Connect with us

មាន​អ្វី​ពិសេស​ទៅ​ហ្ន៎ សម្រាប់​ចុងសប្ដាហ៍​នេះ?

មគ្គទេស​ចុង​សប្ដាហ៍

មាន​អ្វី​ពិសេស​ទៅ​ហ្ន៎ សម្រាប់​ចុងសប្ដាហ៍​នេះ?

មាន​អ្វី​ពិសេស​ទៅ​ហ្ន៎ សម្រាប់​ចុងសប្ដាហ៍​នេះ?

ចង់​ទៅ​ទស្សនា​ការ​សម្ដែង​តន្ដ្រី​ រត់ម៉ារ៉ាតុង ទស្សនា​ផ្ទាំងគំនូរ​សិល្បៈ ឬ​ភ្លក់​រសជាតិ​ស្រាក្រឡុក​ឆ្ងាញ់ៗ ឆែក​មើល​បន្តិច​មើល៍!!!​ មាន​ទាំងអស់​ហ្ម៎ង​សប្ដាហ៍​នេះ…

ថ្ងៃសុក្រ

 

ភាពយន្ត

 

នៅ​អន្លង់​វែង​ ខេត្ត​ឧត្តរមានជ័យ ក្រុម​ព្រះ​សង្ឃ​ដែល​បាន​ស្នាក់នៅ​ជុំ​គ្នា​នៅ​ខាង​ក្នុង​ព្រៃ ខណៈពេល​ដែល​ការ​ប្រយុទ្ធ​ចុងក្រោយ​នៃ​ពួក​ខ្មែរ​ក្រហម​និង​ក្រុម​រំ​ដោះ​ កាល​ពី​ចុង​ឆ្នាំ ១៩៩០។ ក្រុម​ព្រះ​សង្ឃ​នេះ​គឺ​ ក្រុម​ដែល​ខិត​ខំ​អភិរក្ស​ព្រៃ​ឈើ​ក៏ដូច​ជា​ជន​ជាតិ​ភាគ​តិច និង​សត្វ​ព្រៃ​ផង​ដែរ។ អ្វី​ដែល​គួរ​ឲ្យ​ចាប់​អារម្មណ៍​នោះ​គឺ សមាគម​នេះ​គឺ​ត្រូវ​បានជំរុញឲ្យ​បង្កើត​ឡើង​ដោយ​ អតីត​ទាហាន​ខ្មែរ​ក្រហម​ម្នាក់​ ព្រម​ជា​​មិត្ត​ភក្តិ​របស់​ស្ថាប​និកផង​ដែរ​ឈ្មោះ ប៊ុន សាលុធ។ ភាពយន្ត​ឯកសារ Jungle Guard ផលិត​ដោយ​ផលិតករ​ភាពយន្ត​លោក Makara នឹង​ផ្ដល់​ទិដ្ឋភាព​ខាង​ក្នុង​ព្រៃ និង​ជីវិត​នៃ​ព្រះ​សង្ឃ​ទាំង​អស់​​ ព្រម​ទាំង​អ្វី​ៗ​ដែល​ពួក​គេ​អភិរក្ស។

ចាប់​ពី​ម៉ោង​៦​ល្ងាច​​នៅ Sa Sa Art Projects ផ្លូវ​លេខ ៣៥០

 

 

Meta House នឹង​ចាប់​ដាក់​បញ្ចាំង​ភាពយន្ត​ឯកសារ​ ដោយ​អ្នក​ដឹក​នាំ​រឿង​អាល្លឺម៉ង់​ Uli Strengert និយាយអំពី​ជន​ជា​តិ​អាមេរិកាំង​៦នាក់​នៅ​កម្ពុជា Six Americans in Cambodia និង​ការ​យល់​ឃើញ​របស់​ពួក​គេ​ មក​កាន់​ប្រទេស​កម្ពុជា។ ចុងក្រោយ​នៃ​ការ​ដាក់​បញ្ចាំង​ភាពយន្ត​នេះ នឹង​មាន​បន្ត​ដោយ​ការ​សួរ​ឆ្លើយ​សំនួរ​ជាមួយ​អ្នក​ដឹក​នាំ​រឿង។

ចាប់​ពី​ម៉ោង​៧​យប់​នៅ Meta House ផ្លូវលេខ ១៧៨ 

 

តន្ដ្រី

 

តារា​ចម្រៀង​បែប​ Acoustic ដៃគូរ Anthony and Femke នឹង​សម្ដែង​​តន្ដ្រី Jazz, Swing, Pop និង Soul Tunes នៅ​ទីធ្លាឆាក​ខាង​ក្រៅ នៅ​ឯភោជនីយដ្ឋាន​និង​បារ​ Alchemy ចាប់​ពី​ម៉ោង​៧​កន្លះ​ដល់​១០​កន្លះ​យប់​។ ប្រសិន​ជា​អ្នក​ចង់​ប្ដូរ​បរិយាកាស​ហើយ​ ចង់​បង្ហើរ​សំនៀង​ខ្លួន​ឯង​ផង​នោះ អាច​ឡើង​ទៅ​កាន់​ជាន់​ទី​ពីរ​ដោយ​លោក Mike Dynamo និង Bad Kenny ពី​ក្រុម​ចម្រៀង​ 99 Boyz ចាត់​ចែង​កម្មវិធី Mic Drop Karaoke រៀប​ចំពោរពេញ​ទៅ​ដោយ​ឧបករណ៍​ពិសេស​ ទុក​ឲ្យ​អ្នក​ចូលរួម​ច្រៀង​ចាប់​ពី​ម៉ោង​១០​យប់​ត​ទៅ​។

ចាប់​ពី​ម៉ោង​ ៧​កន្លះ​ល្ងាច​ដល់​យប់​ជ្រៅ​នៅ Alchemy ផ្លូវ​លេខ ១២៣ 

 

សម្រាប់​ការ​សម្ដែង​តន្ដ្រី​ផ្ទាល់​បែប​ខ្មែរ ពី​មរតក​ដើម​ អាច​ចូលរួម​ទស្សនា​ការ​សម្ដែង​ពី Arôme Khmer នៅ​លើ​ឆាក​សម្ដែង​ Ege Bar។

ចាប់​ពីម៉ោង​៧​កន្លះ​ល្ងាច​នៅ Ege Bar ផ្លូវ​លេខ ៤៦០ 

 

សម្រាប់​ការ​សម្ដែង​នៅ Oscar ល្ងាច​នេះ​នឹង​​មាន​កម្មវិធី សម្ពោធ​អាល់ប៊ុមថ្មី​ពី The Schkoots ចំណង​ជើង​ថា “Incorrigibles”។  រាត្រី​នេះ​ផង​ដែរ​ក៏​នឹង​មាន​ការ​បង្ហាញ​ខ្លួន​ពី ក្រុម​ Blood Bricks ចូលរួម​សម្ដែង​ជាមួយ​នឹង​ តន្ដ្រី​ករ​បែប​ Hardcore ប្រចាំ​ក្រុង​ភ្នំពេញ​ផង​ដែរ។

ចាប់​ពី​ម៉ោង​៨​កន្លះ​នៅ Oscar’s on the Corner កែវ​ផ្លូវលេខ ១៣​និង​១០៤

 

 

រាំកម្សាន្ត

 

Street Beats and Chicken, Yo ជា​ឈ្មោះ​សម្រាប់​កម្មវិធី​ DJ ចាក់ត​ន្ដ្រី​បែប​ហ៊ីប​ហបល្ងាច​នេះ​នៅ Wings & Beer។ DJ S7eelz នឹង​ចាក់​ភ្លេង​បែប​ហ៊ីប​ហប​និង​ UK Street Grime Core ជាមួយ​នឹង​ MC Contra ជា​អ្នក​សម្រប​សម្រួល ព្រម​ទាំង​ VJ Cymatica ជា​អ្នក​​ដាក់​បង្ហាញ​ពី​ Visuals លើ​ផ្ទាំង​សំពត់​ស​កំដរអារម្មណ៍​ដាក់​អម​ជាមួយ​ភ្លេង។

ចាប់​ពី​ម៉ោង​៩​ល្ងាច​នៅ Wings & Beer ផ្លូវលេខ ១៣៥

 

សម្រាប់​តន្ដ្រី​ពីរោះ​​ក៏​ដូច​ជា​បទ​ពិសោធន៍​ថ្មី​ផ្សេង​ទៀត ទៅ​កាន់​ HClub នៅ បាសាក់​ឡេន​ចូលរួម​ទស្សនា​ក៏​ដូ​ច​ជា​រាំ​កម្សាន្ត​ជាមួយ​នឹង​តន្ដ្រី​បែប DJ និង​ វីយូឡុង​។ សម្រាប់​ពី​ម៉ោង ៥​ដល់​៨​ល្ងាច​ជា​ Happy Hours អ្នក​អាច​ទិញ​ភេសជ្ជៈ​ពីរ​កែវ​ថែម​មួយ​កែវ។

ចាប់​ពី​ម៉ោង​៧​យប់​នៅ HClub ផ្លូវ​លេខ ៣០៨

 

Sound Advice នឹង​ចាក់​តន្ដ្រី​បែប “twisted disco” សម្រាប់​បទ​ភ្លេង​បែប Groove, Funk, Disco នៅ La Petanque ម្ដុំ​ទួល​ទំពូង ដោយអ្នក​អាច​ចូលរួម​រាំ​កម្សាន្ត​ក៏ដូច​ជា​​ សម្រួល​អារម្មណ៍​ជា​មួយ​ស្រាបៀរ​ ស្រាក្រឡុក​ និង Punch ផង​ដែរ។

ចាប់​ពី​ម៉ោង​៩​យប់​នៅ La Petanque ផ្លូវ​លេខ ១៥៥ 

 

មាន​អ្វី​ទៀត?

 

សម្រាប់​ជា​ការ​អបអរ​ថ្ងៃ World Tequila Day Tomoka Cocktail Company នឹង​ត្រៀម​ភេសជ្ជៈ​ធ្វើ​ពី​ Tequila ពិសេស​ៗ​ដោយ​មាន​រសជាតិ​ពី​ជុំវិញ​ប្រទេស​កម្ពុជា ដើ​ម្បី​ឲ្យ​អ្នក​មាន​អារម្មណ៍​ស្រស់​ស្រាយ​បែប​ត្រូពិក។

ចាប់​ពី​ម៉ោង​​៦ល្ងាច​នៅ Tomoka Cocktail Company ផ្លូវ​លេខ ៧៥

 

ថ្ងៃសៅរ៍

 

ភាពយន្ត

 

អស់​រយៈ​ពេល​ប៉ុន្មាន​ឆ្នាំ​កន្លង​មក​នេះ ប្រសិនជា​អ្នក​ចង់​បាន​សំបុត្រ​តម្លៃ​សមរម្យ​ដើម្បី​ចូលរួម​ការ​សម្ដែង​ Broadway Musical ចំណង​ជើង​ថា Hamilton អ្នក​ត្រូវ​តែ​រង​ចាំ​យ៉ាង​ហោច​ណាស់​២​ទៅ​៣​ថ្ងៃ​ទម្រាំ​តែ​ទិញ​សំបុត្រ​ចូលរួម​បាន។ ភាព​ពេញ​និយម​ខ្លាំង​នេះ គឺ​មាន​អំឡុង​ពេល​រាំ​ឆ្នាំ​ឯណោះ។ ៥​ឆ្នាំ​ក្រោយ​មក​ពួក​គេ​បាន​សម្រេច​ចិត្ត​ថត​ទុក​នូវ​ការ​សម្ដែង​មួយ ហើយ​ដាក់​បញ្ចាំង​សម្រាប់​អ្នក​ដែល​មិន​មាន​ឱកាស​ទិញ​សំបុត្រ​ហើយ​ចូលរួម​ទស្សនា​ផ្ទាល់​ នៅ​ទីក្រុង​ New York សហរដ្ឋ​អាមេរិក។ អីចឹង​បើ​ចង់​ដឹង​ថា​​ការ​សម្ដែង​នេះ​មាន​លក្ខណៈ​ពិសេស​យ៉ាង​ណា អាច​ទៅ​កាន់ The Box Office សម្រាប់​ការ​ដាក់​បញ្ចាំង​ឲ្យ​ទស្សនា​រសៀល​ថ្ងៃ​សៅរ៍​នេះ។

ចាប់​ពី​ម៉ោង​៣​រសៀល​នៅ The Box Office ផ្លូវ​លេខ ២៤៤

 

សម្រាប់​បណ្ដា​អ្នក​ដែល​កើត​នៅ​អំឡុង​ទស្សវត្ស​ឆ្នាំ​១៩៩០​ ពួក​គេ​ភាគច្រើន​ប្រាកដ​ជា​ស្គាល់​ភាពយន្ត ​Free Willy ដែល​ទទួល​បាន​ការ​គាំទ្រ​ជា​ច្រើន និយាយ​អំពី​ក្មេង​ប្រុស​ម្នាក់ បាន​ក្លាយ​ជា​មិត្តជិត្នសិ្នទ្ធ​ជាមួយ​ត្រី​បាឡែន Orca ហើ​យ​ចង់​រក​មធ្យោបាយ​ដើម្បី​ប្រលែង​វា​ចេញ​ពី​សួន​សត្វ។ ខណៈ​ពេល​ថត​ភាពយន្ត​នេះ​ផង​ដែរ ស្ទូឌីយ៉ោ​ភាពយន្ត Warner Brothers បាន​បង្កើត​មូលនិធី​រៃអង្គាស​ថវិការ​ដើម្បី​ដោះ​លែង​សត្វ​បាឡែន​ដែល​ប្រើ​ប្រាស់​សម្រាប់​ថត​ភាពយន្ត ឈ្មោះ​ Keiko។ ក្មេង​ៗ​រាប់​លាន​អ្នក​បាន​បរិច្ចាក​ថវិការ​ហើយ ទីបំផុត​ Keiko ក៏​ត្រូវ​បាន​ដោះ​លែង​ឲ្យ​មាន​សេរី​ភាព ប៉ុន្តែ​ជា​អកុសល វាក៏​បាន​ស្លាប់​មិន​យូរ​ប៉ុន្មាន។

ចាប់​ពីម៉ោង ៤​កន្លះ​ល្ងាច​នៅ Meta House ផ្លូវ​លេខ ១៧៨

 

Aki Ra ល្បី​ឈ្មោះ​ដោយ​កិច្ចការ​ដ៏​មមាញឹក​របស់​លោក​ក្នុង​​ការ​កសាង​ សារៈ​មន្ទី​រមីន​​នៅ កម្ពុជា ដែល​ក្នុង​នោះ​ក៏​ធ្លាប់​ជា​កន្លែង​ទី​ស្នាក់​អាស្រ័យ​របស់​ក្មេងៗ​ជា​ច្រើន​រូប​ដែល​រង​គ្រោះ​ដោយ​សារ​គ្រាប់​មីន​ផង​ដែរ។ ពួក​ខ្មែរ​ក្រហម​បាន​ប្រើ​ប្រាស់​ក្មេងៗ​ជា​ទាហាន ដែល​ Aki Ra ធ្លាប់​ឆ្លង​កាត់​ដូច​គ្នា ក្នុង​ការ​ដាក់​មីន​ក្នុង​អំឡុង​ពេល​សង្គ្រាម​ស៊ីវិល​។ ផលិតករ​ភាពយន្ត​ John Severin បាន​បង្ហាញ​ពី​កិច្ច​ការ​ដែល​ Aki Ra បាន​ធ្វើ​ឡើង​ជា​ច្រើន​តាមរយៈ​ភាពយន្ត​ឯកសារ Story of a Khmer Rouge Soldier។ 

ចាប់​ពី​ម៉ោង​​៧​ល្ងាច​នៅ Meta House ផ្លូវ​លេខ ១៧៨ 

 

សិល្បៈ

 

“សិល្បៈ​ស្រុក​យើង​” គឺ​ជា​ការ​សម្ដែង​សិល្បៈ​មួយ​រៀប​ចំ​ដោយ​ក្រុមហ៊ុន Cambodia Beverage ក្នុងការ​គាំទ្រ​សិល្បៈ​ទាំង់​បុរាណ​និង​សម័យ​។ កម្មវិធី​ចូលរួម​ដោយ​សេរី​នេះ នឹង​មាន​ដាក់​បញ្ចូល​នូវ​ការ​សម្ដែង​សិល្បៈ​បុរាណ​ខ្មែរ​ផ្សេងៗ ក៏​ដូច​ជា​ការ​សម្ដែង​ពី​ក្រុម​ចម្រៀង​ Small World Small Band ផង​ដែរ។

ចាប់​ពីម៉ោង​៥​ល្ងាច​នៅ Chip Mong Noro Mall វិថី​នរោត្ដម

 

តន្ដ្រី

 

មិន​ត្រឹម​តែ​មាន​ពិរពរណ៌​ដាក់​តាំង​នៅ Sra’Art តែ​ប៉ុណ្ណោះ​ទេ KOK ក៏​នឹង​ចូលខ្លួន​សម្ដែង​​តន្ដ្រី​ផ្ទាល់​ ដោយ​លេង​ឧបករណ៍​ភ្លេង​ ហ្គីតា​បែប Impro/Electronic Rock ចូលរួមដោយ Maksim (Max) ផ្នែក​វីយូឡុង​។

ចាប់​ពី​ម៉ោង​៥​ល្ងាច​ត​ទៅ​នៅ Sra’Art វិថី​សុធារស 

 

សម្រាប់​​ការ​សម្ដែង​ល្ងាច​នេះ​ បែប​ប្លែក​មួ​យ​ទៅ​កាន់ Hard Rock ដើម្បី​ចូលរួម​ទស្សនា​ Elena Stenkina នាំ​យក​នូវ​ការ​សម្ដែង​តន្ដ្រី​បែប Acoordion Rock។

ចាប់​ពី​ម៉ោង​៧​ល្ងាច​នៅ Hard Rock Cafe ផ្លូវ​លេខ ១០២

 

ក្រុម​ចម្រៀង​ The Boxchords បាន​ត្រលប់​មក​វិញ ហើយ​នឹង​សម្ដែង​នៅ​ Alchemy ល្ងាច​នេះ ដឹក​នាំ​ការ​សម្ដែង​ដោយ​ Joshua Chiang ពួក​គេ​នឹង​នាំ​យក​នូវ​តន្ដ្រី​បែប Feel good Pop មិន​ថា​ជា​បទ​ចម្រៀង​ថ្មី​និង​ចាស់​។

ចាប់​ពី​ម៉ោង​៧ក​ន្លះ​ល្ងាច​នៅ Alchemy ផ្លូវ​លេខ ១២៣

 

កម្មវិធី​ open mic jam session នៅ​ Cloud ត្រលប់​មក​វិញ​នៅ Cloud រាត្រី​នេះ​រៀប​ចំ​កម្មវិធី​ដោយ Alisha និង John។ នេះ​ជា​ឱកាស​ល្អ​មួយ​សម្រាប់​តន្ដ្រី​ករ​ ដែល​ចង់​បង្ហាញ​សមត្ថភាព​ខ្លួន​ ក៏​ដូច​ជា​ចូលរួម​សម្ដែង​អ្នក​ដែល​ចូលរួម​ដទៃទៀត​នៅ​ទី​នោះ​ផង​ដែរ។

ចាប់​ពី​ម៉ោង​៧​កន្លះ​នៅ Cloud ផ្លូ​វលេខ ៩

 

ក្រុម​ចម្រៀង​ Pocket Change នឹង​នាំ​យក​មកនូវ​តន្ដ្រី​បែប Funk, Hip Hop និង R&B មក​កាន់ Ege Bar។​ រំពឹង​នូវ​ការ​សម្ដែង​តន្ដ្រី​បែប​ សប្បាយៗ​និង​ពោរពេញ​ទៅដោយ​ Energy។

ចាប់​ពី​ម៉ោង​៨​យប់​នៅ Ege Bar ផ្លូវ​លេខ ៤៦០

 

រាំកម្សាន្ត

 

សម្រាប់​ល្ងាច​ថ្ងៃ​សៅរ៍​នេះ​នៅ Meta House មាន​កម្មវិធី​ចាក់​តន្ដ្រី​ពី Airfix Twin and Selectah Gorimaa ប្ដូរ​វេនគ្នា​បន្ត​របន្ទាប់​ ចាប់​ផ្ដើម​ពី​ម៉ោង​៩​យប់។ បន្ទាប់​ពី​នេះ Scrambled X នឹង​នាំ​យក​តន្ដ្រី​បែប Baseline Techno ពី​ទីក្រុង​ប៊ែកឡាំង​យក​មក​ចាក់​រាំ​កម្សាន្ត។

ចាប់​ពី​ម៉ោង​៩​យប់​នៅ Meta House ផ្លូវ​លេខ ១៧៨

 

Bouchon Wine Bar នឹង​មាន​កម្មវិធី​ចាក់​តន្ដ្រី​បែប Disco, Funk សម្រាប់​កម្មវិធី disco funk get down អម​ជាមួយ​ស្រាក្រឡុក​ដ៏​មាន​ឱជារស។

ចាប់​ពី​ម៉ោង​៩​យប់​នៅ Bouchon Wine Bar ផ្លូវ​លេខ ១៧៤

 

មាន​អ្វី​ទៀត?

 

TorTim គឺ​ជា​កន្លែង​តាំង​ពិពរណ៌​មួយ​បង្កើត​ដោយ​អ្ន​ក​សិល្បៈ​កម្ពុជា ក្នុង​ផ្នែក​ផ្សេងៗ​គ្នា ដើម្បី​ផ្ដល់​នូវ​ទីតាំង​សម្រាប់​អ្នក​សិល្បៈ​កម្ពុជា​ផ្សេង​ទៀត​បង្ហាញ​ស្នាដៃ​របស់​ខ្លួន។ ពួក​គេ​បាន​ចាប់​ផ្ដើម​ការងារ​សប្ដាហ៍​ទី​៣​​ថ្ងៃ​នេះ ដោយ​មាន​ដាក់​បង្ហាញ​ផលិត​ផល​ពី Green Lady កម្ពុជា​ និង គ្រឿង​ផ្ទះ​បាយ​ពី Ghechie និង Nay។

ចាប់​ពី​ម៉ោង​១០​ព្រឹក​ដល់​៦​ល្ងាច​នៅ TorTim Art Gallery and Cafe ផ្លូវ​លេខ ៤២៦

 

ដោយ​មិន​ទាន់​អាច​ប្រារព្ធ​កម្មវិធី​ ដែល​មាន​អ្នក​ចូលរួម​ច្រើន​ Farm to Table បន្ត​កម្មវិធី​ផ្សារកសិករ​ខ្នាត​តូច​។ សប្ដាហ៍​នេះ​នឹង​មាន​ដាក់​លក់​នូវ​គ្រឿង​ទេស ក៏ដូច​ជា​ផលិតផល​ថែ​រក្សា​​​ស្បែក​ផលិត​ពី​ប្រេងដូងផង​ដែរ ពី Coco Khmer និង​ប័រ​ពី Joyfully Nutty។

ចាប់ពី​ម៉ោង​១០​ព្រឹក​ដល់​២​រសៀល​នៅ Farm to Table ផ្លូវ​លេខ ៣៦០។​

 

WS1 និង​ Factory នឹង​មាន​កម្មវិធី ពិសេស​សម្រាប់​អ្នក​ដែល​ចូល​ចិត្ត​អាន​សៀវភៅ។ ចាប់​ផ្ដើម​ពី​ថ្ងៃត្រង់​ អ្នក​អាច​យក​សៀវ​ភៅដែល​អ្នក​បា​នអាច​រួច ដើម្បី​យក​មក​ប្ដូរ​យក​សៀវភៅ​ថ្មី​ក្នុង​កម្មវិធី book exchange meetup។ អ្វី​ដែល​ពិសេស​នោះ​គឺ​អ្នក​អាច​ ជួប​ជាមួយ​បណ្ដា​អ្នក​ចូល​ចិត្ត​អាន​សៀវ​ភៅ​ដទៃ​ទៀត ដើម្បី​ពិភាក្សា​រឿង​រ៉ាវ​ផ្សេងៗ​ពាក់ព័ន្ធ​ក៏​ដូច​ជា បង្កើត​មិត្ត​ភាព​ថ្មីៗ​ផង​ដែរ។ បន្ថែម​ពី​នេះ​ទៀត​ចាប់​ពី​ម៉ោង​២​រសៀល​ អ្នក​អាច​ចូលរួ​ម​កម្មវិធី boardgame meetup ដែល​អាច​អោយ​អ្នក​រៀន​ Boardgame ជា​ច្រើន​ប្រភេទ​ដោយ​អ្នក​អាច​នាំ​យក​ ប្រដាប់លេង​ខ្លួន​ឯង​មក​ជាមួយដូច​គ្នា។

ចាប់​ពី​ថ្ងៃ​ត្រង់​ដល់​៥​ល្ងាច​នៅ The Factory ផ្លូវ​ជាតិ​លេខ​២

 

ថ្ងៃអាទិត្យ

 

ភាពយន្ត

 

ពី​ក្នុង​រឿង Seven Samurai របស់អ្នក​ដឹក​នាំ​រឿង​ល្បី​ឈ្មោះ​ Akira Kurosawa ក្រុម​សាម៉ូរ៉ៃ​៧​រូប​ បាន​ត្រូវ​គេ​ជួល​ពី​ទីក្រុង​តូច​មួយ ដើម្បី​ការ​ពារ​ទីតាំង​នោះ​ពី​សំណាក់​ចោរ​ប្លន់​ទ្រព្យ​សម្បតិ្ត។

ចាប់​ពីម៉ោង​៧​ល្ងាច​នៅ Meta House ផ្លូវ​លេខ ១៧៨ 

 

តន្ដ្រី

 

Sundown Social Club នឹង​មាន​កម្មវិធី Afrobeats rooftop day party ដំបូង​បង្អស់​នៅភ្នំពេញ។ Afrobeats គឺ​សំដៅទៅ​លើ​តន្ដ្រី​ Beat ដែល​ធ្វើ​ឲ្យ​ល្បី​ឈ្មោះ​ពី​តន្ដ្រីករ Fela Kuti ពី​ទ្វីប​អាហ្វ្រិក។ តន្ដ្រី​នេះ​ក៏​មាន​លក្ខណ​ស្រដៀង Afrolatino និង Caribbean Tunes ផង​ដែរ។

ចាប់​ពីម៉ោង​៤កន្លះ​ដល់១១​កន្លះ​នៅ Sundown Social Club ផ្លូវលេខ ៤៤០

 

នៅ Sharky’s នឹង​មាន​កម្មវិធី​និយាយ​កំប្លែង Standup Blues and Sitdown Comedy សម្រាប់​រាត្រី​នេះ​ចូលរួម​ដោយ តន្ដ្រី​ករ zzgarzz សម្ដែង​តន្ដ្រី​ Jazz និង Latin អម​ដោយ​ Blind Boy Baloney និយាយ​រឿង​កំប្លែង​ខ្លះ​ៗ​ឲ្យ​អ្នក​ចូលរួម​កម្សាន្ត​អារម្មណ័៍។

ចាប់​ពីម៉ោង​៩កន្លះ​ដល់​១២​កន្លះ​យប់​នៅ Sharky’s ផ្លូវ​លេខ ១៣០

 

សិល្បៈ

 

ថ្ងៃ​នេះ​គឺ​ជា​ថ្ងៃ​ចុង​ក្រោយ​នៃ​ការ​បង្ហាញ​ស្នាដៃ​របស់​លោក Morrison Polkinghorne នៅ​ការ​ដាក់​តាំង​ពិពរណ៌មួយ​នៅ​សណ្ឋាគារ​ Sofitel។ ដោយ​ប្រើ​ប្រាស់​ជក់​ផ្កាឈូក​ក៏​ដូច​ជា​ទឹក​ថ្នាំ​ធ្វើ​ពី​ផ្កាឈូក​ដូច​គ្នា លោក​បាន​គូរ​គំនូរ​ដោយ​ប្រើ​ប្រាស់​បច្ចេកទេស​ចិន​និង​ជប៉ុន​បុរាណ។

ចាប់​ពី​ថ្ងៃ​ទី​១១​ដល់​៤​រសៀល​នៅ Sofitel វិថី​សុធារស

 

មាន​អ្វី​ទៀត?

 

សម្រាប់​ជា​ការ​បន្ត​មួយ​ក្នុង​គម្រោង Girl Empowerment,​ Meta House និង Khmer Art Action បាន​រៀប​ចំ​កម្មវិធី theatre performance followed by a panel discussion ផ្ដោត​សំខាន់​ទាំង​នៅ​លើ​ការ​ដឹកនាំ​និង​ដំណែង​ការងារ​ផ្សេងៗ​របស់​ស្ដ្រី។ តុពិភាក្សា​នឹង​ចូលរួម​ដោយ​ស្ដ្រី​ពី​ដំណែង​និង​មុខងារ​ផ្សេងៗ​ ដោយ​និយាយ​អំពី​បទពិសោធន៍​របស់​ពួក​គេ។

ចាប់​ពី​ម៉ោង​២​រសៀល​ត​ទៅ នៅ Meta House ផ្លូវ​លេខ ១៧៨

 

Continue Reading
You may also like...
Click to comment

Leave a Reply

More in មគ្គទេស​ចុង​សប្ដាហ៍

You Might Like…

អត្ថបទ​សំខាន់​​ និង​ កិច្ចស​ម្ភាសន៍​ផ្សេងៗ

ជួបជាមួយជើងខ្លាំងដែលអ្នកមិនធ្លាប់លឺពីមុនមក គឺអ្នកស្រី សយស្រស់

By ខែ​មិថុនា 15, 2020

Our Writers

Facebook

Take Me To…

To Top