Connect with us

ហេ៎! ចុង​សប្ដាហ៍​ហើយ តោះ​ទៅដើរលេង

មគ្គទេស​ចុង​សប្ដាហ៍

ហេ៎! ចុង​សប្ដាហ៍​ហើយ តោះ​ទៅដើរលេង

ហេ៎! ចុង​សប្ដាហ៍​ហើយ តោះ​ទៅដើរលេង

រាំ​កម្សាន្ត អាហារ និង​ ការ​សម្រាកចុងសប្ដាហ៍​ស្ដាប់​ភ្លេង​ ចុង​សប្ដាហ៍នេះ​គឺ​ពិត​ជា​សម្បូរបែប

ថ្ងៃសុក្រ

 

តន្ដ្រី

 

សម្រាប់​តន្ដ្រី​ថ្ងៃ​សុក្រ​ដំបូង​នៃ​ចុង​សប្ដាហ៍​នេះ​ ទៅ​កាន់ Farm to Table ដើម្បី​ទៅ​ទស្សនា​ The Red Accordion ដែល​ជាឈ្មោះ​ហៅ​របស់​ Chritian Hervé សម្រាប់​ការ​សម្ដែង​របស់​ខ្លួន។ លោក​នឹង​សម្ដែង​តន្ដ្រី​បែប ហ្សាស​ បែប​បារាំង និង​បែប Folk Essentials ផង​ដែរ។ ចាប់​ពី​ម៉ោង ៦កន្លះ​ដល់​ម៉ោង ៩កន្លះ​ល្ងាច​ នៅ​ Farm to Table ផ្លូវ​លេខ ៣៦០។

 

Bassac Lane នឹង​មាន​ការ​សម្ដែង​បែប​តន្ដ្រី​ Funk បែប​ទស្សវត្ស​ទី ៦០​ និង ៧០ ព្រម​ទាំង​តន្ដ្រី​គួរ​ឲ្យ​​រាំ​កម្សាន្ត​ពី​សំណាក់​ក្រុម​តន្ដ្រី​ Pocket Change ដែល​ Mirasol Aguila ជា​អ្នក​ចម្រៀង​សម្រាប់​ល្ងាច​នេះ។ ចាប់​ពី​ម៉ោង ៩យប់​ដល់​ពាក់​កណ្ដាល​អាធ្រាត្រ​នៅ បាសាក់ឡេន។

 

L.A.B ជា​ឈ្មោះ​ថ្មី​របស់ វីស្គី​បារ Bodleian នឹង​មាន​កម្មវិធីរាត្រី​ប្រគំតន្ដ្រី​ហ្សាស​ ជាមួយ​នឹង​អ្នក​ចម្រៀង​ Intan Andriana ចាប់​ដៃ​គូរ​ជាមួយ​អ្នក​លេង​ព្យ៉ាណូ​ James Atkitson សម្រាប់តន្ដ្រី​បែប Jazz ក្លាស៊ីក​ និង Jazz បែប​ទំនើប​ផង​ដែរ ហើយ​ក៏មាន​បន្ថែម​នូវ​តន្ដ្រី​ប៉ុប​សម័យ​ផង​ដែរ។ ចាប់​ពី​ម៉ោង ៨ល្ងាច​ដល់​ ១១យប់​នៅ L.A.B ផ្លូវ​លេខ ២៨៨។​​

 

The Sock Essentials ឈ្មោះ​ថ្មី​នៃ​ក្រុម​ចម្រៀង​បង្កើត​ដោយ Ariane Parkes និង Scott Bywater លេង​តន្ដ្រី​បែប ពេញ​និយម​ទូទាំង​ពិភពលោក​ ដោយ​ច្រៀង​ជា​៧ភាសា​ឯណោះ នៅ Cloud។ ចាប់​ពី​ម៉ោង ៨ដល់ ១១យប់​នៅ Cloud ផ្លូវ​លេខ ៩។ ​

 

កុនល្ខោន

 

របាំ​អប្សារា​ខ្មែរ​នឹង​ត្រូវ​គេ​យក​មក​សម្ដែង​នៅ Sra’Art សម្រាប់​កម្មវិធី​​បិទ​តាំង​ពិពរណ៌  “Apsaras and Legends of Cambodia”។ កម្មវិធី​ល្ងាច​នេះ​នឹង​មាន​ការ​សម្ដែង​របាំ​អប្សរា​ពីរឈុត​ និង​ការ​សម្ដែង​របាំ​ជូនពរ​ផង​ដែរ។ ចាប់​ពី​ម៉ោង ៦ដល់ ៩កន្លះ​យប់​នៅ Sra’Art ផ្លូវ​សុធារស។ 

 

កំប្លែង

 

បណ្ដា​អ្នក​កំប្លែង​បែប Stand Up នៅ​កម្ពុជា​ និង​ The Box Office រៀប​ចំ​កម្មវិធី​មួយ​អាច​ចូលរួម​ដោយ​ឥតគិត​ថ្លៃ និង​ដោយ​មាន​ការ​ចូលរួម​ទស្សនា​ពី​អ្នក​កំប្លែង​ Gabriel Villalobos មក​តាំង​ពី​រដ្ឋ​តិចសាស​សហរដ្ឋ​អាមេរិក​ ប៉ុន្តែ​រស់នៅ​ទីក្រុង Saigon លោក​បាន​​ទស្សនា​ទីក្រុង​ភ្នំពេញ​ ក៏ដូច​ជា​ពាំនាំ​នូវ​រឿង​កំប្លែង​អស់​សំណើច​មក​ជាមួយ​ផង​ដែរ។ ប្រធាន​បទ​លើក​យក​មក​សម្ដែង​មាន​ Sex, នយោបាយ​ និង​មនុស្សយន្ត។ ចាប់​ពី​ម៉ោង ៧កន្លះ​ដល់​ម៉ោង ៩កន្លះ​យប់​នៅ The Box Office ​ផ្លូវ​លេខ ២៤៤។ ​

 

រាំកម្សាន្ត

 

Sundown Social Club នឹង​មាន​ DJ ពិសេស​ម្រាប់​ចាក់ភ្លេងល្ងាច​នេះ​គឺ Frazer ពី What’s On ផ្ទាល់​តែ​ម្ដង​។ ក្នុង​នោះ​លោក​ក៏មាន​ចូលរួម​សម្ដែង​ពី DJ DafDafDaf ដែល​ពួក​គេ​នឹង​ចាក់​តន្ដ្រី​បែប Deep និង Funky House ពេញ​មួយ​ល្ងាច​នេះ​ ចាប់​ពី​ម៉ោង ៥​ដល់ ១១កន្លះ​យប់។ Sundown Social Club មាន​ទីតាំង​នៅ​តាម​បណ្ដោយ​ផ្លូវ​លេខ ៤៤០។​​

 

DJ និង Producer សញ្ជាតិ​​អូស្ត្រាលី Sean Oh នឹង​ចាក់​ភ្លេង​បែប House Melodic នៅ  Party Patio រាត្រី​នេះ​ដោយ​មាន​ការ​ចូលរួម​ដោយ​ DJ ប្រចាំ​ភ្នំពេញ​ Kaza ដែល​នឹង​ចាក់​តន្ដ្រី​បែប Techno។ ចាប់​ពី​ម៉ោង ៩យប់​ដល់ ១ ទៀប​ភ្លឺ​នៅ Party Patio ផ្លូវ​លេខ ៣០៨។

 

 

រីករាយ​ថ្ងៃ​កំណើត​ដល់ DJ iLLicita! Meta House នឹង​មានការ​ចាក់​​តន្ដ្រី​​បែប Deep House/Techno សម្រាប់​អបអរ​ដល់​ថ្ងៃ​កំណើត​ DJ ដោយ​នៅតែ​ផ្ដល់​ឱកាស​ឲ្យ​លោក​ចាក់​ភ្លេង​រាំកម្សាន្ត។ Beers មាន​តម្លៃ​តែ​ ១ដុល្លារ​ក្នុង​មួយ​កែវ​ ព្រមទាំង​មាន​ DJ ផ្សេង​ៗ​ទៀត​ចាក់​តន្ដ្រី​ប្ដូរ​វេនឲ្យរាំ​កម្សាន្ត​ផង​ដែរ។ ចាប់​ពី​ម៉ោង ៩ល្ងាច​ដល់ ២យប់​នៅ Meta House ផ្លូវ​លេខ ១៧៨។​ 

 

ភាពយន្ត

 

The Flick បាន​នាំ​យក​នូវ​បណ្ដា​ភាពយន្ត​ដែល​ត្រូវ​បាន​គេ​ដាក់​ឲ្យ​ដណ្ដើម​ពានរង្វាន់​អូស្ការ យក​មក​ដាក់​បញ្ចាំង​ ក្នុង​នោះ​ភាពយន្ត Harriet នឹង​ចាប់​ដាក់​បញ្ចាំង​ដំបូង​គេ​។ ភាពយន្ត​នេះ​និយាយ​អំពីជីវប្រវត្ត​របស់​លោកស្រី Harriet Tubman សញ្ជាតិអាហ្វ្រិក​អាមេរិកាំង​ ដែល​បាន​បម្រះ​ខ្លួន​ចេញពី​ទាសកម្ម​នៅ អាមេរិក​ខាង​ត្បូង​​ហើយ​ នៅ​តែ​ត្រលប់​ទៅ​វិញ​​ជា​ច្រើន​លើក​ច្រើន​សារ​ក្នុង​គោល​បំណង ជួយ​ដល់​ទាស​ករ​រាប់រយ​រូប​ ទៀត​ដើម្បី​ឲ្យ​មាន​សេរីភាព​ដូច​គ្នា។ ការ​កក់​សំបុត្រ​គឺ​ចាំ​បាច់​បើ​សិន​ជា​ចង់​ទស្សនា​ភាពយន្ត​នេះ។ ចាប់​ពី​ម៉ោង ២​រសៀល​នៅ The Flicks ផ្លូវ​លេខ ៩៥។   

 

អាហារ​និង​ភេសជ្ជៈ

 

ចង់​ដឹង​ថា​តើ​អាហារ​ពី Okinawa មាន​រសជាតិ​យ៉ាង​ម៉េច? Kaizoku Sakaba នឹង​មាន​កម្មវិធី​ញ៉ាំ​​ដោយឥតគិត​កំណត់​សម្រាប់ Tapas របស់ Okinawa ផ្ទាល់​និង​ស្រា​ សាកេ។ នំនេះ​គឺ​សម្បូរ​ទៅ​ដោយ សារ៉ាយ​និងសាច់​ជ្រូក​ ហើយ​ការ​ដាក់​ឲ្យ​ញ៉ាំ​នេះ​មាន​តម្លៃ ២៥ដុល្លារ​ម្នាក់ សម្រាប់​រយៈ​ពេល ២ម៉ោង​ ហើយ​គឺ​ ៥ដុល្លារ​ក្នុង​រយៈ​ពេល​កន្លះ​ម៉ោង​សម្រាប់​រយៈពេល​បន្ទាប់។ យក​ល្អ​អ្នក​គួរ​តែ​កក់​កន្លែង​ទុក​ជា​មុន ដោយ​នឹង​ទទួល​បាន​ Orion Beer មួយ​កែវផ​ង​ដែរ​ បើ​សិន​ជា​អ្នក​កក់​កន្លែង។ ចាប់​ពី​ម៉ោង ៧ដល់​១១យប់​នៅ Kaizoku Sakaba ផ្លូវ​លេខ ៦៣។​​

 

Tomoka Cocktail Company រៀប​ចំកម្មវិធី​មួយ​រំឭកដល់​សហរដ្ឋ​អាមេរិក​ ដែល​ធ្លាប់​ដាក់​បម្រាម​មិន​ឲ្យ​សេព​គ្រឿង​ស្រវឹង​ខួប​គម្រប់​ ១០០ឆ្នាំ​។ ដូច្នេះ​ពួក​គេ​នឹង​មាន​ស្រា​ជា​ច្រ់ន​ប្រភេទដាក់លក់ ព្រម​ទាំង​ស្រាក្រឡុក​ផង​ដែរ។  សម្រាប់​ឱកាស​នេះ​ នៅ​ទី​​នោះ​នឹង​មាន​ដាក់​បម្រើ​ Menu បែប​ទស្សវត្ស​ឆ្នាំ ១៩២០ ធានា​ថា​ដឹង​តែ​ប្លែក​អារម្មណ៍។ ចាប់​ពី​ម៉ោង ៦ល្ងាចដល់​ ១យប់​នៅ Tomoka Cocktail Company ផ្លូវ​លេខ ៧៥។  

 

មាន​អ្វី​ទៀត?

 

នេះ​គឺ​ជា​សប្ដាហ៍​ចុង​ក្រោយ​សម្រាប់​ការ​ដាក់​លក់​សៀវភៅ​ពិសេស the Big Bad Wolf Book Sale មាន​នៅ​ទីក្រុង​ភ្នំពេញ​ផ្ទាល់​តែ​ម្ដង។ ការ​ដាក់​លក់​នេះ​មាន​ទាំង​សៀវភៅ​ខ្មែរ​និង​អង់គ្លេស​ក្នុង​តម្លៃ​ពិសេស​។ ការ​ដាក់​លក់​ពិសេស​នេះ​ នឹង​បន្ត​រហូត​ដល់​ថ្ងៃ​ច័ន្ទទី ២០ខែ​មករា។ ចាប់​ពី​ម៉ោង ៩ព្រឹក​ដល់​ពាក់​កណ្ដាល​អាធ្រាត្រ​នៅ ផ្សាររុងរឿង។ 

 

The History of Things to Come Vintage Clothing បាន​រៀប​ចំកម្មវិធី​ដាក់លក់ពិសេស​មួយ​នៅ សណ្ឋាគារ Penh House & Jungle Addition Hotel ពេញ​មួយ​ចុង​សប្ដាហ៍។ ដាក់​លក់​សម្លៀក​បំពាក់​ទាំង​ភេទ​ស្រី​និង​ភេទ​ប្រុស​ ពី Edwardian Era ប្រមាណ​ជា​១០០ឆ្នាំ​មុន​។ ការដាក់​លក់​នេះ​គឺ​ជា​ការ​ដាក់​លក់​លាង​ឃ្លាំង អីចឹង​ទំនិញ​អាច​មាន​តម្លៃ​ថោក។ ចាប់​ពី​ម៉ោង ១០ ព្រឹក​ដល់ ៨យប់​ពី​ថ្ងៃ​សុក្រ​ដល់​ថ្ងៃ​អាទិត្យ​នៅ Penh House & Jungle Addition Hotel ផ្លូវ​លេខ ២៤០។   ​

 

ក្រុមល្ខោន Phnom Penh Players នឹង​មាន​ការ​ដាក់​សម្ដែង​នូវ​រឿង​ថ្មី ដូច្នេះ​ហើយ​ពួក​គេ​បាន​ដាក់​ឲ្យ​មាន​នូវ​ Audition ថ្មី​ដើម្បី​ជ្រើ​សរើស​តួស​ម្ដែង​ថ្មី​សាក​សម​ ដើម្បី​ចូល​រួម​សម្ដែង​ទោះ​បី​ជាមាន​បទ​ពិសោធន៍​ក្នុង​ការ​សម្ដែង ឬ​មិន​មាន​បទ​ពិសោធន៍​ក៏ដោយ។ ចាប់​ពី​ម៉ោង ៥ល្ងាច​​ថ្ងៃ​សុក្រ និង​ចាប់​ពី​ម៉ោង ២រសៀល​នៅ​ថ្ងៃ​សៅរ៍​និង​អាទិត្យ​នៅ 3 Mangos ផ្លូវ​លេខ ៣៦០។​​

ថ្ងៃ​សៅរ៍

 

ចម្រៀង

 

ក្រុម​ចម្រៀង The Havana Kings នឹង​នាំ​យក​នូវ​តន្ដ្រី​ពិសេស​និង​ការ​សម្ដែង​ដ៏សិចស៊ី​របស់​ពួក​គេ ទៅ​កាន់ Alchemy ដើម្បី​ឲ្យ​អ្នក​ទស្សនា​ចូលរួម​រាំ​កម្សាន្ត និង​លំហែ​អារម្មណ៍​សម្រាប់​រាត្រី​ថ្ងៃ​សៅរ៍។ ចាប់​ពី​ម៉ោង ៧កន្លះ​ដល់ ១០កន្លះ​នៅ Alchemy GastroPub ផ្លូវ​លេខ ១២៣។​

 

រាំកម្សាន្ត

 

ចង់​ជប់លៀង​ដូច​ទស្សវត្ស​ឆ្នាំ ១៩២០? អីចឹង​កុំភ្លេច​ទៅ​កាន់ Cloud ដែល​ពួក​គេ​នឹង​មាន​កម្មវិធី​ជប់​លៀង​រាំកម្សាន្ត​បែប​ទស្សវត្ស​ទី ២០។ ជាមួយ​នឹង​ការ​ស្លៀក​ពាក់​ពិសេស​ស្រប​តាមសម័យ​កាល​នោះ។ ចាប់​ពី​ម៉ោង ៨ដល់ ១១យប់​នៅ Cloud ផ្លូវ​លេខ ៩។  

 

សម្រាប់​តន្ដ្រី​បែប Funk, House និង Nu-Disco នឹង​បង្ហាញ​ខ្លួន​ល្ងាច​នេះ​នៅ The Garden at Bassac ជាមួយ​ DJs Kenny Chase និង Jonah Wood។ ដើម្បី​អបអរ​ជា​ពិសេស​សម្រាប់​កម្មវិធី​នេះ​ The Garden នឹង​មាន​ដាក់​លក់ ២ ថែម​មួយ​សម្រាប់ Gin and Tonics ឬ Rum and Cokes។ ចាប់​ពី​ម៉ោង ៨ដល់ ១១យប់​នៅ The Garden at Bassc ផ្លូវ​លេខ ៣០៨។

 

DJ Sir Bongalot ប្រចាំ​ Space Four Zero នឹង​ចាក់​តន្ដ្រី​ខ្មែរ​រ៉ុក​សម័យ​ទស្សវត្ស​ឆ្នាំ ១៩៦០ ព្រមទាំង​តន្ដ្រី​ខ្មែរ​បែប Psychedelica សម្រាប់់​ថ្ងៃ​នេះ​នៅ Long After Dark។ មិនត្រឹម​តែ​ចាក់​ចម្រៀង​ចេញពី​ថាស​ប៉ុណ្ណោះ​ទេ លោក​ក៏មាន​ដាក់​លក់​របស់​របរ​ខ្លះៗ ចេញ​ពី​ Vinyl Collection របស់លោក​ផង​ដែរ។ បើសិន​ជា​ចង់​បាន​ថាស​ចម្រៀង​ខ្មែរ​ជំនាន់​ចាស់​ៗ កុំភ្លេច​ទៅ​កាន់​ Long After Dark ចាប់​ពី​ម៉ោង ៨ល្ងាច​ដល់​ម៉ោង​ទៀប​ភ្លឺ​ ទីតាំង​នៅ​តាម​បណ្ដោយ​ផ្លូវ​លេខ ៤៥០។ ​

 

Ege Bar នឹង​មាន​កម្មវិធី​ចាក់ភ្លេង​រាំ​កម្សាន្ត​បែប Breakbeat/Jungle/Drum ‘n’ Bass ពេញ​មួយ​រាត្រី​ ដោយ​មាន​ DJ Shagyz ជា​អ្នក​រ៉ាប់​រ៉ង​ក្នុង​ការ​ចាក់​ភ្លេង​រាំកម្សាន្ត។ ចាប់​ពី​ម៉ោង ៩យប់​ដល់ ២ទៀបភ្លឺ​នៅ Ege Bar ផ្លូវ​លេខ ៤៦០។  

 

DJs Shadows of Space និង DALAH នឹង​ត្រលប់​មក​វិញ​ដើម្បី​នាំ​យក​នូវ​តន្ដ្រី​បែប Tech House និង NeuDrop Collective សម្រាប់​រាំ​កម្សាន្ត​រាត្រី​នេះ​នៅ Party Patio។ ចាប់​ពី​ម៉ោង ៩យប់​ដល់ ១ ទៀបភ្លឺ​នៅ Party Patio ផ្លូវ​លេខ ៣០៨។ ​ 

 

ភាពយន្ត

 

 

Let’s do the time warp again! នៅ The Box Office នឹង​ដាក់​បញ្ចាំងភាពយន្ត​បែប Musical ដ៏ល្បី​គឺ Rocky Horror Picture Show ដែល​បាន​បញ្ចេញ​តាំង​ពី​ទស្សវត្ស​ទី ៧០។ ភាពយន្ត​នេះ​មាន​ពោរពេញ​ទៅ​ដោយ Soundtrack សុទ្ធ​តែ​បទ​ចម្រៀង​ពីរោះៗ ធ្វើ​ឲ្យ​អ្នកទស្សនា​ចង់​តែ​រាំ​និង​ច្រៀង​តាម។ ចាប់​ពី​ម៉ោង ៥ ដល់ ១១ យប់​ តម្លៃ​ចូលរួម​គឺ​ឥតគិត​ថ្លៃ ប៉ុន្តែ​បើ​កក់កន្លែង​ទុក​មុន​គឺ​ពិត​ជា​ល្អ។ The Box Office មាន​ទីតាំង​នៅ​តាម​ផ្លូវ​ ២៤៤។ 

 

មាន​អ្វី​ទៀត?

 

 

ខណៈពេល​ដែល​ថ្មីៗនេះ​នៅ អូស្រ្តាលី​ ទើប​តែ​មាន​គ្រោះ​ភ្លើង​ឆេះ​ព្រៃ​ យ៉ាង​ខ្លាំង​សន្ធោរសន្ធៅ ដូច្នេះ​ទើប​ Sundown Social Club នឹង​មាន​កម្មវិធី​ជប់​លៀង​រៃ​អង្គាស​ប្រាក់​ក្នុង​កម្មវិធី Save ‘Straya raffle and cocktail party ល្ងាច​ថ្ងៃ​សៅរ៍​នេះ។ ចាប់​ពី​ម៉ោង ៤ ដល់ ១០​ នៅ Sundown Social Club ផ្លូវ​លេខ ៤៤០។

 

អាហារ​និងភេសជ្ជៈ

 

Whipped Bakery and Treehouse Cafe បាន​រៀប​ចំ​កម្មវិធី​ Pop Up ដាក់លក់​មួយ​នៅ Ginger & Grace សម្រាប់​អ្នក​ដែលចូលចិត្ត​​នំ​ដូណាត់ នំខេក ឃុគឃី Cinnamon និង​ កាហ្វេ​ជា​ដើម។ ចាប់​ពី​ម៉ោង ២ ដល់ ៤ រសៀល​នៅ Ginger & Grace ផ្លូវលេខ ១៣៥។

 

ស្រាសាកេ​ និង​អាហារ​សម្រន់​នឹង​ដាក់​ឲ្យ​ញ៉ាំ​ឥត​កំណត់​ សម្រាប់​អបអរឱកាស​កម្មវិធី Kagami-Biraki។ The View Serviced Residence នឹង​រៀប​ចំកម្មវិធីនេះ ដោយ​ដាក់​លក់​សំបុត្រ​ចូលរួម​តម្លៃ​ ២០ដុល្លារ​សម្រាប់ពីរនាក់ ហើយ​៥ដុល្លារ​បន្ថែម​ទៀត​បើសិន​ជា​អ្នក​នាំ​យក​គ្នា​មក​ម្នាក់​ទៀត។ ចាំ​បាច់​អ្នក​ត្រូវ​តែ​កក់​កន្លែង​ទុកជា​មុនសិន ចាប់​ពី​ម៉ោង ៦ដល់៨យប់​នៅ The View Serviced Residence ផ្លូវ​លេខ ៣៧០។​​ ​   

 

 

ថ្ងៃ​អាទិត្យ

 

តន្ដ្រី

 

 

The Piano Shop និង The Plantation Urban Resort បាន​រួម​ដៃ​គ្នា​រៀប​ចំកម្មវិធី​មួយ​ដែ​ល​នាំ​យក​នូវ​តន្ដ្រី​ ដោយ​បានការ​ចូលរួម​ពី​សំណាក់​អ្នក​លេង​ព្យ៉ាណូ​សញ្ជាតិ​បារាំង​ល្បី​ឈ្មោះ​ Etienne Chenevier។ កម្មវិធី​នេះ​នឹង​ដាក់​​​បង្ហាញ​នៅ សួនច្បារ​ខាង​ក្រៅ​នៃ​សណ្ឋាគារ​ ដោយ​មាន​តម្លៃ​សំបុត្រ​ចូលរួម​ ១០ដុល្លារ​សម្រាប់​មនុស្ស​ធំ និង ៣ដុល្លារ​សម្រាប់​សិស្ស​ឬ​ក្មេង​តូច​។ ចាប់​ពី​ម៉ោង ៨ដល់ ៩កន្លះ​យប់​ នៅ The Plantation Urban Resort ផ្លូវ​លេខ ១៨៤។

 

ក្រុម​ចម្រៀង​ The Goldilocks Zone ដែល​មាន​សមាជិក​៥រូប​ មក​ពី​ទីតាំង​ផ្សេងៗជុំវិញ​ពិភពលោក​ បាន​​ចាត់​ទុក​ទីក្រុង​ភ្នំពេញ​ថា​ជា​ទីលំនៅ​របស់​ពួក​គេ​។ ល្ងាច​នេះ Goldilocks Zone នឹង​សម្ដែង​នៅ Meta House សម្រាប់​តន្ដ្រី​បែប Acoustic, Original Sessions។ តម្លៃ​សំបុត្រ​ចូលរួម​គឺ ៤ដុល្លារ​សម្រាប់​អ្នក​ទិញ​ទុក​មុន និង ៧ដុល្លារ​នៅ​ច្រក​ចូល។ ចាប់​ពី​ម៉ោង ៤ដល់​៥រសៀល​នៅ Meta House ផ្លូវ​លេខ ១៧៨។ 

 

ប្រទេស​កម្ពុជា​កាល​ពី​ទស្សវត្ស​ឆ្នាំ ៦០ ត្រូវ​បាន​ល្បី​រន្ទឺ​ចំពោះ​តារា​ចម្រៀង​ ស៊ិន ស៊ីសាមុត​ និង​ រស់ សេរីសុទ្ធា​ ព្រម​ទាំង​តារា​ចម្រៀង​និង​ក្រុម​ចម្រៀង​ជា​ច្រើន​ទៀត​ល្បិ​ទូទាំង​ប្រទេស​ បាន​ផលិត​តន្ដ្រី​ពីរោះ​ៗ​ជា​ច្រើន។ ​​Oscar’s on the Corner នឹង​នាំ​យក​ទស្សនីយភាព​នេះ​ត្រលប់​មក​​វិញ​ ជាមួយ​នឹង​កម្មវិធី​ចំណង​ជើង​ថា “K’n’E” (R’n’R) អក្សរ​កាត់​សម្រាប់ Khmer and English Rock and Roll។ ចាប់​ពី​ម៉ោង ១០ យប់​ដល់ ១ ទៀបភ្លឺ​នៅ Oscar’s on the Corner កែងផ្លូវ​លេខ ១៣ និង ១០៤។​

 

ភាពយន្ត

 

 

ស៊េរី​ភាពយន្ត​ដ៏ល្បី​មួយ​របស់​លោក Will Smith គឺ Bad Boys បាន​ត្រលប់​មក​វិញ​ជាមួយ​នឹង​ចំណង​ជើង​ថា ​​​Bad Boys For Life។ សម្បូរ​ទៅ​ដោយ​ឈុត​ឆាក វាយ​តប់​ បាញ់​ប្រហារ​ និង​បើ​ក​ឡាន​ប្រដេញ​ជា​ដើម​ អ្នក​មិន​គួរ​រំលង​ភាពយន្ត​បែប Action នេះ​ទេ​។ ចាប់​ដាក់​បញ្ចាំង​ថ្ងៃ​អាទិត្យ​នេះ​នៅ​តាម​បណ្ដា​រោង​កុន​ នានា​ នៅ​ទីក្រុង​ភ្នំពេញ។​ 

 

 

 

 

រាំកម្សាន្ត

 

បើ​សិនជា​អ្នក​ចង់​រាំ​កម្សាន្ត​បែប Chill និង​មាន​លក្ខណៈជា Ibiza មក​កាន់ The Balé ដែល​នឹង​នាំ​យក​មក​នូវ​តន្ដ្រី​បែប​ពិសេស​ ពី DJs Alex Ferrer និង Juluis ប្រៀប​ដូច​ជា​អ្នក​កំពុង​តែ​ជប់​លៀង​នៅ​ប្រទេស​អេស្ប៉ាញ។ ចាប់​ពី​ម៉ោង ២ ដល់ ៨​យប់​នៅ​ The Balé ផ្លូវ​ជាតិ​លេខ 6A។

 

Tuff Bass Collective កំពុង​តែមាន​បេសកម្ម​មួយ​ដើម្បី នាំ​យក​នូវ​តន្ដ្រី​បែប Bass មក​កាន់​ទីក្រុង​ភ្នំពេញ​។ ចាប់​ផ្ដើម​លើក​ដំបូង​ជា​មួយ​នឹង​ Sessions ថ្ងៃ​អាទិត្យ​នៅ The Eighty8។  កម្មវិធី​លើក​ទី​ពីរ​នេះ នឹង​មាន​ DJs ដល់​ទៅ​បី​រូប​ចូលរួម​គឺ Airfix Twin, Gorimaa និង Prof. Kinski ចាក់​តន្ដ្រី​បែប ska, reggae, world និងdub។ ចាប់​ពី​ម៉ោង ២ ដល់ ១០ យប់​នៅ The Eighty8 ផ្លូវ​លេខ​ ៨៨។     ​

 

អាហារនិង​ភេសជ្ជៈ

 

Penh House នឹង​មាន​កម្មវិធី Bagel brunch សម្រាប់​អ្នក​ដែល​ចូល​ចិត្ត​ Bagel។ ជាមួយ​នឹង​ Toppings ពិសេស​ៗ សម្រាប់​អ្នក​ចូល​ចិត្ត​ញ៉ាំ​សាច់ ហើយ​ក៏មាន​ជម្រើសស​ម្រាប់​អ្នក​អត់​ញ៉ាំ​សាច់​ផង​ដែរ។ ចាប់​ពី​ម៉ោង ១១ព្រឹក​ដល់ ៣ រសៀល​នៅ Penh House and Jungle Addition Hotel ផ្លូវ​លេខ ២៤០។

 

មាន​អ្វី​ទៀត?

 

កម្មវិធី​ Phnom Penh Fem Fest ប្រចាំ​ឆ្នាំ​បាន​ត្រលប់​មកវិញ​សម្រាប់​ឆ្នាំ​នេះ ដោយ​នឹង​មានកម្មវិធី​សប្បាយៗ ជា​ច្រើន​ដើម្បី​ចូលរួម។ តាំង​ពី​ការ​ទស្សនា​ភាពយន្ត​ ជប់​លៀង​ និង Workshop កុំភ្លេច​ទៅ​កាន់ KBach Arts ដើម្បី​ឲ្យ​ដឹង​កាន់​តែ​ច្បាស់ ដោយ​នៅ​ទី​នោះ​នឹង​មាន​ដាក់​អាហារ​សម្រន់​ខ្លះ​ៗ និង​ភេសជ្ជៈ​ឲ្យ​ញ៉ាំ​ផង​ដែរ ចាប់​ពី​ម៉ោង ៣ដល់ ៤​រសៀល​នៅ The Factory ផ្លូវ​ជាតិ​លេខ ២។   

 

Continue Reading
You may also like...
Click to comment

Leave a Reply

More in មគ្គទេស​ចុង​សប្ដាហ៍

You Might Like…

អត្ថបទ​សំខាន់​​ និង​ កិច្ចស​ម្ភាសន៍​ផ្សេងៗ

ជួបជាមួយជើងខ្លាំងដែលអ្នកមិនធ្លាប់លឺពីមុនមក គឺអ្នកស្រី សយស្រស់

By ខែ​មិថុនា 15, 2020

Our Writers

Facebook

Take Me To…

To Top