Connect with us

កម្មវិធី​សប្ដាហ៍ហ្វេសិន REVOLUTION ឆ្នាំនេះ​ធ្វើ​ជា​លក្ខណៈ​ឌីជីថល​

ជំរើស​យើង

កម្មវិធី​សប្ដាហ៍ហ្វេសិន REVOLUTION ឆ្នាំនេះ​ធ្វើ​ជា​លក្ខណៈ​ឌីជីថល​

កម្មវិធី​សប្ដាហ៍ហ្វេសិន REVOLUTION ឆ្នាំនេះ​ធ្វើ​ជា​លក្ខណៈ​ឌីជីថល​

ខណៈ​ពេល​ដែល​ការ​ប្រមូល​ផ្ដុំ​រៀប​ចំ​កម្មវិធី​នៅ​ទីសាធារណៈ​ត្រូវ​បាន​ផ្អាក​ជា​បណ្ដោះ​អាសន្ន ក្រុម​អ្នក​ចាប់​អារម្មណ៍​នឹង​វិស័យ​ហ្វេសិន​នៅ​កម្ពុជា​ បាន​រៀប​ចំកម្មវិធី​សប្ដាហ៍​ហ្វេសិន​ ដោយ​ពោរពេញទៅ​ដោយ​ព័ត៌មាន​និង​​ការ​កម្សន្ត​នានា​ពាក់ព័ន្ធ​នឹង​ហ្វេសិន​គួរ​ឲ្យ​ចាប់​អារម្មណ៍ ចាប់​ពី​ថ្ងៃ​ទី ២០ ដល់ ២៦ ខែ​មេសា។​

ជាក់​ស្ដែង​សម្រាប់​ពេល​នេះ​ការ​ប្រមូល​ផ្ដុំ​គ្នា​ធ្វើ​សកម្ម​ភាព​គ្រប់​យ៉ាង​ត្រូវ​បាន​ផ្អាក ដូច្នេះ​ហើយ​ទើប​ កម្មវិធីសប្ដាហ៍​ហ្វេសិន​ពី Fash Rev Cambodia ត្រូវ​ធ្វើ​ឡើង​ជា​លក្ខណៈ​ឌីជីថល​វិញ​ម្ដង។ សម្រាប់​កម្មវិធី​ពេញ​មួយសប្ដាហ៍​នេះ គឺ មាន​គោល​បំណង​ធ្វើឡើង​ដើម្បី​​  បង្ហាញ​ទៅ​កាន់​សាធារណៈ​ជន​នូវ​ការ​ផលិត​សម្លៀកបំពាក់​ ក៏ដូច​ជា​ផ្ដល់​នូវកិត្តិយស​ដល់​អ្នក​ផលិត​ផង​ដែរ។ ចំពោះ​ការ​រៀប​ចំ​ទូទៅ​គឺ​មាន​ដាក់​បញ្ចូល​នូវ​កម្មវិធី​ជា​ច្រើន​ដូច​ជា ការ​ដើរ​បង្ហាញ​ម៉ូដ​ពី​អ្នក​រចនា​ម៉ូដ​ប្រចាំ​ប្រទេស​កម្ពុជា ការ​ដាក់​ឲ្យ​ផ្លាស់ប្ដូរសម្លៀក​បំពាក់ ការ​បើក​ស្ទូឌីយ៉ូ​ឲ្យ​ទស្សនា ការ​ដាក់​បញ្ចាំង​ភាពយន្ត​ និង​តុពិភាក្សា។

រាល់កម្មវិធី​ដែល​ធ្វើ​ឡើង​ទាំង​អស់​នេះ ក៏​នឹង​ប្រព្រឹត្តជាមួយ​ប្រទេស​ដល់​ទៅ ១៦០ទៀត​ឯណោះ​ រៀប​ចំ​ដោយ​នារី​ៗដែល​ជា​សមាជិក​ក្នុង​ក្រុម​អន្តរជាតិ​ Fashion Revolution។ អង្គការ​នេះ​បាន​រៀប​ចំ​គម្រោង​ជា​ច្រើន​ សម្រាប់​វិស័យ​ឧស្សាហកម្ម​ហ្វេសិន​ក្នុង​គោល​បំណង​ ដើម្បី​ឲ្យ​មាន​សុវត្ថិភាព មិន​បំពុល​បរិស្ថាន ជា​ពិសេស​ឲ្យ​ដំណើរ​ការ​នៃ​ហ្វេសិន​មាន​ភាព​កាន់​តែ​រលូន​និង​ងាយ​ស្រួល។ បង្កើត​កាល​ពី​ឆ្នាំ ២០១៣ ខណៈ​ពេល​ដែល​​​​​រោង​ចក្រ Rana Plaza បាន​​បាក់​សង្កត់​និង​សម្លាប់​កម្មករ​រោង​ចក្រ​ដល់​ទៅ​ជាង​មួយ​ពាន់​នាក់​កាល​ពី​ឆ្នាំ ២០១៣។ សម្រាប់​កម្មវិធី​ Fashion Revolution Week ដែល​ធ្វើ​ឡើង​ជា​រៀង​រាល់​ឆ្នាំ​នេះ​​​ក៏​តែង​តែ​រំឮក​នូវ​ហេតុការណ៍​សោក​សៅ​ដែល​បាន​កើត​ឡើង​នេះ​ផង​ដែរ។

 

ទោះ​បី​ជា​​អំឡុង​ពេល​នេះ​ខណៈ​ដែល​ពិភពលោក​កំពុង​តែ​ជួប​ប្រទះ​នឹង​ជំងឺ​រាតត្បាត​ Covid-19 កម្មវិធី​នេះ​នឹង​ធ្វើឡើង​ទៅ​តាម​លក្ខណៈ​ជា​អន​ឡាញ​ជំនួស​វិញ។ សម្រាប់​ប្រទេស​កម្ពុជា​ផ្ទាល់​សុខ​ភាព​នៃ​កម្មករ​ កម្មការនី​កាត់​ដេរ​ពិត​ជា​មាន​សារៈ​សំខាន់​ ដូច្នេះ​ទើប​កម្មវិធី​នេះ​ត្រូវ​តែ​ធ្វើ​ឡើង​ខាន​មិន​បាន។​ 

 

“ពួក​យើង​បាន​រៀប​ចំ​គម្រោ​ង​និ​ង​ផែន​ការ​រួច​អស់​ទៅ​ហើយ ដូច្នេះ​យើង​ត្រូវ​តែ​ប្ដូរ​វា​ទៅ​ជា​លក្ខណៈ​ឌីជីថល​វិញ។” នេះ​បើ​តាម​ការ​លើក​ឡើង​ពីអ្នក​ស្រី Jasmine Summers អ្នក​សម្រប​សម្រួល​នៃ Fash Rev Group ប្រចាំ​ប្រទេស​កម្ពុជា ដែល​ចាប់​ផ្ដើម​គម្រោង​នេះ​តាំង​ពី​ខែ​ធ្នូ​ឆ្នាំមុន​មក​ម្ល៉េះ។ 

 

“គំនិត​ដំបូ​ងនៃការ​រៀប​ចំ​កម្មវិធី​នេះ​គឺ​ មាន​លក្ខណៈ​ត្រឹម​តែ​ជា​ការ​ផ្លាស់​ប្ដូរ​សម្លៀក​បំពាក់ និង​ការ​ដាក់​លក់​សម្លៀកបំពាក់​ពី​ Brand តូចៗប៉ុណ្ណោះ​ទេ ប៉ុន្តែ​ក៏ជា​ការ​នាំ​មក​នូវ​គំនិត​បង្កើត​ថ្មីៗ ការ​រៀន​សូត្រ​ ពី​បណ្ដា​អ្នក​ដែល​ចូលរួម​ចំណែក​តាម​រយៈ​តូប​តូចៗទាំង​នោះ។ ដូច្នេះ​ វា​ប្រៀប​បាន​នឹង​​​ការ​សហការ​គ្នា​ក្នុង​ស្រុក​ ចំពោះ​អ្នក​ដែល​ត្រូវ​ជួល​តូប​លក់​ក៏ដូច​ជា​អាច​ផ្ដល់​ជូន​នូវ​មេរៀន​សម្រាប់​ការ​កាត់​ដេរ​ផង​ដែរ​ ដូច្នេះវាជា​សកម្មភាព​ពិសេស​មួយ​ ហើយ​ខ្ញុំ​ចង់​ឲ្យ​វាត្រលប់​មក​វិញ។”

 

ប៉ុន្តែ​នាង​ក៏បន្ថែម​ទៀត​ថា សម្រាប់​ឈុតសម្លៀក​បំពាក់​ដែល​ត្រូវ​គេ​ស្រលាញ់​ពេញ​ចិត្ត នឹង​អាចឲ្យ​ចាប់​ផ្ដើម​ចាប់​អារម្មណ៍​ពី​តម្លៃ​នៃ​ការ​ឌីហ្សាញ​ និង​ការ​ច្នៃប្រឌិត​ជាជាង​តែការ​ផ្លាស់​ប្ដូរ​សម្លៀក​បំពាក់។​​

 

#lovedclotheslast គឺ​ជាគោល​គំនិត​សម្រាប់​ឆ្នាំនេះ ហើ​យពួក​គេ​ក៏បាន​ស្នើរឲ្យ​អ្នក​ស្រលាញ់​ខាង​វិស័យ​ហ្វេសិន​ ​ថត​រូប​នូវ​ឈុតឬផ្នែក​មួយ​នៃ​សម្លៀក​បំពាក់​របស់​ពួក​គេ​ ហើយ​ផ្ញើរ​ទៅ​កាន់ Fash Rev Cambodia ឬ​ក៏អាច​ផ្ញើរ​សារ​អេឡិចត្រូនិក​ទៅ​កាន់ ​cambodia@fashionrevolution.org ដោយ​រៀប​រាប់​ពី​សាច់​រឿង​ថា​ហេតុ​អ្វី​បាន​ជាពួក​គេ​ពេញ​ចិត្ត​នូវ​ឈុត​សម្លៀក​បំពាក់​នោះ។ ក្រុម​នេះ​នឹង​ប្រមូល​រូបភាព​និង​សាច់​រឿង​ទាំង​អស់​និង​បង្ហោះ​នៅ​ថ្ងៃ​អាទិត្យ​ចុង​សប្ដាហ៍នេះ ដែលនឹងជា​សកម្មភាព​ចុង​ក្រោយ​នៃ​កម្មវិធី។

 

សម្រាប់ឱកាស​នេះ​ដែរ​ សម្រាប់​អ្ន​ក​ដែល​ស្ម័ក្សចិត្ត​ចូលរួម​រៀប​ចំ​កម្មវិធី​នេះ​ដែល​ត្រៀម​ខ្លួន​បង្ហាញ​ ផ្ទាល់​​ពី​​​ជំនាញ​ដ៏មាន​ប្រយោជន៍​ផ្សេង​ៗពាក់​ព័ន្ធ​នឹង​ហ្វេសិន ដែល​វីដេអូ​ទាំង​អស់​នឹង​បង្ហោះ​លើ​​អ៊ីនធឺណិត​ជំនួស​វិញ​។ ក្នុង​នោះ​ប្រសព្វ​ដោយ​វីដេអូ​សម្បូរ​បែប​មិន​ថា​ជា​គន្លឹះ​ផ្សេងៗស៊ី​ជម្រៅ ឬ​ក៏កា​រដេរ​ម៉ាស​បិទ​មុខ​ធម្មតា។

 

សម្រាប់ការ​ដាក់​បញ្ចាំង​ភាពយន្ត​ឯកសារ Riverblue នឹង​ធ្វើ​ឡើង​ជា​លក្ខណៈ​ផ្សាយ​ផ្ទាល់​វិញ​ ជំនួស​ការ​ដាក់​បញ្ចាំង​នៅ​នឹង​ទី​តាំង។ ការ​ផ្លាស់​ប្ដូរ​នេះ​ក៏នឹង​ធ្វើឡើង​ដូចគ្នា​ជាមួយ​នឹង​ការ​ដាក់​បញ្ចាំង​ស៊េរីឯកសារ ​“Factory Life” ពី Asia Foundation។ នេះ​ជា​វីដេអូ​ឯកសារ​ និយាយ​ជា​ភាសារ​ខ្មែរ​ប៉ុន្តែ​មាន​ Subtitles ជា​ភាសារ​អង់គ្លេស​ ដែល​បង្ហាញ​ពី​ជីវិត​ជា​កម្មករ​​កាត់ដេរ​សម្រាប់​ជន​ជាតិ​ខ្មែរ​ ប្រកប​របរ​នេះ​ដើម្បី​ចិញ្ចឹម​ជីវិត។ 

សម្រាប់ព្រឹត្តការណ៍​ពិសេស​មួយ​សម្រាប់​កម្មវិធី​សប្ដាហ៍នេះ​ អាច​នឹង​មិន​អាច​កើត​ឡើង​ប្រសិនជា​គ្មាន​វត្តមាន​ពី​វីរុស​ Covid-19។  វីដេអូ​និង​រូបថតជា​ច្រើន​លក្ខណៈ​ជា​ ទេសចរណ៍​នៅ​ខាង​ក្នុង​ស្ទូឌីយ៉ោ (Open Studios Tours) បាន​ផ្ដល់​ឲ្យ​ពី​សំនាក់​ស្ទូឌីយ៉ូ​ហ្វេសិន​ក្នុង​ស្រុក​មួយ​ចំនួន​ ផ្ដោត​សំខាន់​ទៅ​លើ​ដំណើរ​ការ​ផលិត​ ការ​ប៉ះពាល់​នានា​ពី​សំណាក់​មេរោគ Corona ទៅ​កាន់​សហគមន៍​អន្តរជាតិ ក៏ដូច​ជា​ជះ​ឥទ្ធិពល​នៃ​សហគមន៍​ហ្វេសិន​ក្នុង​ស្រុក​ដូច​គ្នា។

 

“ខ្ញុំ​ទទួល​បាន​វីដេអូ​ពីរពី​​ Brands ដែល​មាន​ទី​តាំង​នៅ​កម្ពុជា​ តាម​រយៈ​វីដេអូ​នោះ​យើង​សង្កេត​ឃើញ​ថា ស្ទូឌីយ៉ោ​របស់​ពួក​គេ​​គឺ​មាន​លក្ខណៈ​ទទេរ​ដោយ​សារ​ ពួក​គេ​ត្រូវ​ផ្លាស់​ប្ដូរ​របរ​ជំនួញ​ពួក​គេ​ខណៈ​ពេល​​មាន​បញ្ហា​ដោយ​មេរោគ​ Covid។” អ្នក​ស្រី Summers បាន​បន្ថែម​ថា​ “សម្រាប់​ក្រុម​ហ៊ុន​ផ្សេងៗបាន​បង្ហាញ​នូវ​សាច់​រឿង​ជា​ស៊េរី​រូប​ថត​បង្ហាញ​ពី ​ស្ទូឌីយ៉ោ​និង​ក្រុម​ការងារ​របស់​ពួក​គេ បង្ហាញថា​តើ​ Covid-19 ​​​បាន​ប៉ះពាល់​ជំនួញ​ពួក​គេ​យ៉ាង​ណា​ខ្លះ ក៏ដូច​ជា​តើ​ពួក​គេ​ប្រឈម​មុខ​នឹង​បញ្ហា​នេះ​ដោយ​របៀប​ណា?”​

សម្រាប់កម្មវិធី​ផ្សេង​ទៀត​ដែល​ធ្វើ​ឡើង​ជា​លក្ខណៈ​ Live ផ្ទាល់​គឺ Nerd Night បាន​ធ្វើ​ឡើង​កាល​ពី​យប់​ថ្ងៃ​ច័ន្ទ​កន្លង​ទៅ​នេះ។ សម្រាប់​ Nerd Night រាត្រីម្សិល​មិញ​នេះ វាគ្មិនអ្នក​ចូល​រួម ម្នាក់​ៗត្រូវ​ត្រៀម Slides ចំនួន​ ២០ ដោយ​មាន​ពេល​ ២០វិនាទី​សម្រាប់ Slide នីមួយៗក្នុង​ការ​ពន្យល់។ ​​​កម្មវីធី​នេះ​ធ្វើ​ឡើង​ដោយ​ប្រើ​កម្មវិធី Zoom ព្រម​ទាំង​មាន​ការ​ផ្សាយ​ផ្ទាល់​ពី ទំព័រ​ហ្វេស​ប៊ុក​ផ្លូវ​ការ​របស់ Nerd Night ផង​ដែរ។ អ្នក​អាច​ត្រលប់​ទៅ​ទស្សនា​កម្មវិធី​នេះទាំង​ស្រុង​នៅ ​ ទំព័រ​ហ្វេស​ប៊ុក​ផ្លូវ​ការ​របស់ Nerd Night ដដែល​។

សម្រាប់​កម្មវិធី​ផ្សាយ​ផ្ទាល់​មួ​យ​ទៀត​គឺ កម្មវិធី Future of Fashion Forum សហការឧបត្ថម្ភដោយ​ German Agency International Cooperation ជា​តុពិភាក្សា​ពី​អ្នក​ជំនាញ​ផ្ទៃក្នុង​ពី​ឧស្សាហកម្មនេះ ដែលនឹង​និយាយ​រៀប​រាប់​ពី​គំនិត​មួយ​នៃ​ការកែ​ប្រែវិស័យ​នេះ តើ​វា​នឹង​មាន​លក្ខណៈ​ដូចម្ដេច​នៅ​ឆ្នាំ ២០៣០។ តុពិភាក្សានេះ​ក៏ផ្ដោត​សំខាន់​ទៅ​លើ គោល​គំនិតផ្ទាល់​ពី​បណ្ដា​ក្រុមហ៊ុន​និង​អ្វី​ដែល​កម្មករ​ចង់​បាន រាប់​បញ្ចូលទាំង​ឯក​ជន​ និង​សាធារណៈ។​​​​ ទំព័រហ្វេសប៊ុក​សម្រាប់​ព្រឹត្តការណ៍​នេះផ្ទាល់​ អនុញ្ញាតិ​ឲ្យ​អ្នក​ផ្ដល់​នូវ​សំនួរ​ខ្លះៗ​ ដែល​អ្នក​ចង់​ដឹង​ជុំ​វិញ​នូវ​អ្វីៗដែល​ពួក​គេ​នឹង​លើក​យក​មក​ពិភាក្សា។​

 

“ចន្លោះ​ពេល​ពី​ថ្ងៃច័ន្ទ​និង​ថ្ងៃ​ព្រហស្បត្តិ៍ យើង​នឹង​ទទួល​បាន​ការ​​បក​ស្រាយ​និង​ការ​រាយការណ៍ ពិសេស​នូវ​ស្ថានការណ៍​នៅ​កម្ពុជា ពី​ប្រភព​ជាក់​លាក់​ផង​ដែរ”​ នេះ​បើ​តាម​អ្នក​ស្រី Summers។

 

បន្ទាប់​ពី​ដឹង​ឭ​នូវ​ការ​ផ្លាស់​ប្ដូរ​អស់​ទាំង​នេះ​ ខ្ញុំ​ចង់ដឹង​ថាតើ​វា​នឹង​មាន​ការ​ផ្លាស់​ប្ដូរ​វិជ្ជមាន​នូវ​ការ​ប្ដូរ​ទៅ​ជាអនឡាញ​នេះ ដោយ​មនុស្ស​កាន់​តែ​ច្រើន​​អាច​មើល​ឃើញ​និង​រៀន​សូត្រ ពី​ព្រោះ​លើក​នេះ​កម្មវិធី​នេះ​មិនត្រឹមតែ​ផ្ដល់​ជូន​នូវ​ព័ត៌មាន​តែ​បណ្ដាអ្នករស់​នៅ​ទីក្រុង​ភ្នំពេញ​តែ​ប៉ុណ្ណោះ​ទេ ប៉ុន្តែ​អាច​ចូល​ទស្សនា​បាន​ទូទាំង​ពិភពលោក។​​ នេះ​ជា​ឱកាស​មួយដែល​យើង​អាច​បង្ហាញ​ពី​លក្ខណៈ​ពិសេស​នៃ​ទីក្រុង​ភ្នំពេញ​ផង​ដែរ។​ 

 

អ្នក​ស្រី​ Summers ទទួល​ស្គាល់​ថា ទោះ​បី​ជា​នាង​មាន​ការ​ព្រួយ​បារម្ភ ក្នុង​ការ​ខ្វះខាត​ពេល​វេលា​សម្រាប់​បក​ប្រែ​នូវ​ឯកសារ​ ឬ​ព័ត៌មាន​ពី​ភាសារ​អង់គ្លេស​មក​ជាភាសារ​ខ្មែរ។ “អ្វី​ដែល​យើង​មិន​អាច​ធ្វេសប្រហែស​បាន​គឺ ការ​ជម្រុញ​ឲ្យ​សហគមន៍ខ្មែរចូលរួម​ឲ្យ​កាន់​តែ​ច្រើន​សម្រាប់​កម្មវិធី​នេះ។” អ្នក​ស្រី​ Summers បន្ថែម​ថា “ខណៈ​ដែល​ពេល​នេះ​យើង​បាន​ផ្លាស់​ប្ដូរ​ទៅ​កាន់​សហគមន៍​អន្តរជាតិ​ក៏ពិត​មែន ប៉ុន្តែ​ការ​បាត់​បង់​ការ​ចូលរួម​ពី​សំណាក់​សហគមន៍​ខ្មែរ​គឺ​អ្វី​ដែល​យើង​មិន​ចង់​បាន។​​​”

មាន​អ្វី​ខ្លះ​កើត​ឡើង​សម្រាប់ Fash Rev Fashion Week:

រាត្រី​ថ្ងៃ​ច័ន្ទ​ម៉ោង ៨​ថ្ងៃ​ទី ២០មេសា: Nerd Night X Fash Rev, Facebook Live និង​ Zoom។ 

ពេញមួយ​ថ្ងៃ​​អង្គារ​ទី ២១ ខែ​មេសា វីដេអូ​បង្ហាត់បង្រៀន​ផ្សេងៗ Upload ពេញ​មួយ​ថ្ងៃ

ពេញ​មួយ​ថ្ងៃ​ពុធ ទី២២ខែ​មេសាៈ វីដេអូ​ពី  The Asia Foundation សម្រាប់​ស៊េរីឯកសារ “Factory Life” Upload ពេញ​មួយ​ថ្ងៃ។ 

ម៉ោង ៦កន្លះ​ល្ងាច​ថ្ងៃ ព្រហស្បត្តិ៍​ទី ២៣ ខែ​មេសា: Future of Fashion Forum, Facebook Live និង Zoom។   

ពេញ​មួយ​ថ្ងៃ​សុក្រ​ទី ២៤ខែ​មេសាៈ Fashion Trivia បង្ហោះ​ពេញ​មួយ​ថ្ងៃ​ បន្ទាប់​មក​នឹង​មានការ​ដាក់​បញ្ចាំង​ភាពយន្តឯកសារ River Blue។​ 

ពេញ​មួយ​ថ្ងៃ​សៅរ៍​ទី ២៥ខែ​មេសាៈ វីដេអូ​បង្ហាញ​ពី ក្រុម​ហ៊ុន​ឌីហ្សាញ​សម្លៀក​បំពាក់​ក្នុង​ស្រុក បង្ហោះ​ពេញ​មួយ​ថ្ងៃ។

ពេញ​មួយ​ថ្ងៃ​អាទិត្យទី ២៦ខែ​មេសាៈ បង្ហាញ​ពី​អ្នក​ចូលរួម  #lovedclotheslast និង​វីដេអូ​ចុង​ក្រោយ​បញ្ចប់​កម្មវិធី។

 

Continue Reading
You may also like...
Click to comment

Leave a Reply

More in ជំរើស​យើង

You Might Like…

អត្ថបទ​សំខាន់​​ និង​ កិច្ចស​ម្ភាសន៍​ផ្សេងៗ

ជួបជាមួយជើងខ្លាំងដែលអ្នកមិនធ្លាប់លឺពីមុនមក គឺអ្នកស្រី សយស្រស់

By ខែ​មិថុនា 15, 2020

Our Writers

Facebook

Take Me To…

To Top