Connect with us

អុញ​នោះ! ចុង​សប្ដាហ៍បុណ្យ​ហាឡូវីន​មក​ដល់​បាត់

មគ្គទេស​ចុង​សប្ដាហ៍

អុញ​នោះ! ចុង​សប្ដាហ៍បុណ្យ​ហាឡូវីន​មក​ដល់​បាត់

អុញ​នោះ! ចុង​សប្ដាហ៍បុណ្យ​ហាឡូវីន​មក​ដល់​បាត់

ចាក​ចេញពី​តុ​ធ្វើការ​ ហើយ​ស្លៀកឈុត​ស្អាតៗប្លែកៗ ដើរលេង​បុណ្យហាឡូវីន​ម្ដង​ហ្អី? ​

ថ្ងៃសុក្រ

 

មាន​អ្វី​នៅ​ថ្ងៃហាឡូវីន?

 

តាមពិត​ទៅ​ថ្ងៃពិត​ប្រាកដ​នៃ​កម្មវិធី​ហាឡូវីនគឺ​តាំង​ពី​ម្សិលមិញ​មក​ម្ល៉េះ ប៉ុន្តែ​ដោយ​សារ​តែ​ត្រូវ​ពេលចុង​សប្ដាហ៍​បែប​នេះ​ កម្មវិធី​ដ៏ធំ​មួយ​នឹង​ធ្វើ​ឡើង​នៅតាម​បណ្ដោយ​ផ្លូវ​លេខ ៣០៨ បាសាក់​លេន ឈ្មោះ​ថា  ​Halloween block party។ កម្មវិធី​នេះ​នឹង​មាន​​ការ​សម្ដែង​ពី​ក្រុម​ចម្រៀងដល់​ទៅ ៥ក្រុម​ DJ ចំនួន​២ ទីតាំង​ដាក់លក់អាហារ​​ និង​​ព្រមទាំង​ស្រាបៀរ​ Sigha ជា​ច្រើន។​

 

បើ​ចង់​ដឹង​ឲ្យ​ច្បាស់​ពី​កម្មវិធី​ជប់​លៀង ហាឡូវីន​ ទាំង​ស្រុង​នៅ​ទី​ក្រុង ចូល​មើល​ទៅ​តាម​តំនរ​ នេះ។

មាន​អ្វី​លើ​ឆាក​សម្ដែង?

 

Bodleian នឹង​រៀប​ចំ​កម្មវិធី​ជប់លៀង​ប្រចាំ​ឆ្នាំ​ Angels and Demons ដែល​នេះ​គឺ​ជា​លើក​ទី​២ហើយ។ មើល​ទៅ​វា​មិន​ជា​កម្មវិធី​ទាកទង​នឹង​ហាឡូវីន​ប៉ុន្មាន​ទេ ប៉ុន្តែ​តម្រូវ​ឲ្យ​អ្នក​ចូលរួម​ស្លៀក​ពាក់ ឲ្យ​ដូច​ជា​មក​ពី​នរក​ឬ​ស្ថានសួហ៍ គួរតែ​តែង​ខ្លួន​យ៉ាង​ណា​គឺ​ជា​ជម្រើស​របស់​អ្នក។ ជាមួ​យនឹង​ការ​សម្ដែង​ពី Intan, Phil និង Antt ព្រមទាំង​ចាក់​ភ្លេង​កំដរពី DJ Sound Advice ផងដែរ។ ចាប់​ពី​ម៉ោង ៩យប់​ដល់​ ១ទៀបភ្លឺនៅ Bodleian ផ្លូវ​លេខ ២៨៨។ ​​​​

 

ប្រសិន​ជា​អ្នក​មិន​ចង់​ចូលរួម​កម្មវិធី​ជប់​លៀង​បែប​ហាឡូវីន​ច្រើន​ពេក នេះ​ជា​កម្មវិធី​សិល្បៈ​ចម្រៀង​ខ្លះ ទូទាំង​ទីក្រុង។

 

អ្នក​ជំនាញ​លេង​ព្យ៉ាណូ Metta Legita និង​អ្នក​ជំនាញ​ហ្គីតា Stan Paleco នឹង​សម្ដែង​តន្ដ្រី​បែប ហ្សាស Acoustic រាត្រី​នេះ​នៅ  Farm to Table។ ខណៈ​នោះ​ដែរអ្នក​ទាំង​ពីរ បង្ហើប​ពី​តិច​និច​នៃ​ការ​សម្ដែង​ថា​ ពួក​គេ​នឹង​មាន​ការ​កែច្នៃ​ប្រឌិត​បន្តិច​នៃ​តន្ដ្រី​ប៉ុន្តែ មិន​ឲ្យ​មាន​ការបាត់​បង់​នៃ​លក្ខណៈ​ពិសេស​នៃ​ចម្រៀង​ដើម​ឡើយ។ ចាប់​ពីម៉ោង ៦កន្លះ​ដល់ ៩កន្លះ​យប់​នៅ Farm to Table ផ្លូវ​លេខ ៣៦០។

 

ក្នុង​ផ្នែក​មួយ​នៃ កម្មវិធី​ Phnom Penh Classical Music Festival ពេញ​មួយ​ចុង​សប្ដាហ៍​ សណ្ឋាគារ Raffles នឹង​រៀប​ចំ​កម្មវិធី​សម្ដែង​មួយ​ពិសេស​ពី​ ក្រុម​តន្ដ្រី​មក​ពី​ទីក្រុង​បាងកក ជំនាញ​គ្រឿង​ភ្លេង​ វីយូឡុង​ និង​ព្យ៉ាណូ។​ ពួក​គេ​នឹងសម្ដែង​សិល្បៈ​ពី​ទស្សវត្ស​ទី ១៩ របស់​អ្នក​ជំនាញ​ព្យ៉ាណូ​អាល្លឺម៉ង់ Clara Schumann និពន្ធ​ជាមួយ​ស្វាមី​របស់​នាង​លោក Robert។ សម្រាប់​វិបសាយ​សណ្ឋាគារ​នេះ​​ បាន​បង្ហាញ​ថា​ការ​សម្ដែង​នេះ​តម្រូវ​ឲ្យ​ចូលរួម​តែ​អ្នក​ស្នាក់​នៅ ប៉ុន្តែ​យើង​សង្ឃឹម​ថា​ អ្នក​រៀប​ចំ​កម្មវិធី​នឹង​មាន​ដាក់​លក់​សំបុត្រ​សម្រាប់​អ្នក​រស់​នៅ​ក្នុង​ក្រុងភ្នំពេញ​ឲ្យ​ចូលរួម​ផង​ដែរ។ ចាប់​ពី​ម៉ោង​ ៧យប់​ទៅ​នៅ Raffles Hotel Le Royak ផ្លូវ​លេខ ៩២។ 

 ​

ការ​សម្ដែង​ផ្ទាល់​នៃ​ផ្ទាំង​ទស្សនីយភាព​ Madame Butterfly ពី Puccini នឹ​ង​ចាប់សម្ដែង​នៅ Aeon Mall Sen Sok ពេញ​មួយ​ចុង​សប្ដាហ៍​នេះ។ ឧបត្ថម្ភដោយសមាគម​សិល្បៈ​ជប៉ុន​និង​កម្ពុជា​ អ្នក​សម្ដែង​សញ្ជាតិ​ជប៉ុន៥រូប នឹង​សម្ដែង​ប្រាប់​សាច់រឿង​ដែល​គួរ​ឲ្យ​កម្សត់​​ និង​គ្រាំបេះដូង។ ការ​សម្ដែង​នេះ​ក៏មាន​ប្រែ​សម្រួល​ជា​ភាសា​ខ្មែរ​ផង​ដែរ​។ សំបុត្រ​ចូលរួម​គឺ​មាន​តម្លៃ ២០ទៅ៥០ដុល្លារ​សម្រាប់​អ្នក​ទិញ​ទុក​មុន និង ៣០ទៅ ៧០ដុល្លារ​នៅ​ច្រក​ចូល​ សម្រាប់​សិស្ស​និស្សិត​ដែល​មាន​កាតសម្គាល់ ID អាច​ទិញ​ក្នុង​តម្លៃ​តែ ៥ដុល្លារ។​​ ចាប់​ពី​ម៉ោង ៣ល្ងាចថ្ងៃ​សុក្រ សៅរ៍​និង​អាទិត្យ​នៅ Aeon Mall Sen Sok ផ្លូវ​លេខ ១០០៣។ 

 

ចំពោះ​ការ​សម្ដែង​មួយ​ទៀត​ គឺ​មាន​លក្ខណៈ​ប្លែក​បន្តិច​គឺ​ជា​ការ​សម្ដែង​បែប​កំប្លែង​វិញ​ម្ដង​។ ​នៅ​ The Box Office នឹង​មាន​ការ​សម្ដែង​បែប Stand Up Comedy និយាយ​អំពីអ្នក​សម្ដែង​រឿង​អាសអាភាស  male pornographic actor Ron Jeremy។ វាពិត​ជា​គួរ​ឲ្យ​ចាប់​អារម្មណ៍​ដោយសារ តែ​តួអង្គ​រឿង​អាសអាភាស​រូបនេះក៏ធ្លាប់​ជា​អ្នក​ និយាយ​រឿង​កំប្លែង​ Stand Up Comedy ផងដែរ។ សម្រាប់​សាច​រឿង​ ​Ron Jeremy: The Musical នេះ​នឹង​មាន​ចូលរួម​សម្ដែង​ពី​តារាកំប្លែង​ដល់ទៅ ៤នាក់ឯណោះ។ ចាប់​ពី​ម៉ោង ៧កន្លះ​ដល់​១០កន្លះ​ នៅ The Box Office ផ្លូវ​លេខ ២៤៤។​

 

មានអ្វីទៀត?

 

យក​ក្បាច់​រាំ Salsa របស់​អ្នក​ទៅ​កាន់ Hey Hey បារ​នៅ​ទីតាំង​ Toul Tompoung Lane នេះ​នឹង​មាន​អ្នក​បង្រៀន​រាំ Lisbet ដើម្បីជួយ​អ្នក​រៀន​រាំ​ក្បាច់​ពិសេស​ៗ មិន​ត្រឹម​តែ​ Salsa ប៉ុណ្ណោះ​ទេ ប៉ុន្តែ​ក៏មាន​ចង្វាក់ផ្សេងៗទៀតដូច​ជា Mambo, Merengue, Rumba, Bachata, Bomba និង Plena។ ចាប់​ពី​ម៉ោង ៩ដល់ ១១យប់​ នៅ Hey Hey ផ្លូវ​លេខ ១៥៥។ 

 

មានអ្វី​នៅ​យប់​ជ្រៅ?

 

នៅ​ឯ Reggae Rooftop ឯណោះវិញ​ក៏នឹង​មាន​កម្មវិធី​ជប់លៀង​ហាឡូវីន​របស់ Cubik ក៏ដូច​ជា​កម្មវិធី​ជប់​លៀង​លា DJ Sushi ដែល​នេះ​គឺ​ជា​ការ​សម្ដែង​ចុងក្រោយ​របស់​លោក​នៅ​ក្រុង​ភ្នំពេញ។ ចូលរួម​ចាក់ភ្លេង​ក្នុង​កម្មវិធី​នេះ ក៏មាន​ DJ ដល់​ទៅ​៤រូប​ទៀត​បន្ថែម​ បន្ទាប់​ពី​នេះ​​លោក​នឹង​ធ្វើ​ដំណើរ​ទៅ​កាន់​ប្រទេស​ថៃ​​។ ចាប់​ពី​ម៉ោង ១០យប់​ដល់​ ៤ទៀប​ភ្លឺ​នៅ Reggae Rooftop ផ្លូវ​ ១៧២។

 

Meta House 3.0 នឹង​មានកម្មវិធី​រាំ​កម្សាន្ត​ដោយ​ឥតគិត​ថ្លៃ ជាមួយ​នឹង​ DJ KRPK និង Dufte មក​ពី​ប្រទេស​អាល្លឺម៉ង់។ រួម​ជាមួយ​នឹង​ DJ ប្រចាំ​ក្រុង​ Marcus Ill, Nick E, និង Sao Sopheak។ DJ ដល់​ទៅ​៥រូប​ នឹង​ដាក់​វេន​គ្នា​បង្វិល​ឌីស​ ជាមួយ​នឹង​ស្រាបៀរដ្រាវតម្លៃតែ ១ដុល្លារ​ប៉ុណ្ណោះ អីចឹង​ចាំ​អង្គាល់? ចាប់​ពី​ម៉ោង ៨ល្ងាច​ដល់ ៣ទៀបភ្លឺ​នៅ Meta House ផ្លូវ​លេខ ១៧៨។ 

 

មាន​អ្វី​ដាក់​បញ្ចាំង?

 

ក្នុង​ឱកាស​បុណ្យ​ហាឡូវីន​នេះ​ដែរ​ មាន​ភាពយន្ត​ខ្មែរ​មួយ​នឹង​ចាប់​ដាក់​បញ្ចាំង​ចុង​សប្ដាហ៍​នេះ​ ចំណង​ជើង​ថា កែវភ្នែកដាស់វិញ្ញាណ 3។ Risa គឺ​ជា​ស្ដ្រី​មួយ​រូប​ដែល​មាន​ទំនាក់ទំនង​ជាមួយ​ខ្មោច ដោយ​នាង​អាច​មើល​ឃើញ​ពួក​វា ខណៈ​អ្នក​ដទៃ​មិន​អាច​។ ទោះ​ជា​យ៉ាង​ណា​ក៏ដោយ នាង​ចង់​ត្រលប់​មក​រស់​ជា​ជនធម្មតា​សមញ្ញម្នាក់​ និង​ចង់​មាន​សង្សារ​ ប៉ុន្តែ​វា​មិន​មែន​ជា​ការងាយ​ស្រួល​នោះ​ទេ។ ចាប់​ដាក់​បញ្ចាំង​នៅ​តាមរោង​កុន​នានា​ តាម​ម៉ោង​អាច​ជ្រើស​រើស​បាន។​ 

 

ថ្ងៃសៅរ៍

 

មាន​អ្វី​លើ​ឆាក​សម្ដែង?

 

ក្រុ​ចម្រៀង​រ៉ុក​ប្រចាំ​ក្រុង​ភ្នំពេញ Sam Rocker នឹង​ប្រារព្ធ​កម្មវិធី​ជប់​លៀង​សម្ពោធ​អាល់ប៊ុម​ទី ៣ របស់​ពួក​គេ​នៅ Cloud យប់​នេះ។ ប៉ុន្តែ​អ្វី​ដែល​ពិសេស​សម្រាប់​លើក​នេះ គឺ​នេះ​គឺ​ជា​លើក​ដំបូង​ដែល​ពួក​គេ​បាន​ត្រលប់​ទៅ​រក​លក្ខណៈ​ដើម​នៃ​តន្ដ្រី​របស់​ពួក​គេ​ គឺ​ចង្វាក់​រ៉ុក​ឯករាជ្យ និង Metal។ ការ​សម្ដែ​ង​នេះគឺ​មិន​គិត​ថ្លៃ​នោះ​ទេ ប៉ុន្តែ​អ្នក​អាច​ត្រៀម​ថវិការ​ខ្លះ​ៗ ដើម្បី​ទិញ​ផលិត​ផល​ប្រចាំ​ក្រុមរបស់​ពួក​គេ។ ចាប់​ពី​ម៉ោង ៦កន្លះ​ដល់ ១០កន្លះ​នៅ​ Cloud ផ្លូវ​លេខ ៩។​

 

Juniper ម្ដុំ​មាត់​ទន្លេ​នឹងមាន​កម្មវិធី​ចាក់​ភ្លេង​កំដរ​ផង​ដែរ អម​នឹង​ការ​សម្ដែង​ពី DJ MR SPKR។ ជាមួយ​នឹង​ទេស​ភាពយ៉ាង​ស្រស់​ត្រកាល​តាម​មាត់​ទន្លេ ព្រ​មទាំង​ស្រា Gin យ៉ាង​ឆ្ងាញ់ អីចឹង​ដឹង​តែ​ពិសេស​តែ​ម្ដង។ ចាប់​ពី​ម៉ោង ៦ល្ងាច​ដល់ ពាក់​កណ្ដាល​អាធ្រាត្រ​នៅ The Point Hotel ផ្លូវ​ ១៣០។

 ​​ 

Party Patio  ក៏នឹង​មាន​កម្មវិធី​លើ​កទីពី​រ​នៃ Psynovation ជា​កម្មវិធី​ជប់លៀង​ដែល​បង្ហាញ​ពី​លក្ខណៈ​ពិសេស​នៃតន្ដ្រីអេឡិចត្រូនិក។ DJ ដល់​ទៅ​៣រូប​គឺ Sisyphe, Shadows of Space និង Dalah នឹង​ចាក់តន្ដ្រី​កំដរ​ ជាមួយ​នឹង​ចង្វាក់ Ambient, House, Deep House និង Techno។ ចាប់​ពី​ម៉ោង ៨កន្លះ​ដល់ ១ទៀប​ភ្លឺនៅ Party Patio ផ្លូវ​លេខ ៣០៨។  

​មាន​អ្វី​ទៀត?

 

ចង់​ដឹង​ថា​អាហារ​ប្រភេទ​អ្វី​ដែលមាន​ក្លិន​ឈ្ងុយ​ខ្លាំង​ពេល​ចំអិន​? នោះ​គឺ​ជា​អាហារ​ប្រភេទដុត​តែ​ម្ដង។ ប៉ុន្តែ​អ្វី​ដែល​ពិសេស​ជាង​នេះទៀត​គឺ​ កន្លែង​ដែល​ដុត​នំ​ឆ្ងាញ់​ដែល​ដាក់​លក់​ Cookies, Cupcakes និង Brownies ជា​ដើម​នឹង​ដាក់​លក់​នៅ​ទី​តាំង​មួយ​ដែល​អ្នក​នឹក​ស្មាន​មិន​ដល់​។ អ្វី​ទាំង​អស់​នេះ​នឹង​កើតឡើង​នៅ ​​​Ginger & Grace ថ្ងៃនេះតែ​ម្ដង​ ចាប់​ពី​ម៉ោង​ ២ដល់ ៤យប់​នៅ Ginger & Grace។  

 

មាន​អ្វី​ដាក់​បញ្ចាំង?

 

នៅ​ The Flicks នឹង​មាន​កម្មវិធី all day fright-fes ដាក់​បញ្ចាំង​រឿង​បែប​លង​បន្លាច​ជា​ច្រើន ដូច ជា Monster House នៅ​ម៉ោង ២ រសៀល។ រឿង Greener Grass នៅ​ម៉ោង​បន្ទាប់​ពី​រឿង​ដំបូង​ នឹង​រឿងទី​៣​គឺ The Conjuring ជា​ភាពយន្ត​បែប​ R-rated។ ចំណែក​ឯរឿង​ចុងក្រោយ​បង្អស់​ដាក់​បញ្ចាំង​នៅ​ម៉ោង ៦ល្ងាច​គឺ​រឿង Hereditary ក៏ជា​រឿង​បែប ​R-rated ផង​ដែរ។ អីចឹង​ចំណាយ​តែ ៤ដុល្លារ រួច​កម្មង់​ Popcorn នឹង​ភេស្ជជៈ​អ្វី​បន្ថែម​មក​ ដឹង​តែ​ថ្ងៃ​របស់​លោក​អ្នក​គឺ​ពិសេស​តែ​ម្ដង។ ចាប់​ពី​ម៉ោង ២រសៀល​នៅ The Flicks ផ្លូវ​លេខ ៩៥។​​​​

 

មានអ្វី​នៅ​យប់​ជ្រៅ?

 

DJ Rob Warner សញ្ជាតិ​ញូសេឡែន នឹង​ចាក់ភ្លេង​នៅ Pontoon Pulse ពេញ​មួយ​រាត្រី​នេះ ចាក់បទ​ភ្លេង​ជា​ច្រើនបែបបទ មិនថា​ជា Techno, Disco ជា​ដើម។ លោកមាន​បទពិសោធន៍ជា DJ តាំង​ពី​ឆ្នាំ ១៩៩២ មក​ម្ល៉េះ​ ដូ​ច្នេះ​ធានាថា​ដឹង​តែ​ប្លែក​តែ​ម្ដង។ ចាប់​ពី​ម៉ោង ១១យប់​ដល់ ៥ទៀបភ្លឺ​នៅ Pontoon Pulse ផ្លូវ​លេខ ១៧២។​  ​​ 

 

ថ្ងៃ​អាទិត្យ

 

មានអ្វី​ដាក់​បញ្ចាំង?

 

នៅ​ឯ The Factory​ ឯណោះ​វិញ សម្រាប់​ថ្ងៃ​អាទិត្យ​នេះ​នឹង​មាន​ ដាក់​បញ្ចាំង​ភាពយន្ត​ឯកសារ​រឿង Our Planet បង្ហាញ​ពី​ពិភពលោកដ៏ស្រស់​ស្អាត​ ដែល​យើង​កំពុង​រស់​នៅនេះ​គឺ​ ពោរ​ពេញ​ទៅ​ដោយ​ឧបសគ្គ​និង​ការ​គម្រាម​កំហែង​ផ្សេង​ៗជា​ច្រើន ដែល​អ្នក​គួរ​តែ​ផ្ដោត​អារម្មណ៍យក​ចិត្ត​ទុកដាក់។ ចាប់ពីម៉ោង ២ ដល់ ៥ល្ងាច​នៅ The ​Factory ផ្លូវ​ជាតិ​លេខ ២។

 

មាន​អ្វី​ទៀត?

 

នៅ​ឯ Meta House ឯណោះ​វិញ​នឹង​មានកិច្ច​ពិភាក្សា​មួយ​ និយាយ​អំពី​តួនាទី​របស់​ស្ដ្រី​នៅ​ក្នុង​សង្គម​ នៃ​ប្រទេស​កម្ពុជា។ អ្នក​កាសែត​សញ្ជាតិ​ខ្មែរ Hang Sokunthea នឹង​ជា​អ្នក​ចាត់​ចែង​តុ​ពិភាក្សា​ ពីបញ្ហាផ្សេង​ៗ ដែល​ពាក់ព័ន្ធ​ដូច​ជា​ ចំណុច​សម្គាល់​សំខាន់​របស់ស្រ្ដី​នៅ​សម័យ​ទំនើប និង​ ច្បាប់​ក្បួន​ដូច​ជា​ ច្បាប់​ស្រី​ជា​ដើម។​ ក្នុងកិច្ចពិភាក្សា​​នោះ​​​​ នឹង​មាន​ជា​ភាសា​អង់គ្លេស​និង​ខ្មែរ​ អមទៅ​ដោយ​សំនួរ​ចម្លើយ​នៅ​ចុង​កម្មវិធី។ ចាប់​ពី​ម៉ោង ៣ទៅ ៥កន្លះ​នៅ Meta House ផ្លូវ​លេខ ១៧៨។

Click to comment

Leave a Reply

More in មគ្គទេស​ចុង​សប្ដាហ៍

You Might Like…

អត្ថបទ​សំខាន់​​ និង​ កិច្ចស​ម្ភាសន៍​ផ្សេងៗ

ជួបជាមួយជើងខ្លាំងដែលអ្នកមិនធ្លាប់លឺពីមុនមក គឺអ្នកស្រី សយស្រស់

By ខែ​មិថុនា 15, 2020

Our Writers

Facebook

Take Me To…

To Top