Connect with us

ចុងសប្ដាហ៍មកដល់ទៀតហើយ នេះ​ជា​សកម្មភាពផ្សេងៗ អ្នក​អាចចូលរួម

ជំរើស​យើង

ចុងសប្ដាហ៍មកដល់ទៀតហើយ នេះ​ជា​សកម្មភាពផ្សេងៗ អ្នក​អាចចូលរួម

ចុងសប្ដាហ៍មកដល់ទៀតហើយ នេះ​ជា​សកម្មភាពផ្សេងៗ អ្នក​អាចចូលរួម

គ្រប់យ៉ាង​ដែលអ្នក​មិនគួររំលងចាប់ពី​ថ្ងៃសុក្រដល់ថ្ងៃអាទិត្យ

Translated by Thearo Nuch. 

Read this in English here >

 

ថ្ងៃសុក្រ

 

មាន​អ្វី​ដាក់បញ្ចាំង?

 

ភាពយន្តឯកសារថ្មី បែប​តន្ដ្រីចម្រៀង​ដែល​រៀបរាប់ពីជីវិត​របស់ តារា​ច្រៀង​ល្បី​ឈ្មោះ Elton John ចំណង​ជើង​ថា “Rocketman” នឹង​ចាប់​ដាក់​បញ្ចាំង​នៅ​ the Flicks ចុងសប្ដាហ៍នេះ។ បើគ្រាន់​តែមើលតាម​ការ​ស្លៀកពាក់​របស់​តារា​រូប​នេះ យើង​ក៏ដឹងហើយ​ថា ជីវិត​របស់​លោកពិត​ជាគួរឲ្យ​ចាប់អារម្មណ៍យ៉ាង​ណា។ មិន​ត្រឹម​តែប៉ុណ្ណោះ​យើង​ក៏ចង់ដឹង​ថា​ “Crocodile Rock” មានន័យថា​យ៉ាងណា? អីចឹង​មាន​តែ​ចាំ​អ៊ុតមើល​ទាំងអស់គ្នា។

មាន​អ្វី​ នៅ​ឆាក​សម្ដែង?

 

និយាយរួមទៅ​គឺ​មាន​តាំង​តែ​ពី​តន្ដ្រីបែប រ៉ុក, Blues និង Jazz នឹង​បង្ហាញ​ខ្លួន​យប់​នេះ

 

នៅ Farm to Table នឹង​មាន​រៀប​ចំកម្មវិធីប្រគំតន្ដ្រី Jazz បី​បែបល្ងាច​នេះ ដែល​មាន​អ្នកលេងភ្លេង Guitar និង Bass គឺ​លោក Stan Paleco និង Andrey Meshcheryakov។ តារា​មួយគូនេះ  នឹង​លេង​បទភ្លេងប្រជែង​តារាជើងចាស់​លោក​ Jim Hall និង Ron Carter ដោយ​សម្ដែង​បទ​ភ្លេង​ពី​អាល់ប៊ុម​បញ្ចេញ​ឆ្នាំ ១៩៧២ ចំណងជើង​ថា “Alone Together” ព្រម​ទាំង​បទភ្លេង​ខ្លះ​ពី Paleco និង​ Jazz ស្ដង់ដារ។

 

លោក Jeffro Stark នឹង​នាំយក​នូវ​តន្ដ្រីបែប Electric Blues  និង រ៉ុក​តាំងពី Chicago ដោយ​សម្ដែង​ចាប់ពី​ម៉ោង ៨ដល់១១យប់។ អត់ដែលបាន​ទៅ Chi-town? ត្រៀមខ្លួន​សប្បាយ​ទះដៃនិង​ទន្ដ្រាំជើងឲ្យ​ហើយ​ទៅ។

 

ប្រសិន​បើ​អ្នក​ចង់​លោត រាំ​កម្សាន្ត​ព្រមទាំងច្រៀង​តាម​ចង្វាក់ភ្លេង​​បែកញើស​សស្រាក់ កុំភ្លេច​ទៅ​កាន់ Duplex ដើម្បី​ទស្សនា​ក្រុម​ចម្រៀង the 99 Boyz ច្រៀង​ចម្រៀង​ល្បីៗ ពី​ទស្សវត្ស​ទី​៩០។ បើតាម​លោក Mike Dynamo តារា​ចម្រៀងប្រចាំក្រុម​និយាយថា  “The 99 Boyz ចង់​ឲ្យ​អ្នក​ទុក​រឿង​២ក្នុង​ចិត្ត។ ទី១​ ទស្សវត្សទី​៩០គឺ​មិន​មែន​ជា​ទស្សវត្ស​ប៉ុន្តែវា​ជា​អារម្មណ៍ ដែល​បញ្ចេញពី​បេះដូង ដល់​ការស្លៀកពាក់ ហើយ​ទី២ គិត​ទៅ​ដល់​បទ​ចម្រៀង​ទស្សវត្ស​ទី​៩០​ដែល​អ្នក​ចូលចិត្ត។ ជឿជាក់​លើ​បទ​ចម្រៀង​នេះ​ឲ្យ​ខ្លាំង យើង​នឹង​សម្ដែង​បទ​នោះ ១៥០%។  ​

 ​

បើ​សិន​ជា​ចង់​សើចសប្បាយ​ប៉ុន្តែ​ខ្ជិល​ហក់លោត នៅ Box Office នឹង​អាច​ឲ្យ​អ្នក​សើចសប្បាយ​បាន ជាមួយ​នឹង​ការ​និយាយ​រឿង​កំប្លែង ចាប់ពី​ម៉ោង៧កន្លះ​ដល់ ៩កន្លះ​យប់។ ដោយ​មាន​ការចូលរួម​ពី​អ្នក​ជំនាញ​ខាង​កំប្លែង​ប្រចាំ​ភ្នំពេញ កម្មវិធី​ចូលរួម​សេរី​នេះ​នឹង​ធ្វើឲ្យ​អ្នក​សើច​សប្បាយ​ពេញ​មួយ​ចុង​សប្ដាហ៍។ 

 

មាន​អ្វី នៅ​យប់​ជ្រៅ?

DJ Eazy បាន​ធ្វើដំណើរមក​ពី​ប្រទេស​បារាំង ដើម្បី​នាំ​យក​នូវ​បទភ្លេង​ចម្រុះ Hip-Hop, R&B និងអេឡិចត្រូនិក ទៅកាន់​ Pontoon យប់​នេះ ឲ្យ​អ្នក​រាំកម្សាន្ត​តាំងពីម៉ោង ៩យប់​ដល់​ ៤ទៀបភ្លឺ។

 

ថ្ងៃសៅរ៍

 

មានអ្វី សម្រាប់ជម្រើសភេសជ្ជៈ?

មើល​ទៅ​យប់​នេះ គឺ​ជា​យប់​ដើរ​តាម​បារ​

បារល្បី​ទាំង​ពីរ​នៅ​ម្ដុំ បាសាក់ឡេន គឺ Hub Street Cocktails និង Party Patio សុទ្ធ​តែ​ប្រារព្ធកម្មវិធីជប់លៀងខួប​គម្រប់​មួយ​ឆ្នាំ។ 

តាំង​ពី​បើក​អស់រយៈពេល​មួយ​ឆ្នាំ​កន្លង​មក Party Patio បាន​ក្លាយ​ជា​កន្លែង​មួយ​សម្រាប់​ ដើរលេង​បន្ត​បន្ទាប់​ពី​កន្លែង​ផ្សេងៗ នៅ​បាសាក់ឡេន​ បានបិទ​អស់។ យប់​នេះ​កន្លែង​នេះនឹង​មាន​កម្មវិធី​ជប់លៀង​ខ្នាតធំមួយ ដែល​មាន​ DJ Premo Sounds ចាក់​ភ្លេង​និងមាន​បម្រើ​ស្រាក្រឡុក​ពិសេស។ ប៉ុន្តែ​ចំពោះ​អ្នក​ចូលរួម​ដែល​បាន​មក​ដល់ទីតាំង​មុន នឹង​មាន​ស្រា​ស្វាគមន៍​ទៀតផង។

ហ៊ិប ដំបូង​គឺ​ជា​បារ​មួយក្នុង​ចំណោម​តុកតុកបារដែល​ត្រូវ​បានគេបញ្ជាឲ្យបិទ ក្បែរវត្តបុទុម​កាល​ពី​ឆ្នាំ​មុន។ ឥឡូវ​នេះ បារ​នេះ​មាន​កន្លែង​ត្រឹមត្រូវ​ព្រម​ទាំង​តុបតែង​ដោយ​ឬស្សី​គួរ​ឲ្យចាប់​អារម្មណ៍​ជា​ពិសេស​គឺ​បន្ទប់ទឹក​តែម្ដង បើ​ចង់​ដឹង​សាក​ទៅ​ម្ដង​ទៅ​ដឹង​ហើយ។ ដើម្បី​អបអរ​ខួបការ​បើក​រយៈ​ពេល​១ឆ្នាំ ហ៊ិប​ នឹង​មាន​ការ​សម្ដែង​ពី Miss Sarawan ព្រម​ទាំង​មាន​ការ​ចម្អិន BBQ ផង​ដែរ ដែល​កម្មវិធី​ចាប់​ផ្ដើម​ពី​ម៉ោង​៦ល្ងាច។​

នៅ​ឯ Edge Bar ម្ដុំទួលទំពូង​វិញ ក្រុម​អ្នក​រៀន​ភាសា​ខ្មែរ “Khmer Study Group” នឹងប្រារព្ធកម្មវិធី​ជប់លៀង​ប្ដូរឈ្មោះ​ជា Phnom Penhian ជា​ឈ្មោះ​ថ្មី​មួយ​បង្ហាញ​ពី សហគមន៍​នៃទីក្រុង​នេះ ដែល​មាន​ទាំង​អ្នក​រស់​នៅ​ក្នុង​ស្រុក​ក៏ដូច​ជា​ជនបរទេស​ដែល​រស់​នៅ​ទី​នេះ ឬ​ក៏​ធ្វើ​ដំណើរកម្សាន្ត​ឆ្លងកាត់។ កម្មវិធី​ជួបជុំ​នេះ​នឹង​ចាប់​ផ្ដើម​ពី​ម៉ោង ៨យប់ អមជាមួយ​នឹង​ការ​សម្ដែង​ទេពកោសល្យ​ផ្សេង​និង​រាំលេង​រហូត​ដល់​ម៉ោង ​៣ ភ្លឺ​ ព្រម​ទាំង​មាន BBQ ផង​ដែរ។

នៅ​ម្ដុំ​នោះ​ដែរ Atlas នឹង​មាន​កម្មវិធី ថ្ងៃ Bastille Day រៀប​ចំដោយ​ Sorya ដែល​ជា​ម្ចាស់ Fizz Cocktail Bar។ កម្មវិធី​នេះ​ក៏​មាន​អ្នក​ចាក់ភ្លេង​កំដរដោយ DJ Toke ផង​ដែរ។

 

មាន​អ្វី ​នៅ​លើ​ឆាក​សម្ដែង?

Java កាហ្វេ​នៅ​ទួលគោក នឹង​បន្ត​កម្មវិធី​ប្រគំតន្ដ្រី​បែប Acoustic ជាមួយ​តារា​ចម្រៀង ម៉ុក សំបូ និង Leon។ ទីតាំង​នេះក៏​នឹង​មាន​បម្រើអាហារ​បែប bbq យប់​នេះ ដោយ​សហការជាមួយ Stone Head Craft សម្រាប់​ស្រាបៀ​ផងដែរ។​  

 

មាន​អ្វី​ទៀត?

 

ជនជាតិ​មក​ពី​ប្រទេស​ដល់ទៅ ២ នឹង​ប្រារព្ធ​ថ្ងៃកម្សាន្ត​ប្រចាំ​ប្រទេស​របស់ខ្លួន​នៅ​ភ្នំពេញ​ថ្ងៃ​នេះ!​

CJCC នឹង​ប្រារព្ធកម្មវិធី​បុណ្យ​២ថ្ងៃ ដើម្បី​អបអរថ្ងៃ​បុណ្យ Tanabata Festival សម្រាប់ថ្ងៃ​សុក្រ​និង​ថ្ងៃសៅរ៍ចុងសប្ដាហ៍នេះ ចាប់ពី​ម៉ោង​៩ព្រឹក​ដល់៨យប់។ មជ្ឈមណ្ឌលជប៉ុន​នេះ​នឹង​មាន​ ការ​បង្រៀន​បត់ក្រដាស ធ្វើម្ហូប ក៏ដូច​ជា​បង្ហាញ​ពី​លក្ខណៈ​នៃ​ពិធី​បុណ្យ Tanabata តែម្ដង ដោយ​សរសេរ​បំណង​ប្រថ្នា​សម្រាប់​ឆ្នាំ​ថ្មី ទៅ​លើ​ក្រដាស​និង​ព្យួរលើ​ដើមឈើ។ បូករួម​ជាមួយ​ការ​សម្ដែង​តន្ដ្រី​ខ្មែរ​និង​ជប៉ុន ការ​ប្រឡង​ចម្រៀង​ជប៉ុន រាំកម្សាន្ត ថតរូប​ និង​អាហារ នេះ​ជា​កម្មវិធី​មួយ​បើក​ឲ្យ​ចូលរួម​បាន​គ្រប់វ័យ។

Bastille Day គឺ​បុណ្យ​ជាតិ​សម្រាប់​ប្រទេស​បារាំង ជាទូទៅ​កម្មនេះ​ប្រារព្ធឡើង​នៅ​ថ្ងៃទី​១៤ខែកក្កដា ដើម្បី​រំឮក​ពី​ប្រវត្តិសាស្រ្តការបះបោរ​របស់​ជនជាតិ​បារាំង។ ស្ថាតទូតបារាំងនៅ​កម្ពុជា​និង​ CCI France Cambodge នឹង​រៀប​ចំកម្មវិធីជប់លៀង​ធំមួយ​នៅ សួនច្បារ​របស់​ស្ថានទូត ក្នុង​កម្មវិធី Bal de la fête nationale 2019 នៅ​ថ្ងៃ​សៅរ៍​នេះ​ដោយ​អម​ដោយ​ភេសជ្ជៈ​និង​អាហារ​ដ៏សម្បូរបែប។ សំបុត្រចូលរួម​កម្មវិធី​នេះ​គឺ ២៨ដុល្លារ វា​រាងថ្លៃ​បន្តិច​មាន​ប៉ុន្តែធានា​ថាអ្នក​​នឹង​ពេញ​ចិត្ត​ ជា​ពិសេស​បើ​មាន​មិត្ត​ជា​ជនជាតិបារាំង​ចូលរួម​ជាមួយ​គ្នា។​

នៅ Farm to Table ថ្ងៃ​សៅរ៍​នេះ​នឹង​មាន​កម្មវិធី “On the Trail of Waste Entrepreneurs” ចាប់​ពី​ម៉ោង ១ ដល់ ៦​ ល្ងាច​ ផ្ដោត​សំខាន់​ទៅ​លើ​សំនល់ផ្លាស្ទិក​​នៅ​កម្ពុជា។ 

 

ថ្ងៃអាទិត្យ

 

មាន​អ្វី លើ​បញ្ជីមុខម្ហូប?

 

នៅ​សណ្ឋាគារ សូហ្វីថែល នឹង​បន្ត​ប្រារព្ធថ្ងៃបុណ្យ Bastille Day ជាមួយ​នឹង​កម្មវិធី​ពិសេស  Extravagant Brunch ដោយ​ឲ្យ​អ្នក​ញ៉ាំអាហារ​ពេលព្រឹម​ដោយ​សេរី​ក្នុង​តម្លៃ ៥៩ដុល្លារ​សម្រាប់​ម្នាក់។ វា​មិន​មែន​ជា​តម្លៃ​សម​ស្រប​សម្រាប់​គ្រប់គ្នា​នោះ​ទេ ប៉ុន្តែ​ប្រសិន​ចង់​សាក​ល្បង​នូវ​បទពិសោធន៍ពិសេស​ អីចឹង​សាក​ម្ដង​ក៏មិន​ទាស់​ខុស​អីដែរ។​

 

មាន​អ្វី ​ដាក់​បង្ហាញ?

 

Meta House ត្រលប់​មកវិញ​ហើយ ជាមួយ​នឹង​ការជប់​លៀង​បើក Meta House 3.0 បង្ហាញ​ពី​ពិពរណ៍ “Buried by Charles Fox” ជាការ​ដាក់​បង្ហាញ​សេរ៊ីរូបថត​​ក្រុមគ្រួសារខ្មែរ នៅ​ខេត្តបាត់ដំបង​ ដែល​ត្រូវ​បាន​កប់​អំឡុង​សម័យ​កាល​ប្រល័យពូជសាសន៍។ លោក Charles Fox មិន​មែន​ជា​សមាជិក​គ្រួសារ​នោះ​ទេ ប៉ុន្តែ​លោក​បាន​ធ្វើការសហការ​ជាមួយ​សមាជីកគ្រួសារ​ដើម្បី​រៀប​ចំពិពរណ៍​និង​សៀវភៅឯកសារ។​

 

មាន​អ្វី ដាក់​បញ្ចាំង?

 

នៅ Major Cineplex នឹង​មាន​ដាក់​បញ្ចាំង​កុន​រឿង “Child’s Play” និយាយ​ពី​តុក្កតាបីសាច Chucky។ បើ​ចូលចិត្ត​រឿងបែប​ខ្មោច​លង​បន្លាច អាច​ទៅ​មើល​បាន​ទាំង​អស់​គ្នា។

 

 

មានអ្វី ទៀត?

ថ្ងៃ​អាទិត្យ​នេះ បើ​ចង់​លំហែរអារម្មណ៍ជាមួយ​តន្ដ្រី​ការ​តាំងពិពរណ៍​រូបភាព​ផ្សេងៗ កុំភ្លេច​ទៅ​កាន់ Kbach Gallery នៅ the Factory ដើម្បី​ចូលរួម​កម្មវិធី Open Mic និង Brunch ដោយ​មាន​ការ​សម្ដែង​ចម្រៀង​និង មាន​ការ​ដាក់លក់អាហារ​និង​គ្រៀង​ស្រវឹងខ្លះៗ ផង​ដែរ។

 

សម្រាប់​កម្មវិធី​ផ្សេងៗ ទៀត​ អាច​ចូល​មើល​នៅ​ទី​នេះ

Click to comment

Leave a Reply

More in ជំរើស​យើង

You Might Like…

Our Writers

Facebook

Take Me To…

To Top