កម្មវិធីពិសេសៗត្រៀមសម្រាប់ចុងសប្ដាហ៍នេះ
មហោស្រព សិល្បៈ និងកម្មវិធីជប់លៀងផ្សេងៗ សុទ្ធតែមាននៅទីនេះ
លេងលេងឥឡូវចុងសប្ដាហ៍ទៀតបាត់! លើកនេះប្លែកពីមុនបន្តិច យើងនឹងចាប់ផ្ដើមពីពិធី Festival ផ្សេងៗពេញមួយចុងសប្ដាហ៍មុននឹងលើកយកនូវកម្មវិធីផ្សេងៗប្រចាំថ្ងៃ។
ថ្ងៃសុក្រនិងថ្ងៃសៅរ៍សប្ដាហ៍នេះ នឹងមានកម្មវិធីមហោស្រពអក្សរសិល្ប៍ខ្មែរ ដើម្បីផ្សព្វផ្សាយសិល្បៈតែងនិពន្ធនៅប្រទេសកម្ពុជា ក៏ដូចជាផ្ដោតសំខាន់ទៅលើសហគមន៍អ្នកអាននិងនិពន្ធក្នុងស្រុកផងដែរ។ ជាមួយនឹង Workshop ផ្សេងៗ, ការថ្លែងសុន្ទរថា ព្រមទាំងសម្ដែងនៅទីតាំងផ្សេងៗជុំវិញទីក្រុង កម្មវិធីនេះនឹងគ្របដណ្ដប់ទៅលើប្រធានបទជាច្រើន។ យើងនឹងនិយាយអំពីទីកន្លែង នឹងកម្មវិធីផ្សេងៗ ម្ដងមួយៗ។
នៅវិទ្យាស្ថានភាសាបារាំង នឹងបញ្ចប់កម្មវិធី Animated Film Fest នៅចុងសប្ដាហ៍នេះ ដោយនៅថ្ងៃសុក្រ និងសៅរ៍ មជ្ឈមណ្ឌលវប្បធម៌បារាំងនឹងបញ្ចាំងរឿងបីបន្ថែមទៀត គឺ ហ្វូណន Claws, feathers, hairs and whiskers និង Dilili in Paris។ ភាពយន្តទាំងនោះនឹងដាក់បញ្ចាំងជាភាសាបារាំង ប៉ុន្តែមាន Subtitles ជាភាសាអង់គ្លេស។ តាមម៉ោងជាច្រើននៅថ្ងៃសុក្រនិងសៅរ៍ នៅវិទ្យាស្ថានភាសាបារាំង ផ្លូវលេខ ១៨៤។
Sofitel Phokeethra Classical Music Festival នឹងរៀបចំកម្មវិធីសម្ដែងខនសឺតបែប Orchestra សម្រាប់ល្ខោនអូប៉េរ៉ាឈ្មោះថា Pagliacci។ ទោះបីជាការសម្ដែងនេះចំណងជើងបកប្រែថាជា ត្លុក “ខ្លោន” ប៉ុន្តែវាមិនមែនជារឿងកំប្លែងនោះទេ វាគឺជារឿងរ៉ាវអំពីស្នេហានិងឃាតកម្ម។ ល្ខោននេះត្រូវបានគេសម្ដែងលើកដំបូងនៅទីក្រុង Milan កាលពីឆ្នាំ ១៨៩២។ ក្រុមការងារ The Cambodia Opera Project នឹងនាំយកទស្សនីយភាពដំបូងនេះមកសម្ដែងនៅភ្នំពេញ ដោយសំបុត្រមានតម្លៃ ២៥ដុល្លារ។ ចាប់ពីម៉ោង ៧យប់ថ្ងៃសុក្រនិងសៅរ៍ នៅសណ្ឋាគារសូហ្វីថែល វិថីសុធារស។
ចូលចិត្តអាហារជប៉ុន? នៅផ្សាទំនើប Aeon ១ នឹងមានកម្មវិធីពិពរណ៌អាហារ Japanese Food Fair Exhibition ពេញមួយចុងសប្ដាហ៍ ដែលអ្នកចូលរួមនឹងមានឱកាសទទួលបានបទពិសោធន៍នូវការកាត់នំ Mochi និង ត្រីធូណា។ ក្នុងនោះក៏មានការដើរបង្ហាញម៉ូដជប៉ុន និងសកម្មភាពផ្សេងៗទៀតជាច្រើនផងដែរ។ កម្មវិធីនេះមានរយៈពេលពេញ២ថ្ងៃ សុក្រ និង សៅរ៍ នៅផ្សាទំនើប Aeon ១ ផ្លូវសុធារស។
ថ្ងៃសុក្រ
ក្នុងថ្ងៃបើកកម្មវិធីមហោស្រពនៃសិល្បៈអក្សរសិល្ប៍ខ្មែរនេះដែរ នៅ Bophana Center នឹងប្រារព្ធធ្វើរាត្រីនេះ។ ទិតាំងនោះនឹងមានតន្ដ្រីនិងចម្រៀងសម្ដែង កំណាព្យវីដេអូ និងការប្រកាសនៃសកម្មភាពផ្សេងៗនៃកម្មវិធីនេះ។ ក្នុងឱកាសនោះក៏មាននំចំនី និងភេសជ្ជៈដាក់បំរើផងដែរ។ ចាប់ពីម៉ោង ៦ដល់៨យប់នៅ មជ្ឈមណ្ឌលបុប្ផាណា ផ្លូវលេខ ២០០។
មានអ្វីទៀត?
អ្នកសិល្បៈ ជា សេរីរត្នន៍ នឹងមានការថ្លែងសុន្ទរកថា ជាភាសាខ្មែរនិងប្រែសម្រួលជាភាសាអង់គ្លេស នៅ Sa Sa Art Projects។ អ្នកគូរគំនូរដែលមកពីខេត្តបាត់ដំបងរូបនេះ នឹងបើកកិច្ចសន្ទនាអំពី ពិពរណ៌ថ្មីចុងក្រោយរបស់លោកឈ្មោះថា “Rice Field Mirages” ខណៈនេះដាក់នៅ Sa Sa Art បង្ហាញរហូតដល់ថ្ងៃទី ២៧ខែវិច្ឆិកា។ ចាប់ពីម៉ោង ៦ដល់ ៧កន្លះល្ងាចនៅ Sa Sa Art Project ផ្លូវលេខ ៣៥០។
មានអ្វីលើឆាកសម្ដែង?
ការនិយាយកំប្លែងបែប Stand Up “Laughter on Tap” នឹងត្រលប់មកវិញនៅ Riel Brewing ល្ងាចនេះ។ នេះជាកម្មវិធីមួយនៅភ្នំពេញដែល អ្នកចង់និយាយរឿងកំប្លែងទាំងអស់អាចចូលរួមបាន និងសាកល្បងជាលើកដំបូងឬក៏សាកល្បងនូវសាច់រឿងថ្មីៗរបស់គេ។ ជាមួយនឹងការដាក់លក់ស្រាបៀរបិទថ្មី ក្លែមនឹងទស្សនីយ៍ភាពកំប្លែងអ្នកមិនគួររំលង។ ចាប់ពីម៉ោង ៧កន្លះដល់ ១០កន្លះនៅ Riel Brewing Taproom ផ្លូវលេខ ៤៦៤។
នៅទីធ្លាបៃតងនៃ Botanico Wine and Beergarden នឹងមានការសម្ដែងពីអ្នកលេងហ្គីតា Brin Wood រាត្រីនេះ។ មកតាំងពីបែកខាងត្បូងនៃរដ្ឋកាលីហ្វ័រញ៉ា បានធ្វើដំណើរមកភ្នំពេញតាមសៀមរាប។ ល្ងាចនេះលោក នឹងច្រៀងចម្រៀងបែប Punk, Rock, ជាដើម ដោយយកស្ទីលតាមចម្រៀងពីទស្សវត្សទី ៤០ដល់ ៩០។ ចាប់ពីម៉ោង ៧ដល់ ៩កន្លះនៅ Botanico ផ្លូវលេខ ២១។
បើសិនជាចង់ស្ដាប់តន្ដ្រីបែប Funk បន្ថែមទៀត Pocket Change នឹងសម្ដែងនៅ LF Social Club។ ដោយយកស្ទីលចម្រៀងពី Erykah Badu, Chaka Khan និង Rick James អ្នកនឹងសប្បាយរីករាយរាំកម្សាន្ត នឹងចង្វាក់ Punk ចាប់ពីម៉ោង ៩យប់ដល់១ទៀបភ្លឺនៅ LF Social Club ផ្លូវ ៣០៨។
ប្លែកបន្តិចពី Punk ប្ដូរមក Retro វិញម្ដងនៅ Duplex នឹងមានតន្ដ្រី Retro សម្ដែងពីក្រុម Retro Carnival Band មកតាំងពីប្រទេសហ្វីលីពីន។ ពួកគេនឹងសម្ដែងចម្រៀងឌីស្កូដែលមកពីទស្សវត្សទី ៧០ និង ៨០។ ចាប់ពីម៉ោង ៩យប់ដល់ពាក់កណ្ដាលអាធ្រាត្រនៅ Duplex ទីតាំងនៅតាមបណ្ដោយផ្លូវលេខ ២៧៨។
មានអ្វីដាក់បញ្ចាំង?
ភាពយន្តខ្មែរ The Father នឹងដាក់បញ្ចាំងនៅចុងសប្ដាហ៍នេះនៅ Legend ដែលផលិតដោយអ្នកដឹកនាំរឿងខ្មែរលោក ឡុង សុភាព និយាយអំពីឪពុកបីផ្សេងៗគ្នា ម្នាក់ៗសុទ្ធតែឆ្លងកាត់នូវការបាត់បង់ភរិយា និងខិតខំតស៊ូលំបាកដើម្បីចិញ្ចឹមកូន។ បញ្ចាំងនៅម៉ោងផ្សេងៗ នៅ Legend Cinema គ្រប់ទីតាំង។
ថ្ងៃសៅរ៍
មហោស្រពអក្សរសិល្ប៍ខ្មែរនិងសហគមន៍អ្នកនិពន្ធនឹងរៀបចំកម្មវិធី ជួបជាមួយអ្នកនិពន្ធ ជាមួយនឹងអ្នកស្រី អ៊ូច ថាវី និង ទឹម ម៉ានី ពិភាក្សាពីការនិពន្ធរឿងប្រលោមលោក និងបង្ហាញពីបទពិសោធន៍រៀងខ្លួនផ្សេងៗ។ ពួកគេក៏ពិភាក្សាពីការបង្កើតអត្តចរិតរបស់តួអង្គ ក្នុងរឿងប្រលោមលោកផងដែរ។ ចាប់ពីម៉ោង ២កន្លះដល់ ៤រសៀលនៅ បណ្ណាល័យជាតិ ផ្លូវលេខ ៩២។
ស្នាដៃអក្សសិល្ប៍ខ្មែរតាំងពីទស្សវត្សឆ្នាំ៦០ និង ៧០ នឹងដាក់បង្ហាញនៅ បណ្ណាល័យជាតិ ពេញមួយចុងសប្ដាហ៍។ គោលបំណងសំខាន់នៃការដាក់បង្ហាញនេះ គឺដើម្បីឱទ្ទិស ក៏ដូចជាដឹងគុណនៃស្នាដៃ របស់អ្នកនិពន្ធពីគ្រប់ជំនាន់នៃប្រវត្តិសាស្ត្រប្រទេសកម្ពុជា។ ចាប់ពីម៉ោង ៨កន្លះព្រឹកដល់ ៥កន្លះល្ងាច ថ្ងៃសៅរ៍និងអាទិត្យនៅ បណ្ណាល័យជាតិ ផ្លូវលេខ ៩២។
ផ្នែកមួយនៃកម្មវិធីនេះទៀតផងដែរ នាំយកមកដោយ ក្រុមសិល្បៈល្ខោនស្បែក គោកធ្លក នឹងមានកម្មវិធីសម្ដែងល្ខោនស្បែកប្រពៃណីខ្មែរ ប្រភេទធំនិងតូវ។ ចំពោះតម្លៃចូលរួមគឺមិនគិតថ្លៃ ប៉ុន្តែអ្នកអាចបរិច្ចាគប្រាក់តិចតួចតាមការគួរ។ ចាប់ពីម៉ោង ៧ដល់៧កន្លះល្ងាចនៅ បណ្ណាល័យជាតិ ផ្លូវលេខ ៩២។
មានអ្វីទៀត?
ពីធីបុណ្យហាឡូវីននឹងមកដល់ឆាប់ៗនេះហើយ ប៉ុន្តែសម្រាប់ក្មេងៗវិញ កម្មវិធីនេះគឺពេញមួយខែតែម្ដង។ បើសិនជាលោកអ្នកមានកូនឬក៏ក្មួយៗ ហើយចង់ឲ្យពួកគេសាកល្បងនិងលេងសប្បាយ កំុភ្លេចទៅកាន់ Make It ដើម្បីចូលរួម Workshop មួយសម្រាប់ដាក់ស្ករគ្រាប់ Trick-or-treat។ ក្នុងតម្លៃតែ ៥ដុល្លារអ្នកអាចឲ្យក្មេងៗលេងសប្បាយនឹងការរចនាកាបូបស្ករគ្រាប់ ក៏ដូចជាទទួលបានបទពិសោធន៍ថ្មីផងដែរ។ ចាប់ពីម៉ោង ១០ព្រឹករហូតដល់ថ្ងៃរសៀល នៅ Make It ផ្លូវលេខ ១៣៥។
គ្រប់គ្នាសុទ្ធតែចង់ប្រារព្ធពិធីបុណ្យហាឡូវីនជាលក្ខណៈផ្សេងៗគ្នា សម្រាប់អ្នកខ្លះដែលបានតុបតែងខ្លួនជាលក្ខណៈតួអង្គផ្សេងៗ ប៉ុន្តែអ្នកខ្លះគឺចង់មានរូបរាងទាំងនោះដាក់ជាប់នៅខ្លួនតែម្ដង។ ហេតុដូច្នេះហើយទើបនៅ Bong the Gallery នឹងមានការដាក់តូបបណ្ដោះអាសន្នសម្រាប់អ្នកចង់ចាក់សាក់ ក៏ដូចជាចោះរន្ធផ្សេងៗ (Piercing)។ សម្រាប់អ្នកចង់ទទួលបានសេវានេះគួរតែកក់ទុកឲ្យហើយ ជាមួយនឹងតម្លៃផ្សេងៗតាមទំហំ អ្នកចាក់សាក់និងចោះរន្ធសុទ្ធតែមានជំនាញយូរឆ្នាំ ដូច្នេះអ្នកមិនគួរបារម្ភនោះទេ។ ចាប់ពីម៉ោង ១រសៀលដល់ ១១យប់ នៅ Bong the Gallery ផ្លូវសុធារស។
ខែតុលាគឺជាខែ ផ្ដោតសំខាន់ទៅការការពារជម្ងឺមហារីកសុដន់ ហើយ Mad Monkey នឹងមានកម្មវិធីរៃអង្គាសប្រមូលប្រាក់ ដើម្បីជាជំនួយអ្នកដែលកំពុងតែប្រឈមមុខនឹងជម្ងឺនេះដោយរៀបចំជាកម្មវិធីជប់លៀងមួយ។ ទឹកប្រាក់ដែលបានមកពី Paint It Pink Pool Party នឹងយកទៅបរិច្ចាកនៅមន្ទីរពេទ្យសីហនុ HOPE។ ក្នុងឱកាសនោះដែរ ពួកគេក៏មានភេសជ្ជៈពិសេសពណ៌ផ្កាឈូកដើម្បីជាកិត្តិយស ដោយមានឈ្មោះថា Pink Cosmos។ ចាប់ពីម៉ោង ៨យប់ដល់ពាក់កណ្ដាលអាធ្រាត្រនៅ Mad Monkey ផ្លូវលេខ ៣០២។
Meta House នឹងប្រារព្ធកម្មវិធីជប់លៀងខួបកំណើតសម្រាប់មនុស្សអ្នកនៅទីនោះគឺ AYA ប៉ុន្តែទីតាំងនោះបានអញ្ជើញអ្នកគ្រប់គ្នានៅភ្នំពេញតែម្ដងដើម្បីចូលរួមជប់លៀង។ ជាមួយនឹងការដាក់អាំងសាច់ Barbecue ស្រាបៀរដោយឥតគិតថ្លៃ និងចាក់ភ្លេងរាំកម្សាន្តដោយ DJ Elmo ស្ដាប់ទៅល្អម្យ៉ាងដែរតើ។ ចាប់ពីម៉ោង ៧ដល់ ១១យប់នៅ Meta House ផ្លូវ ១៧៨។
មានអ្វីនៅលើឆាកសម្ដែង?
LF Garden នឹងបើកបម្រើនូវរានហាលរបស់ពួកគេ ដើម្បីឲ្យតារាចម្រៀងបែប Country និង Blue លោក Gonzolo Rodino ដែលនឹងញ៉ាំបរិយាកាសឲ្យកម្មវិធីនេះកាន់តែរីករាយ ជាមួយនឹងចម្រៀងដែលលោកនិពន្ធដោយខ្លួនឯង។ ចាប់ពីម៉ោង ៨ដល់ ១១យប់នៅ LF Garden ផ្លូវលេខ ៣០៨។
នៅឯចុងផ្លូវឯណោះវិញគឺ Cloud នឹងមានកម្មវិធីរាំកម្សាន្តចង្វាក់ឡាទីន ជាមួយនឹងតន្ដ្រីបែបចំណាស់ក្លាស៊ីកពី អាមេរិកកណ្ដាលនិងអាមេរិកខាងត្បូង។ Son Latino គឺក្រុមចម្រៀងបីរូបពីប្រទេស Bolivia Cuba និង Argentina អីចឹងពួកគេប្រាកដជាដឹងថា ត្រូវសម្ដែងជាពិសេសបែបណាហើយ។ ចាប់ពីម៉ោង ៨ដល់ ១១យប់នៅ Cloud ផ្លូវលេខ ៩។
មានអ្វីនៅយប់ជ្រៅ?
ក្រុមអ្នករៀបចំកម្មវិធីថ្មីមួយប្រចាំទីក្រុងគឺ Hypelab នឹងមានកម្មវិធី Takeover នៅ Club Love។ ប្រសិនជាអ្នកចង់រាំកម្សាន្តជាមួយ DJ ល្បីៗប្រចាំ Hypelab។ សំបុត្រចូលរួមគឺមានតម្លៃ ៥ដុល្លារដោយអមជាមួយនឹង Drink មួយកែវតាមជម្រើសអ្នក។ ចាប់ពីម៉ោង ៩យប់ដល់ ៤ទៀបភ្លឺនៅ Club Love ផ្លូវ ២៧៨។
មានអ្វីដាក់បញ្ចាំង?
នៅ Bophana Center នឹងមានដាក់បញ្ចាំងនៅសាច់រឿងឯកសារមួយ និយាយអំពីក្មេងស្រីម្នាក់ឈ្មោះ ប៉េង ផាន ដែលធំដឹងក្ដីនៅជំនាន់ខ្មែរក្រហម។ នាងធ្លាប់ជាប់ឃុំអំឡុងរដូវកាលនោះ ហើយក៏បានបង្កើតសាលារៀនសិល្បៈមួយ ជាកិត្តិយសដល់បណ្ដាក្មេងៗ ដែលមិនបានរស់រានមានជីវិត។ ភាពយន្តនេះដាក់បញ្ចាំងជាភាសាខ្មែរ និងមាន Subtitles ជាភាសាអង់គ្លេស។ ចាប់ពីម៉ោង ៥ដល់៦រសៀលនៅ Bophana Center ផ្លូវលេខ ២០០។
ថ្ងៃអាទិត្យ
មានអ្វីទៀត?
ប្រសិនជាអ្នកមិនទាន់បានទៅ The Factory អ្នកពិតជាមិនទាន់បានទទួលបានបទពិសោធន៍ពិសេសថ្មីមួយនោះទេ។ នៅទីនោះមានសឹងតែគ្រប់ប្រភេទទាំងអស់នូវអ្វីៗ ពីសិល្បៈ ដូចជាគំនូរ ស្ទូឌីយ៉ូថតរូបជាដើម។ ក្នុងថ្ងៃអាទិត្យនេះដែរ Factory នឹងបើកឲ្យអ្នកចូលរួមទស្សនានូវរូបថតជាច្រើនដាក់បង្ហាញនៅទីតាំងនោះ។ ចាប់ពីម៉ោង ៨ព្រឹកដល់ ១១ព្រឹកនៅ The Factory ផ្លូវជាតិលេខ ២។
មានអ្វីលើឆាកសម្ដែង?
តារាចម្រៀងសម្លេងរន្ដំ Mirasol Aguila នឹងនាំយកនូវស្ទីលចម្រៀងរបស់នាងទៅកាន់ Hops ថ្ងៃអាទិត្យនេះ ដោយសម្ដែងជាលក្ខណៈ Acoustic មួយខាងក្រោមពន្លឺភ្លើងនៃទីសួនញ៉ាំស្រានៅទីនោះ។ ការសម្ដែងនេះដែរនឹងចូលរួមដោយអ្នកជំនាញតន្ដ្រី២ទៀតផងដែរគឺលោក Anttii Siitonen និង Arone Silverman។ ចាប់ពីម៉ោង ៧ដល់ ១០យប់នៅ Hops Beer Garden and Restaurant ផ្លូវលេខ ២២៨។
មានអ្វីដាក់បញ្ចាំង?
សម្រាប់ថ្ងៃអាទិត្យមានភាពយន្តថ្មីដែលដាក់បញ្ចាំង គឺ Gemini Man ដើរតួដោយលោក Will Smith ដោយដឹកនាំរឿងដោយលោក Ang Lee ដែលជាអ្នកដឹកនាំរឿងល្បីឈ្មោះមួយរូប។ សាច់រឿងនេះ តម្រូវឲ្យតួអង្គសម្ដែងដោយ Will Smith ជួបជាមួយនឹងសត្រូវម្នាក់ដែលមានរូបរាងដូចលោកបេះបិត។ ចង់ដឹងថាភាពយន្តនេះប្លែកបែបណាកុំភ្លេចទៅទស្សនាទាំងអស់គ្នា។ ចាប់ដាក់បញ្ចាំងនៅតាមម៉ោងផ្សេងៗនៅ Major Cineplex គ្រប់ទីតាំង។
Related
