Connect with us

តេន​ តេន​ ទៅដើរលេង​ឯណា​ចុងសប្ដាហ៍នេះ?

មគ្គទេស​ចុង​សប្ដាហ៍

តេន​ តេន​ ទៅដើរលេង​ឯណា​ចុងសប្ដាហ៍នេះ?

តេន​ តេន​ ទៅដើរលេង​ឯណា​ចុងសប្ដាហ៍នេះ?

ការ​តាំង​បង្ហាញ​សិល្បៈ DJ ចាក់ភ្លេង​ Cosplay: និយាយ​ទៅ​គឺ​គ្រប់​ប្រភេទ​តែ​ម្ដង ហើយ​នេះ​ជា​អ្វី​នឹង​កើត​ឡើងទាំងបីថ្ងៃនេះ

Louis-hansel Unsplash
Translated by Thearo Nuch

Read in English >

ថ្ងៃ​សុក្រ

 

មាន​អ្វី​ដាក់​បញ្ចាំង?​

 

អ្នក​ផលិតភាពយន្ត​សញ្ជាតិ្តអូស្ត្រាលី​ Damon Gameau ដែល​ចង់ដឹង​ថា​តើ​ពិភពលោក​នឹង​ទៅ​ជាយ៉ាង​ណា​ក្នុងរយៈ​ពេល​ ២០ឆ្នាំខាង​មុខ​សម្រាប់​កូន​ស្រី​របស់​ខ្លួន។​ លោក​បាន​សាក​សួរ​ខ្លួន​ឯង​ថា​ តើ​ពិភពលោក​នឹង​ប្រែ​ក្លាយ​ជា​យ៉ាង​ណា​ ពេល​កូន​ស្រី​លោកនឹ​ង​ប្រឈមមុខ​ក្នុង​រយៈ​ពេល ២០ឆ្នាំ​ពី​ឥឡូវ​នេះ? អ្វី​ដែល​គួរ​ឲ្យកត់​សម្គាល់​នោះ​គឺ​ ថាតើ​ជា​ប្រភេទ​ស្ថានភាព​បែប​ណា? ភាពយន្ត​ឯកសារ​ ដែលបង្ហាញ​ពី​អ្វី​ដែល​កើត​ឡើង​នៅ​ថ្ងៃ​អនាគត​ចំណង​ជើង​ថា ​2040 នឹង​ចាប់​ដាក់​បញ្ចាំង​នៅ​ម៉ោង ៤កន្លះ​ល្ងាច​ នៅ The Flicks ផ្លូវ​លេខ ៩៥។

 

មាន​អ្វី​លើ​ឆាក​សម្ដែង?

 

ក្រុម​ចម្រៀង​ឯករាជ្យ​មក​តាំង​ពី​ប្រទេស​អៀកឡង់​ Riel Capital ទើប​តែ​មកដល់ថ្មីៗ នឹង​មក​សម្ដែង​នៅ Cloud យប់​នេះ។ វា​ជា​អ្វី​ដែល​ពិសេស​មួយ​ព្រោះ មិន​សូវ​ជា​មានត​ន្ដ្រី​ប្រភេទ​នេះ​​នៅ​កម្ពុជា រាល់​ថ្ងៃ​នោះ​ទេ។​ បើ​ចង់​សាក​ល្បង​មក​មើល​តន្ដ្រី​ប្រភេទ​នេះ ឲ្យ​ប្លែក​អារម្មណ៍​ម្ដង​ កុំភ្លេច​មក​កាន់​ Cloud នៅ​ផ្លូវ​លេខ ៩ចាប់​ពី​ម៉ោង ៨យប់​ត​ទៅ។​​​

 

ការ​សម្ដែង​ពីរ​ផ្សេងគ្នា ពី​ប្រទេសឥណ្ឌា​នឹង​សម្ដែង​តន្ដ្រីហៅថា ​“Bangalore Bookstore Blues” ក្នុងពេល​អាហារ​ពេល​ល្ងាច​នៅ ​Farm to Table។ ទទួល​បាន​ឥទ្ធិពល​ពី​ក្រុម​តន្ដ្រី​ដូច​ជា Iron & Wine និង Radiohead ក្រុម​ចម្រៀង​នេះ​ផលិត​ឡើង​ពី​បទពិសោធន៍តន្ដ្រី​សម្ដែងប្រចាំ​នៅ​ទីក្រុង Bangalore ដែល​តែង​តែ​កើតឡើង​នៅ​តាម​ កន្លែង​លក់​សៀវភៅ និង​ហាង​លក់​កាហ្វេ។ Mahesh គឺ​ការ​សម្ដែងពី​បុរស​ម្នាក់ ជាមួយ​នឹង​សម្លៀង​ប្រកបទៅ​ដោយទឹកដម។ លើ​ស​ពីនេះ ក្រុម​ចម្រៀង Cinema of Excess ដែល​ជា​ក្រុម​ចម្រៀងបែប​ Acoustic មាន​សមាជិក​បីរូប​​នឹង​សម្ដែងចម្រៀង​ចេញ​ពី EP របស់​ពួក​គេ​ទើប​តែ​បញ្ចេញ​កាល​ពី​ឆ្នាំ​មុន។ ចាប់​ពី​ម៉ោង ៦កន្លះ​ដល់​ ៩កន្លះ​នៅ Farm to Table ផ្លូវ​លេខ ៣៦០។​ 

 

ទីបំផុត​វា​បានកើត​ឡើង​ហើយ Bassac Lane នឹង​ប្រែក្លាយ​ទៅ​ជា​ទីតាំង​សម្ដែង​តន្ដ្រី​ Disco។ នៅ​ក្នុង​ទីតាំងយ៉ាង​ពិសេស​ខាង​ក្នុង​ Bassa Lane ក្រុមតន្ដ្រី Retro Carnival Disco នឹង​ចាក់តន្ដ្រី​ចង្វាក់​ Disco ឲ្យ​អ្នក​រាំ​យ៉ាងសប្បាយ​រីករាយ​។ ចាប់​ពី​ម៉ោង​ ៩ដល់​ពាក់​កណ្ដាល​អាធាត្រ​នៅ Bassac Lane ផ្លូវ​លេខ ៣០៨។ 

 

Mirasol Aguila នឹង​បង្ហើរ​នូវ​សំនៀង​ដ៏ពីរោះ​ក្រអួន​ក្រអៅ​នាង​ នៅ​ក្នុង​ការ​សម្ដែង​មួយ​ពី Bodleian ដោយ​មាន​ដាក់​លក់​នូវ​ ស្រាវីស្គី​ពិសេស​ព្រម​ទាំងស្រា Cocktail ជា​ពិសេស​ផងដែរ។ ចូលរួម​សម្ដែង​ជាមួយ​នាង​គឺ អ្នក​ចម្រៀងនិង​វាយ​ស្គរ Euan Gray ហើយ​ Larry Martinez ជំនាញ​ខាង Keyboard។ ចាប់​ពី​ម៉ោង ៨ដល់​ ១១យប់​នៅ Bodleian ផ្លូ​វលេខ​ ២៨៨។​

 

មាន​អ្វី​ទៀត?

 

BritCharm កម្ពុជា​នឹង​មាន​រៀប​ចំកម្មវិធី​បែប Social ជួប​ជុំ​ប្រចាំ​ខែ​​នៅ Orphic យប់​នេះ ដោយ​ផ្តល់​ឱកាស​ដល់​អ្នក​គ្រប់គ្រង​ជំនួញ​ក៏ដូច​ជា អ្នក​ដឹក​នាំ​ប្រចាំ​សហគមន៍ផងដែរ។ ដើម្បី​ចូលរួមកម្មវិធី​នេះ​​អ្ន​ក​ត្រូវ​ចំណាយ​ ២០ដុល្លារ​បើសិន​ជា​អ្នក​មិន​មែន​ជា​សមាជិក​ ដោយ​ចាប់​ផ្ដើម​ពី​ម៉ោង ៦ដល់​ ៨យប់។ ក្នុង​ថ្ងៃ​ដដែល​នេះ​ដែរ​នៅ Orphic នេះ​ក៏មាន​កម្មវិធី October Beer Festival ដែល​មាន​ដៃគូរ​សហការ​ដោយ Cerevisia Brewery។ ស្រាបៀរ​នេះ​អាច​ទិញ​មួយ​ថែម​មួយ​ចាប់​ពី​ម៉ោង ៥ល្ងាច​ដល់​ពាក់​កណ្ដាល​អាធ្រាត្រ​។ Orphic មាន​ទីតាំង​នៅ​ជ្រោយស៊ីសុវត្ថិ​ក្បែរ​ K-West។ 

 

នៅ​ម្ដុំមាត់​ទន្លេ​ដែរ អ្នក​បិត​ស្រាបៀរ ​ពី Fuzzy Logic នឹង​មាន​ការ​ទិញ​មួយ​ថែមមួយ​ពិសេស​នៅ ​Azure Bar & Grill។ ការ​ថែម​ជូន​នេះ​គឺ​សម្រាប់ Dragon Lager ប៉ុន្តែ​គេក៏នៅ​មាន​បន្ថែម​ Thunerslap IPA នៅ​ទី​នោះ​ផង​ដែរ​។ DJ DJ L~N [Loads~Nothing] នឹង​ចាក់​ភ្លេង​កំដរ​សម្រាប់​រាត្រី​នេះ។​ ចាប់​ពី​ម៉ោង ៨ដល់​ពាក់កណ្ដាល​អាធ្រាត្រ​នៅ Azure Bar & Grill ផ្លូវ​លេខ ១២៣។​  

 

នៅឯ Ege Bar ឯណោះ​វិញ​នឹង​មាន​កម្មវិធី​ជប់​លៀង​ខួប​កំណើត សម្រាប់​អ្នក​លេង​ភ្លើង​ប្រចាំ​ក្រុង​តែ​ម្ដង។ កម្មវិធី​នេះនឹង​មាន​ DJ ដល់​ទៅ ៤ ចូលរួម​គឺ DJs Dalah, Marie Thach, DJ Sequence ពីភ្នំពេញ​ Underground និង Shadows of Space មក​ចាក់ភ្លេង​រាំ​កម្សាន្ត​ចាប់​ពី​ម៉ោង ៩ដល់ ២ទៀបភ្លឺ​នៅ Ege Bar ផ្លូវ​លេខ ៤៦០។ 

 

មាន​អ្វី​នៅ​យប់​ជ្រៅ?

 

ធ្វើដំណើរ​មកតាំង​តែ​ពី​សហរដ្ឋ​អាមេរិក​ DJ King GNS នឹង​មក​កាន់ Club Love ដើម្បី​នាំ​យក​មក​នូវ​តន្ដ្រី​មក​រាំ​កម្សាន្ត​នៅ Club Love សម្រាប់​រាត្រី​ថ្ងៃ​សុក្រ​នេះ​។ ក្នុង​តម្លៃ​សំបុត្រ​ចូលរួ​ម​តម្លៃ ៥ដុល្លារ​នៅ​ច្រក​ចូល​ អ្នក​អាច​ជ្រើស​រើស​ស្រា​ប្រភេទ​ណា​ដែល​អ្នក​ចង់​បាន​។ ចាប់​ពីម៉ោង ៩ដល់ ៤​ទៀបភ្លឺ​នៅ Club Love ផ្លូវ​លេខ ២៧៨។ ​

 

ថ្ងៃសៅរ៍

 

មាន​អ្វី​ដាក់​បញ្ចាំង?

 

Bophana Center នឹ​ងមានដាក់​បញ្ចាំង​ភាពយន្ត​ដល់​ទៅ​បួនរសៀល​នេះ។ ចំពោះ​ភាពយន្ត​នីមួយៗ គឺ​មានរយៈ​ពេល​មិន​លើស​ពី ១៦នាទី​នោះ​ទេ។ ចំពោះ​ភាពយន្ត​២ដំបូង​ គឺ​ត្រូវបាន​ដឹក​នាំ​ដោយ​លោក  ហង្ស​ សុខារ៉ូ និយាយ​ភាសាខ្មែរ​​ជាមួយ​នឹង​ English Subtitle។ ភាពយន្ត​ទាំង​ពីរ​នេះ​ផ្ដោត​សំខាន់​ទៅ​លើ ការ​ខិត​ខំ​ជម្នះ​ឧបសគ្គ​ដើម្បី​ស្វែង​រក​អនាគត​ដ៏ភ្លឺ​ស្វាង។ ​ភាពយន្ត​ពីរ​ចុង​ក្រោយ​ផលិត​ដោយ​សេវាកម្ម​ អប់រំសុខភាព​កម្ពុជា (CHEMS​) ដោយ​និយាយ​ជា​ភាសា​ខ្មែរ​ និង​មាន​ English Subtitle ដូច​គ្នា។ ភាពយន្ត​ទាំង​ពីរ​នេះ​និយាយ​រៀប​រាប់​ ពី​បញ្ហា​ផ្លូវ​ភេទ​ផ្សេងៗ ដូច​ជា​ការឆ្លង​មេរោគ​អេដស៍​កាម​រោគ និង ការ​មានផ្ទៃ​ពោះ​ខណៈម្ដាយ​មាន​វ័យក្មេង​ជា​ដើម។ ចាប់​ពី​ម៉ោង ៥​ដល់​៦​ល្ងាច​នៅ Bophana Center ផ្លូវ​លេខ ២០០ ចូលរួម​ដោយ​ឥត​គិត​ថ្លៃ។​ ​ 

 

មាន​អ្វី​ទៀត?

 

សម្រាប់​ចុង​សប្ដាហ៍​នេះ ការ​ដាក់​តាំង​បង្ហាញ​សកម្មភាព​សិល្បៈ​ជា​ច្រើន​ត្រូវ​បាន​ប្រារព្ធធ្វើ​ឡើង ចូលរួមជាមួយ​អ្នក​សិល្បៈ​ផ្ទាល់ Workshops និង​ផ្សារ​សិល្បៈ​ទៀត​ផង។ មួយ​ភាគ​បី​នៃ​អ្នក​សិល្បៈ​ចូលរួម​គឺ​​មានទីតាំង​នៅ កម្ពុជា​ និង​មួយ​ភាគ​បី​ទៀត​មក​ពី​កន្លែងផ្សេងៗនៃ​អាស៊ី​អាគ្នេយ៍។ បើ​យោង​ទៅ​តាម​អ្នក​រៀប​ចំកម្មវិធី Phsar Art 2019 ត្រូវ​បាន​ចូលរួម​ដើម្បី​ផ្ដល់​ឲ្យ​នូ​វ​បទ​ពិសោធន៍​ គ្រប់​លំដាប់​ថ្នាក់​ និង​បច្ចេក​ទេស​និង​បទ​បែប​នៃការ​ផលិត​ផ្សេងៗ។ ក្នុង​នោះ​ក៏មាន​ការ​ផ្ដល់​ជូន​នូវ​​ការ​ដាក់​លក់​គំនូរ​​សិល្បៈ​ជា​ច្រើន​ប្រ​ភេទ ក្នុង​តម្លៃ​សម​រម្យ។​ 

 

Workshops សម្រាប់​ថ្ងៃ​នេះ​គឺ​មាន woodcut printmaking workshop ពី​ម៉ោង ៩ព្រឹក​ដល់​ថ្ងៃ​ត្រង់​និង intro to modern calligraphy ពី​ម៉ោង​ ២ដល់​៤រសៀល។​ ចាប់​ពី​ម៉ោង ៩ព្រឹក​ដល់​ ៦ល្ងាច​នៅ The Plantation Urban Resort and Spa ផ្លូវ​លេខ ១៨៤។ 

 

Workspace 1 នៅ The Factory ​មានដាក់​បង្ហាញ​នូវ​ Collection សៀវ​ភៅ​ជា​ច្រើន​ ពិសេស​សម្រាប់​អ្នក​ចូល​ចិត្ត​អាន​រឿងបែប Comtemporary និង Classic Literature ព្រម​ទាំង Nonfiction ផង​ដែរ។ ​អីចឹង​ប្រសិន​ជា​អ្នក​ចូល​ចិត្ត​អាន​សៀវភៅ​និង​ចង់​បាន​សៀវភៅ​ថ្មីៗ ដើម្បី​អាន​បន្ថែម​ទៀត​ ចូលរួមកម្មវិធី Book Exchange នៅ​ The Factory ដែល​ប្រព្រឹត្តិ​ទៅ​ម្ដង​ជា​រៀង​ល់​ខែ។ ចាប់​ពី​ម៉ោង ១ដល់​ ៣រសៀល​នៅ The Factory ទីតាំង​តាម​បណ្ដោយ​ផ្លូវ​ជា​តិ​លេខ ២។  ​ ​

Farm to Table មានកម្មវិធី “Meet the Makers” ជាមួយ​​នឹង​អ្នក​នាង Thyda Thaung ជា​ម្ចាស់​សហគ្រិន Thyda’s Salt Farm ដែល​នាង​នឹង​ចូល​រួម​កិច្ច​ពិភាក្សារ​ពី របៀ​ប​ប្រមូលផល​​អំបិល​គុណ​ភាព​ល្អ​ ដោយ​ដៃ​និង​ការ​កែច្នៃ​រស​ជាតិ​ ពោលគឺ​ការ​ជុំវិញផលិត​អំបិល​តែ​ម្ដង។ ចាប់​ពី​ម៉ោង ២ដល់​៤រសៀល​នៅ Farm to Table ផ្លូវ​លេខ ៣៦០។  

 

មានអ្វី​លើ​បញ្ជី​ភេសជ្ជៈ?

 

ថ្ងៃ​នេះ​គឺ​ជា​ថ្ងៃ​ពិសេស​មួយ​គឺ ថ្ងៃ​ Gin and Tonic អន្តរជាតិ? ភេសជ្ជៈ​ប្រភេទ​នេះ​ល្អ​បំផុត​ក្នុង​ការ​ការ​ពារ​ជំងឺ​គ្រុនចាញ់ ដោយ​សារ​មូស​មិន​ចូល​ចិត្ត​ក្លិន​ Gin។  

 

អ្នកផលិត​ Gin ក្នុង​ក្រុ​ង​ផ្ទាល់​តែ​ម្ដង​គឺ  ​Seekers Spirits បាន​រៀប​ចំ​កម្មវិធី​ជប់​លៀង​លើ​ដំបូល​នៃ Penh Bar ផ្លូវ​លេខ ២៤០ ដើម្បី​ទស្សនា​ទិដ្ឋភាព​ថ្ងៃ​លិ​ច​នៅ​រាជធានី​ភ្នំពេញ​ផងដែរ។ ជាមួយ​នឹង​អ្នក​ជំនាញ​ខាង​ផលិត​ Gin យ៉ាង​ជំនាញ​គឺ Alfie Sean Amayo ថ្ងៃសៅរ៍​របស់​អ្នក​នឹង​ពិត​ជា​ Chill។ ចាប់​ពី​ម៉ោង ៥ដល់ ១១យប់​នៅ Penh Bar ផ្លូវ​លេខ ២៤០។

 

ប្រសិន​ជា​អ្នក​នៅ​ម្ដុំទួល​ទំពូង​ឯណោះ​វិញ Fizz នឹង​មាន​កម្មវិធី​មួយ​រៀប​ចំ​ឲ្យ​អ្នក​លាយ​ស្រា​ Gin and Tonic ដោយ​ខ្លួនឯង​ ជាមួយ​នឹង​ជម្រើស​ផ្សេងៗយ៉ាង​ពិសេស។ ចាប់​ពី​ម៉ោង ៦ល្ងាច​ដល់ ១ ទៀបភ្លឺ​នៅ Fizz ផ្លូវ​លេខ ១៥៥។​

 

នៅ​ក្បែរ​នោះ​ដែរ Ege Bar​ រៀប​ចំ​កម្មវិធី​ជប់​លៀង​ខួប​គម្រប់​មួយ​ឆ្នាំ ចាប់​តាំងពីថ្ងៃ​រសៀល​ដល់​យប់។ ពិធី​ជប់​លៀង​នេះ​ចាប់ផ្ដើម​ពី​ម៉ោង ៥រសៀល​ជាមួយ​នឹង​ Barbecue រួច​មាន​ការសម្ដែង​​ពី​ក្រុម​ចម្រៀងបែប​ Indie គឺ The Goldilocks Zone នៅ​ម៉ោង ៨កន្លះ​យប់​ ជាមួ​យនឹង​ DJ Sushi Firas ជា​អ្នក​ចាក់​ភ្លេង​រាំ​កម្សាន្ត​ចាប់​ពី​​ម៉ោង ១១កន្លះ​យប់​។

Ege Bar មាន​ទីតាំង​នៅ​តាម​បណ្ដោយ​ផ្លូវ​លេខ ៤៦០ ចាប់​ផ្ដើម​ពី​ម៉ោង ៤រសៀល។

​ 

មាន​អ្វី​លើ​ឆាក​សម្ដែង?

 

The Box Office នឹង​រៀប​ចំ​កម្មវិធី Comedy Night ជាមួ​យនឹង​អ្នក​កំប្លែង​សញ្ជាតិ​អង់គ្លេស​ Eddy Brimson ដោយ​ឧបត្ថម្ភដោយក្រុមហ៊ុន Giant Ibis។ ទោះ​បី​ជា​លោកជា​ជន​ជាតិ​អង់គ្លេស​ លោក​ធ្លាប់ត្រូវ​បាន​គេ​ដាក់​ឈ្មោះ​ដណ្ដើម​ពាន​ ជា​តារា​កំប្លែង​ឆ្នើម​នៅ​ប្រទេស​ស្កុត​ឡែន និង​ព្រម​ទាំង​ធ្លាប់​សរសេរ​សៀវភៅ​ដល់​ទៅ ៧ក្បាល​ឯណោះ។ យប់​នេះ​លោក​នឹង​ត្រូវ​ចូលរួម​សម្ដែង​ជាមួយ​ Gariel Villalobos អ្នក​នៅ​រដ្ឋ​តិចសាស់​តែ​ស្នាក់នៅ​ប្រទេស​វៀត​ណាម​ និង Tommy Pruchinski សញ្ជាតិ​អាមេរិកកាំង​ដូច​គ្នា។ ​សំបុត្រ​ចូលរួមតម្លៃ​ ៨ដុល្លារ​សម្រាប់​អ្នក​ទិញ​មុន និង ១០ដុល្លារ​នៅ​ច្រក​ចូល​។ ចាប់​ពី​ម៉ោង ៧កន្លះ​ដល់ ១០កន្លះ​នៅ The Box Office ផ្លូវ ២៤៤។ ​ 

 

ក្រុមចម្រៀង Miss Sarawan នឹង​នាំ​មក​នូវ​តន្ដ្រី​បែប​ខ្មែរ​រ៉ុក​និង​សូល ទៅ​កាន់  Qwest Restaurant សម្ដែង​តន្ដ្រី​ជាភាសាខ្មែរ​និង​បែប​លោក​ខាង​លិច​ ជំនាន់​ទស្សវត្ស​ទី ៦០និង ៧០។ Miss Sarawan នឹង​ត្រូវ​ចូលរួម​សម្ដែង​ជាមួយ​​លោក Euan Gray ផង​ដែរ។ ចាប់​ពី​ម៉ោង ៧ដល់ ១១យប់​នៅ Qwest Restaurant ម្ដុំ​មាត់​ទន្លេ។ 

 

ក្រុម​ចម្រៀង Havana Kings ដែល​គ្រប់​គ្នា​ចូល​ចិត្ត​នឹង​ត្រលប់​មក​វិញ​ នាំ​យក​មកនូវ​តន្ដ្រី​បែប Latin Jazz និង Salsa។ សម្រាប់​លើកនេះ​ពួ​ក​គេ​នឹង​សម្ដែង​នៅ Alchemy សម្រាប់​រាត្រី​នេះ​ក៏មាន​ភេសជ្ជៈ​ពិសេសហៅ​ថា “Latin-infused cocktails” ក្រឡុក​ពី​ស្រា​ Tequila។ ចំពោះ​ការ​សម្ដែង​នេះគឺ​ចូលរួម​ដោយសេរី ចាប់​ពី​ម៉ោង ៨ដល់ ១០យប់​នៅ Alchemy Gastropub ផ្លូវ​ ១២៣។​​  

 

អ្នក​ជំនាញ​ខាង​ក្បាច់រាំ​ Heang ដើមកំណើតពីខេត្ត​សៀម​រាប បាន​ផ្លាស់​ប្ដូរ​ក្បាច់​រាំ​បែប​ប្រពៃណី ហើយ​មក​ផ្ដោត​សំខាន់លើ​ការ​រាំ​ចង្វាក់​ហ៊ីបហប​វិញ​ម្ដង។ ចាប់​ពី​ពេល​នោះ​មក​នាង​ បាន​ក្លាយ​ជា​រាំ​ជំនាញ​ម្នាក់​ដោយ​ធ្លាប់​រាំជាមួយ​តារា​ល្បី​ៗ ដូច​ជា Laura Mam និង Oun ជា​ដើម។ សម្រាប់​ល្ងាចថ្ងៃ​សៅរ៍​នេះ​នាង​នឹង​បង្រៀន​ក្បាច់​រាំ​ខ្លះ​ៗរបស់​នាង​នៅ LF Social Club។ ចាប់​ពី​ម៉ោង ៩ដល់​ពាក់​កណ្ដាល​អាធ្រាត្រ​នៅ LF Social Club ផ្លូវ​លេខ ៣០៨។.​​

 

មានអ្វី​នៅ​យប់​ជ្រៅ?

 

Vent នៅ Reggae Rooftop បាន​ត្រលប់​​មកវិញ​ហើយ ជាមួយ​នឹង​ Guest DJ ពិសេស​​គឺ​ King GNS ដែល​យប់​មិញ​ទើប​តែ​សម្ដែង​នៅ Club Love។ អ្នក​រៀប​ចំ​កម្មវិធី​នេះ​ផ្ទាល់គឺ​លោក Andrew Mam បាន​និយាយ​ថា King GNS (aka Jarius) គឺ​ជា​មិត្ត​ចាស់​របស់​លោក ដែល​ធ្លាប់​តែ​ជួល​ឲ្យ​ចាក់​ភ្លេង​សម្រាប់​ការ​ប្រលង​រាំ​ប្រជែង​គ្នា ជាច្រើន​ដង​តាំង​ពី​នៅ​សហរដ្ឋអាមេរិក​មក​ម្ល៉េះ។ អីចឹង​ធានា​ថា​កម្មវិធី​នេះ​ដឹង​តែ​កក្រើ​ក​តែ​ម្ដង។ ចាប់​ពី​ម៉ោង ១០យប់​ដល់ ៣ទៀបភ្លឺ​នៅ One Love Reggae Rooftop ផ្លូវ​​លេខ ១៧២។

 

ថ្ងៃ​អាទិត្យ

 

មានអ្វី​ដាក់​បញ្ចាំង?

 

អ្នក​ដឹក​នាំ​រឿង​សញ្ជាតិ​អូស្ដ្រាលី​លោក Rodd Rathjen ទើប​តែ​មាន​ភាពយន្ត​ថ្មី​ចុងក្រោយដាក់​បញ្ចាំង​ចុង​សប្ដាហ៍​នេះ។ តារា​សម្ដែង​ខ្មែរ​ពីររូប បាន​សម្ដែង​ជា​តួអង្គ​សំខាន់​ ដែល​ភាពយន្ត​នេះ​បាន​ថត​នៅ​ប្រទេស​កម្ពុជា​និង​ថៃ​ផងដែរ។ ​Sarm Heng ដើរតួ​ជា​ក្មេង​វ័យ​ជំទង់​មួយ​រូប​ដែល​ត្រូវ​គេ​លក់​ ទៅ​ធ្វើ​ជាទេសករ​អ្នក​នេសាទ​ត្រី ដែល​ត្រូវ​ទទួល​រង​ការ​ធ្វើ​បាប​ជា​ច្រើន។ ​ Buoyancy ​ឬ​ចំណង​ជើង​ខ្មែរ​ហៅ​ថា រសាត់អណ្ដែង បានថត​ទាំង​នៅ​ប្រទេសកម្ពុជា​និង​ថៃ​ សម្ដែង​ដោយ​​តារា​សម្ដែង Mony Ros និង Thanawut Kasro ផង​ដែរ។ ចាប់​ដាក់​បញ្ចាំង​នៅ​ម៉ោង​ជា​ច្រើន​នៅរោងកុន Major Cinplex។ 

 

មាន​អ្វី​ទៀត?

 

ថ្ងៃនេះគឺ​មាន​ Workshops ពី​រទៀត​ជា​ផ្នែក​នៃ  Phsar Art Fair។

 

ដំបូង​គឺ​ជា​ថ្នាក់​ធ្វើ​នំ miniature rainbow cake making class បង្រៀន​ដោយ​អ្នក​ជំនាញ​សញ្ជាតិម៉ាឡេស៊ី​ TinyPinc។ អ្នក​ចូលរួម​នឹង​រៀន​ពី​របៀបផលិត​នំ​តាំង​ពី​ដុត​​ និង​ការ​រចនា។ ចំពោះ​ថ្នាក់​ចាប់​ពី​ម៉ោង​ ៩ព្រឹក​ដល់​ថ្ងៃ​ត្រង់​នេះ​គឺ​មាន​តម្លៃ ៣០ដុល្លារ ដោយ​តម្រូវ​ឲ្យ​ចុះ​ឈ្មោះ​ជាមុន។ នៅ​ពេល​ថ្ងៃរសៀល​បន្ទាប់​ពី​នេះ​គឺអ្នក​សិល្បៈ  ​​Chelsea Middendorf នឹង​បង្ហាញ​ពី​របៀប​សម្គាល់​ទំព័រសៀវភៅ​យ៉ាង​ស្ទាត់​ជំនាញ​ bookbinding workshop ចាប់​ពី​ម៉ោង ៣កន្លះ​ដល់ ៥ល្ងាច។ តម្លៃ​ចូលរួម​គឺ ១៥ដុល្លារ​ ព្រមទាំង​តម្រូវ​ឲ្យចុះ​ឈ្មោះ​ជាមុន​ផង​ដែរ។ The Plantation Urban Resort and Spa មាន​ទីតាំង​នៅ​តាមបណ្ដោយ​ផ្លូវ​លេខ ១៨៤។

 

Cambodia-Korea Cooperation Center រៀប​ចំ​កម្មវិធី​ជប់​លៀងបុណ្យ​ហាឡូវីន​មុន​គេ​បន្តិច​ ជាមួយ​នឹង​ការ​តែង​ខ្លួន​បែប Cosplay ចាត់​ចែង​ដោយ DarkFantasy Halloween។ អីចឹង​ចាំ​អង្គាល់​រៀប​ចំ​ Outfit ឲ្យ​ហើយ​ទៅ​ហើយ​ចូលរួម​ឲ្យ​ផ្អើល​គេ​ឯង​ម្ដង។ ចាប់​ពី​ម៉ោង ១ដល់ ៦ល្ងាច​នៅ CKCC ផ្លូវ​លេខ ៥៩៨។

  

 

Continue Reading
You may also like...
Click to comment

Leave a Reply

More in មគ្គទេស​ចុង​សប្ដាហ៍

You Might Like…

អត្ថបទ​សំខាន់​​ និង​ កិច្ចស​ម្ភាសន៍​ផ្សេងៗ

ជួបជាមួយជើងខ្លាំងដែលអ្នកមិនធ្លាប់លឺពីមុនមក គឺអ្នកស្រី សយស្រស់

By ខែ​មិថុនា 15, 2020

Our Writers

Facebook

Take Me To…

To Top