ការណែនាំ និង Reviews ផ្សេងៗ

មគ្គុទ្ទេសក៍ដំណើរកម្សាន្តនៅភ្នំពេញចុងសប្ដាហ៍នេះ!

ទោះបីជាភ្នំពេញនៅតែស្ងាត់ព្រោះបុណ្យភ្ជុំប៉ុន្មានថ្ងៃនេះ ហើយអ្នកធ្វើដំណើរកម្សាន្ដចេញពីក្រុងជាច្រើននាក់មិនទាន់ត្រលប់មកវិញក៏ដោយ… កុំភ័យ ក៏នៅតែមានកន្លែងជាច្រើនដែលអាចឲ្យអ្នកចំណាយពេលចុងសប្ដាហ៍ឲ្យរីករាយ ចាប់ពីល្ងាចថ្ងៃសុក្រនេះដែរ!

Lindsey Kennedy

Published on ខែកញ្ញា 22, 2017

1 Comment

ទោះបីជាភ្នំពេញនៅតែស្ងាត់ព្រោះបុណ្យភ្ជុំប៉ុន្មានថ្ងៃនេះ ហើយអ្នកធ្វើដំណើរកម្សាន្ដចេញពីក្រុងជាច្រើននាក់មិនទាន់ត្រលប់មកវិញក៏ដោយ… កុំភ័យ ក៏នៅតែមានកន្លែងជាច្រើនដែលអាចឲ្យអ្នកចំណាយពេលចុងសប្ដាហ៍ឲ្យរីករាយ ចាប់ពីល្ងាចថ្ងៃសុក្រនេះដែរ!

Click Here for English >>

ថ្ងៃសុក្រ

អាហារ & ភេសជ្ជៈ

នេះជាកម្មវិធីចុងក្រោយនៅ D22 នៅសណ្ឋាគារ Tama Hotel! ដែលធ្វើទៅនៅថ្ងៃទី២២រាល់ខែ អ្នកអាចញ៉ាំ អាហារឆ្ងាញ់ៗ ភេសជ្ជៈ និងព្រមទាំងមានចម្រៀងកំដរអារម្មណ៍ទៀតផង។ កម្មវិធីនេះបានធ្វើឡើងអស់រយៈពេល៣ឆ្នាំមកហើយ នៅអាគារ Phnom Penh Tower។ ចាប់ផ្ដើមពីម៉ោង ៧យប់ដល់ពាក់កណ្ដាលអាធ្រាត្រ ទីតាំងតាមបណ្ដោយផ្លូវ មុន្នីវង្ស។

ភាពយន្ដ

ចូលចិត្តរឿងបែបរន្ធត់មែនអត់? នៅ Legend Cinemas និង Major Cineplex គឺកំពុងតែបញ្ចាំងរឿង “It” ដែលជារឿងថតឡើងវិញពីរឿងមួយដកស្រង់ចេញពីសៀវភៅប្រលោកលោកដ៏ល្បីរបស់លោក Stephen King។ ធានាថាពិតជាផ្អើលពេញរោងកុន។ លោកអ្នកអាចទស្សនាបានតាមម៉ោងជាច្រើននៅរោងកុន លេជេន ទាំងបីសាខា ឫក៏ម៉ោង ៦ៈ១០ល្ងាចនៅ Major Cineplex ផ្សារ Aeon Mall ទីតាំងតាមបណ្ដោយផ្លូវសុធារស។

ប្រសិនជាមិនចូលចិត្តរឿងបែបរន្ធត់ នៅ Outpost ក៏មានដាក់បញ្ចាំងរឿងបែបកំប្លែងមនោសញ្ចេតនា “The Best Exotic Marigold Hotel” ចាប់ពីម៉ោង ៧ដល់៩យប់ ទីតាំងតាមបណ្ដោយផ្លូវ ទន្លេសាប ក្បែរសណ្ឋាគារសុខា។

កំប្លែងស្ងួត

ក្រុមកំប្លែងស្ងួតនៅកម្ពុជា នឹងមានកម្មវិធីដ៏ធំមួយរាត្រីនេះ នៅ Department of Performing Arts។ ការសម្ដែងនេះនឹងមានការចូលរួមពីសំណាក់តារាកំប្លែងល្បីៗលំដាប់អន្ដរជាតិគឺលោក Andy Curtain មកពីប្រទេសអូស្រ្តាលី និងលោក Jojo Smith មកពីចក្រភពអង់គ្លេស។ សំបុត្រចូលរួមគឺមានតម្លៃ១០$ ប៉ុន្ដែបើសិនជាចូលរួមជាក្រុមនឹងមានការបញ្ចុះតំលៃពិសេស។ ទាក់ទងទៅកាន់ Comedy in Cambodia តាមរយៈ Facebook សម្រាប់ព័ត៌មានបន្ថែម។ កម្មវិធីនេះចាប់ផ្ដើមពីម៉ោង ៨ៈ៣០យប់នៅ Department for Performing Arts។

ការប្រគំតន្ដ្រី

តារាចម្រៀងចង្វាក់ Punk កម្ពុជាអ្នកនាង Vartey Ganiva នឹងធ្វើឲ្យកក្រើកឆាកសម្ដែងនៅ Tusk យប់នេះដែលនាងនឹងបញ្ចូលទំនុកច្រៀងបែបខឹងសម្បារ លក្ខណៈ Punk Rock គួរឲ្យចាប់អារម្មណ៍។

នៅឯ Bassac Lane វិញលោក Joe Wrigley និង The Jumpong Jacks នឹងត្រលប់មកសម្ដែងតន្ដ្រីបែបរ៉ុកក្លាស៊ីក នៅ Steet Party សប្ដាហ៍នេះ។ ចាប់ពីម៉ោង៩យប់ដល់ពាក់កណ្ដាលអាធ្រាត្រនៅ Bassac Lane តាមបណ្ដោយផ្លូវ ៣០៨។ នៅក្បែរទីនោះផងដែរ Amok Soul Project នឹងមកបង្ហាញការសម្ដែងរបស់ពួកគេនៅ Botanico Beer & Wine Garden ចាប់ពីម៉ោង ៧យប់ដល់ ៩ៈ៣០ល្ងាច ទីតាំងតាមបណ្ដោយផ្លូវលេខ ២៩។

ខណៈពេលនោះដែរ Lisa Conception ដ៏គួរឲ្យស្រលាញ់នឹងសម្ដែងនៅ Farm to Table ចាប់ពីម៉ោង ៦ៈ៣០ល្ងាចដល់ ៨ៈ៣០ល្ងាច ទីតាំងតាមបណ្ដោយផ្លូវលេខ ៣៦០ បឹងកេងកង១។ Rob Sixstrings និង Jamie នឹងផ្ដល់នូវការសម្ដែងតន្ដ្រីបែប Acoustic នៅ Alchemy ចាប់ពីម៉ោង ៨ដល់១១យប់ ទីតាំងតាមបណ្ដោយផ្លូវ ១២៣ សង្កាត់ទួលទំពូង។ Livewire នឹងសម្ដែងនៅ Duplex ចាប់ពីម៉ោង ៩ៈ៣០ល្ងាចដល់១២ៈ៣០អាធ្រាត្រ ទីតាំងតាមបណ្ដោយផ្លូវ ២៧៨ សង្កាត់បឹងកេងកង១។ តារាចម្រៀង Rock ZARFZ នឹងសម្ដែងនៅ Sharky Bar ទីតាំងតាមបណ្ដោយផ្លូវលេខ១៣០ សង្កាត់ដូនពេញ។ ហើយក្រុមតារាពូកែលេងសំលៀកបំពាក់ La Vache Qui Funk នឹងសម្ដែងនៅ Jazz Club ទីតាំងតាមបណ្ដោយផ្លូវលេខ ២៨២ សង្កាត់បឹងកេងកង១។

ល្បែងកម្សាន្ដ

ចង់សាកលេងល្បែងកម្សាន្ដមែនអត់? សាកផ្សងសំណាងអ្នកនៅ Omaha សម្រាប់កម្មវិធីល្បែង Poker Tournament នៅ RiverKing ដែលអ្នកអាចមានឱកាសឈ្នះរង្វាន់ដល់ទៅ ១ពាន់ដុល្លារ។

ឫបើសិនជាចង់លេងកម្សាន្តដោយមិនពាក់ព័ន្ធនឹងបៀរ អ្នកអាចមកលេងកម្មវិធី Cloud’s Games Night ដែលអ្នកអាចលេង ល្បែងផ្សេងៗដូចជា retro board, jenga, twister និង SuperNintendo ទៀតផង។ កម្មវិធីនេះចាប់ផ្ដើមពីម៉ោង ៧យប់ដល់ពាក់កណ្ដាលអាធ្រាត្រនៅផ្លូវលេខ៩ សង្កាត់ទន្លេបាសាក់។

ក្លឹបរាត្រី

តន្ដ្រីបែប Reggae នឹងត្រលប់មកបឹងកេងកង១យប់នេះសម្រាប់កម្មវិធី Soul Iration Takeover នៅ Top Banana ចាប់ពីម៉ោង ៩យប់ដល់១ព្រឹក ឫក៏ធ្វើដំណើរទៅកាន់កម្មវិធី Mad Friday ជាមួយ Rob Bianche នៅ MadHouse ចាប់ពីម៉ោង ១០យប់ដល់៧ព្រឹក ទីតាំងតាមបណ្ដោយផ្លូវលេខ ១៧២។

ថ្ងៃសៅរ៍

អាហារ និង ភេសជ្ជៈ

យប់នេះនឹងមានអ្នកបំរើបារថ្មីនៅ Elbow Room គឺលោក Callan C Green ដែលទើបតែជាប់ពានរង្វាន់ Asia’s Ultimate Bartender champion ហើយលោកនឹងមកបំរើជាអ្នកក្រឡុកស្រានៅទីនេះតែ១យប់ប៉ុណ្ណោះ អីចឹងចាំអង្កាល់! មកភ្លក់រសជាតិស្នាដៃដ៏ល្អរបស់លោកទាំងអស់គ្នា។ ចាប់ពីម៉ោង៩ល្ងាចដល់៤ទៀបភ្លឺនៅ Elbow Room ម្ដុំ Bassac Lane ផ្លូវលេខ ៣០៨ សង្កាត់ទន្លេបាសាក់។

សិល្បៈ និងការថតរូប

កម្មវិធីបង្ហាត់បង្រៀនគូររូបដ៏ល្បីនៅ N o w h e r e នឹងត្រលប់មកវិញថ្ងៃនេះហើយជាមួយនឹងកម្មវិធី paint your self-portrait with acrylic ដែលអ្នកអាចគូររូបខ្លួនឯងជាមួយនឹង Acrylic យ៉ាងស្រស់ស្អាត។ ថ្នាក់នេះនឹងបង្រៀនដោយ Syahrulfikri ហៅ (Ajin) ជាមួយនឹងតម្លៃ ៤០$។ ចាប់ផ្ដើមពីម៉ោង ១ល្ងាចដល់៥ល្ងាចនៅ Neverland Artsplace ទីតាំងតាមបណ្ដោយផ្លូវ ១៧២z២ ចេញពីផ្លូវនរោត្តម។

កីឡា

អ្នកទាំងអស់គ្នាដឹងទេថា សមាជិកពីររូបរបស់ក្រុម What’s On Phnom Penh គឺមកពីទីក្រុង Glasgow ដូច្នេះហើយល្បែងសម្រាប់យប់នេះគឺពិតជាសំខា់ន់ខ្លាំងណាស់។ ថ្ងៃនេះគឺជាការប្រកួតរវាង ក្រុមបាល់ទាត់ប្រចាំក្រុង Glasgow គឺ Cetlic និង Rangers។ បើសិនជាអ្នកចង់ចូលរួមទស្សនា រំពឹងថានឹងមានភាពតឹងតែងខ្លះៗនៅកន្លែងទស្សនាទាំងនោះ ចាប់ពីម៉ោង៦ល្ងាចដល់៨យប់ នៅ Sports bars នានា។

ប្រសិនជាអ្នកចង់លេងកីឡាជំនួសវិញ និងមិនចង់ឲ្យមានអ្នកណាធ្វើឲ្យស្រាបៀរអ្នកកំពប់ដោយសារ តឹងចិត្តព្រោះមើលការប្រកួតដូចបានប្រាប់ខាងលើនោះ នេះជាជម្រើសខ្លះៗដែលអ្នកអាចជ្រើសរើសបានថ្ងៃនេះ។

ជម្រើសទី១ អ្នកអាចចូលរួមកម្មវិធិ beach volleyball tournament (ទាស់តែវាមិនមែននៅ beach ដូចចំណងជើង) នៅឯ Tamasa Serviced Apartment និង Hotel អមដោយអាហារ BBQ។ Tournament នេះនឹងចាប់ផ្ដើមពីម៉ោង ១រសៀលដល់៧ល្ងាច ទីតាំងនៅតាមបណ្ដោយផ្លូវ ២០០៤ សង្កាត់សែនសុខ ជាមួយនឹងសំបុត្រចូលរួមតម្លៃ ២៤ដុល្លារ។

នៅម្ដុំទួលទំពូងឯណោះវិញ Phnom Penh Climb Community Gym នឹងមានកម្មវិធី “Happy Hour” special ដោយក្នុងតម្លៃតែ ៧ដុល្លារ អ្នកអាចឡើងជញ្ជាំងបានដល់ទៅ៣ម៉ោង ជាមួយនឹងឧបករណ៍ដោយមិនគិតថ្លៃ។ កម្មវិធីនេះនឹងចាប់ផ្ដើមពីម៉ោង ៥ដល់៨ល្ងាច នៅតាមបណ្ដោយផ្លូវលេខ ៤៦០ សង្កាត់ទួលទំពូង។

នៅ Outpost នឹងមានកម្មវិធី Saturday Yoga Class នៅលើដំបូលតែម្ដង ល្អបំផុតសម្រាប់អ្នកចូលចិត្តខ្យល់អាកាសបរិសុទ្ធនឹង សម្លឹងមើលទិដ្ឋភាពបៃតង។ ចាប់ផ្ដើមពីម៉ោង ៩ ព្រឹកដល់ ១០ ព្រឹក នៅតាមបណ្ដោយផ្លូវទន្លេសាប ជិតសណ្ឋាគារសុខា។

ឫក៏អ្នកអាចមកចូលរួមគាំទ្រការប្រកួត AFL របស់ក្រុម Cambodian Cobras, Apsaras និង Eagles ដែលនឹងប្រកួតប្រជែងជាមួយក្រុមប្រទេសវៀតណាម។ ការប្រកួតទាំងបីក្រុមនេះនឹងចាប់ផ្ដើមពីម៉ោង ១១ព្រឹកដល់៣រសៀលនៅ ISPP International School តាមបណ្ដោយផ្លូវ ហ៊ុន នាង។

ភាពយន្ដ

ភាពយន្ដខ្មែររឿង “Fire Without Smoke” នឹងបញ្ចាំងនៅ Bophana Centre ថ្ងៃរសៀលនេះ។ ភាពយន្ដនេះបានផលិតឡើងដោយ Women’s Centre of Cambodia ដែលសិក្សាអំពីអំពើហិង្សារផ្សេងៗទៅលើស្ដ្រី និងជម្រើសផ្សេងៗដែលលំបាកក្នុងការជ្រើសរើសរបស់ស្រ្ដីនៅប្រទេសកម្ពុជា។ ចាប់ផ្ដើមពីម៉ោង ៦ដល់៦ល្ងាចនៅ Bophana Centre ផ្លូវលេខ ២០០។

បន្ទាប់មកទៀតនៅ Flicks 1 នឹងមានដាក់បញ្ចាំងភាពយន្ដឯកសា Whitney: Can I Be Me? ជារឿងដ៏គួរឲ្យសោកស្ដាយមួយនិយាយអំពីជីវិតកំពូលតារាចម្រៀង Whitney Houston នឹងការស្លាប់របស់នាង។ ចាប់ផ្ដើមពីម៉ោង៧តទៅ ទីតាំងតាមបណ្ដោយផ្លូវលេខ ៩៥។

ការប្រគំតន្ដ្រី

ក្រុមចម្រៀង Covers ចង្វាក់ Pop លក្ខណៈ Upbeat គឺ The Box Chord នឹងមកសម្ដែងនៅ Tusk រាត្រីនេះចាប់ផ្ដើមពីម៉ោង ៩ល្ងាចតទៅ ទីតាំងនៅតាមបណ្ដោយផ្លូវលេខ ២៧៨។

ជម្រើសផ្សេងពីនេះគឺ ក្រុមចម្រៀងចង្វាក់ Funk, La Vache Qui Funk មកសម្ដែងម្ដងទៀតនៅ Jazz Club ចាប់ពីម៉ោង ៩យប់តទៅ ទីតាំងតាមបណ្ដោយផ្លូវលេខ ២៨២ បឹងកេងកង១។ កញ្ញា Sarawan ដ៏ពូកែនិងដៃគូ Acoustic ទាំងបីរបស់នាងនឹងមកសម្ដែងនៅ Alchemy Gastropub ទីតាំងតាមបណ្ដោយផ្លូវលេខ ១២៣ សង្កាត់ទួលទំពូង។ Livewire នឹងត្រលប់មកវិញនៅ Duplex ចាប់ពីម៉ោង ៦ល្ងាចដល់៩យប់ នៅតាមបណ្ដោយផ្លូវលេខ ២៧៨ បឹងកេងកង១។ ក៏័មានការសម្ដែងពីក្រុម Moi Tiet របស់លោក Scott Bywater ផងដែរនៅ FCC ចាប់ពីម៉ោង ៨ៈ៣០ដល់១១យប់ ទីតាំងនៅតាមជ្រោយស៊ីសុវត្ថិ មាត់ទន្លេ។

ក្លឹបរាត្រី

យប់នេះនឹងមានការសម្ដែងល្បីៗពីតារាកូរ៉េ និង ខ្មែរក្នុងកម្មវិធី Jinro Green Night នៅ Container Night Market យប់នេះ ចាប់ពីម៉ោង ៦ល្ងាចដល់ ២ទៀបភ្លឺនៅម្ដុំសង្កាត់ទន្លេបាសាក់។

នៅកន្លែងផ្សេងទៀតវិញ, DJ Maily នឹងបង្ហាញពី Girl Power របស់នាងនៅ Riverhouse ចាប់ពីម៉ោង ៨ល្ងាចដល់២ទៀបភ្លឺ ម្ដុំស៊ីសុវត្ថិ មាត់ទន្លេ។ DJ Easy នឹងចាក់ភ្លេងនៅ Pontoon ចាប់ពីម៉ោង ៩យប់ដល់ ៤ ទៀបភ្លឺទីតាំងនៅតាមបណ្ដោយផ្លូវលេខ ៥១។ នៅជិតនោះដែរ MadHouse នឹងមានការសម្ដែងពី DJ Moudy ធ្វើឲ្យកក្រើក MadHouse រហូតដល់ម៉ោង ៧ព្រឹក។ ចាប់ពីម៉ោង ១០យប់ដល់ ៧ព្រឹកទីតាំងតាមបណ្ដោយផ្លូវលេខ ១៧២។

ថ្ងៃអាទិត្យ

អាហារ និងភេសជ្ជៈ

អ្នកអាចទៅសាកអាហារ នៅកម្មវិធី A la carte brunch ដែលរៀបចំឡើងដោយ Chinese House ថ្ងៃនេះ។ កម្មវិធីនេះចាប់ផ្ដើមពីម៉ោង ១១ព្រឹកដល់៣រសៀល ហើយអាហារនៅទីនោះមានដូចជា ស៊ុតចៀន នឹងអាហារពេលព្រឹកបែប អង់គ្លេសនិងអាមេរិកកាំង នំ Pancakes ពងចៀន omelettes និង crepes ជាដើមដែលដាក់លក់ក្នុងតម្លៃតិចជាង ៥ដុល្លារតែប៉ុណ្ណោះ។ ត្រៀមពោះឲ្យហើយទៅ….

កម្មវិធីសហគមន៍

ផ្ដល់អ្វីខ្លះៗទៅកាន់សហគមន៍អ្នកចុងសប្ដាហ៍នេះដោយចូលរួមកម្មវិធី Painting for Hope trip។ ក្រុមការងារនឹងតម្រូវឲ្យអ្នកបរិច្ចាកប្រាក់ចំនួន ១២ដុល្លារ ដើម្បីជាជំនួយដល់សាលាបឋមសិក្សាគិរីរម្យ។ ក្រុមការងារនឹងជូនអ្នកទៅដល់ទីតាំង ជាមួយនឹងប្រដាប់ប្រដារសម្រាប់គូរ ហើយក៏ចូលរួមពួកគេសម្រាប់ការងារផ្សេងៗទៀតដែលទាក់ទង នៅ Underfunded School។ កម្មវិធីនេះចាប់ផ្ដើមពីម៉ោង ៦ព្រឹកដល់៧យប់ ជួបជុំគ្នានៅ AIESEC វត្តភ្នំ។

នៅក្បែរៗនេះ អ្នកក៏អាចសិក្សាអំពីវគ្គសិក្សា 50 practical tips for going greener និងឈានទៅដល់ការបោះបង់ចោលសំនល់ដល់កម្រិតសូន្យនៅ Scholar Library ចាប់ពីម៉ោង១ៈ៣០រសៀលដល់៣ៈ៣០រសៀល នៅតាមបណ្ដោយផ្លូវលេខ ២៩៨ ម្ដុំអូឡាំពិក។

ភាពយន្ដ

រោងកុនដ៏ថ្មីស្រឡាងមួយនិងក៏ជាភោជនីយដ្ឋានផងដែរនឹងចាប់បើកថ្ងៃនេះនៅទីក្រុងភ្នំពេញ! រោងកុន Tarantino នឹងប្រារព្ធកម្មវិធីសម្ពោធល្ងាចនេះជាមួយនឹងការដាក់បញ្ចាាំងរឿង Top Gun និង True Romance។ តម្លៃសំបុត្រសម្រាប់ពេលថ្ងៃគឺត្រឹមតែ ៣,៥ដុល្លារតែប៉ុណ្ណោះដែលអ្នកអាចទស្សនារឿងបានជាច្រើនតាមចិត្តចង់ ហើយនៅថ្ងៃនេះដែរនឹងមាន Dinner Deal ដែលមានបញ្ចូលនឹងភេសជ្ជៈមួយ ជាមួយនឹងពោតលីងមួយកំប៉ុង ក្នុងតម្លៃ ១២,៥សម្រាប់ម្នាក់។ កម្មវិធីនេះចាប់ផ្ដើមពីម៉ោង ៥ល្ងាចដល់១១យប់ ទីតាំងនៅតាមបណ្ដោយផ្លូវលេខ ២៥៨។

ទិញឥវ៉ាន់

ចង់ទិញឫលក់របរផ្សេងៗមែនទេ? នៅ Tusk Market ថ្ងៃនេះអ្នកនឹងអាចបង្កើតតូបលក់ដោយខ្លួនឯងមួយ ឫក៏មកចូលមើលទំនិញផ្សេងដែលអ្នកអាចនឹងចង់ទិញ ជាមួយហាងហែលទឹកកំដរនឹងស្រាក្រឡុក។ កម្មវិធីនេះនឹងចាប់ផ្ដើមពីម៉ោង ២រសៀលដល់១យប់ នៅ Tusk Guesthouse & Bar តាមបណ្ដោយផ្លូវលេខ ២៧៨ បឹងកេងកេង១។ ព័ត៌មានបន្ថែមនៅទីនេះ

កីឡា

កម្មវិធីប្រណាំងម៉ូតូមនុស្សធម៌ដ៏ធំមួយលំដាប់ពិភពលោក នឹងមកកាន់ទីក្រុងភ្នំពេញ! អ្នកកំពុងជិះម៉ូតូទំនើបៗជាច្រើន បានចូលរូមក្នុងកម្មវិធី The Distinguished Gentleman’s Ride ដែលធ្វើឲ្យអ្នកចូលរួមសរុបគឺដល់ទៅជាង ៧ម៉ឺននាក់ឯណោះ ដែលឆ្លងកាត់ទីក្រុងជាង៦០០ និង៩៥ប្រទេស ជាកម្មវិធីពិសេសមួយរបស់ Men’s health។ ជាមួយនឹងដៃគូសហការសំខាន់ពី Movember Foundation គោលបំណងឆ្នាំនេះគឺដើម្បីប្រមូលទឹកប្រាក់៥លានដុល្លារ និងដើម្បីលើកឡើងពីបញ្ហាដែលមនុស្សប្រុសកំពុងប្រឈមមុខសព្វថ្ងៃនេះគឺ Prostate cancer និង Mental Health។ កម្មវិធីនេះចាប់ផ្ដើុមពីម៉ោង ៩ព្រឹកដល់១២យប់ទូទាំងក្រុងភ្នំពេញ។ ព័ត៌មានបន្ថែមនៅទីនេះ

ការប្រគំតន្ដ្រី

មុននឹងត្រលប់ទៅធ្វើការវិញក្នុងសប្តាហ៍ថ្មី នៅ FCC នឹងប្រារព្ធកម្មវិធី Afterparty សម្រាប់ The Distinguished Gentleman’s Ride យប់នេះជាមួយនឹងការសម្ដែងពី The Boxchords, Lisa Conception និង Marison-Metta Trop ហើយក៏មានការដេញថ្លៃសម្រាប់មនុស្សធម៌ដែលដឹកនាំកម្មវិធីដោយតារាកំប្លែង Todd Smith ផងដែរ៕