Connect with us

តើ​អ្នក​គួរ​ចំណាយ​ពេល​ចុងសប្ដាហ៍​នេះ​របៀប​ណា?

មគ្គទេស​ចុង​សប្ដាហ៍

តើ​អ្នក​គួរ​ចំណាយ​ពេល​ចុងសប្ដាហ៍​នេះ​របៀប​ណា?

តើ​អ្នក​គួរ​ចំណាយ​ពេល​ចុងសប្ដាហ៍​នេះ​របៀប​ណា?

ក្នុង​អត្ថបទនេះ​យើង​បាន​រៀប​ចំ​នូវ​បញ្ជី​ព្រឹត្តិការណ៍ផ្សេងៗពី​ថ្ងៃសុក្រដល់​ថ្ងៃច័ន្ទ

Read in English >

ថ្ងៃសុក្រ

 

មាន​អ្វីដាក់​បញ្ចាំង?

 

ក្រុម​អ្នកផលិត​ភាពយន្ត​ Cine Club បាន​ជ្រើស​រើស​យក​ទីតាំង Bophana ដើម្បី​ដាក់​បញ្ចាំង​បង្ហាញ​ពី​ស្នាដៃ​របស់​លោក​ដារ៉ូ ។ បន្ទាប់​ពី​បាន​ថត​ភាពយន្ត​ឯកសារ​ដល់​ទៅ​៥រឿង​ ក្រោម​គម្រោង  ​“One Dollar” លោក​ក៏បាន​បន្ត​ដើម្បី​ផលិតភាពយន្ត​និង​ឯកសារ​នានា ជុំវិញ​ការ​ដោះ​ស្រាយ​បញ្ហា​ពាក់ព័ន្ធ​នឹង​សេរីភាព និង​ការ​ផ្លាស់ប្ដូរ ដាក់បញ្ចាំង​ទាំង​នៅ​ក្នុង​និង​ក្រៅ​ប្រទេស។ កម្មវិធី​នេះ​នឹង​ដាក់​បញ្ចាំង​​​ភាពយន្ត​ទាំង​២ភាសារ​ ខ្មែរ​ និង​អង់គ្លេស។ ចាប់​ពីម៉ោង ៦កន្លះ​ដល់ ៨កន្លះ​យប់​នៅ Bophana Center ផ្លូវ​លេខ ២០០។

 

នៅ Meta House នឹង​ដាក់​បញ្ចាំង​រឿង Kedi ជាភាពយន្ត​ឯកសារ​មួយ​រៀបរាប់​ពី​ថ្ងៃ​មួយ​នៃ​ ជីវិត​របស់​ឆ្មាដល់​ទៅ ៧ក្បាល ខណៈ​ពេល​ពួក​វា​រស់​នៅ​តាម​ចិញ្ចើម​ថ្នល់​នៃ​ទីក្រុង អ៊ីស្តានប៊ុល។ បើ​ចង់​ដឹង​ថា​ឯកសារ​នេះ​មាន​លក្ខណៈ​ពិសេស​យ៉ាង​ណា ហើយ​បើសិន​ជា​ស្រលាញ់ឆ្មាខ្លាំង​នោះ​​ដឹង​តែ​ត្រូវ​ម៉ាច់​តែម្ដង។ សំបុត្រចូលរួម​គឺ​មិន​គិត​ថ្លៃ​នោះ​ទេ ចាប់​បញ្ចាំង​ពី​ម៉ោង ៨កន្លះ​ដល់ ១០យប់​ នៅ Meta House ផ្លូវ​លេខ ១៧៨។​

 

ភាពយន្ត​ល្បី The Joker នឹង​ចាប់​ដាក់​បញ្ចាំង​ថ្ងៃសុក្រ​នេះ និយាយ​ពី​ Villian ដ៏ល្បី​ឈ្មោះនៅ​ក្នុង​ស៊េរីរឿង​មនុស្ស​ប្រជៀវ Batman។ ជាមួយ​នឹង​ពិន្ទុ​ដល់​ទៅ ៩.៤នៅ​លើ​វិបសាយ​ភាពយន្ត​ IMDB រឿង​រ៉ាវ​និយាយ​អំពី​អ្នក​កំប្លែង​មួយ​រូប​ អន់​ចិត្ត​នឹង​ការ​មើលងាយ​និង​ធ្វើបាប​ពី​សំណាក់​សង្គម​ខាង​ក្រៅ ដូច្នេះ​ហើយ​ទើប​ក្លាយ​ជា​រោគចិត្ត​ និង​ចង់​សម្លាប់​មនុស្ស​ឫ​ធ្វើ​រឿង​រ៉ាវ​អាក្រក់​ជា​ច្រើន។ ម៉ោង​ដាក់​បញ្ចាំង​អាច​ជ្រើស​រើស​បាន​នៅតាម​បណ្ដារោងកុននានា​។ ​

 

មាន​អ្វី​ទៀត?

 

អ្នក​ថត​រូប​និង​ភាពយន្តឯកសារ​សញ្ជាតិ​ ស្វីស​ Beat Presser ដែលបាន​ធ្វើ​ការ​យ៉ាងជិតស្និទ្ធ​ជាមួយ​នឹង​អ្នក​ថត​ភាពយន្ត​ឯកសារ​ល្បី​ឈ្មោះ Herzog Werner ដែល​នឹង​ដាក់បង្ហាញ​ពី​ការងារ​របស់​លោក​ទាំង​ថ្មី​និង​ចាស់​​នៅ​អាស៊ីអាគ្នេយហ៍​ នៅ​ Meta House។ ចាប់​ពី​ម៉ោង​៨យប់​នៅ Meta House ផ្លូវ​លេខ ១៧៨។

 

មាន​អ្វី​នៅ​លើ​បញ្ជីភេសជ្ជៈ?​

 

Sora Sky Bar នៅ​អាគារ Rosewood នឹង​រៀប​ចំកម្មវិធី Whiskey Night ខណៈដែល​នៅ Bodleian នឹង​មាន​កម្មវិធី​មួយ​ហៅថា Fizz ហើយ​ខណៈ​ពេល​នោះ​ដែរ Fizz Cocktail បារ​នឹង​មាន​កម្មវិធី​រាត្រី Vodka។  ​​អីចឹងគិត​មើល៍​គួរតែ​ទៅ​កន្លែង​ណា ឬ​ក៏ទៅ​ទាំង​៣?​

 

កម្មវិធី Sora Whiskey នឹង​រៀប​ចំ​ដោយ​ម្ចាស់​ផលិតផល​ស្រា​វីស្គី Bushmills ពី​ប្រទេស​អែកឡង់​ លោក Valentin Julian។ ស្រាក្រឡុក Whiskey នេះ​នឹង​មាន​តម្លៃ ៧ដុល្លារ​ ប៉ុន្តែ​ប្រសិន​ជា​អ្នក​មាន​អារម្មណ៍ចង់​ High អាចសាក​ស៊ីហ្គា​ម៉ាក Cuban Corona ក្នុង​តម្លៃ ២៩ដុល្លារ​បូករួម​ជាមួយ​នឹង​ស្រា។ ចាប់​ពី​ម៉ោង ៨យប់​ទៅ Sora Sky Bar អាគារ Vattanac Capital Tower។

 

Friday Fizz នៅ Bodleian នឹងមាន​ការ​សម្ដែង​តន្ដ្រីពី The Boxchords ដោយ​សម្ដែង​ Covers ជាលក្ខណៈ Acoustic ខ្លះ​ក៏ដូច​ជា​ច្រៀង​បទ​តែង​និពន្ធ​ដោយ​ខ្លួន​ឯង​ផងដែរ។ ចំពោះ​ជម្រើស​ភេជ្ជៈ ស្រា​ Pitars Gold prosecco នឹង​មាន​ដាក់​លក់​២កែវ​ថែម​មួយ​កែវ។ ចាប់​ពី​ម៉ោង ៨យប់​ទៅ នៅ Bodleian ផ្លូវ​លេខ ២៨៨។​

 

ដើម្បី​អប​អរ​ ថ្ងៃបុណ្យ​ស្រា Vodka អន្តរជាតិ?  Fizz នៅ​ម្ដុំទួលទំពូង​​នឹង​មាន​កម្មវិធី​ភ្លក់រសជាតិ​ស្រា​ Vodka ដោយ​មាន​ស្រាក្រឡុក​ពី Vodka ច្រើន​ប្រភេទ​នឹង​ដាក់​លក់។ ចាប់​ពី​ម៉ោង ៦ល្ងាច​ទៅ​នៅ Fizz ផ្លូវ​លេខ ១៥៥។  

 

មាន​អ្វី​លើ​ឆាក​សម្ដែង?

 

តារា​ចម្រៀង​ Mirasol Aguila នឹង​សម្ដែង​រាត្រី​នេះ​ជាមួយ​នឹង​ដៃ​ហ្អីតា​លោក Arone Silverman នៅ Farm to Table សម្រាប់​កម្មវិធី​មួយឈ្មោះ​ថា MiraSoul។ ការ​សម្ដែង​តន្ដ្រី​នេះ​ នឹង​មានឥទ្ធិពល​ពី​តារា​ចម្រៀង​ល្បី​ឈ្មោះ​អន្តរជាតិ ដូច​ជា​ Aretha Franklin, Erykah Bado និង Whitney Houston។ ចាប់​ពី​ម៉ោង ៦កន្លះ​ដល់​ ៩កន្លះ​នៅ Farm to Table ផ្លូវ​លេខ ៣៦០។​​ 

 

Alchemy នឹង​មាន​កម្មវិធី​សម្ដែង​តន្ដ្រីដោយ One Girl Six Strings ចូលរួម​សម្ដែង​ពី Shira ជា​អ្នក​ចម្រៀង​ ព្រម​ទាំង Steve ជំនាញ​ខាងវីយូឡុង ក៏ដូច​ជា​ចម្រៀង​ផងដែរ ខណៈ​លោក Anthony នឹង​ចូលរួម​សម្ដែង​ខាង​ហ្គីតា។ មួយ​ក្រុម​នេះ​សម្ដែង​ដូច​ជា​តារា​មក​ពីអំឡុង​ឆ្នាំ ១៩២៩អីចឹង។ ចាប់ពី​ម៉ោង ៨ដល់​១១យប់​ នៅ Alchemy GastroPub ផ្លូវ​លេខ ១២៣។​

 

ក្រុម​ចម្រៀង Havana Kings ដែល​អ្នកគ្រប់គ្នា​ចូល​ចិត្ត​នោះ​ នឹង​នាំ​យក​នូវ​ការ​សម្ដែង​របស់​ពួក​គេ​បែប គុយបា និង ​ឡាតាំង នៅ​បាសាក់ឡេន។ ការ​សម្ដែង​តន្ដ្រី​បែប Salsa និង ហ្សាស​ ចាប់ផ្ដើម​ពី​ម៉ោង​៨យប់​ត​ទៅ ប៉ុន្តែ​បារ​នៅ​ជុំវិញ​ទីធ្លារ​សម្ដែង​នោះ នឹង​មាន Happy Hour ចាប់​ពី​ម៉ោង​  ៥ដល់​ម៉ោង ៧យប់។ ​អីចឹង​មក​មុន​បន្តិច​មក ដឹង​តែ​សប្បាយហ្ម៎ង។ ចាប់ពី​ម៉ោង ៨យប់​ដល់​ពាក់​កណ្ដាល​អាធ្រាត្រ​នៅ Bassac Lane។  

 

និយាយ​ពី​រឿង​រាំរែក ក្រុម​ចម្រៀងចង្វាក់ ska គឺ Checkered Past​ នឹង​សម្ដែង​នៅ LF Social C

Lub  រាត្រី​នេះ។ អីចឹងប្រសិន​ជា​អ្នក​ចូល​ចិត្ត​តន្ដ្រី​បែប Reggae និង Punk អ្នកប្រាកដ​ជា​ពេញ​ចិត្ត​ការ​សម្ដែង​នេះ។ ចាប់​ពី​ម៉ោង ៨យប់​ដល់​ពាក់កណ្ដាល​អាធ្រាត្រ​នៅ LF Social Club ផ្លូវ​លេខ ៣០៨។​ ​​​

 

មាន​អ្វី​នៅ​យប់​ជ្រៅ?

 

ស្រា​រ៉ាំ Bacardi បាន​ឧបត្ថម្ភកម្មវិធី​តន្ដ្រីបែប Underground គឺ​ Cubik ធម្មតា​តែងតែ​ធ្វើ​ឡើង​នៅ​ថ្ងៃសុក្រ​ដំបូង​រាល់​ខែ​។ សម្រាប់​ថ្ងៃសុក្រ​នេះ DJ Iain Taylor នឹង​មក​សម្ដែងនៅ  One Love Reggae Rooftop ដោយ​ធ្លាប់​បាន​ចាក់ភ្លេង​ស្ទើរគ្រប់ទីកន្លែង​ទូទាំង​ពិភពលោក​ក្នុង​រយៈ​ពេល​រាប់សិប​ឆ្នាំ​មក​ហើយ។ ក្នុង​នោះ​ DJ ផ្សេងៗទៀត​ដែល​បាន​ចូលរួម​គឺ​មាន​ដូច​ជា Tim Coates, INEE, និង DJ Sequence។ តម្លៃ​សំបុត្រគឺ ៦ដុល្លារ​ បន្ទាប់​ពី​ម៉ោង ១១យប់។ ចាប់​ពី​ម៉ោង ១០យប់​ដល់ ៤ ទៀបភ្លឺ​នៅ One Love Reggae Rooftop ផ្លូវ​លេខ ១៧២។  ​​

 

ថ្ងៃសៅរ៍

 

មាន​អ្វី​ដាក់​បញ្ចាំង?

 

ក្មេង​ប្រុស​អាយុ​ ១០ឆ្នាំ​មួយ​រូប ដែល​កូន​កំព្រាគ្មាន​គ្រួសារ ព្រម​ទាំង​ជាកូនប្រុ​ស​ដែល​នៅមានជីវិត​ខណៈ​ពេល​ដែល​ក្មេង​ប្រុស​មួយរូបទៀត​ស្លាប់​ តាំង​ពី​កំណើត។ ទោះ​ជា​យ៉ាង​ណា​ក៏ដោយ ក្មេង​មួយ​រូប​នេះ​បាន​ខិតខំ​គ្រប់បែប​យ៉ាង​ ដើម្បី​ចូលរួម​សម្ដែង​ក្នុង​កម្មវិធី​ប្រកួត​ប្រជែង​តន្ដ្រី​មួយ​ឈ្មោះ​ថា ​​The Rocket។ ចាប់ពីម៉ោង ៧ដល់ ៩យប់​នៅ Meta House ផ្លូវ​លេខ ១៧៨។

 

មាន​អ្វី​ទៀត?

 

ដើមសប្ដាហ៍​នេះ​បន្តិច​យើង​បានសង្កេត​ឃើញ​ថា The Factory បាន​រៀប​ចំ​នូវ​ការ​ដាក់​បង្ហាញ​ផ្សេងៗជា​ច្រើន។ មិន​ថា​ជា​រូប​គំនូរ​ ការ​ដាក់​តាំង​ពិពរណ៍ផ្សេងៗ បើ​ចង់​ដឹង​ច្បាស់​សាក​ទៅ​ចូលរួម​ ការ​ដាក់​បង្ហាញ​ Tour បើក​ឲ្យ​ចូលរួម​ជា​សាធារណៈ នៅ​ព្រឹក​ថ្ងៃ​សៅរ៍នេះ។ ចាប់​ពី​ម៉ោង ១០ដល់ ១១ព្រឹក​នៅ The Factory ផ្លូវ​ជាតិ​លេខ ២។

 

Seekers Spirits  នឹង​រៀប​ចំ​កម្មវិធី​មួយ​នៅ​រាត្រី​ថ្ងៃ​សៅរ៍នេះ សម្រាប់​អ្នក​ចង់​ភ្លក់រសជាតិ Gin ​ក៏ដូច​ជា​ឱកាស​ដ៏ល្អ​សម្រាប់​អ្នក​ដែល​ចង់​ដឹង​ថា តើ​ Gin ត្រូវ​បាន​ផលិត​ដោយ​របៀប​ណា។ ដើម្បី​ចូលរួម​កម្មនេះ​ អ្នក​រៀប​ចំកម្មវិធី​តម្រូវ​ឲ្យ​អ្នក​កក់​កន្លែង​ទុក​ជាមុន។ ខណៈពេល​លោក​អ្នក​ទៅ​ដល់​ទី​នោះ ក្នុង​តម្លៃ​១៥ដុល្លារ នឹង​ទទួល​បាន​ Gin និង Tonic មួយ​កែវ​ ការ​បង្ហាញ​ Tour ភ្លក់រសជាតិ​ស្រាផ្សេងៗ ព្រម​ទាំង​ទទួល​បាន​ស្រា​មួយ​កែវ​ទៀត​ផងដែរ។ ចាប់​ពី​ម៉ោង ៤ដល់​ ៥កន្លះ​នៅ Seekes Spirits ផ្លូ​វ​ ៤៥៤។ ​

 

ផ្ទះសំណាក់​និង​បារ Lazy Gecko នឹង​មាន​កម្មវិធី ជប់​លៀ​ង​បើ​ក​ទីតាំង​ថ្មី បន្ទាប់​ពី​មាន​ការ​កែច្នៃ​បន្ថែមខ្លះៗ។ កម្មវិធី​នេះ​នឹង​មាន​ដាក់​ស្រាបៀរឲ្យ​ញ៉ាំ​ដោយ​ឥតគិត​ថ្លៃ​នៅ​ម៉ោង ៥ល្ងាច​ និង​មាន​ បាប៊ីឃ្យូ​ និង​តន្ដ្រីពេញ​មួយ​យប់។ ចាប់ពី​ម៉ោង ៥ល្ងាច​នៅ Lazy Gecko ផ្លូវ​លេខ ២៥៨។​

 

មាន​អ្វី​លើ​ឆាក​សម្ដែង?

 

តារាចម្រៀង Manith Jupiter និង​ KC បាន​ចូលដៃ​គ្នា​ ដើម្បី​សម្ដែង​ខនសឺ​ត​នៅ CKCC។ ជាមួយ​នឹង​ការ​សម្ដែង​បទ​ថ្មី ពី Manith នឹង​បទ​ចម្រៀង​ក្នុង​អាល់ប៊ុម​ថ្មី​របស់ កញ្ចនា ធានាថា​កម្មវិធី​នេះ​ដឹង​តែ​ពិសេស​តែ​ម្ដង។​ តម្លៃ​សំបុត្រគឺ ៧ដុល្លារ​សម្រាប់​អ្នក​ទិញ​រហូត​ដល់​ចប់​ថ្ងៃសុក្រ តែ​មាន​តម្លៃ​ ១០ដុល្លារ​នៅ​ថ្ងៃ​សម្ដែង​ខនសឺត​តែម្ដង។ ចាប់​ពី​ម៉ោង ៤ដល់​ ៧យប់​នៅ CKCC ផ្លូវ​លេខ ៥៩៨។ 

 

មិន​ត្រឹម​តែ​ជា​ក្រុ​មចម្រៀង​ចង្វាក់​ Metal ប៉ុណ្ណោះ​ទេ ក្រុម​ចម្រៀង​ Nekroma បាន​យក​ស្ទីលត​ន្ដ្រី​បែប​ ងងឹត​ និង​លង​បន្លាច ពី​ទីក្រុង​ប៉េកាំង ប្រទេស​ចិន មក​កាន់ Cloud នៅ​យប់​ថ្ងៃ​សៅរ៍នេះ។ ចូលរួម​សម្ដែង​ជាមួយ​នឹង​ក្រុម​ចម្រៀង Reign of Slumber ប្រចាំ​ក្រុងភ្នំពេញ​ កម្មវិធី​នេះ​ចាប់​ផ្ដើម​ពី​ម៉ោង ៨ដល់ ១១យប់​នៅ Cloud ផ្លូវ​លេខ ៩។​ 

 

ចំពោះ​ការ​ត្រលប់​មក​វិញ​លើក​នេះ ពួកគេ​បាន​ដាក់​ឈ្មោះ​ថា “The Technique Strikes Back”។ បន្ទាប់​ពី​សម្រាក​អស់​រយៈ​ពេល​ប៉ុន្មាន​ខែមក​នេះ ទី​បំផុត​ក្រុម​តន្ដ្រី​ហ៊ីបហប​ប្រចាំ​ទីក្រុង​ភ្នំពេញ​នឹង​ត្រលប់​មកកាន់  LF Social Club ដែល​ជា​ការ​សម្ដែង​មួយ ដែល​អ្នក​មិន​គួរ​រំលង។ ចាប់​ពីម៉ោង ៩យប់​ដល់​ ពាក់​កណ្ដាល​អាធ្រាត្រ​នៅ LF Social Club ផ្លូវ​លេខ ៣០៨។ 

 

ថ្ងៃអាទិត្យ

 

មាន​អ្វី​ដាក់​បញ្ចាំង?

 

សម្រាប់​ថ្ងៃអាទិត្យ​នេះ បើសិន​ជា​អ្នក​មិន​ចង់​ធ្វើ​អ្វី​ធំដុំ ព្រោះ​ស្រវឹង​កាល​ពី​យប់​ថ្ងៃ​សៅរ៍នោះ អីចឹង​ទៅ The Fl​icks ដើម្បី​ទស្សនា​ភាពយន្ត​ផ្សេងៗ តាម​បែប​ Relax។ សម្រាប់​ល្ងាច​ថ្ងៃ​អាទិត្យ​នេះ ភាពយន្ត​បែប​រន្ធត់ ​Midsommar នឹង​យក​មក​ចាក់​បញ្ចាំង​ ដោយ​និយាយ​អំពី​ហេតុការណ៍​កើ​ត​ឡើង​ទៅ​លើ​គូរស្នេហ៍ នៅ​ប្រទេស​​ Sweden។ ចង់​ដឹង​ច្បាស់​ អាច​ទៅ​ទស្សនា​នៅ The Flicks ចាប់​ពី​ម៉ោង ៧កន្លះ​ទៅ ទីតាំង​នៅ​តាម​ផ្លូវ​លេខ ៩៥។  

 

Meta House នឹង​ចាប់​ដាក់បញ្ចាំង​ស៊េរី​ឯកសារ​ពាក់​ព័ន្ធ​នឹង Climate Change ពេញ​មួយ​ថ្ងៃ​ត្រង់​និង​ល្ងាច។ ហេតុការណ៍ផ្សេងៗ និយាយអំពីការ​ឡើង​កំដៅ​ពិភពលោក ការ​លើងកំរិត​នៃ​នីវ៉ូទឹក​សមុទ្រជាដើម ព្រម​ទាំង​ការ​ខិត​ខំកែច្នៃ​ប្រើ​ប្រាស់​ថាម​ពល​ជំនួស និង​ច្បាប់​សាធារណៈផ្សេងៗជាដើម។ ចាប់​ពី​ម៉ោង ២ដល់ ១០យប់​នៅ Meta House ផ្លូវ​លេខ ១៧៨។​

 

មាន​អ្វី​លើ​ឆាក​សម្ដែង?

 

សណ្ឋាគារ The Plantation នឹង​មាន​កម្មវិធី​ “The Art of Classical Guitar” ចូលរួម​សម្ដែងដោយ​ អ្នក​លេង​ហ្គីតាសញ្ជាតិ​ Czech លោក Leon Koudelak។ ក្នុង​នោះ​លោក Leon ក៏នឹង​មាន​ចូលរួម​សម្ដែង​ដោយ Composers លោក Johann Sebastian Bach, Michael Buchrainer និង Heitor Villa-Lobos។ សំបុត្រ​ចូលរួមត្រូវ​តែកក់​ទុក​ជាមុន ចាប់​ពី​ម៉ោង ៦ដល់ ៧កន្លះ​នៅ The Plantation ផ្លូវ​លេខ ១៨៤។

 

មាន​អ្វី​ទៀត?

 

Cambodia Living Arts នឹង​មាន​កម្មវិធី​បទបង្ហាញ​មួយ ដែល​មាន​ឈ្មោះ​ថា មូលនិធិ «ដាំដុះ» ដោយ​បើ​ក​ឲ្យ​ចុះ​ឈ្មោះ​ចូលរួម​ចាប់​ពី​ថ្ងៃ​នេះ រហូ​ត​ដល់​ ៣០តុលា។ សម្រាប់​ថ្ងៃ​អាទិត្យនេះ នឹង​មាន​ការ​ផ្ដល់​ពត៌មាន​ពិសេស​មួយ​ណែនាំ អ្នក​ចូលរួម​ឲ្យ​យល់​កាន់​តែ​ច្បាស់​នូវ​វគ្គ​បណ្ដុះ​បណ្ដាល​នេះ។ ចាប់ពី​ម៉ោង ២កន្លះ​ដល់​៤រសៀលនៅ បណ្ណាល័យបញ្ញវន្ត ផ្លូវ​លេខ ២៩៨។

Continue Reading
You may also like...
Click to comment

Leave a Reply

More in មគ្គទេស​ចុង​សប្ដាហ៍

You Might Like…

អត្ថបទ​សំខាន់​​ និង​ កិច្ចស​ម្ភាសន៍​ផ្សេងៗ

ជួបជាមួយជើងខ្លាំងដែលអ្នកមិនធ្លាប់លឺពីមុនមក គឺអ្នកស្រី សយស្រស់

By ខែ​មិថុនា 15, 2020

Our Writers

Facebook

Take Me To…

To Top