តារាចម្រៀង Cher សង្គ្រោះដំរីឯកោបំផុត នាំមកប្រទេសកម្ពុជា
តារាចម្រៀងអាមេរិក Cher បានជួយដំរីឈ្មោះ Kavaan អាយុ៣៦ឆ្នាំ ទំងន់ ៥តោន មានងារថា “ជាដំរីដែលឯកោបំផុតក្នុងប្រទេសប៉ាគីស្ថាន” ឲ្យមកកាន់ប្រទេសកម្ពុជា
Do you belieeeeeeve in life after love? (តើអ្នកជឿពីជីវិតបន្ទាប់ពីស្នេហាឬទេ?) សម្រាប់តារាចម្រៀងអាមេរិក Cher វិញ នាងពិតជាជឿជាក់ ដែលនាងសង្ឃឹមថាដំរីឈ្មោះ Kavaan អាយុ៣៦ឆ្នាំ ទំងន់ ៥តោន មានងារថា “ជាដំរីដែលឯកោបំផុតក្នុងប្រទេសប៉ាគីស្ថាន” បន្ទាប់ពីដៃគូដំរីនេះបានស្លាប់កាលពី៦ឆ្នាំកន្លងទៅ ថាដំរីនេះនឹងទទួលបានឱកាសថ្មីនៃជីវិតរីករាយនៅព្រះរាជាណាចក្រអច្ឆរិយៈ។
តារាចម្រៀងល្បីឈ្មោះមកពីសហរដ្ឋអាមេរិក Cher គឺជាអ្នកដែលមានចិត្តសុប្បរសក៏ដូចជាចាប់អារម្មណ៍ជាមួយនឹងកិចចការពាក់ព័ន្ធនឹងសិទ្ធិរបស់សត្វ បានចាប់ផ្ដើមបេសកម្មតាំងពីឆ្នាំ ២០១៦ មកម្ល៉េះដើម្បីស្វែងរកកន្លែងរស់នៅថ្មីទៅឲ្យដំរី Kavaan (ខាវ៉ាន)។ ដំរីនេះត្រូវបានផ្ដល់ឲ្យជាកាដូពី ប្រទេសស្រីឡាំងកា ទៅកាន់ប្រទេសបា៉គីស្ថានតាំងពីជាកូនដំរី ហើយរក្សានៅសួនសត្វ Marghazar ពេញមួយជីវិត។ តាំងតែពីដៃគូដំរីឈ្មោលរូបនេះ Saheli ស្លាប់កាលពី៦ឆ្នាំកន្លងមក វាត្រូវបានគេចាត់ទុកថាជាដំរីតែមួយក្បាលប៉ុណ្ណោះដែលកំពុងរស់នៅប្រទេសនេះ ហេតុដូច្នេះហើយទើបបានធ្វើឲ្យវាជាញឹកញាប់មានភាពពិបាកចិត្ត ក៏ដូចជាបង្ហាញសកម្មភាពកាចពេលខ្លះ។
ស្របពេលដែលកំពុងតែរស់នៅដោយភាពឯកា ស្ថានភាពនៅសួនសត្វផ្ទាល់តែម្ដងក៏បង្កភាពលំបាកលំបាកទៅឲ្យ Kavaan ផងដែរ ដោយចំណាយពេលវេលារស់នៅទីនោះក្នុងរយៈពេលជិត២ទសវត្ស ជាមួយនឹងច្រវ៉ាក់ជាប់ជើង មិនអាចធ្វើដំណើរទៅណាបាន។ ប្រជាជនជាង២០ម៉ឺននាក់ទូទាំងពិភពលោក បានចូលរួមសហការយុទ្ធនាការសំនូមពរទៅដល់ រដ្ឋាភិបាលប្រទេសប៉ាគីស្ថាន ដើម្បីស្វែងរកទីតាំងរស់នៅឲ្យសមស្របសម្រាប់ដំរីកម្សត់មួយក្បាលនេះ។ សំនុំរឿងនេះបានទៅដល់តុលាការកំពូល អ៊ីស្លាមម៉ាបាត ហើយក៏បានកំណត់ផ្ដល់សេរីភាពដល់ដំរីនេះ។
🐘Kaavan's journey to freedom from captivity in Islamabad to Cambodia will be a 2021 @SmithsonianChan documentary ❤️ Help us build Kaavan's forever home 🏡 https://t.co/dzdl4Ew4gn 🙏🏻@ftwglobal #KaavansJourney pic.twitter.com/iTxdzfndNB
— Cher (@cher) November 27, 2020
ប៉ុន្តែក្នុងការផ្លាស់ទីលំនៅសម្រាប់ដំរីដ៏ធំមួយក្បាលពីប្រទេសប៉ាគីស្ថានមក ប្រទេសកម្ពុជាគឺមិនមែនជាការងាយស្រួលនោះឡើយ។ អង្គការសុប្បរសធម៌បង្កើតដោយ Cher ឈ្មោះថា Free the Wild បានធ្វើការសហការយ៉ាងសកម្មជាមួយអង្គការក្រៅរដ្ឋាភិបាលអន្តរជាតិ Four Paws ព្រមទាំងកំលាំងកងទ័ពប្រទេសប៉ាគិស្ថាលដើម្បីរៀបចំការផ្លាស់ប្ដូរទីតាំងឲ្យដំណើរការទៅរលូននិងមានសុវត្ថិភាព។
ដុកទ័រ Amir Khalil ជានាយកប្រតិបត្តិអន្តរជាតិនៃ ការគ្រប់គ្រងគម្រោងរបស់ Four Paws បានធ្វើដំណើរទៅកាន់ទីក្រុង អ៊ីស្លាម៉ាបាត ដើម្បីជួបជាមួយ Kavaan ក៏ដូចជាជួយឲ្យវាមានសុខភាពល្អ ព្រមទាំងបង្វឹកហាត់មុនពេលដាក់ក្នុងទ្រុងធំមួយ ដើម្បីធ្វើដំណើរលើអាកាស។ ដំរីនេះក៏បានធ្វើតេស្ត Covid-19 ផងដែរ មុនពេលធ្វើដំណើរមកកាន់ប្រទេសកម្ពុជា។
បន្ទាប់ពីចំណាយពេលអស់ជាច្រើនខែ កិច្ចការយ៉ាងលំបាកទាំងនេះទទួលបានលទ្ធផលដ៏ប្រពៃ ដោយ Kavaan មិនមែនជាដំរីដែលឯកោមួយក្បាលទៀតនោះទេ។ មកដល់ខេត្តសៀមរៀបកាលពីថ្ងៃទី៣០ខែវិច្ឋិកា កំពូលតារាចម្រៀង Cher ក៏បានចាំទទួល Kaavan នៅប្រលានយន្តហោះខេត្តសៀមរាបផងដែរ។
“ខ្ញុំពិតជាមានមោទនភាពយ៉ាងខ្លាំង សម្រាប់អង្គការរបស់ពួកយើង ដែលបានបង្កើតប្រវត្តិសាស្រ្តចំពោះការសង្គ្រោះមួយនេះ។” ថ្លែង លោក Josef Pfabigan ប្រធានអង្គការ Four Paws នៅក្នុងការថ្លែងការបន្ថែមទៀតថា “ខណៈដែល Kaavan បានផ្លាស់ទីតាំងទៅរស់នៅកន្លែងដែលសមស្រប យើងក៏នឹងបន្តការងារដើម្បីធ្វើឲ្យសត្វដទៃទៀត ដែលកំពុងតែផ្ទុកក្នុងសួនសត្វជាច្រើនកន្លែងទូទាំងពិភពលោក។ Four Paws នឹងជួយពួកគេ រាល់សត្វដែលកំពុងតែត្រូវការជួយសង្គ្រោះ និងការពារ។”
នេះគឺជាទិដ្ឋភាពដំរីដែលមានសំណាងក្នុងការ ឈានជើងចូលទីតាំងថ្មីនៃ សួនសត្វអភិរក្ស គូលែនព្រំទិព្ទ ខេត្តសៀមរាប ដែលវានឹងអាចចំណាយពេលលេងជាមួយដំរីផ្សេងៗទៀតជាលើកដំបូង បន្ទាប់ពីរយៈពេលរាប់សិបឆ្នាំ។
#FreeKaavan 🐘: First steps in his new forever home!🌴
It is already dark and difficult to see, but we still want to make sure you are a part of this milestone – Kaavan stepping foot into the sanctuary in Cambodia for the first time. pic.twitter.com/pDeTvwrz6U— FOUR PAWS (@fourpawsint) November 30, 2020
រូបថតពី Hristo Vladev, កម្មសិទ្ធិរបស់អង្គការ Four Paws.
