Connect with us

​ដើរលេងកម្សាន្ត​នៅភ្នំពេញចុង​សប្ដាហ៍នេះ

មគ្គទេស​ចុង​សប្ដាហ៍

​ដើរលេងកម្សាន្ត​នៅភ្នំពេញចុង​សប្ដាហ៍នេះ

​ដើរលេងកម្សាន្ត​នៅភ្នំពេញចុង​សប្ដាហ៍នេះ

គន្លឹះពី​ទីកន្លែងល្អ សម្រាប់ដើរ​កម្សាន្ត​តាំងពីល្ងាចថ្ងៃសុក្រដល់ព្រឹកថ្ងៃអាទិត្យ

ប្រែសម្រួលដោយ ណុច ធារ៉ូ

Read this in English >

ថ្ងៃសុក្រ

 

មាន​អ្វី​ដាក់បញ្ចាំង?

ដើម្បី​បញ្ចប់​ទិវា​គ្មាន​ផ្លាស្ទិក​សម្រាប់ខែកក្កដា The Flicks នឹង​ដាក់បញ្ចាំង​ភាពយន្ត​ឯកសារ A Plastic Ocean ជា​ភាសា​ខ្មែរ។ ភាពយន្ត​នេះ​នឹង​ផ្ដោតទៅលើ ការ​ស្រាវជ្រាវរបស់​អ្នក​កាសែត Craig Leeson ចំពោះជីវិតរបស់​ត្រីបាឡែនយក្សពណ៌ខៀវ ផ្ទុយ​ទៅវិញ​លោក​បាន​រកឃើញប្លាស្ទិក​ជា​ច្រើន​នៅ​ជម្រៅបាទសមុទ្រគួរឲ្យតក់ស្លុត។ ភាពយន្ត​នេះ​នឹង​ដាក់បញ្ចាំង​ដោយ​ឥតគិតថ្លៃ​ចាប់ពី​ម៉ោង​៦ល្ងាច​តទៅ។

 

មានអ្វីទៀត?

បើ​សិន​ជា​មិន​ចង់​ទៅ​មើល​ភាពយន្ត​ប៉ុន្តែ​ចង់​ដឹង​ពី​គន្លឹះ​ខ្លះៗ ដើម្បី​ផលិត​ដោយ​ខ្លួន​ឯងវិញ Cambodian Film Commission  បានរៀប​ចំកម្មវិធី Workshop មួយ​ចាប់​ពី​ម៉ោង​ ៣ ដល់ ៦ ល្ងាច ដើម្បី​ដឹង​ពី​គន្លឹះដាក់​ពាក្យ​ចូលទៅ ស្ថានីយ៍ផលិត​ភាពយន្ត​កម្រិត​អន្តរជាតិ​ គម្រោងទីផ្សារ​ក៏ដូច​ជា​ ការ​ស្វែង​រកទុន​ដើម្បី​​ផលិត​ភាពយន្តទៀត​ផង។ ក្នុង​ឱកាស​នេះ អ្នក​អាច​ក៏​មក​ស្ដាប់​ការ​ពិភាក្សា​តុមូលពីផលិតករ​ដែល​មាន​ទេពកោសល្យ​ ដូច​ជា​លោក ​Polen Ly, Kavich Neang និង​អ្នកជំនាញ​សរសេរ​ Scrip លោក Daniel Mattes។ 

 

មានអ្វី​លើ​ឆាក​សម្ដែង?

ធ្វើ​ដំណើរ​ទៅកាន់ ទីតាំងមួយ​ដោយ​សម្បូរ​ទៅដោយ​បទ​ភ្លេងហ្សាស​យ៉ាង​ពីរោះ​រណ្ដំ ដោយ​តារាឥណ្ឌូនេស៊ី​មួយគូរ Intan Metta និង Metta Legita នៅ Farm to Table ។​ តារាចម្រៀង Intan នឹង​សម្ដែង​តាម​ស្ទីល​ស្រដៀង​នឹង Ella Fitzgerald និង​ម៉ូដសម្លៀកបំពាក់​បែប Daisy Buchanan ខណៈ Metta Legita ​ជា​អ្នក​លេង​ព្យ៉ាណូ និង​លោក Sebastien Adnot ជំនាញ​ខាង​បាស់។ ចាប់​ពី​ម៉ោង ៦កន្លះ​ដល់ ៩កន្លះយប់​នៅ Farm to Table ផ្លូវលេខ ៣៦០។

បើ​សិន​ជា​ចង់​មើល​ការ​សម្ដែង​បន្ថែម​ទៀតយប់នេះ ទៅ​កាន់ Cloud ដើម្បី​ចូលរួម​ទស្សនា​កម្មវិធី Friday Double Feature ដែល​មាន​ក្រុម​ចម្រង​ដល់​ទៅ​២ នឹង​សម្ដែង​យប់​នេះ។ បើ​ស្រលាញ់​តន្ដ្រី​ហ្គីតា​និង​បាស់ Vince and the Bassman ប្រាកដ​ជា​បម្រើ​អារម្មណ៍លោក​អ្នក​ឲ្យ​កាន់តែជក់ចិត្ត ខណៈ Samsara ជា​អ្នក​ទទួល​ខុសត្រូវ​ខាង​ចង្វាក់ ហ្គីតា​និង​ស្គរ។

 

មាន​អ្វី​នៅ​យប់​ជ្រៅ? 

ក្រុម​ចម្រៀង Mustache Band នឹង​សម្ដែង​យប់​នេះ​នៅ  QK Club ដែល​ជា​កម្មវិធី​ឧបត្ថម្ភដោយស្រាបៀរជីវ៉ាស់ ហិនណេស៊ី​ និង Johnnie Walker។ អ្នក​ណា​ខ្លះ​ស្រលាញ់​ក្រុម​ Mustache Band ខ្លាំង បើ​ស្រលាញ់​កុំភ្លេច​ចូលរួម​ទាំង​អស់គ្នា​ណា។

  

ថ្ងៃសៅរ៍

 

មានអ្វី​ដាក់​បញ្ចាំង?

 

នេះ​ជា​រាត្រី​ដ៏ពិសេស​មួយ​សម្រាប់ភាពយន្ត​ឯកសារ​នៅ​ភ្នំពេញ​ ដោយ​នៅ​ Meta House ម៉ោង​៧ នឹង​មាន​ដាក់​បញ្ចាំង​រឿង “អង្គការ” ដែល​ជា​ស្នាដៃ​ផលិត​របស់​ផលិតករភាពយន្ត​ខ្មែរ Neary Adeline ចូលរួម​សម្ដែង​ដោយ Hay Khonsaly ខណៈ​ពេល​ដែលលោក​បាន​ជួប​ជាមួយ​ខ្មែរ​ក្រហម​ ដែល​បាន​រស់ក្នុង​ភូមិ​ជាមួយ​គ្នា​អស់​រយៈពេល​ដល់​ទៅ ៤ឆ្នាំ។ ភាពយន្តនេះ​បាន​ឈ្នះ​ពាន​រង្វាន់​ជា​ច្រើន​រួច​ទៅ​ហើយ​ ដូច​ជា International Filmmaker Award Winner នៅ City Open Documentary Festival, Prix du jury lycéen au Festival Les Ecrans Documentaires ឆ្នាំ 2018 និង​ឈ្នះ​ភាពយន្ត​ឯកសារល្អ​បំផុត​នៅ Femme Revolution Film Fest។

 

មាន​អ្វី​លើ​ឆាក​សម្ដែង?

ពី​កំពត​មក​ដល់​ភ្នំពេញ​ ក្រុម​ចម្រៀង Kampot Playboys នឹង​សម្ដែង​យប់​នេះ​នៅ ​LF Social Club ចាប់​ពី​ម៉ោង ៩កន្លះ។ អ្វី​ដែល​រំភើប​សម្រាប់​ក្រុម​ចម្រៀង​នេះ គឺ​ពួក​គេ​នឹង​យក​សិល្បៈសម្ដែង​បែប​ខ្មែរ​ទៅ​សម្ដែង​នៅ​ក្នុង​កម្មវិធី​ Darwin Festival។ អីចឹង​មក​ចូលរួម​ដើម្បី​គាំទ្រ​ទាំង​អស់​គ្នា។

 

មាន​​អ្វីទៀត?

Go Green Cambodia នឹង​ប្រារព្ធកម្មវិធី​ជប់លៀង​បញ្ចប់​ទិវាខែកក្កដា​គ្មាន​ប្លាស្ទិក ដោយ​ធ្វើការ​ជួបជុំគ្នា​សម្អាត​សម្រាម​នៅ  Institute of Technology of Cambodia។ កម្មវិធី​នេះ​ក៏មាន​ការ​ចូលរួម​ពី UNDP និង​ធនគារពិភពលោក ដោយ​ពួក​គេ​បាន​ខិតខំ​យ៉ាង​សស្រាក់សស្រាំក្នុង​កិច្ចការ​អស់រយៈ​ពេល​ជាង ៣ ឆ្នាំ​មក​ហើយ ក្នុង​ការដាក់​បញ្ចេញ​នូវទិន្នន័យ​វិភាគផ្លូវការ​មួយ​ឈាន​ទៅ​ដល់​ការ​ហាម​ឃាត់ ប្រើ​ប្រាស់​ចង់ប្លាស្ទិក។

គិត​ថា​ល្ខោន​ស្បែក​ខ្មែរ​ពិត​ជាពិសេស ហើយ​ចង់​ស្គាល់ឲ្យច្បាស់​ទៀត​នោះ ឱកាស​មក​ដល់ហើយ ក្រុមល្ខោន​គោកធ្លកខ្មែរ នឹង​ប្រារព្ធកម្មវិធី Workshop មួយ​នៅ បណ្ណាល័យ​ជាតិ​កម្ពុជា ដែល​នឹង​បង្រៀនអ្នក​ឲ្យ​ចេះ​ធ្វើ​ខ្លួន​ឯង​តែ​ម្ដង។ អីចឹង​ចាំអង្គាល់? 

រសៀល​ថ្ងៃ​នេះ​អ្នក​ក៏អាច​ ទៅកាន់ the Factory ដើម្បី ទៅ​ទស្សនា​កិច្ចពិភាក្សាអំពី​សារៈសំខាន់ នៃ​គំនិត​ច្នៃប្រឌិត និង​ការ​រចនា​ផ្សេងពី​អ្នកជំនាញ​ផ្សេង ជាពិសេស​អ្នកជំនាន់​ក្រោយ​តែម្ដង។ ជាធម្មតា​ទីតាំង​នេះ​សម្បូរ​ទៅ​ដោយ​​អ្នក​មាន​ទេពកោសល្យ អីចឹង​កុំភ្លេចឈៀងចូលទៅមើល ទាំង​អស់​គ្នា។

តែ​បើស្រលាញ់​សៀវភៅវិញ កុំភ្លេចទៅកាន់​ Aeon Mall ក្នុង​កម្មវិធី​ពិពរណ៍សៀវភៅ ដែល​អ្នក​អាច​មាន​ឱកាស​ទិញ​សៀវភៅបញ្ចុះតម្លៃ សៀវភៅដាក់ឲ្យ​យក​ដោយ​ឥតគិត​ថ្លៃ និង​ការ​ចាប់​រង្វាន់ផ្សេង​ៗជា​ដើម ទាំង​ថ្ងៃ​សៅរ៍និង​អាទិត្យ។

តែ​បើ​ស្រលាញ់​ខាង​សិល្បៈគំនូរ មកកាន់ Bong the Gallery ដែល​នឹង​មាន​ការ​ដាក់តាំង​ពិពរណ៍គំនូរ​ដោយ​អ្នក​ជំនាញក្រាហ្វិកសញ្ញាតិជប៉ុន Khart។ ពិពរណ៍នេះ​មាន​ឈ្មោះ​ថា “Keep the Faith” ដោយ​បង្ហាញ​ពី​ទេពកោសល្យ​របស់លោក បូកបញ្ចូលនឹង​ការ​ស្រលាញ់​តន្ដ្រីបែប Punk Rock ក្នុង​លក្ខណៈ​ស ខ្មៅ។

Love, Sex & She-Bots ជាកម្មវិធី​ល្អ​មួយ​សម្រាប់​អ្នក​ចូលចិត្ត​កំណាព្យ និង​បែប​ spoken word។ កម្មវិធី​នេះ​នឹង​ចាប់​ផ្ដើម​ពី​ម៉ោង ៥​ទៅ​ នៅ Hey Hey។ អីចឹង​បើ​សិន​អ្នក​ជា​ Feminist មួយ​រូប​ឬ​ចង់​ដឹង​កាន់​តែ​ច្បាស់ ឬ​អ្នក​ស្រលាញ់​ខាង​កំណាព្យកាព្យឃ្លោង​បែប​អន្តរជាតិ កុំភ្លេចចូលរួម​ទាំង​អស់​គ្នាណា។​

 

មាន​អ្វីនៅ​បញ្ជីភេសជ្ជៈ?

The Vine នៅ​តាមបណ្ដោយផ្លូវ ១៧២ នឹង​រៀប​ចំកម្មវិធី​ជប់លៀងបែប​គ្រីស្តម៉ាស (ពិសេសសម្រាប់​អ្នក​នឹកបុណ្យ​នេះ​ខ្លាំង)។ កម្មវិធី​ជប់លៀង​នេះ​នឹង​សម្បូរ​អាហារ និង ស្រា​ដ៏សម្បូរបែប​ ព្រម​ទាំង​មាន​កន្លែង​ចាក់សាក់​ទៀត​ផង។

មិន​ខុសពី​សប្ដាហ៍មុនប៉ុន្មាន​ Fizz ក៏​នឹង​រៀប​ចំកម្មវិធី​មួយ​ទៀតគឺ ថ្ងែបុណ្យស្រា Scotch អន្តរជាតិ។ បើ​សិន​ជា​ចូលចិត្ត​ស្រា Scotch ឬក៏ចង់​សាក ទៅ​ Fizz ថ្ងៃ​សៅរ៍នេះ​បន្តិចមើល៍។ 

 

ថ្ងៃអាទិត្យ

មាន​អ្វី​ដាក់បញ្ចាំង?

Factory នឹង​ដាក់​បញ្ចាំង​ភាពយន្តឯកសារ​ដ៏សំខាន់​មួយចំណង​ជើងថា Knock Down the House នៅ​ម៉ោង ១កន្លះរសៀល ដែល​ជាភាពយន្តនិយាយ​រៀបរាប់ បេក្ខភាព​៤ ខិតខំប្រឹងប្រែង​រក​ដំណែង​របស់​ខ្លួនឲ្យ​បាន​លើ​សភា​អាមេរិក ក្នុង​ការ​ជម្នះភាពអយុត្តិធម៌ផ្សេងៗ ដែល​មាន​នៅ​ក្នុង​ប្រទេស។​

 

មានអ្វី​ទៀត?

ខណៈមក​ដល់ Factory ហើយ​ឈៀង​ទៅ​ចូលរួម​កម្មវិធី Open Mic និង Brunch ចាប់​ពី​ម៉ោង​ ១១ ព្រឹក​ដល់​ ៥ល្ងាច​ដោយមាន​លោក Gerard Evans ចូលរួម​ច្រៀង​កំដរជាមួយ​លោក ​Antonio Elchic។ 

នេះ​ជាចុងសប្ដាហ៍​ពិសេស​មួយ​សម្រាប់​សិល្បៈកម្ពុជា ព្រោះ​ម្សិល​មិញ​អ្នក​បាន​រៀន​របៀបធ្វើ​ល្ខោន​ស្រមោល ថ្ងៃនេះ​អ្នក​នឹង​អាច​រៀន​រាំ​របាំ​ខ្មែរ​វិញ​ម្ដង​នៅ សារៈមន្ទីជាតិ។​ ក្នុង​រយៈពេល​ប្រមាណ​ជា​មួយ​ម៉ោង​កន្លះ Workshop នេះ​នឹង​បង្ហាត់​ពី​របៀប​រាំ​របាំ​៣បែប។ បើ​សិន​ជា​មិន​បាន​ចូលរួម​ថ្ងៃនេះកុំបារម្ភ ព្រោះ​ Workshop នេះ​ធ្វើ​ឡើង​រាល់​ថ្ងៃ​រហូត​ដល់​ដាច់ខែ។ 

ចំពោះ​អ្នក​និយមចូលចិត្ត TEDEd Talks កុំភ្លេច​ទៅកាន់ Rodwell Learning Center ដើម្បី​ទស្សនាសិស្ស​មួយ​ក្រុម​ បង្ហាញ​ពី​ប្រធានបទ​ផ្សេងៗ បន្ទាប់​ពី​ចំណាយ​ពេល​ដល់​ទៅ ៥ខែឯណោះ ក្នុង​ការ​ស្រាវជ្រាវ​ប្រធានបទ​នីមួយៗរបស់​គេ។ 

មនុស្ស​គ្រប់​គ្នា​ទូទាំង​ពិភពលោក​សុទ្ធ​តែ​មាន​បំណង​ផ្លាស់ប្ដូរ​ពិភពលោក ដូច្នេះ​មក​កាន់  Impact Hub ដោយ​អ្នក​នៅ​ទី​នោះ​នឹង​រៀប​ចំកម្មវិធី​លេង​ល្បែង​កម្សាន្ត​មួយ​ សម្រាប់​អ្នក​ចង់​បាន​គំនិត​ថ្មី​ៗក្នុងការ​ធ្វើ​ជំនាញ​ពាណិជ្ជកម្មផ្សេងៗក្នុង​សង្គម។ ​ 

 

មាន​អ្វី​លើ​បញ្ជី​មុខម្ហូប?

នៅ​ឯនាយ Chinese House ចុង​សប្ដាហ៍​នេះ​នឹង​បម្រើ​អាហារ​បែប​ក្រិក​វិញ​ម្ដង។ ដូច​ច្នេះ​បើ​សិនជា​អ្នក​ចូល​ចិត្ត​អាហារ​បែប​ក្រិក​ ព្រម​ទាំង​ស្រាក្រហម​ បុហ្វេ​សាច់​ចៀម អូលីវ​បែប Moussaka និង Kalamata នោះ​អ្នក​នឹង​មិន​ខក​បំណង​នោះ​ឡើយ៕

 

Click to comment

Leave a Reply

More in មគ្គទេស​ចុង​សប្ដាហ៍

You Might Like…

អត្ថបទ​សំខាន់​​ និង​ កិច្ចស​ម្ភាសន៍​ផ្សេងៗ

ជួបជាមួយជើងខ្លាំងដែលអ្នកមិនធ្លាប់លឺពីមុនមក គឺអ្នកស្រី សយស្រស់

By ខែ​មិថុនា 15, 2020

Our Writers

Facebook

Take Me To…

To Top