Connect with us

គួរ​តែ​ធ្វើ​ទៅ​ហ្ន៎ ចុងសប្ដាហ៍​នេះ? 

មគ្គទេស​ចុង​សប្ដាហ៍

គួរ​តែ​ធ្វើ​ទៅ​ហ្ន៎ ចុងសប្ដាហ៍​នេះ? 

គួរ​តែ​ធ្វើ​ទៅ​ហ្ន៎ ចុងសប្ដាហ៍​នេះ? 

នេះ​ជា​ព្រឹតិ្តការណ៍​ពិសេស​ៗ កើត​ឡើង​នៅ​ភ្នំពេញ​ចាប់​ពី​ថ្ងៃសុក្រ​ដល់​ថ្ងៃ​អាទិត្យ

Photo by Jakob Owens on Unsplash

Read in English >

 

សម្រាប់​កម្មវិធី​លើក​ឡើង​ប៉ុន្មាន​ខាង​លើ​នេះ គឺ​សុទ្ធ​តែ​ធ្វើ​ឡើង​ក្នុង​រយៈ​ពេល​៤ថ្ងៃជាប់​គ្នាគឺ​ ចាប់​ពី​ថ្ងៃ​ព្រហស្បតិ៍ដល់​ថ្ងៃ​សៅរ៍។ 

 

តាំង​ពី​១០ឆ្នាំមកម្ល៉េះ កម្មវិធី ​មហោស្រពរូបថតភ្នំពេញ បាន​ផ្ដល់​ជូន​នូវ​វិធី​សាស្ត្រ​មួយ​ដើម្បី ប្រមូល​ផ្ដុំ​អ្នក​ជំនាញ​ថតរូប​មិន​ថា​ជា​សញ្ជាតិ​អឺរ៉ុប​ឬ​អាស៊ី។ កម្មវិធី​នេះ​នឹង​ធ្វើ​ឡើងនូវ​ការ​អបអរ​ ខួប​គម្រប់​១០ឆ្នាំ​ ជាមួយ​នឹង​ព្រឹត្តិការណ៍​ផ្សេងៗ ពេញ​មួយ​ចុង​សប្ដាហ៍។ ចាប់​ផ្ដើមពី​ថ្ងៃ​ព្រហស្បត្តិ៍​ ប៉ុន្តែ នៅ​ថ្ងៃ​សុក្រ​នេះ​នឹង​មាន​កម្មវិធី DJ ចាក់ភ្លេង​រាំ​កម្សាន្ត​ និង​ដាក់​បង្ហាញ​រូបថត​ពី​អ្នក​សិល្បៈកម្ពុជា​ដល់​ទៅ ២៥រូប​។ ថ្ងៃ​សៅរ៍​នឹង​មាន​តុកតុក​ទេសចរណ៍ ខណៈ​ឯ​ថ្ងៃ​អាទិត្យ​នឹង​មាន​ការ​ដាក់​​បង្ហាញ​ពិពរណ៌​ពី​ស្នាដៃ​របស់​អ្នក​ថត​រូប​នារី​ដល់​ទៅ ២៥រូប ព្រម​ទាំង​បិទ​ដោយ​ DJ ចាក់ភ្លេង​រាំ​កម្សាន្ត​ផង​ដែរ។ ជាមួយ​នឹង​កម្មវិធី​សម្បូរបែប​យ៉ាង​នេះ ប៉ុន្តែ​អ្នក​អាច​ចូលរួម​ដោយ​មិន​គិត​ថ្លៃ​នោះទេ។ ចាប់ផ្ដើម​ពី​ថ្ងៃ​ព្រហស្បតិ៍្ត​ដល់​ថ្ងៃ​អាទិត្យ​នៅ Phnom Penh Associations ទីតាំង​ច្រើ​ន​កន្លែង។

 

Phnom Penh Players នឹង​ចាប់​ផ្ដើម​ដាក់​បង្ហាញ​នូវ​ការ​សម្ដែង​ល្ខោន​របស់​ពួ​កគេ​ចំណង​ជើង​ថា 3 Steps to Supernova ចាប់​ពី​ថ្ងៃ​ព្រហស្បត្តិ៍ដល់​ថ្ងៃ​​សៅរ៍។ ល្ខោន​នេះ​និយាយ​អំពី​ ការ​ប្រែប្រួល​នៃ​សតិ​របស់​ស្ដ្រី​ម្នាក់​ក្រោយ​ទទួល​រង​គ្រោះ​ថ្នាក់​ចរាចរណ៍ ដោយ​ពោរពេញ​ទៅ​ដោយ​ហេតុការណ៍គួរ​ឲ្យ​ចាប់​អារម្មណ៍។ ចំណូល​ទាំង​អស់​នៃ​ការ​លក់​សំបុត្រ​ នឹង​ផ្ដល់​ជូន​សមាគម​សិល្បៈ Sovannaphum Arts Association and Gallery ដែល​ផ្សព្វផ្សាយ​វប្បធម៌​ខ្មែរ​ និង​ផ្ដល់​ជូន​អ្នក​សិល្បៈ​កម្ពុជា​​នូវ​ទីតាំង​សម្រាប់​បង្ហាញ​ស្នាដៃ​ក្នុង​រយៈ​ពេល ២៥ឆ្នាំ​កន្លង​មក​នេះ។ ចាប់​ពី​ម៉ោង​ ៧យប់​ ចាប់​ពី​ថ្ងៃ​ព្រហស្បតិ៍្តដល់​ថ្ងៃ​សៅរ៍​នៅ Sovannaphum Arts Association​ ផ្លូវ​លេខ ៩៩។

 

Dondondown on Wednesday ទីតាំង​សម្រាប់លក់សម្ភារៈ​ប្រើ​ប្រាស់​រួច និង​សម្លៀកបំពាក់​ជជុះពី​ប្រទេស​ជប៉ុន​នឹង​មាន​កម្មវិធី​លក់​ឡៃឡុង​ដ៏ធំមួយ។ ទំនិញ​ជា​ច្រើន​ដូច​ជា ខោអាវ ស្បែកជើង កាតាប​ជាដើម​នឹង​ដាក់​លក់​ ក្នុង​តម្លៃ​តែ​៥ដុល្លារ អោយ​តែ​អាច​ច្រក​បាន​ក្នុង​កន្ដ្រក។ ការ​ដាក់​លក់​នេះ​គឺ​​ចាប់​ពី​ពេល​នេះ​រហូត​ដល់​ថ្ងៃ​អាទិត្យ។ ចាប់​ពី​ម៉ោង ១២ដល់ ៨យប់​ នៅ Dondondown on Wednesday សាខា​សន្ធរមុខ ផ្លូវ​លេខ ១២៨។

 

ថ្ងៃ​សុក្រ

 

មាន​អ្វី​ដាក់​បញ្ចាំង?

 

សម្រាប់​បញ្ចប់​កម្មវិធី​មហោស្រព​ភាពយន្ត​ខ្មែរ​សម្រាប់​ឆ្នាំ​នេះ​ រឿង The Prey ដែល​ជា​ភាពយន្ត​បែប​ Thriller និយាយ​ពី​រឿង​រ៉ាវ​មនុស្ស​ដែល​ត្រូវ​គេ​ដេញតាម​សម្លាប់​។ ស្ដាប់​មើល​ទៅ​វា​ពិត​ជា​ស្រដៀង​នឹង​រឿង​រ៉ាវ​របស់​​សាច់​រឿង The Hunger Games ហើយ​មុន​នឹង​រឿង​នេះ​គឺ​ភាពយន្ត​ជប៉ុន Battle Royale ហើយ​មុន​ហ្នឹ​ងទៀត​គឺ​រឿង The Most Dangerous Game បញ្ចេញ​កាល​ឆ្នាំ ១៩៣២។ សរសេរ​សាច់​រឿង​និង​ដឹក​នាំ​រឿង​ដោយ​លោក Jimmy Henderson ​​ ​​ភាពយន្ត​នេះ​ចូលរួម​សម្ដែង​ទាំង​តារា​សម្ដែង​ខ្មែរ​និង​អន្តរជាតិ​។ ភាពយន្តនេះ​បាន​ថត​នៅ​ជា​ច្រើន​ទីតាំង​ទាំង​នៅ​ប្រទេស​កម្ពុជា និង​ផ្នែកខ្លះៗនៃ​ប្រទេសថៃ​ផងដែរ។​​​ The Prey នឹង​ដាក់​បញ្ចាំង​នៅ The Flick ផ្លូវ​លេខ ៩៥ចាប់​ពី​ម៉ោង ៨និង ៤៥នាទី​យប់។  

 

មាន​អ្វី​ទៀត?

 

Sra’Art Gallery នឹង​មាន​កម្មវិធី​ជប់​លៀង​បើក​រាត្រី​នេះ ស្រប​ចំ​ពេល​ជាមួយ​នឹង​កម្មវិធី​មហោស្រព Photo Phnom Penh Festival តែ​ម្ដង។ Gallery ថ្មី​នេះនឹង​ដាក់​បង្ហាញ​នូវ​ ស្នាដៃ​របស់អ្នក​ថត​រូប​ជំនាញ​កម្ពុជា​ទាំង​១០រូប​ ព្រម​ទាំង​អ្នក​ជំនាញសញ្ជាតិ​បរទេស​ម្នាក់​ផង​ដែរ។ ស្រា​ក្រហម​និង​ស្រាក្រឡុក​ នឹង​ដាក់​ឲ្យ​ញ៉ាំ​នៅ​ទី​នោះ។ ចាប់​ពី​ម៉ោង ៧ដល់​១១យប់​​ នៅ Sra’Art Gallery ផ្លូវ​សុធារស។

 

កម្មវិធី Red Sun Gathering នឹង​ធ្វើ​ម្ដង​ទៀត​នៅ DIB Club ល្ងាច​​នេះ​រហូត​ដល់​ទៀបភ្លឺ។ កម្មវិធី​នេះ​នឹង​មាន​ចូលរួម​ដោយ DJ ដល់ទៅ​៣រូប​ មក​ពី​ជុំវិញ​ពិភពលោក​គឺ ជប៉ុន បារាំង​ និង​ ជ័រដាន់។ កំដរ​ជាមួយ​នឹង​អាង​ហែល​ទឹក អាហារ​និង​ស្រាក្រឡុក​រសជាតិ​ឆ្ងាញ់​ ព្រម​ទាំង​គីម៉ូណូ ត្រៀម​ឲ្យ​អ្នក​ស្លៀក​ពាក់​ទៀតនោះ​ និយាយ​ទៅ​ដឹង​តែ​ប្លែក​និង​សប្បាយ​តែ​ម្ដង។ សំបុត្រ​ចូលរួម​គឺ ៧ដុល្លារ ចាប់​ពី​ម៉ោង ៦ល្ងាច​ដល់ ៣ទៀប​ភ្លឺ​នៅ DIB Club កោះ​ពេជ្រ។

 

មាន​អ្វី​លើ​ឆាក​សម្ដែង?

 

ក្រុម​ចម្រៀង​ថ្មីដែល​មាន​សមាជិក​ដក​ស្រង់​ចេញ​ក្រុម​ចម្រៀង​ឯករាជ្យប្រចាំ​នៅ​ទីក្រុង​ភ្នំពេញ​ នឹង​ចាប់​សម្ដែង​លើក​ដំបូង​នៅ Cloud ល្ងាច​នេះ។ អ្នក​គ្រប់​គ្នា​ប្រាកដ​ជា​ចង់​ដឹង​ថា តើ​ក្រុម​នេះ​នឹង​មាន​លក្ខណៈ​ប្លែក​ពិសេស​យ៉ាង​ណា ដោយ​មាន​ Josh និង Dever ពី​ក្រុម​ Boxchords ក្រុមដែល​សម្ដែង​តែ​បទ​ចម្រៀង​បែប Acustic ចំណែកឯ Mia គឺ​ជា​អ្នក​ចម្រៀង​ប្រចាំ Nightmare A.D. ក្រុម​បែប Death Metal វិញ​ម្ដង។ Mike ធ្លាប់សម្ដែង​ជាមួយ​ ​​​Phnom Skor/Checkered ជា​ក្រុម​បែប blues rock និង ska។ អីចឹង​តើ​នឹង​មាន​អ្វី​កើត​ឡើង​​ដែល​ពួក​គេ​ទាំង​អស់​បាន​ជួប​ជុំ​គ្នា​ជា​ក្រុម ​​Psykic Elektric? ចាប់​ពី​ម៉ោង ៨កន្លះ​យប់​នៅ Cloud ផ្លូវ​លេខ ៩។

 

DJ បីរូប​នឹង​បង្ហាញ​ខ្លួន​រាត្រី​នេះនៅ​Party Patio នៅ​ក្នុង​កម្មវិធី​ថ្មី​មួយ​ឈ្មោះ​ថា Psynovation ជា​កម្មវិធី​ជប់​លៀង​ ដើម្បី​បង្ហាញ​ពី​ស្ទីល​តន្ដ្រី​ថ្មីៗនៅ​ទីក្រុង​។ DJ Reltho, Marie Thach និង Dalah នឹង​ចាក់​ភ្លេង​កំដរ​ចាប់​ពី​ម៉ោង ៩ដល់ ១២កន្លះ​អាធ្រាត្រ។ ចាប់ពីម៉ោង៩យប់​នៅ Party Patio ផ្លូ​វ​លេខ ៣០៨។​

 

មានអ្វីនៅ​យប់​ជ្រៅ?​

 

Pontoon នឹង​មាន​ DJ ដល់​ទៅ​បី​រូប​បង្ហាញ​ខ្លួន​នៅ​រាត្រី​នេះ​ ដោយ​ពីរ​រូប​ជា​ DJ ហោះ​ហើរ​មក​សម្ដែង​ពី​ក្រៅ​ប្រទេស​ ប៉ុន្តែ​ម្នាក់​ជា​ DJ ប្រចាំ​នៅ​ក្លឹប​តែ​ម្ដង។ នៅ​បន្ទប់​ធំ DJ Angelo ពី​ចក្រភព​អង់គ្លេស​នឹង​ចាក់​ភ្លេង​នៅ​ទី​នោះ​ ស្រប​ពេល​ដែល DJ MOFO សញ្ជាតិអូស្រ្ដលីជា​​អ្នក​ចាត់​ចែង​នៅ  Pontoon Pulse។​ សំបុត្រចូលរួម​គឺ​មាន​តម្លៃ ៨ដុល្លារ​ប៉ុន្តែ​នឹង​មាន​ជាមួយភេសជ្ជៈ​មួយ​កែវ។ ចាប់​ពី​ម៉ោង ៩យប់​នៅ Pontoon ផ្លូវ​លេខ ១៧២។ ​

 

ថ្ងៃ​សៅរ៍

 

មាន​អ្វី​ដាក់​បញ្ចាំង?

 

Bophana Center នឹង​មាន​ដាក់​បញ្ចាំង​ភាពយន្តខ្មែរ​ដល់​ទៅ​ពីរ​រឿង​គឺ “New Land Broken Road” និង ​“The Burnt Theater”។ ភាពយន្ត​ដំបូង​គឺ​ជារឿង​ខ្នា​ត​ខ្លី​ស្នាដៃ​ផលិត​ដោយ Neang Kavich បង្ហាញ​ពី​សាច់​រឿង​ខ្លះ​ៗដែល​កើត​ឡើង​នៅ​ទីក្រុងភ្នំពេញ​ពេល​យប់។ ភាពយន្ត​ទី​​ពីរ​ ជា​ភាពយន្ត​ខ្នាត​ធំ​ដឹក​នាំ​ដោយ​លោក រិទ្ធី ប៉ាន់ និយាយ​អំពី​តារា​សម្ដែង​និង​របាំ ព្យាយាម​តស៊ូ​បង្ហាញ​ពី​សិល្បៈ​ខ្លួន​ទោះ​បី​ជា​ រោង​ល្ខោន​ត្រូវ​បាន​គេ​ដុត​បំផ្លាញ​គ្មានសល់​។ ភាពយន្ត​ទាំង​នេះ​និយាយ​ភាសាខ្មែរ​ ប៉ុន្តែ​នឹង​មាន Subtitles ជាភាសាអង់គ្លេស។​ ចាប់​ពី​ម៉ោង ២រសៀល​នៅ Bophana Center ផ្លូវ​លេខ ២០០។

 

មាន​អ្វី​ទៀត?

 

Mindful Market បាន​ត្រលប់​មក​វិញ​ជាមួយ​នឹង​ផ្សារ​ កសិករ​ប្រចាំ​រដូវ​ស្លឹក​ឈើ​ជ្រុះ ដែល​ក្នុង​នោះ​នឹង​មាន​លក់ផលិតផល​ជា​ច្រើន​មុខ​ដូចជា​ បន្លែ​ ផ្លែឈើ​ស្រស់ អាហារ​ដុត ទឹក​ឃ្មុំ​ ប្រេង​ដូ​ង ស្រា និង​ផលិត​ផល​ប្រើ​ប្រាស់​ក្នុងផ្ទះផ្សេងៗ​ជា​ដើម។ ក្នុង​នោះ​ក៏មាន​ការ​បង្ហាញ​ពី​របៀប​ទុកដាក់​សំនល់​ផ្ទះ​បាយ​ យក​មក​ធ្វើ​ជា​ជី​ឬ​ឧបករណ៍​កែច្នៃ​ផ្សេងៗ។ ចាប់​ពី​ម៉ោង ៣រសៀល​ដល់​ ៦ល្ងាច​នៅ Mindful Market ផ្លូវ​លេខ ៣៦០។ ​ 

 

ទីតាំងពិសេស​មួយ​នៅ​ម្ដុំ​ទួលទំពូង​គឺ Long After Dark នឹង​មាន​កម្មវិធី​ជប់​លៀង​មួយ​ដើម្បី​សម្ពោធ​ដាក់​លក់​ស្រា​បៀរ​បិត​ថ្មីមួយ ទៅ​កាន់​ទីផ្សារ។ ស្រាបៀរ​នេះ​គឺ​ជា​ផលិតផល​របស់ Harvest Craft Beer Company ជា​ក្រុ​ម​ហ៊ុន​ដែល​ផលិត​ស្រាបៀរ​ពិសេស​ ដែល​មាន​ធាតុ​ផ្សំ​មក​តាំង​ពី​ប្រទេស​ បែលហ្សិក​ អាមេរិក និង​អូស្រ្តាលី។ កម្មវិធី​នេះ​ក៏មាន​បម្រើ​ស្រាវីស្គី​ផង​ដែរ​ ដោយមាន​ជម្រើស​អាហារ​ពេល​ល្ងាច​តម្លៃ ៥ដុល្លារ។ ចាប់​ពី​ម៉ោង ៦ល្ងាច​ដល់​ ១ ទៀប​ភ្លឺ​នៅ Long After Dark ផ្លូវ​លេខ ៤៥០។​​

 

មានអ្វី​លើ​ឆាក​សម្ដែង?

 

សម្រាប់​ល្ងាចថ្ងៃ​សៅរ៍​​នេះ​គឺ​សម្បូរ​ទៅ​ដោយ​ ការ​សម្ដែង​ចម្រៀង​ច្រើនតែម្ដង ហើយ​នេះជា​ទីតាំង​ខ្លះៗ ដែល​អ្នក​អាច​ជ្រើស​រើស។

 

សម្រាប់តន្ដ្រី​បែបលំនាំ​ចាស់ៗ ចង្វាក់​បែប​ហ្សាស​ ទៅ​កាន់ Ege Bar ដើម្បី​ស្ដាប់​ក្រុម​ចម្រៀង 1 Girl 6 Strings សម្ដែង​តន្ដ្រី​ជំនាន់​ពី Django, Louie, Ella និង Billie។  ​

 

Vanntin Hoeurn នឹង​យក​សម្លេង​របស់​ខ្លួន​ដើម្បី​បង្ហាញ​ពី​ ចិត្ត​និង​អារម្មណ៍​ខ្លួន​ដោយ​សម្ដែង​តន្ដ្រី​បែប Acoustic និពន្ធ​ដោយ​ខ្លួន​ឯង​នៅ Cloud ចង្វាក់ Dirty blues និង Punk folk នៅ Cloud ផ្លូវ​លេខ ៩ ចាប់​ពី​ម៉ោង ៨ដល់ ១១យប់។

 

សម្រាប់​តន្ដ្រី​បែប​រេហ្គេ​វិញ​នឹង​ត្រល ប់​មកកាន់ Alchemy ចូលរួម​សម្ដែង​ដោយ Vibratone សម្រាប់​តន្ដ្រី​តែង​និពន្ធដោយ​ខ្លួនឯង​ ចូលរួម​ចាក់ភ្លេង​កំដរ​ដោយ DJ Airfix Twin នៅ​រាត្រី​នេះ​ផង​ដែរ។ ចាប់​ពី​ម៉ោង ៨ដល់ ១១យប់​នៅ Alchemy ផ្លូវ​លេខ ១២៣។    

 

មានអ្វី​នៅ​យប់​ជ្រៅ?

 

ប្រសិន​ជា​អ្នក​ចង់​រាំកម្សាន្ត​ដាច់​យប់ ទៅកាន់ Pontoon Pulse សម្រាប់​ការ​សម្ដែង​លើក​ទី​របស់ Drone ដែល​ធ្វើ​ឡើង​​ម្ដង​ក្នុង​មួយ​ខែ​។ សម្រាប់​លើ​ក​ទី ១៤នេះគឺ​មាន​ DJ ដល់​ទៅ​៣រូបឯណោះ​ដែលនឹង​មកចាក់ភ្លេង​កំដរ​គឺ Malo ពី​ប្រទេស​បារាំង Shshi ពី​ប្រទេស​ Jordan និង Saint Vincent ពី​ប្រទេស​បារាំង។ ចាប់​ពី​ម៉ោង ១១យប់​ដល់​ ៥ព្រឹក​នៅ Pontoon Pulse ផ្លូវ​លេខ ១៧២។​  

 

ថ្ងៃ​អាទិត្យ

 

មាន​អ្វី​ដាក់​បញ្ចាំង?

 

សម្រាប់​រដូវ​កាល​បុណ្យ​ហាឡូវីន​ឆ្នាំ​នេះ​ គឺ​នឹង​មាន​ភាពយន្តដល់​ទៅ​ពីរ​សម្រាប់​ត្រៀម​កំដរ​អារម្មណ៍​លោក​អ្នក​គឺ Addams Family Halloween ដែល​និយាយអំពីគ្រួសារ​ Addam ដ៏ចម្លែក​មួយ​ នឹង​គួរ​ឲ្យ​ខ្លាច​សម្រាប់​ពេល​ខ្លះ។ រឿង​រ៉ាវ​ពាក់ព័ន្ធ​គ្រួសារ​នេះ​គឺ​មាន​តាំង​ពី​ឆ្នាំ ១៩៣០មក​ម្ល៉េះ។ ​ 

 

សម្រាប់​មនុស្ស​ពេញ​វ័យ​វិញ​ ភាពយន្ត Zombieland: Double Tap នឹង​ត្រលប់​មកវិញ​ បន្ទាប់​ពី​ភាគដំបូង​បាន​ដាក់​បញ្ចាំង​តាំង​ពី​ឆ្នាំ ២០០៩។ ចូលរួម​សម្ដែង​ពី​តារា​ល្បី​ជាច្រើន​ដូច ជា Emma Stone, Woody Harre​lson, Jesse Eisenberg ជា​ដើម ភាពយន្ត​នេះ​គឺ​អ្នក​មិន​គួរ​រំលង។  ភាពយន្ត​ទាំងពីរ​ចាប់ដាក់​បញ្ចាំង នៅ​តាម​រោង​ភាពយន្ត​ផ្សេងៗ ចុងសប្ដាហ៍​នេះ។​

 

មានអ្វី​ទៀត?

 

TwoBirds Brewery and KBach Arts សហការ​គ្នា​ដើម្បី​រៀប​ចំកម្មវិធី​មួយ​ឈ្មោះ​ថា ​”October Fest Brunch” នៅ​ឯកង់ទីន Factory។ ដែល​សម្រាប់​កម្មវិធីនេះ​ពេញ​មួយ​ថ្ងៃ​ត្រង់​នេះ​នឹង​មាន​ការ​ដាក់​អាហារ​បុហ្វេ​ឲ្យ​ញ៉ាំ​ មាន​ទាំង​អាហារ​បែប​អាស៊ី​ អាល្លឺម៉ង់​ ព្រម​ទាំង​ល្បែង​កម្សាន្ត​ សិល្បៈ តន្ដ្រី​និង​ Henna Tattoos ទៀត​ផង។ សំបុត្រចូលរួម​មាន​តម្លៃ ៣២ដុល្លារ​នៅ​ច្រក​ចូល​ ហើយ​កម្មវិធី​ជប់​លៀង​នេះ​ចាប់​ផ្ដើមពី​ម៉ោង ១១ព្រឹក​ដល់ ៥ល្ងាច នៅ The Factory ផ្លូវជាតិលេខ ២។ ​  

 

Giclée Lab មក​ពី​ប្រទេស​វៀតណាម​នឹង​មក​កាន់ Futures Factory ថ្ងៃ​នេះ​ដើម្បី​ធ្វើ​បទបង្ហាញ​ពី​ការ​គូររូប​បែប​សិល្បៈ។ សម្រាប់​អ្នក​ដែល​ចាប់​អារម្មណ៍​ខាង​ថត​រូប ក៏ដូច​ជា​គូរ​រូប​អេឡិចត្រូនិក ប្រាកដ​ជា​កម្មវិធី​ពិសេស​មួយ​ដែល​អ្នក​គួរ​តែ​ចូលរួម។ សម្រាប់​បទ​បង្ហាញ​នេះ​គឺ​នឹង​មាន​តែ​ក្នុង​ភាសា​រអង់គ្លេស​តែ​ប៉ុណ្ណោះ​។ ចាប់ពី​ម៉ោង ៣ដល់ ៤រសៀល​នៅ Futures Factory ផ្លូវ​លេខ ១៣។ 

 

Continue Reading
You may also like...
Click to comment

Leave a Reply

More in មគ្គទេស​ចុង​សប្ដាហ៍

You Might Like…

អត្ថបទ​សំខាន់​​ និង​ កិច្ចស​ម្ភាសន៍​ផ្សេងៗ

ជួបជាមួយជើងខ្លាំងដែលអ្នកមិនធ្លាប់លឺពីមុនមក គឺអ្នកស្រី សយស្រស់

By ខែ​មិថុនា 15, 2020

Our Writers

Facebook

Take Me To…

To Top