាម​បណ្ដោយ​ផ្លូវជាតិ​លេខ​២។

 

យប់​នេះ​ពិត​ជា​ពិសេស​ម្រាប់​ការ​បង្ហាញ​ពី​វប្បធម៌​និង​សិល្បៈ​របស់​កម្ពុជា។ នៅ​ឯម្ដុំ​ទួល​ស្លែង​ឯណោះ​វិញ ដំបូល​នឹង​ដាក់​បង្ហាញ​កម្មវិធី​មួយ​ឈ្មោះ​ថា “សូរស្ដ្រី” ដែល​ជា​ការ​សហការ​របស់ Neak Sophal និង Emily Howe។ គម្រោង​នេះ​នឹង​ចាប់ផ្ដើម​ជាផ្លូវការ​នៅ​ថ្ងៃ​ទី​២៣ ខែ​សីហា នៅ Mirage Contemporary Art Space នៅ​ខេត្តសៀមរាប។ Emily នឹង​ដាក់​បង្ហាញនូវ​ការ​ថត​ទុក​សម្លេង​ជុំវិញ​ការ​សម្ភាសន៍​ផ្សេងៗ ខណៈ​ពេល​ដែល Sophal នឹង​បង្ហាញ​ពី​រូប​ថត​ផ្សេងៗដែលពាក់ព័ន្ធ។ សម្រាប់​កម្មវិធី​ល្ងាច​នេះ​ក៏មាន​ការ​ដាក់​បង្ហាញ​នូវ​គំនូរ​មិន​ផ្លូវ​ការ​អំឡុង​ពេល​សិក្សា ក៏ដូច​ជា​មាន​ការ​សួរ​និង​ឆ្លើយ​សំនួរ​ផ្សេងៗ។ ចាប់ពី​ម៉ោង ៦កន្លះ​ល្ងាច​ដល់​៨យប់​ នៅដំបូលផ្លូវ​លេខ ១១៩។ 

 

មាន​អ្វី​លើ​ឆាក​សម្ដែង?

 

កញ្ញា Sarawan នឹង​សម្ដែង​នៅ Java Cafe រាត្រី​នេះ ប្រសិន​ជា​អ្នក​មិនធ្លាប់​ដឹងពី​ប្រភេទ​តន្ដ្រី​របស់​នាង នាង​គឺ​ជា​តារា​ចម្រៀង​ដ៏​ស្រស់​ស្អាត​មួយ​រូប ដែល​នឹង​នាំ​មក​នូវ​ស្ទីល​បែប​ទស្សវត្ស​ទី​៦០​​ នៅ​កម្ពុជា។ ជាមួយ​នឹង​តន្ដ្រី​ផ្សេងៗពី​រាជនី​សម្លេង រស់ សេរីសុទ្ធា និង​ ប៉ែន​ រ៉ន។ នាង​នឹង​សម្ដែង​ក្នុង​កម្មវិធី​នេះ​ជាមួយ​នឹង​ហ្គីតា​បែប Acoustic ពី​លោក Joe Wrigley។ សំបុត្រទស្សនា​ឥតគិត​ថ្លៃ​ចាប់​ពី​ម៉ោង ៦ល្ងាច​នៅ Java Cafe ទួលគោក ផ្លូវ​លេខ ៣៣៧។ 

 

ក្រុម​​ចម្រៀង​ Indica Indie ផ្នែក​មួយ​នៃ​​ក្រុម​ចម្រៀង​ល្បី​នៅ​ភ្នំពេញ The Goldilocks Zone នឹង​សម្ដែងជា​លើ​ក​ដំបូង​នៅ Good Times Ba។ អីចឹង​ចាំ​អង្គាល់ សាក​ទៅ​ចូលរួម​ម្ដង​មើល៍​ថា​តើ​ក្រុម​នេះ​ខុស​ពី​ The Goldilocks Zone យ៉ាង​ម៉េចខ្លះ? ចាប់​ពី​ម៉ោង ១០​យប់​នៅ Good Times Bar ផ្លូវ​លេខ ១៩។

 

Sundown Social Club ជា​ទីតាំង​មួយ​នៅម្ដុំ​ទួល​ទំពូង​ដែល​ទទួល​​បាន​ការ​គាំទ្រ​ច្រើន ជាទីតាំង​ដែល​អាច​រីករាយ​នឹង​ទេសភាព​ស្រស់​ស្អាត​រៀងរាល់​ថ្ងៃ​លិច។ មិន​ត្រឹម​តែ​ប៉ុណ្ណោះ​ ពិសេសបំផុត​សម្រាប់​ល្ងាច​នេះ​ដែល DJ Pitch នឹង​ចាក់ភ្លេង​បែប funk, soul, disco និង hip hop ប្រៀប​ដូច​ជា​ឆ្នាំ ១៩៧៩ អីចឹង។ ជាមួយ​នឹង​ Happy Hour ចាប់​ពី​ម៉ោង​៥ដល់​៧​ល្ងាច កម្មវិធី​នេះ​ចាប់ផ្ដើម​ពី​ម៉ោង ៦កន្លះ​ល្ងាច​​ នៅ Sundown Social Club ផ្លូវលេខ​ ៤៤០។ ​   ​ 

 

Jazz-Manouche គឺ​ប្រភេទ​តន្ដ្រី​ហ្សាស​មួយ​ប្រភេទ ដែល​ល្បី​ល្បាញ​នៅ​ទស្សវត្ស​ទី៣០ ដោយ​អ្នក​លេង​ Banjo ល្បី​ឈ្មោះ​ Django Reinhardt។ អីចឹង​បើ​ចង់​ដឹង​ថា តន្ដ្រី​បែប​នោះ​តើ​មាន​រសជាតិ​យ៉ាង​ណា កុំភ្លេច​ទៅ Cloud ចាប់​ពី​ម៉ោង​៨កន្លះ​ដល់១១យប់​ ទីតាំង​តាមបណ្ដោយ​ផ្លូវលេខ​៩។

ថ្ងៃអាទិត្យ

 

មាន​អ្វី​ដាក់​បញ្ចាំង?

 

ថ្ងៃ​អាទិត្យ​សប្ដាហ៍​នេះ​គួរ​តែ​ចំណាយ​ពេល​ពេញ​មួយ​ថ្ងៃ​នៅ The Flicks ដើម្បី​មើល​កុន​ម្ដង​ហ្អី? ចាប់​ផ្ដ់ើម​ពី​ម៉ោង​ ១០ព្រឹក​ជាមួយ​ភាពយន្ត​បែប គំនូរជីវចល Missing Link បញ្ចូល​សម្លេង​ដោយ តារា​ហូលីវូដ​ល្បី​លោក Hugh Jackman និង​ភាពយន្ត​ឯកសារ និយាយ​អំពី​អ្នក​វិទ្យាសាស្រ្ត​ធ្វើ​ដំណើ​រទៅ​កាន់​ស្ថានព្រះច័ន្ទ Armstrong

 

បន្ទាប់​មកអាចជ្រើស​រើស​ទស្សនា​ភាពយន្តឯកសារ Generation Wealth និយាយ​រៀប​រាប់​ពី​ជន​ដែល​ អាច​ក្លាយ​ជា​អ្នក​មាន​ដោយ​ភាពជោគជ័យ​របស់​ខ្លួន​ប៉ុន្តែ​នៅ​តែមាន​ភាព​លំបាក​ក្នុង​ការ​ ធ្វើ​ឲ្យ​ការ​រស់​នៅ​របស់​ជីវិត​មាន​តម្លៃ។ ជីវិត​មួយ​ដែល​ពោរពេញ​ទៅ​ដោយ​សម្ភារៈនិយម​ ចុងក្រោយ​វា​នឹង​ក្លាយ​ជា​យ៉ាង​ណា? ប៉ុន្តែ​បើ​សិន​ជា​ចង់​ដឹង​ពី​រឿង​រ៉ាវ​ខ្លះ​ ពោរពេញ​ទៅ​ដោយ​អាថ៌កំបាំង​ជុំវិញ​ការបន្លំទិន្នន័យ​នៅ​ Cambridge ទស្សនាភាពយន្ត​ The Great Hack

 

ចំពោះ​ភាពយន្ត២ចុងក្រោយ​សម្រាប់​ជ្រើស​រើស​គឺ Trial by Fire សម្ដែង​ដោយ​ Laura Dern ជា​នារី​នៅ​រដ្ឋតិចសាស់​ ព្យាយាម​ជួយ​ជន​មួយ​រូប​ដែល​កំពុង​តែ​មាន​គ្រោះ​ដល់​ជីវិត។ ឬ​ក៏ភាពយន្ត​ដក់ស្រង់​ចេញ​ពី​ហេតុការណ៍ពិត សម្ដែង​ដោយ​តារា​សម្ដែង Chris Evans The Red Sea Diving Resort

 

ហើយ​ភាពយន្ត​ទាំង​អស់​នេះគឺ​ អាច​ទស្សនា​ក្នុង​តម្លៃ​តែ​៤ដុល្លារ​តែ​ប៉ុណ្ណោះ។ ម៉ោង​ដាក់​បញ្ចាំង​ពី​១០ព្រឹក​ដល់​ ៨និង​១៥នាទី​ល្ងាច​ នៅ​ The Flicks ផ្លូវ​លេខ ៩៥។

 

មានអ្វី​ទៀត?

បើ​សិន​ជា​អ្នក​មិន​ចង់នាំកូនតូចៗ ទៅ​មើល​រឿង​ទាំង​នោះ អាច​នាំ​ពួក​គេ​ទៅលេង​នៅ  Ministry of Cat សម្រាប់​កម្មវិធី​ពិសេសមួយ។ ក្នុង​តម្លៃ​តែ​៥ដុល្លារ កូនតូច​ៗ អាច​លេង​ជាមួយ​ឆ្មា​ និង​គូរគំនូរ​ជាមួយ​គ្នា។ ចាប់​ពី​ម៉ោង​៨កន្លះ​ព្រឹក​នៅ Ministry of Cat: Rescue Cat Cafe & Adoption Center ផ្លូវលេខ ៤៤២។

 

Continue Reading
You may also like...
Click to comment

Leave a Reply

More in ជំរើស​យើង

You Might Like…

អត្ថបទ​សំខាន់​​ និង​ កិច្ចស​ម្ភាសន៍​ផ្សេងៗ

ជួបជាមួយជើងខ្លាំងដែលអ្នកមិនធ្លាប់លឺពីមុនមក គឺអ្នកស្រី សយស្រស់

By ខែ​មិថុនា 15, 2020

Our Writers

Facebook

Take Me To…

To Top